|
ناويين نسافر لندن اول فبراير لأول مرة ونبي مساعدتكم السلام عليكم طبعا انا من ضمن متصفحي مكتوب المسافرون العرب سابقا وللحين متحسفة وحزينة عليه لانه كان مرجع لنا كل سفرة وان شاء الله هالمنتدى يكون أفضل :) انا الله يسلمكم عندنا سفرة أول شهر فبراير اسبوع فقط وهو الوقت الي نقدر نسافر فيه نتيجة عمل زوجي واخترنا لندن وابغى اعرف هل لندن آمنة ؟ وهل فيه مشاكل للعرب فيها ؟ خاصة بعد حوادث الامارتيين مؤخرا تخوفت لاني باخذ ولدي 3 سنين ونص معي ماقدر اخليه نتيجة ظروف وهل الجو محتمل البرودة ؟ يعني مع اللبس والقفازات والشال هل بيكون الوضع اوكي ولا بنتجمد :D انا زوجي وولدي بس رايحين وناويين نحجز هيلتون ميتروبول لندن في شارع العرب نحن سافرنا قبل اوروبا بس لسه اول مرة في لندن واريد نصح خبراء وشكرا جزيلا :) |
رد: ناويين نسافر لندن اول فبراير لأول مرة ونبي مساعدتكم مرحبا اختي رحله سعيده بأذن الله الله يخلي لكم ولدكم ويحفظه الجو اكيد بكون بارد جدا واذا تقدرون تاخذون معاكم غاري اطفال مع تلبيس بلاستيك وتغطون فيه الطفل حتى يمنع الهواء البارد عليه يكون افضل اي اختي لندن امان ان شاء الله مافيها شي بس اهم شي فليل ماتمشون لحالكم بالمنطاق خلف المطاعم في اجور رود خلف مطعم بيروت اكسبرس وماريوت ماربل ارش ها الاماكن مافيها شي بس للحيطه بس بصفه عامه لندن فيها امان تحت السيطره كثير من العرب والخليجيين هيلتون متروبول حلو بس يكون مكانه في نهايه شارع العرب وعندكم فندق ثيستل ماربل ارش ايضا حلو اذا تبغون فندق غالي ومكانه روعه وامان فندق ماريوت بارك لين في شارع اجور رود في مطعم اسمه مروش يكون بالزاويه تدخلون مع الدخله الفرعيه بتحصلون سوبر ماركت فيه مظلات لونها اخضر هذا سوبر ماركت الوادي الاخضر يبيع كل الاشياء الي تحتاجونها اغراض تتشابه مع بقالات الخليج المطاعم في اجور رود الي ارشحها لكم مطعم الارز له فرعين مقابلين بعض ومطعم السليماني ومطعم مروش وجنبه باللفه مطعم الزعفراني وجنب مطعم الزعفراني سوبر ماركت الوادي الاخضر مطعم مسكوف في النايتس برج قريب من السفاره مقابل السفار الكويتيه بالشارع الثاني وفي بعض المطاعم الهنديه لو انتو من عشاق الاكل الهندي خبريني و اوصفهم لج وعندكم محل حلو للكوكيز بينز كوكيز مقابل محل دزني لاند في شارع اكسفورد محلات شراء الالعاب اشهر محلين محل دزني لاند في شارع اكسفورد ومحل هاملز مابين اكسفورد و بيكاديلي ( اذا محتاجين اوصفه خبريني ) المجمعات التجاريه سلفردج و ويست فيلد الاماكن الي تروحين لها شارع اجورد رود شارع العرب شارع النايتس برج ( هارودز - محل جباتي وكرك - مطعم مسكوف ) ومحلات اخرى شارع سلون ستريت ( شارع متفرع من اكسفورد فيه اشهر الماركات العالميه ) محل بريمارك ( محل متعدد الطوابق بأسعار رخيصه ) في شارع اكسفورد مقابل فندق كمبرلاند وفندق ثيستل بيكاديلي ( التمشي فيه وخاصه بدايه المساء واشهر محل فيها m&m تحذير مهم ( جنب بيكاديلي في شارع اسمه سوهو ارجو عدم الاقتراب منه لما يحتويه من محلات وانشطه مخله با الاداب ويتعارض مع ديننا الحنيف ) فقط للتنبيه يمكن الذهاب اليه بدون قصدج ساعه بغ بن ولندن آي متحف الشمع مدام توسو شارع كوينز وي ( فيه مجمع صغير اسمه وايت ليز ) قصر الملكه اليزابيث الهايدبارك احسن وقت قبل المغرب الدخول من بوابه الماربل ارش المقابله لشارع اكسفور والذهاب على طول سيده بتحصلون البحيره والمطاعم هناك احلى جلسه واطعام البط وبعدها تكمله المشوار الناحيه الثانيه من الحديق وتطلعون من البوابه بتكونون مقابلين للسفاره الكويتيه اذا رحتي يسار 200 متر بتشوفين مطعم مسكوف العراقي على يمينج واذا رحتي يمين السفاره وتمشين مع المحلات بتشوفين هارودز يسارج هذا الي يحضرني الحين لو تذكرت شي برجع اكتبه ومابه قصور في الاخوان الاخوات ماراح يقصرون اكيد :detective2: |
رد: ناويين نسافر لندن اول فبراير لأول مرة ونبي مساعدتكم |
رد: ناويين نسافر لندن اول فبراير لأول مرة ونبي مساعدتكم تذكرت بخصوص الباصات شبكه الباصات في لندن ممتاااااازه جدا انصحكم فيها وبقوه ومن احسن الشبكات العالميه وتطورها ودقتها المتناهيه بالمواعيد يعني ممكن تقضون مشاويركم بالباصات انصحكم من محل تروحون له وتاخذون بطاقات اسبوعيه حق الباص ارخص و اوفر لكم اذا وبشرح لج مكان المحل واسمه وقريب من فندق هيلتون متروبول بخصوص خطوط الهاتف ارشح لكم شركه ليبارا وبقوه مكالمات جوليه رخيصه و من السنه الي فاتت فتحو عندهم خدمه بلاك بيري والانتر نت ايضا المترو في لندن ممتاز بس انا ارشح لكم الباصات افضل واريح |
رد: ناويين نسافر لندن اول فبراير لأول مرة ونبي مساعدتكم أخي قطر 911 :(125): بصراحة كفيت ووفيت وماقصرت ردك شامل متكامل وافدتني كثيييير بشكل لا تتصوره شكرا جزيلا وانا محرجة لكن اذا ماعليك أمر توصفلي افضل مطعم هندي لاني من عشاقه :(60): جزاك الله كل خير |
رد: ناويين نسافر لندن اول فبراير لأول مرة ونبي مساعدتكم جربي مطعم ايراني وراح تدعين لي اسمه ألونك Alounak في بيزوتر وهذا عنوانه : Bayswater 44 Westbourne Grove London W2 5SH |
رد: ناويين نسافر لندن اول فبراير لأول مرة ونبي مساعدتكم اقتباس:
العفوووو اختي اي استفسارات او خدمه لاترددين في طرحه وان شاء الله اساعدج بالي يقدرني عليه رب العالمين :204: هههه ويجزاج بمثله يارب بعطيج اربع مطاعم هنديه ان شاء الله اليوم بالليل راح انزلهم بالوصف والتوضيح وايضا بنزل لج وصف محل كروت الباصات ضروري تاخذون كروت الباصات تنفعكم كثير نصيحه ودايما تذكري البلاستيك على الغاري حق الطفله راح يحميها كثير وبالتوفيق :yolks00240: |
رد: ناويين نسافر لندن اول فبراير لأول مرة ونبي مساعدتكم مرحبا اختي السموحه على التأخير المطاعم الهنديه 1- مطعم امايا في منطقه النايتسربج وقريب من فندق جميرا سعره غالي اشوي ولازم بالحجز قبل الذهاب على هذا الرقم للحجز 00442078231166 ( من داخل لندن 02078231166 ) جنب المطعم يوجد ستار باكس للتوضيح اكثر والمبنى كأنه قصر ابيض موقعه على الخارطه http://up.arabseyes.com/uploads2013/...9405941831.png العاب ZooooooooooM http://up.arabseyes.com/uploads2013/...9405960962.png العاب 2- مايحضرني اسمه مكانه في النايتسرج جنب محل جباتي وكرك بينهم فقط تقريبا 10 متر يعني لو الهارودز على يساركم وتمشون بشارع النايتس برج تمشون تقريبا 250 متر يكون على اليمين قبل جباتي وكرك والمطعم تنزلون له عن طريق الدرج تحت وبعده تقدرون تطلبون جباتي وكرك حلو احلى من العدني جربيه ههههه :yolks00250: وايضا على نفس الخط قريب منهم مطعم ايطالي area حلو الخارطه التوضيحيه للمكان http://up.arabseyes.com/uploads2013/...9517082821.png العاب ZooooooooooM http://up.arabseyes.com/uploads2013/...9517093362.png العاب 3- مطعم la porte des indes راقي وغالي اشوي مقابل فندق ثيستل من الخلف رقم لحجز طاوله 0207224005 http://up.arabseyes.com/uploads2013/...8973625061.png العاب خارطه توضيحيه http://up.arabseyes.com/uploads2013/...8973626352.png العاب ZooooooooooooM http://up.arabseyes.com/uploads2013/...9736273313.png العاب بالنسبه للمحل الي يبيع كروت الباصات اليوميه والاسبوعيه دايما اخذ من عنده اسم المحل http://up.arabseyes.com/uploads2013/...9822931061.png العاب مكانه http://up.arabseyes.com/uploads2013/...9822940272.png العاب في مكان لمجموعه من المطاعم المتنوعه الاسبانيه والايطاليه وجلسه ليليه جميليه في شارع ضيق خلف سفردج في اكسفورد http://up.arabseyes.com/uploads2013/...9856000831.png العاب ان شاء الله يكون كلشي واضح :(6): |
رد: ناويين نسافر لندن اول فبراير لأول مرة ونبي مساعدتكم قطر 911 اخجلتنا بكرمك في الرد :) والوصف دقيق ومدعم بالخرائط الف شكر لك ورح احفظ المعلومات في ملف خاص وتكون لنا كمرجع وواضح انك كثير السفر الى لندن ماشاء الله سفير جوجل شكرا لك على التوصية والله يوصلنا لهناك ونجربه :) |
رد: ناويين نسافر لندن اول فبراير لأول مرة ونبي مساعدتكم بالعكس اختي ماسويت الا الواجب وتستاهلون كل خير ان شاء الله واي شي ثاني اقدر اساعدكم فيها انا حاضر لاترددين في سؤالي اي نعم اروج لها كثير واكثر شي نسكن في الفيلا الخاصه رراح انزل فيها موضوع ان شاء الله معلومات بسيطه اول مره رحت لندن سنه 1990 وكانت لي فيها ذكرى سيئه في اول سفره لي هناك والذكرى هي ان يوم رجعتنا كان يوم الجمعه في شهر 8 ويوم الخميس اي قبل رجعتنا بيوم كان الغزو الغاشم على دوله الكويت الشقيقه لندن ميزتها حيه وحركه طول السنه وبطول اليوم وان شاء الله تستمتعون فيها بس ولثالث مره اكررها عليج لخوفي على االصغير الي معاكم من الهوا البارد ابي اذكرج اذا تقدرون الغاري مع الغطاء الشفاف البلاستيكي وسفره ممتعه |
رد: ناويين نسافر لندن اول فبراير لأول مرة ونبي مساعدتكم قطر 911 بالتأكيد الغطاء البلاستيكي من اهم الاشياء الي نبهتني عليها و رح احرص عليها لانها بصراحة ماكانت في بالي الحلو أنك ذكرت ان لندن حية طول السنة والي كنت متخوفه منه ان الجو كونه بارد يكون كل شي ساكن وكئيب ومافيه أنشطة :thumbdown: بس يبدو ان كل شي بيكون تمام :(39): |
رد: ناويين نسافر لندن اول فبراير لأول مرة ونبي مساعدتكم اختي شاميستاك زين طمنتيني ان حاطته في بالي اي لندن غير عن الاماكن الثانيه صج ان بالصيف الحركه اكبر بس بعد بالشتا الحركه حلوه كل سنه في الهايدبارك في شهر 12 و شهر 1 في نشاط ظخم داخل الهايدبارك يسوون مكان للتزلج ومدينه العاب واكشاك مطاعم وغير المطاعم ويشاركون بالمهرجان شركات من كذا دوله اوروبيه مجاوره اذا لج خاطري ترحين الاولت لندن في خارج لندن اسمه بستر فلج ممكن تخبريني عشان اعطيج طريقه الوصول له |
رد: ناويين نسافر لندن اول فبراير لأول مرة ونبي مساعدتكم أكيد ابغى اروح للاوت لت :) تعرف وضعنا نحن النساء والشوبنغ قطر 911 البعض يقول لنا لا تروحوا حالة تأهب بعد هجمة باريس وتوقع عمليات ارهابيه بلندن ومارح يكون الوضع اوكي :yolks00590: واكتشفت بعدها ان لبنان وتركيا وايطاليا والنمسا وفرنسا كلهم حالة تأهب وماليزيا طايرات تنخطف وتطيح يعني وين نروح بالله خلاص نتوكل على الله ونروح لندن ؟ |
رد: ناويين نسافر لندن اول فبراير لأول مرة ونبي مساعدتكم اقتباس:
ياهلا ومرحبا اختي الكريمه هههههههه اي افا عليج نعرفكم عدل لكن في الشوبينغ ماتعرفون الي معاكم :yolks00340: اذا سكنتو في هلتون متروبول ان شاء الله تقدرون تروحون مشي لمحطه القطار لان القطار الي يروح بستر فلج من محطه قطارات مارليبون خلف فندق لاندمارك مباشره وهو قريب من فندقكم مساعه 10 دقايق مشي جدول رحلات القطار الي رايح بستر فلج http://up.arabseyes.com/uploads2013/...8382602191.png العاب ماراح تتعطلون في الرحله الرحلات كلها دايركت الى بستر فلج لا كل مابين 10 دقايق الى 25 دقيقه في قطار رايح والتذكره الي تشترونها مايجبرونكم على رحله معينه بمجرد شراء التذكره تكون صالحه لطول اليوم لكم اختيار ركوب اي رحله رايحه الى بستر فلج يعني لو اشتريتو تذكره مثلا رحله 11:16 وراح عليكم القطار لاتغيرون التذكره اخذو مثلا الرحله الي بعدها 11:27 عادي بنفس التذكره وهكذا بعد الوصول الى بستر فلج المسافه في حدود بين 40 دقيقه او ساعه تنزلون من القطار والتوجه الى خارج المحطه وانتظار الباص المجاني الي ينقلكم الى الاوت لت يبعد الاوت لت عن محطه القطار تقريبا خمس دقايق وبعد الانتهاء من الشوبينغ يوجد خارج الاوت لت مكان لأنتظار الباص على اساس ينقلكم الى محطه القطار مره اخرى مجانا وبدون اي رسوم يعد الوصول الى المحطه في طريق العوده بتحصلون جنب سكه الحديد جسر حديدي لونه ازرق يرجى الركوب فوق والنزول الى سكه الحديد الاخرى لان هذي السكه المتجهه الى لندن يرجى ملاحظه هذي المعلومه جيدا بالنسبه لشراء التذكره حق الاوت لت من محطه مارلي بون يمكن شراء بنفس وقت اليوم يعني مافي داعي تاخذونها قبل وانتو رايحين للمحطه تشترون تذكره وتركبون اقرب رحله فقط الاماكن كثيره داخل القطار ملاحظه اخيره : الافضل الركوب بالقطار بدري والبحث عن المكان الي يوجد فيه كراسي متقابله وبينهم طاوله طعام لان المكان يكون لكم كبير و اوسع وايضا عندكم طاوله طعام كذا انتيهنا من الاوت لت بالنسبه للأوضاع بالنسبه في لندن الان مستقره جدا وخبرج اي مكان يكون في تفجيرات او عمل مثل الي صار في باريس و مونبيليه في دوله كثيره تاخذ جميع الاجراءات الاحترازيه تحسبا لأي عمليه ممكن تمتد الى هذه الدوله يعني هي عمليه احترازيه فقط واخذ الاحتياطات :yolks00340::yolks00240: تطمني وتوكلي الله على وحده فهو المنجي وهو الحافظ وعسى ربي يحفظكم في رحلاتكم وترحالكم |
رد: ناويين نسافر لندن اول فبراير لأول مرة ونبي مساعدتكم توصولون بـ السلامه أختنا الكريمه و ننتظر تقرير حلوو و بعض الصور من لندن :(55): اخونا قطري ما شاء الله عليك أبدعت و كفيت و فيت بيض الله و جهكـ :(125): |
رد: ناويين نسافر لندن اول فبراير لأول مرة ونبي مساعدتكم اقتباس:
اكيد منتظرين منها التقرير بلهفه الا اذا بتبخل علينا بالتقرير بنسووي لها كذا :(33): ههههههه العفو اخوي ارحم الله والديك بكلامك الطيب ووجهك ابيض يا الشيخ شرفت الله يسلمك |
رد: ناويين نسافر لندن اول فبراير لأول مرة ونبي مساعدتكم مرحبا اختي اذا لج خاطر في الباص السياحي BIG BUS المكشوف تتفرجين على معظم معام لندن في جوله سياحيه جميله اقرب مكتب استفسارات لهم عند الماربل ارش مقابل فندق كمبرلاند جنب فندق ماريوت بارك لين بتحصلين كشك صغير عناك تقدرين تشترين التذاكر وتحددلين اليوم والوقت وهذا رابط PDF توضح خارطه مسار الباص والاوقات وباقي التفاصيل عندهم خطين احمر وازرق وانتي شوفي من المسارات اي خط افضل لج الازرق اكبر و اوسع من الاحمر http://eng.bigbustours.com/UploadedF...1405012752.pdf |
رد: ناويين نسافر لندن اول فبراير لأول مرة ونبي مساعدتكم الله يجزاك الخير ودومك ما تقصر |
رد: ناويين نسافر لندن اول فبراير لأول مرة ونبي مساعدتكم اقتباس:
وبجزاج بمثله اختي عذايب ياهلا ومرحبا فيج شكرا على الاطراء |
رد: ناويين نسافر لندن اول فبراير لأول مرة ونبي مساعدتكم مرحبا اخوي قطر 911 الله يعطيك العافية .... انت معروف عنك ما تقصر دووم وانا استفدت منك وايد قبل وتعلمت منك\ واحنا بعد ان شاءالله ناويين انسافر لندن والله يستر من زحمة العرب هناك تحياتي لك |
رد: ناويين نسافر لندن اول فبراير لأول مرة ونبي مساعدتكم قطر 911 ماااقصرت وجزاك الله كل خير واعطاك الصحة والعافية ياارب كل المعلومات الي خبرتني فيها فادتني كثير وبتفيد غيري :(55): وباذن الله ولا يهمكم بسويلكم تقرير من أروع التقارير وهذا واجبي :(95): وحاليا جالسة ارتب واجهز للسفرة ويارب تتسهل :) بخصوص الفيزا لبريطانيا انا عمانية من السلطنة ولما دخلت الموقع عرفت انه ممكن اقدم للفيزا الالكترونية قبل سفري عالاقل ب 48 ساعة واسم الفيزا electronic visa waiver EVW وباذن الله رح اسويهم اون لاين بعد حجز التذاكر لان محتارين بين الطيران القطري والعماني والفندق بشكل مؤكد لان بعد محتارين كالعادة :205: عذايب قطر متى ناويين السفر الحين ولا بالصيف ؟ ربي يوفقكم ويسهل سفرتكم :(95): |
رد: ناويين نسافر لندن اول فبراير لأول مرة ونبي مساعدتكم ويجزاج بمثله ان شاء الله والله يعافيج والله ونعم بأهل عمان كلهم منوره الله يسلمج الحمدلله انها تفيدج وتفيد الجميع ان شاء الله ربي يكتب لج ولنا الاجر ههههههههه ايوه هذا الكلام منتظرين التقرير بأحر من الجمر :(101): صح كلامج بخصوص الفيزا بس ارجو التدقيق في هالموضوع وهالملاحظه قبل السفر 48 ساعه وليس يومين صحيح 48 يومين لكن المطلوب قبل الرحله بـــ 48 ساعه يعني مب ان تسوين الفيزا بالليل وسفرتج بعد بكره الصبح يكون الوقت كذا اقل من من 48 ساعه عن وقت الرحله واذا عندج استفسارات اكثر عن الفيزا ترى الاخوان كلهم مايقصرون راح يساعدونج بقسم التأشيرات واخص بالذكر مشرفنا الغالي الغردقاوي استفسارات فيزا بريطانيا UK VISA تأكدي من بياناتكم الشخصيه صحيحه بدون اخطاء وحجز الطياره ورقم الرحله لازم صحيح والفندق لازم يكون حجز صحيح يعني لازم تتأكدين من المعلومات كلها بخصوص الفنادق ليش ماحجزتو مترددين بشنو عشان اقدر اساعدج !!! بالنسبه للطيران شوفو الارخص لكم واستخيري وشوفي خيارات الدايركت والترانزيت يعني كل ها الاشياء و ممكن تعطينا تاريخ السفر نشوف خيارات الاسعار |
رد: ناويين نسافر لندن اول فبراير لأول مرة ونبي مساعدتكم هلا وغلا اختي ( شاميستاك ) وهلا بأهل عمان والسلطنة اختي ان شاءالله بعد اسبوع جيه السفر انا احب اسافر أوروبا في البرد والثلج بس لندن قليل فيها تساقط الثلوج هو تغيير يعني بس اخاف من زحمة العرب والخليجين لانه ما يخلون أحد في حالة واختي انبهج ع حاجة لا تردون ع اي عربي او اجنبي سألكم اي حاجة وانتي ماشين، لانه مالهم أمان احنا في فيينا صار معانا موقف وماراح انساه من الخوف والله واظن قلت من قبل حق اخونا قطر 911 وهو مايقصر كان معانا طوال السفرة يعني اي حاجة احنا في الخدمة وان شاءالله اشوفج هههههه دامج بتسافرون ان شاءالله اول شهر فبراير عيل بنلتقي :yolks00250: وانا وزوجي بعد أول مره بنسافر لندن الني رايحه من قبل بس من زمان أيام العزوبية احنا حجزنا في فندق كيمبرلاند وطيران الاماراتية والطيران من دبي كالعادة تحياتي لكم عذايب قطر |
رد: ناويين نسافر لندن اول فبراير لأول مرة ونبي مساعدتكم حاضرين اختي عذايب انا ملازم لكم في سفراتكم هههه تروحون وترجعون بالسلامه ان شاء الله تحيااااااااااتي |
رد: ناويين نسافر لندن اول فبراير لأول مرة ونبي مساعدتكم عذايب قطر هههه ان شاء الله نتقابل :(153): الله يوفقكم ويارب تستانسوون قطر 911 الطيرلن القطري طلع ارخص طيران بين خطوط الطيران وطبعا ماعليه كلام .. مارحت فيه قبل بس الكل يمدحه بالنسبة للفنادق لما قريت الريفيوز تبع الهيلتون في موقع بوكينج فهمت ان الاثاث قديم والغرف ضيقة :yolks00640: ولما بحثت اكثر شفت ان فيه شقق فندقية اوسع من الفنادق و ارخص من الهيلتون والريفيوز حلوو بس هي تبعد عن سنتر لندن ب 2 كيلو متر كذا او 3 كيلو متر ولاقيت بعد فنادق حلوة بس مو قريبة من الاكسفورد والهايد بارك والاجور رود .. يعني بالباص مسافة 10 دقايق كذا لتوصل هالاماكن الحيييين ابي اعرف هل عادي نسكن بعيد اشوي ونعتمد عالباص ولا احسن ووسط هالاماكن الي نقدر نروح لهم مشي مثل الهيلتون والماربل ارتش والثيسل ماربل ارتش .. من فضلكم .. اذا عارفين فنادق او شقق فندقية ممتازة واهم شي امان ونظافة ومجربة ... خبروني اساميها اذا ماعليكم امر .. اعتذر لازعاجكم .. |
رد: ناويين نسافر لندن اول فبراير لأول مرة ونبي مساعدتكم قطر 911 بالنسبة للفيزا ايه قريت ان اي خطأ في البيانات او الاسماء او الحروف .. ممكن يرجعونا وماندخل بريطانيا .. عاد انا شايلة هم الفشلة اذا رجعنا اكثر من كنسلة الرحلة :(36): لكذا براجع المعلومات الف مرة وخاصة اني انا الي بسوي الفيز :(49): بس جد مريحة وريحتنا من مشوار السفر لمسقط لعمل الفيزا :) |
رد: ناويين نسافر لندن اول فبراير لأول مرة ونبي مساعدتكم اقتباس:
في ثلاث شقق بالمايفير ثنتين يمكن اسعارهم تكون عاليه اشوي والثالثه سعرها اعتقد معقول 1- شقق غراند ريزيدنسيس باي ماريوت Booking.com: ط´ظ‚ظ‚ ظپظ†ط¯ظ‚ظٹط© 47 ط¨ط§ط±ظƒ ط³طھط±ظٹطھ - ط؛ط±ط§ظ†ط¯ ط±ظٹط²ظٹط¯ظ†ط³ظٹط³ ط¨ط§ظٹ ظ…ط§ط±ظٹظˆطھ - ظ„ظ†ط¯ظ†, ط§ظ„ظ…ظ…ظ„ظƒط© ط§ظ„ظ…طھط*ط¯ط© 2- آسكوت مايفير لندن Booking.com: ط´ظ‚ظ‚ ط¢ط³ظƒظˆطھ ظ…ط§ظٹظپظٹط± ظ„ظ†ط¯ظ† - ظ„ظ†ط¯ظ†, ط§ظ„ظ…ظ…ظ„ظƒط© ط§ظ„ظ…طھط*ط¯ط© الثالثه ارخص منهم تابعه لكلاريدج في المايفير اذا تبغينها ممكن اجيب لج رقم المؤجر اما اذا تبغين شقق ارخص موجوده ومعظمها تتأجر من الاخوان العرب الغنيين عن التعريف هههههه يعني في شقه في اجور رود اسمها Forset Court ويسمونها ومعروفه هناك اسمها عماره البيانو ممتازه جدا وفيها سيكورتي 24 ساعه بس تتأجر عن طريق الجماعه في لندن او بعض المكاتب في النت ممواقع حجز شقق في لندن Forset Court, W2, London property for rent الرد فوق باللون الاحمر الحين شوفي هالمشاركه وفكري لين نوصل ونشوف رغبتج عقب نقدر نختار شقق ونقارن بسهوله |
رد: ناويين نسافر لندن اول فبراير لأول مرة ونبي مساعدتكم اقتباس:
الاسم نفسه بالجواز التذاكر ورقم الرحله والوقت والترايخ لازم بالضبط والفندق وكل البيانات الثانيه اي اكيد هو اريح بوايد بس اهم شي الدقه اما بالنسبه للي يتردد على لندن كثير للحين موجوده الطريقه القديمه ويعطون من 6 شهور الى 10 سنوات بالتوفييق ان شاء الله :(41): |
رد: ناويين نسافر لندن اول فبراير لأول مرة ونبي مساعدتكم قطر 911 قريت الرد وتمعنت فييييييييه وماشاء الله حسيت انك عايش بلندن :) وحبيت اننا نسكن الهيلتون .. حسيت له مميزات الموقع البيرفكت وسعره معقول :) واذا انضافت جودة المكان يكون ممتاز .. هل ارسل لهم في بوكينج رسالة طلب اسكن في المبنى الجديد ؟ |
رد: ناويين نسافر لندن اول فبراير لأول مرة ونبي مساعدتكم اقتباس:
جعلج تسلمين ههههه لا ماعشت فيها ولا درست بس اتردد لها وان شاء الله حاليا قاعد اجهز تقرير كبير عن لندن الله العلم متى يجهز اي الهلتون حلو بس نفس ماقلت لج اي مبنى يعطونكم ماراح ترتاحون انا عندي حلين اليوم برسل لج رقم الي بلندن وانا بكلمه وبسأله عن المتوفر عنده هو باكستاني وعنده مكتب ونتعامل معاه كثيررر ياخذ غرف كثيره من الفنادق ويدفع لهم بسعر مميز وهو يعيد تأجيرها والسنه الي راحت في وحده هناك بعد تعاملت معاها هي الي عطتني الغرفه المميزه بسعر مميز ولا خذت فلوس مني الا اخر يوم حتى الرجال ماراح ياخذ فلوس منج الا لين تسكنين وبعدها بكم يوم تعطينه ناس مضمونه ان شاء الله لاتكلمين البوكينغ ولا تحجزين لان بوكينغ دورهم فقط يخاطبون الفندق لكن ليس بالضروره انهم يجبرون الفندق يعطونج بالبرج الثاني فقط يخبرونهم |
رد: ناويين نسافر لندن اول فبراير لأول مرة ونبي مساعدتكم ماشاءالله قطر وفى وكفى ليش ماتسكنون في thistle marble arch او mandeville hotel ترا thistle توهم مجددينه وايد صاير احسن من قبل اختاروا الغرف من الدور 8 لي 5 |
رد: ناويين نسافر لندن اول فبراير لأول مرة ونبي مساعدتكم اقتباس: المشاركة الأصلية كتبت بواسطة qa6ar911 http://www.arabtrvl.com/vb/traveler/...s/viewpost.gif وان شاء الله حاليا قاعد اجهز تقرير كبير عن لندن الله العلم متى يجهز قطر موضوع خطير هذا انزين انا عندي صور وااااااااااااااااااااااااايد ماتخيل شكثر ادزهم لك وتنزلهم مره وحده في تقريرك ومن ضمنهم مناطق برا لندن |
رد: ناويين نسافر لندن اول فبراير لأول مرة ونبي مساعدتكم اقتباس:
وانا كنت هناك في ايام استفساراتج مافي شي يخوف لندن امان وكلها عرب الجو بارد ومع اللبس ان شاءالله بتستمتعون الغطاء البلاستيكي تحصلينه من مذر كير في شارع الاكسفورد ستريت بعد الكمبرلاند ومقابل بريماك المحل المشهور لدى الخليجين |
رد: ناويين نسافر لندن اول فبراير لأول مرة ونبي مساعدتكم اقتباس:
ياهلا ومرحبا مشرفتنا الف شكر لج على الاضافه ثيتسل مكانه حلوووو على شارع اكسفورد كان من ضمن الخيارات بس مشكلته منطقته وايد زحمه نفس كمبرلاند يعني اللوبي ماشاء الله وحوله ههههههه محد ياخذ راحته صوب الهلتن اشوي اهدى بس ثيستل حلو واخبر اثاثه قديم اذا جددوه شي حلوو اذا ناسبها السعر ممكن تسكن فيه لانه ممتاز في كثير من النواحي الفندق الثاني ماقد جربته وقريب من المطاعم الي ذكرتها الى ورى سلفردج تحياتي لج |
رد: ناويين نسافر لندن اول فبراير لأول مرة ونبي مساعدتكم اقتباس:
ياهلا ومرحبتين والله كويتية اي دزيهم بشوف انزلهم بالتقرير او بموضوع ثاني لان احتمال التقرير انزله بدون صور لان هو مهب تقرير هو كل شي عن لندن اتصالات وتسوق وشقق وفنادق ومطاعم ومواصلات جعلج تسلمين يا مشرفتنا |
رد: ناويين نسافر لندن اول فبراير لأول مرة ونبي مساعدتكم ثيسل ما صارله 6 اشهر من جددوا اثاثه وصاير وايحد احسن من قبل واذا على سالفه زحمتنا احنا العرب ترا لندن كلها عرب صارت وماندفيل انا سكنت فيه وايد هادي وموقعه حلو وحبيته بصراحه بس الغرف صغيره اشوي بس اذا اهما 2 زينه لهم وبس للنوم |
رد: ناويين نسافر لندن اول فبراير لأول مرة ونبي مساعدتكم تسلمين مشرفتنا ماقصرتي على الافاده |
رد: ناويين نسافر لندن اول فبراير لأول مرة ونبي مساعدتكم القطري ماقصر ربي يجزاه خير اختي لندن عشق لاينتهي انبسطي قد ماتقدري ربي يهنيكم انا كمان رايجتها ان شاء الله لكن بالصيف |
رد: ناويين نسافر لندن اول فبراير لأول مرة ونبي مساعدتكم بارك الله فيك مشرفنا هالموضوع مرجع لكل مسافر لندن |
رد: ناويين نسافر لندن اول فبراير لأول مرة ونبي مساعدتكم وبجزاكم الخير اختي طوق الياسمين & زهره نيسان شاكر لكم تواجدكم وجهودكم |
| الساعة الآن 10:31 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO