تنبيه : عدم مصداقيه شركه عبر العالم للشحن
 

السلام عليكم ورحمه الله وبركاته

من يومين كنت راده من لندن وبالصدفه وانا امشي يم الهايد بارك شفت شاحنه لشركه عبر العالم للشحن
وبما اني محتاجه اشحن اغراضي عشان اتجنب الوزن الزايد في المطار ودفع اضعاف مضاعفه مما سادفعه لشركه الشحن
اخذت رقمهم واتصلت
قالي اخذ باوند ونصف على الكيلو واذا كان الوزن اقل من 100 كيلو فان سعر البوليصه 60 باوند
وهذا السعر يختلف من شركه لاخرى في شركات تاخذ 50 باوند بس؟!!

المهم طرش لي السائق لاخذ الشنط وكانوا 4 شنط ومقفلات بقفول وما مانع من هالشي انا تعمدت اقفل الشنط لاني قريت بان تصير سرقات وفقدان للامتعه فما ابي اتحسر على اغراضي ولا اتهم الشركه او الجمارك :202:

المهم وزن الشنط جدامي وانا واقفه عند الميزان وكان مصفر فطلع الوزن الاجمالي 74 كيلو وطلب 1.6 باوند بدل من 1.5 باوند كما هو متفق عليه ومشيتها

طلبت منه تغليف الشنط بلفه الفقاقيع واخذ على كل شنطه 5 باوند والمفروض ادفع زياده 20 باوند وهو طلب 25 باوند
وهم مشيتها له قلت تعبه ويعلها دفعه بلا عن عمرنا
المهم المجموع طلع 203 باوند وفايدة السواق من ورى ظهري هو 12 باوند

المهم وصلت الدوله بالسلامه وطلبت منه التراك نمبر ( رقم تعقب الشحنه)
ارسله لي ودخلت على موقع الاتحاد للشحن فكانت الشنط واصله
بس الصدمه :yolks0060:

ان مجموع وزن الشنط هو 60 كيلو وليس 74 كيلو ؟؟؟!
يعني بعد غشني في 14 كيلو

الموقف الثاني رحت استلم الشنط فلقيت انها مغلفه بكياس زباله سوداء ( عزكم الله) بدل عن تغليف الفقاعات

الشركه مافيها اي نوع المصداقيه

حبيت انوهه عن عدم التعامل معها لان في شركات شحن كثيره بلندن


حبيت انقل تجربتي لكم

رد: تنبيه : عدم مصداقيه شركه عبر العالم للشحن
 

البرتش تأخذ ٣٥ بوند على كل شنطة إضافية ٢٣ كيلو
انا أطبقها شناطي معاي وأضمن وصولهم وارخص من شركات الشحن

رد: تنبيه : عدم مصداقيه شركه عبر العالم للشحن
 

مشكوره على النصيحه
بالفعل الطيران البريطاني اخذ مني ٤٥ يورو على كل شنطه زياده شحنتها من باريس الى لندن
بس ما ياا في بالي اشحن الشنط على البريتش لارض الوطن

يزاج الله الف خير ع النصيحه

رد: تنبيه : عدم مصداقيه شركه عبر العالم للشحن
 

العفو
رحلات سعيدة

رد: تنبيه : عدم مصداقيه شركه عبر العالم للشحن
 

جزاكم الله خير اخواتي بحرينيه ومنيره
والف شكر على التنبيه

اختي دايما اذا بغيتي تشحنين من شركات عادي غير معروفه
اسألي الناس الي حولج ويكونون مجربين الشركه وانها صادقه
لان الحين بعض الشركات المعروفه تصير فيها سرقات

الله يحفظكم من هالسرقات ان شاء الله

والف شكر لج على النتبيه وربي يعوضج خير ان شاء الله

رد: تنبيه : عدم مصداقيه شركه عبر العالم للشحن
 

شكرا على التنبيه المهم أختي

رد: تنبيه : عدم مصداقيه شركه عبر العالم للشحن
 

شكراً على التنبيه والحمدلله على السلامة

رد: تنبيه : عدم مصداقيه شركه عبر العالم للشحن
 

اقتباس:
المشاركة الأصلية كتبت بواسطة qa6ar911 http://www.arabtrvl.com/vb/traveler/...s/viewpost.gif
جزاكم الله خير اخواتي بحرينيه ومنيره
والف شكر على التنبيه

اختي دايما اذا بغيتي تشحنين من شركات عادي غير معروفه
اسألي الناس الي حولج ويكونون مجربين الشركه وانها صادقه
لان الحين بعض الشركات المعروفه تصير فيها سرقات

الله يحفظكم من هالسرقات ان شاء الله

والف شكر لج على النتبيه وربي يعوضج خير ان شاء الله



ويحفظك ياربيالسفر تجاري والواحد يتعلم من اخطائهلان مهما قريت وتحذرت لابد انك تقع في بعض الاخطاء واللي ممكن تتعلم منهاوالملاحظة اللي ذكرتها سجلتها عندييزاك الله الف خير

رد: تنبيه : عدم مصداقيه شركه عبر العالم للشحن
 

الغردقاويPrinceOfPersiaالعفووما قصرتوا على التعليق والمرور

رد: تنبيه : عدم مصداقيه شركه عبر العالم للشحن
 

الله المستعان

مشكورة ع التنبيه و الله يعطيك العافية ويعوضك خير