|
محتار وين اتجه في سبتمبر السلام عليكم ورحمة الله وبركاته عددنا زوجين واطفال 10 و8 سنوات اجازة نص سبتمبر على خير 12 يوم مع الذهاب والعوده محتار وين نسافر ماليزيا او اوروبا ابي جو ممطر وحلو مع العلم فيه حجز شنغن التشيك بس راح ننزل على بودابست ونطلع سويسرا والنمسا والتشيك تكون حجوزات وهميه على طيران ويز اير هل فيه مشاكل والفيزا جديده او لا لان مافي للتشيك على ويزاير او اخليها ماليزيا مع العلم سبق وزرتها عام 2018 ويعطيكم العافيه |
وعليكم السلام ورحمة الله وبركاته أولاً: بخصوص الفيزا وتقديم الحجوزات الوهمية انت عارف الطريقة وهذا ممتاز ثانيا : نزولك في بودابست عن طريق wizz air والفيزا تشيكية ما عندك مشكلة اذا عندك حجوزات وهمية فالتشييك . مالها علاقة شركة الطيران بخصوص الجو الحلو والممطر اتجه لأوروبا من أفضل الشهور سبتمبر لأن ماليزيا ممكن أمطار بس الرطوبة بتزعجك . ثالثاً : 12 يوم ذهاب وعودة يصفالك 10 أيام خليك عالنمسا و ألغي سويسرا استمتع بالمناطق ولا تضيّع الوقت بالتنقلات . |
الافضل العوده من ڤيينا او رايك من بودابست اذا بستأجر سياره من بودابست ورايكم في ايجار السياره من وين وابي شقق توفر البطاقه الصيفيه اوفر لنا |
-------------- |
بخصوص عودتك أفضّل ڤيينا ، ولكن على حسب تكلفة تسليم السيارة في دولة أخرى بعض الشركات تفرض رسوم مرتفعة تقريباً ألف ريال |
اذا عندك خبره افضل شركه ولو فيه شركات بدون رسوم مكان تسليم السياره |
هذي شقق وفنادق توفر البطاقة الصيفية وغيرها كثير https://www.booking.com/Share-6q7hhe4 https://www.booking.com/Share-QELlUiF https://www.booking.com/Share-I6GzA2 https://www.booking.com/Share-5EKdsfR |
اقتباس:
الفرق تقريباً 1000 الى 1500 ريال أنت مخيّر ، ولكن الأفضل تسليمها في بودابست . شيك عالشركات هذي sixt , avis , budget , europcar |
ڤيينا المطار ماابي اوصله عشان النقاب بالاماكن العامه اخليها على بودابست السياره افضل والنقاب فيه مضايقات بالنمسا او لا |
النقاب ممنوع على أراضي النمسا كاملة |
قريت بخصوص النقاب فيه كلام انهم عادي ومااحد قايل شي وفيه ناس غرموهم حتى على كمام احترنا والله والاهل مايبون يكشفون الوجه ماندري وين الخيره |
والله يا طويل العمر الغرامات متوقعة بحكم الأنظمة ولكن يغرمون عالكمامة هالشيء ما ادري عنه ولا لهم حق النظام المنتشر كمامة ونظارة وتمشي الأمور |
الأخ Eyad1610 .. النظام في معظم الدول الأوروبية أقرت بأن تغطية الوجه بالغطاء الكامل أو بوضع البرقع يعتبر مخالفة صريحة و تفرض عليها غرامة مالية في حين الحجاب مسموح و لا يعتبر مخالف |
قريت ان سويسرا مو كلها ممنوع النقاب فيها اهم شي جريندالوالد وانترلاكن بس هل تسوى 12 يوم فيها هل يسوى انزل بودابست وبعدها اروح براغ يومين وبعد اطلع سويسرا واكنسل النمسا دام ممنوع النقاب فيها لان الاهل رافضين الكشف او اكنسل كل اوروبا واروح شرق اسيا تايلاند 😅 |
ممنوع النقاب في سويسرا في إقليم سانت غالين واقليم تيشنو من براغ الى انترلاكن تقريباً 9 ساعات قيادة ، الخطة جداً متعبة في الذهاب والعودة .. شرق أسيا عموماً رطبة وحارة هالفترة من رأي شوف بولندا أو سلوفينيا |
و عليكم السلام و رحمة الله و بركاته أوروبا حرام تروح لها فقط بـ 12 يوم ! زينتها وقت طويل و تتمشى على روقان :e110: و زرت ماليزيا قريباً ، فـلا ترجع لها اللحين :) وش رأيك بكوريا !؟ صح تحتاج وقت أطول بس مو مثل أوروبا ! ما يبي لها فيزا و النقاب مسموح و حلوة و فيها آكتيفيتي كثير و أمان و ممتعة ، و وجهة جديدة :D و بالنسبة للنقاب في النمسا فهو ممنوع .. و سويسرا ممنوع في ( إقليم تيشينو الجنوبي ) .. , الكمامة ما عمر أحد خالفنا عليها :D |
| الساعة الآن 12:40 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO