|
ملاحظة على بعض رواد المنتدى قبل الصيف السلام عليكم ورحمة الله وبركاته الله يوفق ادارة المنتدى بان يستمر بقوته في ظل المتغيرات وظهور بدائل كثيرة، عندي ملاحظة على بعض رواد المنتدى قبل الصيف العديد يسأل ويطلب معلومات عن الدول والفنادق والاماكن السياحية، ولكن القلة منهم اللي يرجع ويكتب عن تجربته في رحلته الصيفية، والايام اللي فاتت اكتشفت ان البعض حتى ما عندها ذوق في التعامل مع المشاركين اللي ردوا عليهم وافادوهم بمعلومات قيمة وصعب يحصل عليها بمواقع اخرى ولا حتى بمكاتب السفر ،على الاقل بكلمة شكرا، فقط يدخل ويطلب معلومات وياخذ مبتغاه ولا يرجع. هذي فضفضة ليس الا. وشكرا |
اقتباس:
ودائما احط ف بالي انه راح ارجع واحط تقرير للمنتدى بس لما اوصل بلد السفر كثير اشياء ما اصورها وعلى انشغال الابناء والربشه نفوت تسجيل بعض التفاصيل فلما ارجع واريد احط موضوع احصه ناقص وغير مكتمل عشان كذا اتجنب فتح الموضوع من غير انه بعض الاعضاء ما شاء الله عليهم بالسرد والتفاصيل امورهم طيبه وانا اتكلم عن نفس ما عندي الاسلوب الجميل بالسرد |
مشكورين ابو عبدالعزيز وابن السلطنة على كلامك الجميل والله يكتب اجرنا واجركم |
بوعبدالعزيز كلامك في محله وتكلمنا اكثر من مره وطالبنا لكن للأسف ما نشوف إلا القلة اللي ترد وتكتب ومع هذا مستمرين في مساعدة الجميع ونعذرهم ممكن أمور الحياة تلهيهم ابن عمان كلنا في الاول نفسك ما نعرف في السرد والكتابة والتفاصيل لكن مع الوقت بدينا نعرف ولما تبتدي تكتب اول تقرير صدقني بتلقى نفسك تسرد الكلام من غير ما تحس بس جرب ولا تفكر انك ما راح تقد تكمل التقرير وعادي حتى لو تكتب تقرير من غير صور تكتب مثلا عن السكن عن الأنشطة انطباعك عن الدولة هذا كله يفيد القارئ شكرا بوعبدالعزيز على طرح الموضوع |
اقتباس:
كلامكم طيب ومبارك ، والحق أقوله ولا منة ولا فضل الا لله ومن بعده هذا المنتدى المبارك وأعضاءه الكرام الذين أمدوني بمعلومات وتجارب قيمة ومفيدة ، ولكي أعيد بعض من فضل هذا المنتدى في أول موضوع كتبته عن رحلتي إلى ماليزيا شكرت هذا المنتدى وكتبت عن رحلتي وعن الرحلات الأخرى ليستفيد منها الجميع بإذن الله تعالى هذا المنتدى هو مرجع مهم للجميع ، ومن حُسن رد الجميل أن يعود الواحد منا ويضع خبرته في سفرته |
اقتباس:
|
شكراً لكم على طيب مشاعركم المتوقع من الجميع أن يفيد ويستفيد وبالفعل كلمة شكراً أو ما يماثلها لها مفعول السحر على من تعنى وأمدك بالمعلومة المنتدى قائم على حب الخير للغير وتقديم المساعدة عند الحاجة لذا دعمكم مطلوب دعمكم بكتابة التقارير عن رحلاتكم وان كانت قصيرة دعمكم بالرد على استفسارات الأعضاء ولكم خالص الشكر :e306: |
اقتباس:
أكون مخطط لترتيب تقرير محترم وأصور هذا وذاك ثم تنسى شيء فينقطع كل مابعده كسلسلة. أو تعتمد على ذاكرتك في سرد واقعة معينة ثم وبعد العودة بالسلامة للوطن تنسى معظم التفاصيل :2: وأحياناً تنظر لرحلتك وما فيها من فعاليات وتقارنها بالمواضيع الدسمة المطروحة أصلاً في المنتدى لنفس وجهتك, فتشعر أن تقريرك سيكون أقرع وسط شعور طويلة أو سميه تقرير عاري أمام تقارير مغطاه بالحرير. قد يكون كل ماذكر اعلاه مبرراً. ولكن الأمر الغير مبرر نهائياً هو عدم شكر وتقدير من أفادك أو خدمك أو سهل ويسر عليك رحلتك. هذا قمة الجحود والنكران. |
فعلا اعتقد الرد بشكر تكفي وإن حصل كتابة تقرير حتى لو مختصر مايمنع وللامانه فيه كثير يستمتع بالتقارير وكذلك يستفيد منها واللي جرب يكتب تقرير راح يستمتع خاصة لما يرجع للتقرير بعد سنوات ويتذكر الايام الحلوة |
السلام عليكم المنتدى احد المعالم الهامه في صناعة ( السياحه والسفر والترحال ) المعلومات التي يستفيدها الشخص من الدخول للمنتدى تسهل رحلته وتمده بالخبرات اللازمه وتختصر كثيرا من البحث في الانترنت .. (خبرات جاهزه ) / ومن الملاحظ فعلا امرين : -عدم العوده لكتابه التقرير ( المحدثه بالمعلومات ) بعد الرحله - عدم البحث بالمواضيع السابقه في البوابه المختصة .. واعاده الاسئله التي تكون اجاباتها موجوده مسبقا .. / تحياتي للمنتدى ولروح المنتدى الجميله التي تتألق باعضائه وادارته / تحياتي لكم |
| الساعة الآن 06:41 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO