|
عريس مو عارف فين يروح! السلام عليكم ورحمه الله وبركاته محتاج فزعتكم لاهل الخبره ابغاء مشورتكم جوازي شهر 8 ميلادي في منتصف اغسطس ان شاءالله وابغاء دوله تكون فيها طبيعه والعاب للعرسان وتكون امانه اهم شي ورخيصه مو مكلفه المزانيه ان شاءالله حدود 12 الف ريال من اسبوعين الا 10 ايام سفر للمعلومه ماسفرت ولا مره خارج السعوديه تنصحوني اتعامل مع مكتب ولا انا ارتب كل شي |
وعليكم السلام 1000 مبروك مقدماً أنت رتب كل شي عشان توفر تقتصرها على 10 أيام فقط وأرشح بالي اندونيسيا 7 أيام بالي 3 أيام جاكرتا لكن تذاكر الطيران خارج الحسبة |
وعليكم السلام ورحمة الله وبركاته ع البركه والله يجمع بينكم في خير اتفق مع اخوي ابو غسان والخيار الثاني ماليزيا شهر اغسطس غالباً يكون ممطر سيلانجور يومين تسكن في فندق صن واي لاجون وقريبه منك الالعاب المائيه لنكاوي 4 ايام , جينتغ هايلاند يومين فتحت الملاهي الجديدة كوالا 3 ايام طبعاً سيلانجور قريبه من كوالا العاصمه حدود 15 دقيقة لنكاوي بالطائرة من كوالا 45 دقيقه جينتغ بالسيارة من كوالا حدود 50 دقيقة |
اقتباس:
وشكرا على اقتراحك |
اقتباس:
|
وعليكم السلام ورحمة الله وبركاته مبارك الله يجمع بينكم على خير ويوفقكم ويرزقكم الذرية الصالحة . ما أزيد على كلام الأخوان الله يعطيهم العافية ... أشوف تقتصرها ل 10 ايام وإن شاء الله تكفي بدون تذاكر الطيران . ماليزيا أو اندونيسيا خيارات جميلة لشهر العسل وممكن تفكر في تايلند كوجهة جديدة بس أهم شيء في ظل أوضاع كورونا اختار الأسهل إجراءات للدخول والخروج منها بعيدا عن القروشة بكثرة المتطلبات . وبرأيي اقرأ تقارير عنهم و شوف الأرخص فيهم من سكن ومصروف للأكل والترفيه حتى تناسب ميزانيتك وكلها إن شاء الله الثلاث وجهات جميلة لرغباتك وبالتوفيق إن شاء الله . |
وعليكم السلام ورحمه الله وبركاتو الفالف مبروك انا مع الاخوان بان تختار بين اندونيسيا او ماليزيا او تايلند أنا اشوف بما انهي اول مره تطلع خارج السعوديه شرق اسيا مناسبه اكثر من اوربا خصوصا بالنسبه للميزانيه والغة والالعاب والتمشيات والشواطئ اوربا وشرق اوربا اكثر ماتشتهر فيه الطبيعه الجبال والشلالات والملاهي المناسه تكون اما ديزني لاند في باريس او يورب بارك في رست المانيا بالتوفيق |
وعليكم السلام ورحمة الله وبركاته,,, ماشاء الله تبارك الله الف مبروك والله يتمم على خير ويرزقكم الذرية الصالحة. الاخوان الله يعطيهم العافيه اعطوك المفيد واضم صوتي لهم بخصوص ماليزيا خيار مناسب جداً من ناحية جمال الديرة والاسعار المعقوله . يومين سيلانجور يومين بينانج ثلاثة أيام لنكاوي ثلاثة أيام كوالالمبور واذا رغبتك في أوروبا وأجواء باردة ارشح لك المانيا والنمسا تنزل في ميونخ : يومين غارمش خمسة أيام زيلامسي ثلاثة أيام ميونخ |
اقتباس:
الميزانية لا تكفي اوروبا 2000 ريال اليوم شرق اوروبا 1500 ريال اليوم |
الف مبرووك وربي يسهل لك |
اقتباس:
بخصوص شرق آسيا ماليزيا في المقدمة وأسعارها مناسبة جداً سيلانجور ليلتين لانكاوي 3 ليالي جنتنج هايلاند ليلتين كوالالمبور 3 ليالي الميزانية لازم تزيد شوي حول 4000 ريال أوروبا وأوروبا الشرقية ميزانيتها عالية ممكن تكلف من 20 إلى 28 ألف ريال غير إن بعض الدول قريب من موقع الحرب بين روسيا وأوكرانيا |
ألف مبروك والله يتمم لكم على خير ولا نزيد على كلام الاخوة الكرام حيث أن الميزانية قد تكون قليلة على أوروبا، فالخيار الأنسب هو شرق آسيا |
كوالالمبور العاصمة (تحتاج اقامة طويله فيها اكثر من ١٠ مولات كبيره + الذهاب الى جنتق (مع تحديث العابها ومنطقة التسوق الجديدة انا اشوف اقامة يومين تكون تغطيتها جينتق منطقه مرتفعه وبارده والضباب يحوم من حولك ممتعه جدا فيها العاب جديده افتتحت وفيها مقاهي عده ) والاماكن السياحيه بكوالا كثيرة مثل زيارة البرجين بجانبها حديقة klcc وبرج منارة وعندك المناطق المشهور مثل شارع العرب وساحة ميرديكا والحدائق مثل حديقة الطيور و الحيوانات titwangsa وحديقة بيردانا وسلانغور فيها العاب مائيه صن واي لاجون ومدينة بوتراجيا تبعد عن كوالا نص ساعة تسمى العاصمة الاداريه انظف واهدى من كوالا وفيها فنادق و حديقة كبيرة وفيه جوالات سياحيه على البحيرة والاجواء في المساء جميله مع اضاءة الجسر . عندك مدينة بورت ديكسون مشهوره بمنتجع ليكزس المبني على البحر مثل جزر المالديف عندك مدينة ملاكا (مدينة تاريخيه فيها مباني من الاستعمار الهولندي وفيها متاحف وفيها شارع ليلي مشهور اسمه jonker street night market وفيه كمان منارة ملاكا تقدر تشوف المدينة من الاعلى وفيه فنادق مطله على البحر تقدر تستكشفها ليلة والأفضل المبيت فيها تبعد عن كوالا ساعتين وربع بالسياره وعندك مدينة جوهور باهرو من على الحدود مع سنغافوره تقدر تجمعها مع بعض (سنغافوره يلزم تأشيره للسعوديين) تكون اضافة جميلة لكن تحتاج ايام اكثر . تبعد عن كوالا بالطائره ساعه وبالسياره حدود ٣ ساعات ونصف الشق الاخر ولاية صباح تبعد بالطائرة ساعتين ونص فيها جبل كينابالو على ارتفاع ٤٠٩٥ متر وفيها جزر جميلة تستحق الزيارة يعني جمعت شيئين بوقت اعلى جبل واجمل جزر اما جزيرة لكناوي من اجمل الجزر (جزيرة سياحية بأمتثال )وفيها طبيعه جميلة وفيها هدوء ثلاث ايام إلى ٤ مناسبه و كافيه لها اما جزيرة بينانج (تعتبر مدينة وجزيره في نفس الوقت ) شعور خليط بين اجواء المدينة والجزيرة (يعني فيها الصخب الليلي ) وفيها الفعاليات الكثيرة ٤ ايام إلى ٥ ايام كافيه بالنسبه لي تعجبني ولو اجلس فيها ١٠ ايام مامل يعني لو سائح اول مره تزور ماليزيا اشوف تكتفي كوالالمبور (أو سيلانجور ثلث ساعه من كوالا + جنتق هايلاند ساعه بالسياره من كوالا ) لنكاوي بينانغ اذا كانت المده +14 يوم لو زيارة ثانية استكشف الولايات الاخرى ،ملاكا ، كلانتان ،جوهور ، ولاية صباح |
+شهر ٨ يعتبر من الاشهر الممطره والجو يكون جيد لابأس به |
الدول الاوربيه بلدان معقده شوي وحواجز اللغه والاسعار المرتفعه وخصوصا انك ( أول مره تسافر ) فراح تنصدم .. لذلك خلك حول شرق اسيا وصلى الله وبارك .. ** نسق سفرتك بنفسك .. ماعندك جوال ؟ ماعندك انترنت ؟ ماعندك قوقل ؟ ان رحت للمكاتب فانت ( نكبت نفسك نكبه حزيران) / شرق اسيا ترا ماهي معقده اعتبر نفسك في الرياض نفس مستوى الصرف وربما اقل وفي الختام انت أمير نفسك :14::14: |
الله ييسر أمرك |
وعليكم السلام قد تكون هذي اول مشاركة لي في المنتدى ..كانت لي مشاركات حققت مشاهدات عالية جدا جدا عبر حساب اخر لكنني نسيت اليوزر وشاركت في كتابة تقرير حقق نسبة مشاهدات عاليه في بوابة اندونيسيا ومصر كذلك ...وهالكلام كان ايام طفرة المنتديات 2012 وفيها تقريبا لكنني اعود الان للمشاركة وارشح لك جزر المالديف التذاكر شخصين حدوود 5000 ريال وكذلك تصلح فقط للمتزوجين ...وحدها سبع ايام بالكثير ...لكن الافضل بما انك اول مره تروح للخارج تواصل مع مكتب خدمات افضل بحيث يكون هناك من يستقبلك ويسهل عليك الامور وفي الغالب لن تجد صعوبات طالما انك سائح ...الف مبروك مقدما وبالتوفيق |
اقتباس:
أهلاً يا غالي منور المنتدى |
اهلا اهلااا اذا تبي اوروبا كوسوفا والبانيا كويسه وبدون فيزا حاليا المكتب اللي رحته عنده عروض وغالباا عروضه هكذا طول السنه للعرسان بحدوود 8000 المكتب ثقه واكثر من مشهور سياحي راح معه التذاكر بحدود 1300 لتيرانا ب البانيا وتقدر منها تروح كوسوفا تقريبا ثلاث ساعات بين الدولتين ميزانيتك تناسب العرض والتذاكر ولازم تبحبحها شوي للتسوق والاكل علما ان الاكل رخييص جدا ووفيير تحتار من كبر الطبق بالرغم من ان الحرب سببت ارتفاع بالاسعار شوي بس اعتقد انها مازالت مناسبه واغلب الاماكن الدخول مجانا والا سعر رمزي جدا |
الف مبروك لك على الزواج والله يجمع بينكم علي خير ان شاء الله بصراحة اوروبا لا تتناسب مع ميزانيك تحتاج الي رفع الميزانية لكن يمكنك الاختيار بين دول كازخستان وجورجيا و قيرغيزستان هذه يمكن مناسبة اسال الله لك التوفيق |
نصيحة زودها ترى ماتكفي ماليزيا غاليه و الي يقول شرق اسيا ارخص واندونيسيا ارخص اقسم بالله اني صرفت في تلك البلدان اكثر مما صرفت في اوروبا الميزانية تعتمد على الشخص وطريقة ادارته شرق اسيا مشكلتها تحتاج سائق يوميا و تحتاج مطاعم وفنادق ولازم تتسوق و تجيب هدايا اوروبا مختلفه تماما |
اقتباس:
يعني في اوروبا ما راح تحتاج فنادق او مطاعم ولا راح تتسوق وتجيب هدايا ؟! يا اخي انت قلتها تعتمد على الشخص وطريقة ادارته وتحديد رغباته . مو في كل مكان في شرق اسيا تحتاج سائق تفرق حسب المدينة الي انت فيها ... في شرق اسيا عندهم جراب مثل اوبر وبعض الاماكن المتطورة عندهم مواصلات عامة مترو وغيره مثل ماليزيا . انا في اوروبا ما رحت الا بريطانيا وبعد رحتها لدورة ماهو سياحة واشوف تجارب الاعضاء هنا وذكرهم للاسعار واقلك انه شرق اسيا اندونيسيا او ماليزيا او تايلند او الفلبين ارخص من اوروبا .. يمكن سنغافورة واستراليا ونيوزيلندا واليابان وكوريا هم الي اسعارهم غالية ومقاربة لاوروبا . على سبيل المثال فندق في شرق اسيا 5 نجوم تاخذ الليلة مع الضرايب ممكن ب 350 ريال لكن في اوروبا اذا جابت لك 4 نجوم فانت محظوظ . يمكن فقط اوروبا راح توفر مبلغ في تذكرة الطيران بحكم انها اقرب لنا من شرق اسيا وممكن التوفير ايضا من خلال خيارات المواصلات العامة من باصات ومترو وقطارات الخ... مخدومة اكثر من شرق اسيا . وكل عام وانت بخير |
شكرا للجميع من دون استثناء على طرحكم الاكثر من الرائع ماقصرتو والله يتممها على خير بذن الله |
اقتباس:
|
اقتباس:
|
الف مبروك وبالرفاه والبنين وربي يسعدكم . |
| الساعة الآن 02:57 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO