|
هام ارجو الرد انا دخلت اندونسيا بجواز اخي شبيهي وانا لو حجزت تذكرتين طيران على ماليزيا باسمي و اسم اخي ولمن اوصل مطار ماليزيا اقدم جوازي حتى ارجع على اندونسيا بجوازي و يصبح دخولي بجوازي واستغني عن جواز اخي ارجو منكم الرد شكرا لكم:24: |
اخوي اسمح لي اقولك انت بايعها !! وبتجيب لنفسك مصيبة انت واخوك |
غريب انك تتصرف زي كذا لان هذي مخاطرة كبيرة لكن لو وصلت ماليزيا راح يسألك من وين جاي ؟ واذا قلت إندونيسيا راح يشيك على الأختام وبالتالى تدخل بمشكلة جديدة |
حملك لوثائق سفر شخص اخر هذي لحالها جريمه (مجرد الحمل ) كيف انك تستعملها !! ارجع للسعودية بس ... |
يا أبن الحلال .. ناس يصير معاه خطأ في كتابة الأسم بين الجواز و التذكرة تطقه أم الركب و النفاظة و يتوتر و ينقص وزنه 6 كيلو في 4 ساعات ... و أنت جاي تقول بدخل ما أدري دخلت ديرة ثانية بجواز أخوي علشانه يشبهني و برجع بجوازي و تذكرتين حاجز و ما أدري أيش الله يصلحك بس ... أرجع دريتك و الله اللى تسويه مخاطرة كبيرة و تعرض نفسك فيها للخطر و المسائلة القانونية في الخارج و الداخل و قد يصل الحال بك إلى السجن أذا أنكشف الأمر |
اقتباس:
انت تفكر الدنيا فوضه حتى لو بالصور تتشابهون 100% شكلك ناسي البصمة نصيحة ارجع للسعودية عشان اخوك يقدر يسافر مره ثانية لماليزيا بجوازه الاشكالية ليست في وقتها ولكن فيما بعد الحين لو سافرت ماليزيا وتبي ترجع انت واخوك اندونيسيا وكل واحد بجوازه اخول اول ماينزل المطار بصمته لن تتطابق مع دخولك الاول بجوازه واللي بالجهاز هي بصمتك اللي اعرفة الحين الدخول لاي بلد يطبق البصمة وانت واخوك لاعاد تطبون اندونيسا للابد والا بتنكشف وربما تدخل في متاهات انت في غنى عنها وكذلك اخوك بسبب عدم تطابق البصمة مع البيانات نقطتين حطها في بالك 1- انت دخلت بجواز اخوك والبصمة لك يعني تحايل ودخول البلد بطريقة غير شرعية وبجواز شخص اخر وهذي فيها محاكمة وسجن 2- اخوك نفس الشيء لو سافر اندونيسيا بياناته موجودة ولكن البصمة تختلف يعني نفس اللي يطبق عليك وزيادة انو اعطى جوازة لشخص اخر لدخول غير مشروع وهنا عقوبته اكثر منك ارجع للسعودية واحمد ربك ان رجعت سالم وماكشفوك كذلك انا استغرب من هنا كيف ما انكشفت وبصمتك غبر عن اخوك شكل جوازاتنا الله بالخير |
[CENTER] اقتباس:
لو تم كشف امرك في اندونيسيا مصيرك السجن ولا اكلمك عن سجنهم والله ما تستطيع البقاء فيه دقيقة واحدة غوانتانامو ارحم منهم وصاخه قذاره تكدس ولا احد يسأل فيك انتبه لا تقع نصيحة محب |
اليوكن الاسود بالانتظار عند صالة القدوم :e439: |
سؤال واحد محيرني ليش اتسوي جذي شنو المغزى ؟؟ |
ليست بشطاره ليش الواحد يدخل نفسه في متاهات وأمور هو في غنى عنها مادري شقول بصراحه ارجع والله يعين |
| الساعة الآن 08:07 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO