|
بخصوص الميترو والمناطق القريبة من لندن السلام عليكم ورحمة الله وبركاتة الاخوه الاكارم ان شاء الله طالع لندن الاحد القادم ان شاء الله بشكل سريع بختصر الموضوع انا اول مره اروح لندن بسأل عن المترو وكيف الوصول الي محطة بادنجتون لندن وماهي افضل بطاقات المترو خاصة انا راح اقعد 12 يوم 2 في لندن والباقي في سلاو Slough هل كروت المترو اقدر استخدمها داخل لندن وكذالك داخل سلاو ؟ او بحكم انها خارج لندن تحتاج كروت ثانية خاصة انا راح ازور لندن بشكل يومي ان شاء الله من سلاو احتاج افصل كروت بطاقات المترو في اللي تناسب هالحالة --- الشي الثاني ماهي افضل الاماكن اللي اقدر ازور فيها لندن في المساء للتنوية انا عندي دورة في سلاو فما اقدر ازور لندن الصباح ---- وما استنغنى عن اي مقترحات الله يبيض وجهيكم |
رد: بخصوص الميترو والمناطق القريبة من لندن و عليكم السلام اقرأ هذا الموضوع عن الاندرقراوند فهو راح يكون صديقك اليومي للتنقلات في لندن http://www.arabtrvl.com/vb/t1947.html تشتري بطاقة اويستر زون 1+2 لمدة أسبوع و بعدين تضيف عليها كل ما احتجت بالنسبة لرحلتك يومياً من سلو الى لندن تشتريها من النت بدري عشان السعر يرخص National Rail Enquiries - Journey Planner في المساء في لندن كل شئ مفتوح بس تحتاج جدول تمشي عليه رأيي تترك أول يوم و أخر يوم فاضي و تمشي على جدول كهذا http://www.arabtrvl.com/vb/t1726.html و الاعضاء ما يقصرون رحلة سعيدة |
رد: بخصوص الميترو والمناطق القريبة من لندن وعليكم السلام ورحمه الله وبركاته ياهلا ومرحبا اخوي بخصوص المترو لازم اعرف من اي محطه مترو بتطلع على محطه القطارات عشان ادلك عليها عدل على العموم الموضوع بسيط ان شاء الله اسم محطه المترو الي في محطه القطارات هي نفس الاسم Paddington الوان خطوط المترو (الاندرغراوند ) الي توصلك للمحطه اللون الوردي -اللون الاخضر- اللون الاصفر - اللون البني اذا قلت لي مكان سكنك بلندن اقدر اقولك من اي محطه تنزل الاسهل لك وبعد اذا تبغي تروح لها بالباص هذي ارقام الباصات كلها الي توصل محطه القطارات بانديغتون ( 7-23-27-36-N7-205-436N-N205-332-46 ) ونزل هذا التطبيق للأجهزه الذكيه london tube map استخدامه سهل لما تفتح البرنامج روح فوق على اليسار بتحصل 3 خوط تحت بعض اضغط عليه بتطلع خيارات واختار Route planner ,وبعدها اكتب في اول مستطيل اسم اقرب محطه لك والمستطيل الثاني اكتب اسم المحطه المتوجه لها ويعطيك الطريق بالضبط ويطلع لك الوان الخطوط الي توصلك والوقت المتوقع للوصول بالنسبه لأفضل بطاقه هي الاويستر وهالموضوع راح يفيدك بأذن الله http://www.arabtrvl.com/vb/t1808.html بخصوص سلاو للأسف هي خارج الزون لندن تتكون من عدد 6 زون سلاو غرب لندن وخارج حدودها اقرب منطقتين حق سلاو هم مطار هثيرو و west Drayton وهالمكانين في زون 6 وهم في اخر حدود لندن ومدينه west Drayton قريبه جدا من سلاو بالقطار فقط 11 دقيقه يعني الاويستر يوصلك اخر حد الى ويست درايتون هذا في حال انك اخترت من ضمن الاويستر زون 6 بالنسبه لبطاقه القطار المناسبه لك اذا بتنزل لندن يوميا هي Season Tickets لما توصل هناك ممكن تشتريها تقدر تاخذها لمده اسبوع وعندهم لمده شهر ولمده سنه وتقدر تاخذها شهر و اسبوع وهكذا لكن اذا انت 12 يوم الافضل تاخذ بطاقتين كل وحده لمده اسبوع في البدايه خذ وحده وقبل لاينتهي الاسبوع شوف نفسك اذا مناسبه لك خذ حق اسبوع ثاني وطبعا تذكره السيزون مفتوحه ذهاب وعوده و اي عدد من الرحلات ذهاب وعوده من سلاو الى لندن اذا تبغي تعرف سعرها ادخل هنا وحط المكانين الي تبغي توصل لهم محطه قطارات سلاو اسمها (burnham (Bucks National Rail Enquiries - Season Ticket Calculator يعني from : paddington (to : burnham (Bucks واكتب التواريخ ويطلع لك سعر تذكره السيزون بالنسبه للأماكن بالليل ماعرف كم الوقت بالضبط الي بتزل لندن لكن عندك شارع النايتسبرج - بيكاديلي - اجور رود - اكسفورد - منطقه بغ بن ولندن اي |
رد: بخصوص الميترو والمناطق القريبة من لندن اقتباس:
الله يسعد ايامك وبيض الله وجهك كفيت ووفيت يالغالي |
رد: بخصوص الميترو والمناطق القريبة من لندن اقتباس:
يا جعل عيني ما تبكيك ان اشهد انك كفيت ووفيت وزيادة بعد شرحك رائع وسلس ما شاء الله عليك يالغالي ان شاء الله راح اوصل مطار هيثرو والفندق اللي بسكن فيه قريب جدا من بادنقتون اذا تقدر تشرح لي بشكل بسيط خط السير للقطار من هثروا الي بادنقتون اكون لك ممنون وهل هي مباشره او فيها تغيرات بالقطار الفندق راح اقعد فيه يومين ان شاء الله بعدها راح اطلع على سلاو مثل ما تفضلت تقول بغرب لندن كيف اوصل لها من باندنقتون الي سلاو اللي فهمته منك اطلع من محطة بادنقتون الي west Drayton هل المسار واحد او فيه تغير مسار ومن وست دراتون الي المحطة الي ابيها في سلاو اذا ما بكلف عليك تشرحها يالغالي بالنسبة لكروت وبطاقات الميترو اللي فهمت لازم اخذ الاويستر للتنقلات داخل لندن لمدة اسبوع واشحنها اذا احتجت وبطاقة Season Tickets داخل سلاو كذلك لمدة اسبوع بكذا يعني بطاقة الاويستر استخدمها من محطة بادنقيتون حتى اصل الي محطة وست دراتون ومن وست دارتون استخدم بطاقة Season Tickets حتى اصل الي سلاو اذا كان فهمي صحيح يبقى عملية الشراء للبطاقتين هل اخذها من مطار هيثرو او من النت واذا من النت بعد ما اشتريها تعطيهم ايصال ؟ او شنو حتى يعطيني الكرت ؟ اسف ياغالي كثرت بالاسألة بس مالنا غنى عنكم وهي اول سفرية لي فطبعي احس بلخبطة مهما قلت اعجز عن الشكر والثناء لكم جميع ولك بشكل خاص |
رد: بخصوص الميترو والمناطق القريبة من لندن اقتباس:
لا افا عليك اخوي خذ راحتك با الاسئله انا خربطتك اشوي مع وست درايتون هههههه على اساس كن ابي اشرح لك اكثر الاجابه فوق باللون الاحمر اي استفسار انا حاضر اخوي |
رد: بخصوص الميترو والمناطق القريبة من لندن يسعدك ربي يا بو سعد شرح فوق الوصف ماشاء الله مبدع الله يحفظك |
رد: بخصوص الميترو والمناطق القريبة من لندن ماشاء الله تبارك الرحمن والله عاجز عن الوصف يالغالي لاهنت الحين كلها استخدم قطار هيثرو اكسبرس في جميع تنقلاتي سواً داخل لندن او بين لندن وسلاو والا استخدم الاندرقراوند ؟ معليش انا دقيق جدا :205: المسار داخل لندن الحمدالله اعتقد اني فهمت الخريطه لكن مسار بادنيقتون الي سلاو ياليت تعطيني المسار ومحطات التوقف عشان اتأكد ميه بالميه اني صح للمعلوميه محطة سلاو هي اول محطه ( سلاو) الي راح انزل فيها ان شاء الله |
رد: بخصوص الميترو والمناطق القريبة من لندن اقتباس:
ياهلا وغلا بذمتي يامرحبا بوغسان تسلم يا الغالي على كلامك الطيب عملك خلف الكواليس عمل جبار الله يجزاك الخير وابداعك راح يستفيد منه الكثير :(114): ويحفظك ويحفظ لك كل غالي |
رد: بخصوص الميترو والمناطق القريبة من لندن اقتباس:
حاضرين لك الله يسلمك انت تامر اخوي عشان ماتتلخبط الامور ان شاء الله بعد اشوي بعطيك الملخص المفيد والمهم فقط لرحلتك قطار اكسبرس فقط يوصلك من مطار هيثرو الى وسط لندن ( يعني خاص بالمطار فقط ) وداخل لندن فقط المترو ( الاندر غراوند ) والباصات ومن لندن الى سلاو train القطار العادي بخصوص خط محطه سلاو هو دايركت ماتنزل ولاتغير قطار لين محطه السكن الخاص فيك ملاحظه ( لما نقول قطار مش دايركت يعني بتنزل احدى المحطات وتبدل قطار ثاني يوصلك لين مدينتك , ولما نقول دايركت يعني ممكن يوقف القطار في محطات بالطريق لمده دقيقه تزيد او تنقص اشوي لكن ماتنزل ولاتبدل قطار هذا يعتبر دايركت ) معليه اخوي الدقه مطلوبه مرات هههه خذ راحتك انا معاك لين ترتاح ان شاء الله الحين بنزل لك ملخص وانسى المشاركات السابقه :(94): |
| الساعة الآن 08:51 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO