|
هل انا مدمن .... سوالف خفيفه ايها المسافرات الماجدات ايها المسافرون الافاضل ايها الشعب الكريم :1: السلام عليكم ورحمة الله من عادتي اليوميه الجلوس في مكتبي بالبيت لمده ساعتين كل ليله افتح فيها الاخبار والمنتديات والايميل وما الى ذلك لاحظت انني اخطط للسفر اكثر مما يجب .. مع ان السفر باقي له 3 شهور مثلا واحيانا اكثر .. افتح بوكنج واشيك الفنادق وافتح الخرائط واشوف المسافات بين المدن وافتح المسافرون العرب واقرا في قوقل ( تجربتي في السفر الى ... ) وهكذا بشكل اصبح كأنه ادمان .. قبل كل سفره اجدني منشغل بها واحيانا احط وجهة افتراضيه اخرى .. اقول مثلا بدلا من المانيا -التي اخطط للسفر لها - طيب لو رحت روسيا .. مثلا فاشيك اسعار الشقق والفنادق والطيران حتى حفظت رموز المطارات الدوليه :1: هل انا وحدي ؟ اعترفوا هل تفتحون البوكنج وتخططون مسبقا هل حفظتوا خطوات سكاي سكنر بانتظار جوابكم قولوا تكفون ( لست وحدك) |
السلام عليكم و رحمة الله و بركاته .. حياك الله أخوي "أبولجيـن" لا و الله من لحالك يا أخوي .. ما أدري متى بدأت معك الحالة .. و لكن أبشرك من سنين طويلة و هذا حالنا لدرجة أني صرت أعرف توقيت بعض الرحلات و العروض .. و في كل رحلة أخطط لها أحجز قبل السفر بـ 6 أشهر و أضع مسارات للرحلة و أحفظها و أرجع بها بشكل مستمر و أعدل عليها "أن لزم" يا ما أكثر التعديلات حتى أثناء السفرة لابد من التعديل .. حسب ظرف الرحلة و المكان ... "بصراحة.. أجد متعة لا تضاهى في البحث و القراءة عن السفر و الرحلات .. و لدي ملف خاص في جهازي .. ممتلئ بالوجهات التى زرتها و التى تحت المجهر .. و التى لم تنضج بعد .." شكراً لكي أخي "أبولجيـن" للأنك أتحت لنا الفرصة للتعبير عن أدماننا للسفر و مخططاته .. |
اضحكتني ياابو لجين اضحك الله سنك لا لا لا ثم لا لست وحدك:32: انا اكثر منك والله انا اخطط وابرمج واتكتك قبل تسعة اشهر واكثر وانام نوم في بوابة البلد اللي ناويه اسافرلها وادور وابحث كل صغيرة وكبيره واعرف عن البلد كل شي حتى لما يحين موعد السفر اجد نفسي خبيره درجه اولى احيانا يسالني بعض الاقارب او الاصدقاء ان اجدول لهم سفرة الى بلد معين فاكون في اسعد حالاتي وانا ادور وابحث في النت وكان السفرة لي انا مش لغيري انا اسميه هوس الاسفار |
اقتباس:
تنهيدت ارتياح مع ابتسامه دعاية المراعي ( انها ابتسامه الرضى ) :14: تصدق انك طمنتني .. انا كنت مخبي الموضوع احسبه سر واني مبتلى هههههههههه حلوة قولتك ( اعرف مواعيد بعض الرحلات ) .. اعجبتني وصف بليغ للحاله ... البحث متعه وقد قيل سابقا : الاعداد للسفر يساوي متعه السفر نفسه حلوة ( الوجهات التي لم تنضج بعد ) ههههههههههههههههههههههههه مداخله جميله ولطيفه اخوي ابو معتز |
اقتباس:
ضحكت سموك احد الاهداف حفظكم الله .. مزيد من الطمأنينه اشعر انني (انام قرير العين في شرنقتي ) بعد هالتصريحات :7::14: منك ومن ابو معتز .. حلوة ( الاهتمام بتفاصيل التفاصيل ) .. والله احس اني غثيت قوقل ماب من كثر مااكبر الخرائط .. تصدقين ان قولك لما يحين السفر اكون خبيره قد يذهب بعض المتعه .. ليتنا كلنا نقدر نروح ونستمتع بالمشاهد والمواقع من غير سابق علم ... خططت مره للفلبين باجيو وبعد شهر لقيت اني مافيه داعي اروح اعرف كل المزارات والاماكن حالتك متقدمه .. الاستمتاع بالتخطيط للاخرين شكلي انا وابومعتز ماوصلنا لها الى الان .. لكن ماعليك ( لست وحدك ) قادمون :1: تحياتي لسموك |
ارسلي واحد قبل ايام يسألني عن بولندا قلت له رخيصه وجيده ويمكن ان تشيك الحجز من الرياض للمطارات برموز ( واو ) و ( كرك ) هههههههههههه كتبتها له ( waw) و ( krk) حسيت اني فلبينيه بمكتب خطوط بدبي :24::24: طبعا انصدم ورد جزاك الله خير واضح انه حرم يسألني هههههههههههه |
اقتباس:
|
السفر وترقب السفر يعطى شعور جميل دائما |
والله كلنا نفس الحاله يعني انا حجزت لصيف٠2020 وانا في 2019 واحيانا وانا مسافره اقعد افكر بترتيب سفره جديدة وانا للحين مارجعت الكويت |
اكيد لست وحدك كلنا نخطط قبل 6 شهور و ازيدك من الشعر بيت نسوي مخطط يومي وين بنروح وين بنتغدى وين بنتعشى |
لاتخاف وانا اخوك الوضع واحد للجميع لا وازيدك من الشعر بيت وصلت لدرجة البعض من الاصدقاء يسالني عند دولة او مدينة بالذات اذا انا عملت بحث شامل وحاهز عنها اعطيه وصف دقيق لما يرجع من يفره يقلي بالله متى سافرت الدولة ذي اقله ماسافرت مجرد معلومات مايصدق ياشيخ انا هالسنة قلنا مابنسافر وابشرك جعزت للحين مخطط رحلتين احتياط يدي تحكني مااقدر اصبر عن التخطيط والبحث موضوع جميل وردود البعض طمنتني عن حالتي [emoji23] تقبل تحياتي اخوك ابو حسن أرسلت بواسطة iPhone بإستخدام Tapatalk |
لست وحدك انا بالعائلة يسموني مدمنة سفر واخطط لسفرة الصيف وانا بالصيف اللي قبلة ومسافرة مارجعت اعشق التخطيط واستمتع به وياما خططت وجات اوامر عليا وغيرت البلد بكبرة واحياناً القارة اخوي اذا دخل يقولي ها كم سعر اليورو اليوم من باب ماجاء في الطقطقة واستمتع وانا ارتب سفرات لغيري واشعر بالعظمة اذا احد استشارني ووثق برايي السفر ادمان والتخطيط متعة |
اقتباس:
بالضبط هذي انا ويطلقون علي اسم ماجلان وانا أقول الله يسمع منكم اصير مثله واذا احد سألني عن دولة وما زرتها وعندي معلومات يستغربون مني فأقولهم هذا اسمه شغف السفر اللي ما يوقف عندي حبي للسفر ما ينوصف وكله اقولهم كل دول العالم في نظري حلوين .. ما عندي ديره شينة و زينه لان كل وحده لها جوها وطقوسها .. يافرحتي اذا احد استشارني اطير من الفرحه او اسوي لهم جدول متعه مابعدها متعه .. أصلا من يسألوني عن العملات اجاوب عليهم على سعر الصرف عارفته :) بمكتبي في الدوام لما افتح الجهاز على طول مبرمج يفتح على Booking يضحكون علي الموظفين يقولون مكتب سفريات وانا ولايهمني كلامهم .. فحالتك يابولجين مافيها أي شي حاله طبيعية صحية ممتازه |
وش سويت فينا يا "أبولجيـن" طلعت المستخبئ .. و أستثرت الشجون و حركت المارد الكامن بداخلنا نحن رجال رحالة و سيدات رحالات ... صيتهم بالمنتدى أصبح "أعلام على رؤوسها نـــــار" " تكفى كثر من مثل هالمواضيع ... " |
اقتباس:
ان ازدياد حالتك يطمني على حالتي .. دعوات الشفاء متأكده انك تبينا ندعي لك :17: |
اقتباس:
هشام ببدايه الحاله ... هههههههههههه الترقب ذا مرحله تعدوها الشباب والشابات هنا من ( زمان) |
اقتباس:
الله يطمنك وفالك البيرق .. ياسموها طيب علمينا بالسر يافلانه وين بتروحين هالسنه ترانا جاهزين نبحث ونشيك كأننا بنروح معكم :7: |
اقتباس:
امشششش .. منيره داخله بالتفاصيل هذه الشابه تمثلني .. الا انني ماوصلت لمرحله الوجبات .. اكبر ان شاء الله واصير زيك :17: |
اقتباس:
راعي مكه رايق هههههههه عمنا قوقل ماخلا شي .. لمن يستطيع استخدامه بطريقه صحيحه بس ماتوافق يابوحسن اننا اقل متعه من اللي يشتغل امور بسيطه يعني يحجز وفنادق ويقرا شوي عن الديره ( يحافظ على استمتاعه وانبهاره لاراح هناك ) مشكلتنا نروح متشبعين تحياتي لسموك |
هذا المتصفح جمع عتاولة السفر وجهابذه الدروب احس انكم فعلا هوامير .. رواد الاسفار عشاق الطائرات عيال وبنات البوكنج محبتي واحترامي لكم :e503: |
اقتباس:
باب ماجاء في الحكمة اقوال مأثورة : "السفر ادمان والتخطيط متعه " الحكيمه طوق الياسيمين 2020 :::: بتكتب هالعبارة على بوابة المعادرون :17: ::: حلوة سعر اليورو .. ابديت يومي هههههههههه ::: الشابه هذي متسلطنه وهي تقول : اشعر بالعظمه وانا اخطط لغيري . التعليق : الله ينصر جوك :1::1: تحياتي لسموك وتمنياتي لك بالتوفيق |
هذي للشباب : ثم يجيك واحد مجرم ويقولك : لاااا حول انتو وش تبون بالسفر .. والله يااخي الكشته ازين هذا يجوز قتله ؟ |
اقتباس:
لا يجوز قتله مباشرة بل تعذيبه بامعان قبل ذلك و الافضل عدم استخدام المعدات الحادثة بل منجنيق و مقلاع و ما شابهها |
ابو لجين بالنسبة لي اهم شي اني اسافر والدول اللي رحتها قليلة مقارنة بأهل المنتدى مايميزني التكرار يعني مثلا اذا عجبنا بلد خلاص نمسك عليه الين يطردونا اهله :15: كلمة مايميزني حسستني اني داخله الانتخابات البلدية:26: |
اقتباس:
هلا فيك لا وانا اخوك ايش اقل متعه بالعكس اصلا قوقل ومواقع الحجز ماتطلع لك كل شي ودايم الكاميرات كذابه ماتوصف لك نفس الاحساس لما تمون انت بنفس المكان فهمتني وشي ثاني اللي يقلك كذا قله تعرف اننا افضل منكم اذا صادفنا موقف نعرف ندبر حالنا بسبب اطلاعنا وهذا اهم سبب يخليني دايم على اطلاع وبحث وحجز المصيبة مو هنا اخاف يوم مواقع حجز الفنادق تلغي عضويتي بسبب كثرة الفنادق الملغاة [emoji23] وانا اخوك احيان اصمم جدول ومره خلاص صامل واحجز الفنادق وكله ويبقي علي فقط الطيران يصير شي اكنسل ام الفنادق احس بوكينج وده يتصل يسال ليه من كثر مايرسل باليوم فوق عشرين رساله عروض لفنادق انخفضت بنفس المدن أرسلت بواسطة iPhone بإستخدام Tapatalk |
اقتباس:
ان لبوكنج زُرقة كزرقة البحر حلاوة وجمالا :7: زادك الله شغفا مس ماجلانه ( اضفنا هاء التانيث) هو الاستكشاف فقط حكره على الرجل :39: تحياتي لسموك |
اقتباس:
لطالما قلت ( بصدق) ان المسافرون العرب مرجعيه كبرى للمسافر العربي مازلت اذكر بداياتي في السفر وكيف ان تلك التقارير التي تعب اصحابها تنسيقا وترتيبا وشرحا وتصويرا كانت هي الدليل لدول لم نكن رأيناها من قبل .. شكرا من القلب لكل من مروا من هنا ويمرون .. وقد كنت افكر والله بأمر ديني وهو ( الصدقة الجاريه ) فمن المعلوم شرعا انك ان دللت تائها ( دليته على طريق او اتجاه ) لك بها اجر .. فكيف بموضوع كامل تدل به الناس على الاماكن والطرق والسكن وغيرها ( ووالله ) اني ابحث عن دوله ما .. فتظهر لي تقارير بعضها له عدة سنوات واقراها وادعو لمن كتبها .. فمن الجميل ان تكتب شيئا ينفع الناس ( هذه لمحه ايجابيه) والشباب والشابات هنا منارات ( بحضورهم ) يذهبون وياتي غيرهم ليحمل الشعلة تجمعهم روح السفر .. وقيمة العطاء وهي والله بالكثيرين هنا والا فهو ليس معني بان يبحث للاخرين ويرسل لهم روابط ومواقع ولكنه العطاء الانساني الجميل السفر والترحال يجعل الناس اقرب واقرب .. اذكر احد الاخوان بتوتير صور رحلته الى جورجيا قبل سنوات قليله .. اعجبني الموضوع والصور وسافرت الى جورجيا وتواصلت معه مرارا واصبح صديقا حتى اني جيت نفس السوق اللي هو شرا منه دافور الرحله :14: ومن هنا لهناك انتم نجوم في سماء الترحال .. :e10e: عن اذنكم ابفتح ملف بولندا المعلق في متصفحي |
مرحبا بك أخوي أبو لجين نفس الموضوع تقريبا :14: بالنسبة لي أجمع كم كبير من المطاعم والمقاهي والمناطق السياحية أكثر من المدة التي سأقضيها في وجهتي المقصودة أعطيك مثال في أحد سفراتي الى دولة الكويت الحبيبة جمعت أكثر من سبعين مطعم ومقهي وسفرتي كلها ثلاثة أيام ولكن بصراحة متعة الإعداد المبكر للسفر متعة ما بعدها متعة . |
والله يا ابولجين اللي يحب السفر ما وده يطوف اي فرصه ما يسافر فيها حتى لو ويك اند من سنين كنت انا اللي احجز كل شي واقرا واجمع التفاصيل والجداول بس لما اسافر واستمتع باللحظه ارجع انسى التفاصيل يعني لا يمكن افيد احد بيسافر ويعرفوني بنات المنتدى على كثر سفراتي لما يسألوني عن الفنادق او التفاصيل بعد فتره ما افيدهم انسى :17: بس لما اقرا التقارير اتذكر الاشياء واضيفها بالمداخلات الحين مدلله نفسي صرت اقترح الوجهه وعليهم الحجوزات وانا ادفع نصيبي من الحجز بس المشكله لما المرافقين يطلعون عذاريب مالها داعي :27: يعني مثلا الاسبوع الياي عطلة العيد الوطني وودي اسافر ، اقترحت ويتني الردود زاهبه اذربيجان ، طيران الجزيره ما أحبه سيريلانكا ، كورونا زنجبار ، رفيجي يقول ما تسوى زين خلونا نشوفها بعيونا ونقرر ما تسوى :16: لندن ، الاسعار وايد ارتفعت مالطا ، لازم فيزا تركيا ، قبل شهرين كنا فيها والبحرين بتكون وااايد زحمه يحتفلون معانا بالعيد الوطني وانا بكل دوله من هالدول داخله بوكينج ومختاره الفندق او المنتجع اللي ابيه بس سكروها من كل صوب واخرتها قاعدين |
اقتباس:
|
أبو لجين حالتك مستعصيه :) |
| الساعة الآن 10:42 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO