|
محتاج جدول شهر عسل للندن وماجاورها من دول اوروبا (14 يوم) بسم الله الرحمن الرحيم السلام عليكم ورحمة الله وبركاته اول موضوع لي في المنتدى، واتمنى ان اخرج منه بفايدة كبيرة. باذن الله زواجي بيكون في شهر شوال الموافق لشهر يوليو او اغسطس 2016 وحاط الوجهة الاساسية لشهر العسل (لندن). وتأتي من بعدها مانشستر او بعض الدول الاوروبية الاخرى المجاورة لها ان كان بالامكان (سويسرا - ايطاليا - فرنسا - اسبانيا). الي محتاجه منكم ياكرام. * جدول لشهر عسل لـ 14 يوم في اوروبا (تتضمن لندن على وجه التحديد). والتكلفة المتوقعة لها. انا حاط ميزانية لها 25,000 ريال، هل تعتبر كافية؟ أو اخلي الموضوع في انجلترا وخلاص شاكرا لكم.. |
وعليكم السلام ورحمه الله وبركاته الف مبروووك مقدما اخوي جعله زواج مبارك ان شاء الله بخصوص موضوعك وقبل لانعطيك المخطط هل الميزانيه المخصصه للسفرها شامله السكن والتذاكر وكافه المصاريف !! لان بصراحه احس الميزانيه ماتكفي واذا بتكفي على حسب سعر التذاكر ويكون السكن في فندق مستواه عادي جدا مع الاقتصاد في الاسراف فا الافضل يا تزيد الميزانيه او تقلل المده الى 10 ايام على الاكثر |
بالمبارك مقدما وربي يتمم لكم على خير اي والله لندن غاليه وبالصيف بعد موسم السياح العرب والخليجين يعني غلاء وخليها بلندن ومانشستر واي مدينة ثانيه في بريطانيا |
اقتباس:
الله يبارك فيك اخوي.. وعقبال من تحب ان شاء الله.. خخخ والله انا متوقع انها ماتكفي.. قلت يمكن في حلول.. عموما: والله يمكن ازودها 10 الاف كمان.. لكن تشمل كل شيء.. هل تعتبر كافية؟ * سؤال: كلامك عن لندن واوروبا، ولا بريطانيا بس ؟ |
اقتباس:
كذا اقتنعت ان الميزانية يبغالها زيادة طيب في برامج لمدن بريطانيا تنفع لشهر عسل؟ اسمعهم يمدحوا لندن والبحيرات. شاكرا لكم جميعا qa6ar911 & توبليرون |
اللهم اميين جزاك الله خير تقريبا نفس الشي ماتفرق كثير فقط بتدفع زياده في التنقل بالقطار لمدينه او بلد اخر اما الفنادق والمصاريف ماراح تفرق معاك ان شاء الله تكفي اخوي بس اهم شي : 1- نشوف اسعار التذاكر وتحجز بدري للحصول على سعر افضل 2- نشوف فنادق ممتازه للسكن في اماكن زينه واسعارها مقبوله 3- حجز بعض التذاكر اون لاين للتوفير ( تذاكر بكج ) وجاري ترتيب الجدول اخوي شامل التكاليف ممكن اعرف خطوط الطيران الي ترغب فيها !! |
ممتاز، الله يسعدك اخوي. مافي طيران معين، الخطوط السعودية طيبة او من يقاربها. في حال كانت اكثر من مدينة او دولة، فهي: لندن - باريس - سويسرا - النمسا شكرا لك |
وعليكم السلام ورحمة الله وبركاته الف مبروك والله ويفقكم ويجبع بينكم على خير .... لندن جميله مرررره ووقت جيتك حلو بعد ... خلك من مانشيستر ( لاحد يزعل علي ) لندن مرررره حلوه شف الموقع هذا لطيران ايزي جت Book direct for our guaranteed cheapest prices - easyJet طيران اقتصادي بس جميل مرررره انا جربته ينقلك لاي مكان باوربا بأسعار حلوه يمكن يكلفك ذهاب من لندن وعوده لها 1000 ريال للشخصين ... فممكن تخلي جيتك الى لندن ورجعتك من مكان ثاني باوربا وداخل اوربا طيران اقتصادي + قطارات او تقسم جيتك الى لندن قسمين بحبث تكون ذهاب وعوده من لندن ( ارخص لك بالتذكرة ) وتسافر من لندن وترجع لها بطيران اقتصادي ... فلو رحت لندن وسويسرا ؟ |
مرحبا اخوي علاء حاليا سويت لك تخطيط مدئ نشوف رايك فيه واستبعدت فكره النمسا لانها مسافه الا اذا ودك وتكون وجه اساسيه تروح لها نعيد لك التخطيط الوصول لندن والعوده من ميلانو لندن - باريس - جنيف - انترلاكن - ميلانو انا شيكت سعر التذكره الرياض - لندن ميلانو - الرياض سعر التذكره الواحده ذهاب وعوده 2450 ريال التذكرتين 4850 ريال التنقل من لندن الى باريس بقطار يوروستار سعر التذكره 200 يورو لشخصين من باريس الى جنيف طيران ايزي جيت سعر التذكره لشخصين 100 يورو ( يفضل استئجار سياره ) التنقل من جنيف الى انتر لاكن بالقطار سعر التذكرتين 70 يورو التنقل من انتر لاكن الى ميلانو بالقطار تذكره لشخصين تقريبا 120 يورو مجموع المواصلات = تقريبا 7,300 ريال السكن : لندن 4 ليالي بسعر 3850 ريال فندق ثيستل هايدبارك Booking.com: ظپظ†ط§ط¯ظ‚ ط«ظٹط³ظ„ ظ‡ط§ظٹط¯ ط¨ط§ط±ظƒ - ظ„ظ†ط¯ظ†, ط§ظ„ظ…ظ…ظ„ظƒط© ط§ظ„ظ…طھط*ط¯ط© باريس 3 ليالي بسعر 1500 ريال فندق ميليا اللاديفانس Booking.com: ظپظ†ط§ط¯ظ‚ ظ…ظٹظ„ظٹط§ ط¨ط§ط±ظٹط³ ظ„ط§ط¯ظٹظپط§ظ†ط³ - ظƒظˆط±ط¨ظˆظپظˆط§, ظپط±ظ†ط³ط§ جنيف ليلتين بسعر 2600 ريال فندق إيستويست Booking.com: ظپظ†ط¯ظ‚ ط¥ظٹط³طھظˆظٹط³طھ - ط¬ظ†ظٹظپط§, ط³ظˆظٹط³ط±ط§ او السكن في بحيره انسي ليلتين بسعر 1080 ريال فندق نوفوتيل انسي Booking.com: ظپظ†ط§ط¯ظ‚ ظ†ظˆظپظˆطھظٹظ„ ط£ظ†ظٹط³ظٹ ط³ظ†طھط± ط£طھط±ظٹط§ - ط£ظ†ظگط³ظٹ, ظپط±ظ†ط³ط§ انتر لاكن السكن 4 ليالي بسعر 3370 ريال فندق برينزيرسي Booking.com: ظپظ†ط§ط¯ظ‚ ط¨ط±ظٹظ†ط²ظٹط±ط³ظٹ - ط±ظٹظ†ط؛ظ†ط¨ط±ط؛, ط³ظˆظٹط³ط±ط§ او فندق سيلر أو لاك بسعر 3300 ريال Booking.com: ظپظ†ط§ط¯ظ‚ ط³ظٹظ„ط± ط£ظˆ ظ„ط§ظƒ - ط¨ظˆظ†ظٹط؛ظ†, ط³ظˆظٹط³ط±ط§ ميلانو ليلتين بسعر 1700 ريال فندق قصر أونا ميلانو Booking.com: ظپظ†ط§ط¯ظ‚ ظ‚طµط± ط£ظˆظ†ط§ ظ…ظٹظ„ط§ظ†ظˆ - ظ…ظٹظ„ط§ظ†, ط¥ظٹط·ط§ظ„ظٹط§ مجموع السكن = 13000 ريال= ( الحاله الاولى ) اذا كان السكن في جنيف مجموع السكن = 11,500 ( الحاله الثانيه ) اذا كان السكن في بحيره انسي مجموع المواصلات + السكن = 20,300 ريال ( في حاله السكن الاولى ) مجموع المواصلات + السكن = 18,800 ريال ( في حاله السكن الثانيه ) تتبقى لك 15000 ريال مصرف من مأكل ومواصلات بسيطه وتذاكر دخول وغيرها اذا تبغي نخفض التكاليف اكثر ممكن بس تكون مستوى الفنادق اقل اشوي الجدول والمخطط والفنادق قابله للتعديل هذا كله مبدئي لحساب التكلفه التقريبيه تكلفه تقريبيه بنسبه 95% |
الله لايحرمك الأجر .. مبدع المفروض إدارة المنتدى تعطيك عضويه فاخره ماشاء الله تبارك الله. . |
محتاج جدول شهر عسل للندن وماجاورها من دول اوروبا (14 يوم) اول شي الف مبروك ثاني شي تبي تجمع اكثر من مدن ب يوم زحمة ويحتاج ميزانية اقترح تخليها باريس و لندن مثلا خمس ليالي باريس شاملة يوروديزني وبالقطار الى لندن تجلس فيها سبع ليالي وبعدها مانشستر ثلاثة ليالي من مانشستر تقدر تطلع للبحيرات تقريبا ساعتين بالقطار تطلع ليفربول تطلع بلاكبول يعني خل الذهاب باريس و العودة مانشستر Sent from my iPad using Tapatalk |
اقتباس:
هلا ابو عبدالله.. الله يبارك فيك ويسمع منك يارب.. أشكرك. افتني كثير في موضوع وموقع الطيران الاقتصادي.. يمديني على اساسها ابني قراراتي.. خاصة انها كذا وجهه.. تسلم حبيبي وماقصرت .. |
اقتباس:
ماشاء الله تبارك الله .. احرجتني يارجال بتعاونك الله يسعدك.. انا من النوع الي اتوه اذا تعددت الخيارات قدامي.. فما بالك لمن تكون كذا دولة وكذا فندق خخخخ. طيب بسألك كم سؤال لاهنت.. اختيارك للفنادق كان على اساس شيء معين مثلا (قرب من مترو او مطار او بعض الاماكن السياحية) عشان لو فكرت اغير الفندق لظرف ما، يصير اختار فندق قريب منه. وبالنسبة لـ 15,000 ريال كمصروف جيب، ماتعتبر كثيرة؟ ولا هي تعتمد من شخص لآخر. وبيض الله وجهك.. وماقصرت وردك هذا راح يكون مرجع لي اكيد :) |
اقتباس:
يستحق والله بجدارة ماشاء الله عليه.. طرحت الموضوع في كذا منتدى .. وللامانة محد اتفاعل مع الموضوع كثر هالمنتدى.. |
اقتباس:
اقتراحك في محله، خاصة انه الدنيا وقتها زحمة.. لكن هل فيه برامج سياحية تكفي لـ: 7 ليالي في لندن و5 ليالي في باريس اقصد مو كثيرة وتحتاج لتوزيع.. ولا يتهيألي انا ماعندي خلفية صراحة فيها، لكن حاب استغل كل الوقت ان امكن.. شاكرا لك منيره.. |
والله يابوسعد انك عن 100 عضو وبدون مجامله اقف وارفع القبعه احترام واجلالاً لك لما تقدمه من مساعدات وتخطيط كامل للاعضاء الله يجزاك خير اخوي علاء اذا دخل مشرفنا القطري في موضوع انسى وتطمن باذن الله ماراح يخيب امآلك ماشاء الله عليه راعي سفر وخبرات قله من يمتلك مثل افكاره طبعا مازود عن رأي الاخوان في اقتراحاتهم ومخططاتهم وانا كمان بشارك برأي وانت خطط واختار براحتك ومن الحين عندك وقت تقدر تقرر وانصحك من الحين واول شي تسويه تقص التذاكر عشان الاسعار بتكون مناسبه جدا في هالوقت وكمان عندك 9 اشهر تقدر تجمع ميزانيه تكفيكم للرحله والتذاكر تكون انتهيت منها وكل ماتتاخر اعرف ان سعرها بيزيد يمكن 30-40-50-% وكل ماتتاخر كل مازاد السعر وكمان ماتلقى حجز في الوقت المناسب واضف على ذلك حجز الفنادق كل مايقترب الموسم ترتفع الاسعار احيانا للضعف وانت فكر واحسبها صح اذا كنت ناوي ع السفر خلاص حاول تنهي موضوع التذاكر والفنادق وحاول تكون الفنادق يكون الحجز فيه الغاء مجاني اما اقتراحي لمخطط الرحله 5-6 ايام تكفي لندن ومنها تزور مانشستر... 3 ليالي باريس.... و3ليالي جنيف ومنها تزور الجنوب الفرنسي.... او تخليها 5 ليالي ومنها 3 ايام في انترلاكن واخر يومين في جنيف يعني ايام الرحله يا 12 يوم او 14 يوم انت حدد وممكن تزود وممكن تنقص يكون ذهابك على لندن والعوده من جنيف خيارات الطيران - السعودية -الاتحاد - الاماراتيه-القطريه-التركيه-المصريه شف افضل سعر وقص التذكره بدون تردد الميزانيه وما ادراك مالميزانية هيا تعتمد ع الشخص وكيف راح يصرف وانصحك ادخل ع هالموضوع واقراء الصفحات الاولى وراح تستفيد من تجارب الاعضاء في كيفية الصرف http://www.arabtrvl.com/vb/t12556.html وكمان فيه موضوع ثاني http://www.arabtrvl.com/vb/t2981.html انا انصحك لو قصيت التذاكر من الحين وحجزت الفنادق 20 الف راح تكفيك كمصروف يومي وللمواصلات وتذاكر الدخول للاماكن السياحية والاكل والشرب واخير اتمنى لك رحله سعيده وممتعه ياعريس والف الف :(6):مقدما اللهم بارك لهم واجمع بينهم على خير |
اقتباس:
اقتباس:
الف شكر لكم على كلامكم الطيب جزاكم الله خير واكيد اخوي شخص ثاني ماشاء الله مبدع وانت اخوي علاء ان شاء الله تستاهل كل خير وبالعكس ماسويت شي الكثير نفسي واكثر مني يحاولون يفيدون الناس بقدر استطاعتهم اللهم لك الحمد |
اقتباس:
مرحبااا مشرفنا الغالي ياخي تحرجني بكلامك الجميل نفسك والله ماعليك زود ولا الباقي قصور وجزاك بمثله يا الغالي :(125): اقتراحك ممتاز جدا وينفع لشهر العسل يا عسل بس طويل اشوي يبغيله ايام اكثر انا مخططي بعد احسه اشوي طويل على عدد ايامه هههههههه بس لان معرس جديد ويبغي يزور كذا دوله ومابغيت احصره في مكان واحد او اثنين والاكنت بخطط لباريس ولندن فقط بس اقتراحك ممتاز وفيها تنوع وخاصه الجنوب الفرنسي بصراحه ممتاز جدا عسك على القوه يا الغالي |
اقتباس:
ياهلا ومرحبا فيك اخوي علاء منور المنتدى ونكون سعداء بتواجدك معانا والكل ماراح يقصر معك فيهم الخير والبركه ان شاء الله بالنسبه للمصروف 15000 ممتاز جدا وهالمبلغ يمكن يطفيك ويمكن يزيد طبعا لازم تحط معك زياده احتياط مب شرط المبلغ المتوفر هو الي لازم تصرفه بالنسبه لأختيار الفنادق على حسب الشخص وحسب الميزانيه لها كذا اعتبار عندي منها اذا كانت البلاد فنادقها با الاصل غاليه الاعتبار الاول يكون للنظافه والسعر وليس المكان لكن ايضا المكان مهم اذا بمكان الفنادق اسعارها اقل راح تكون للنظافه وموقعها ومحطات المترو وامور واعتبارات كثيره راح اعطيك مميزات كل فندق ان شا الله اذا تبغي مخطط اخف ونفس اقتراح مشرفتنا منيره وجزء من اقتراح مشرفنا فارس انك تنزل على مطار مانشستر ومنها للبحيرات وبعدها لندن واخيرا باريس لك الخيار في الاختيار قرر عشان نلخص لك الجدول ونتكلم في باقي الامور بالتوفيق ان شاء الله |
اقتباس:
اقتباس:
اولا: الله يبارك في عمرك يالفارس.. والله يسمع منك يارب.. وعقبال من تحب.. والشكر لكم جميعا على تعاونكم وتجاوبكم الفعال معي. واعتذر عن تأخري في التعقيب على ردودكم لانشغالي.. تقريبا تقريبا بانت الوجهة الوجهات الاساسية بشكل عام بعد افادتكم والقراءة.. وهي: لندن - باريس - جنيف 5 - 5 - 4 أيام على التوالي تتخللها بعض الزيارات الفرعية: البحيرات مع لندن. ديزني لاند مع باريس انترلاكن مع جنيف * انا ماودي اكثر في التفرعات، حتى ما احس اني جالس اجري طول الرحلة عشان الحق كل شيء.. عشان كذا اخترت وجهة فرعية لكل وجهة أساسية.. فتصير 6 وجهات.. اذا كان التوزيع سليم فجدا ممتاز.. او لا .. فما نستغني عن اقتراحاتكم.. بالنسبة لموضوع تجارب الاعضاء في الميزانية، فجدا فادني الله يعطيك العافية.. وكتبتلي شوية توصيات منها.. شكرا لكم جميعا من القلب :) |
مرحبا اخوي العفو الله يسلمك ماسينا الا الواجب ومعذور كلن له ظروفه جدولك كذا تمام التمام بس نقطه ان البحيرات مع لندن يبغيلها مسافه ذهاب وعوده ماراح تستمتعون العوده بنفس اليم ومتعبه اشرايك تاخذون فيها ليله كسكن هناك واليوم الثاني ترجعون ولاتحسبها تنقل لان ممكن تخلي اغراضك في مخزن الفندق وبعدها ترجع للسكن بالفندق نفسه بعد العوده من البحيرات بمعنى ان تسكن يومين في لندن وبعدها تشييك اوت من الفندق تاخذ معك شنطه صغيره فيها اغراضكم ليوم واحد وباقي الاغراض تنزلها تحت لما ترجعون تسون تشييك ان بالفندق تاخذونها معاكم وجذي الافضل تزيد بيوم بلندن ويكون جدول رحلتك كالتالي 5 ليالي لندن ليله واحده البحيرات 5 ليالي باريس 3 ليالي جنيف ( منها نهار كامل لأنترلاكن ) انا زدت لك في لندن لانها تستاهل اكثر وخصمت لك يوم من جنيف لان جنيف مافيها اماكن كثيره للزياره عطني رايك بهذا او تثبت على جدولك الي يريحك يا الغالي وبالنسبه للفنادق اخترت منها او تبغي غيرها !! بالتوفيق |
اذا ابتدي بجنيف و انتهي بلندن بالنسبة لجنيف انسي و شامونيه اقرب لك من انترلاكن Sent from my iPad using Tapatalk |
اقتباس:
ماشاء الله عليك.. افدتني كثير في نقطة التنقل والسكن مابين لندن والبحيرات. كذا الجدول جدا ممتاز .. شورك وهداية الله.. انت اعلم مني بالامور هذه ولا ماكان جيتكم خخخخ.. بالنسبة للفنادق. مافي شيء معين.. عدا فندق لندن فقط.. هو الي عليها التركيز.. موقعه جدا ممتاز قدام هايد بارك، لكن تعليقات نزلاء الفندق في بوكينج ماحمستني.. ودي بفندق غرفها مطله على ساعة بنج بن وعين لندن ان امكن.. بتكلفة مقاربة للي حطيتها لي. مثل صورة توقيعك بالزبط.. تعتبر هذه المنطقة بعيدة عن حديقة البارك؟ وتسسسسلم حبيب قلبي وماقصرت اقتباس:
|
من هي اللي افضل يرجى التحديد Sent from my iPad using Tapatalk |
قلتي انه انسي و شامونيه اقرب من انترلاكن.. هل تعتبر انسي وشامونيه احلا وافضل من انترلاكن؟ لان الكل يمدحها. |
لا طبعا انترلاكن لها سحرها بس انا اقصد اقرب لك من جنيف انسي وشامونيه في حدود ساعة لكن انترلاكن ممكن تاخذ ساعتين ونص Sent from my iPad using Tapatalk |
هههههههه ياشيخة متعودين على خطوط 8 ساعات بين صحراء وحرارة.. نجرب هالساعتين ونص في هالمناظر.. ودامها تسوى انترلاكن فما عليها حسوف ان شاء الله.. تسملي منيرة وماقصرتي.. |
| الساعة الآن 05:24 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO