|
خبراء مانشستر و الليك ديستريكت السلام عليكم ورحمة الله بالعادة اذا قلنا بريطانيا مانعرف الا لندن وإذا شطينا شوي رحنا رحلة يوم سواء الى بيرمينغهام او بورتسميث او برايتون هلمرة نبينغير شوي استفدت من عرض القطرية 35٪ وحجزت البحرين مانشستر هيثرو البحرين بسعر 300 دينار التقسيم أسبوع مابين مانشيستر و الليك ديستريكت و ليفربول اولا: الليك ديستريكت 3 ايام تكفيها ؟ و اي أجمل البحيرات؟ عرفت ان وينديرمير هي الأشهر في شي جميل بعد وماهي النشاطات؟ ثانيا: اخلي سكني دائم في مانشيستر و اطلع يوميا شفت ان الليك ديستريكت تبعد عن مانشستر ساعة وكذلك ليفربول ثالثا: في منطقة او فعالية حلوة قريبة من مانشستير ؟ رابعا: نشاطات وفعاليات في مانشيتر و ليفربول وبلاكبول ؟ خامسا: ارجع من مانشيستر الى لندن بقطار ولا أخذ طيارة؟ سادسا: اما لندن خلوها علي اعرفها شارع شارع :(22): |
رد: خبراء مانشستر و الليك ديستريكت ياهلا ومرحبا اختي منيره زين حلووو التغيير أبشري ان شاء الله راجع لج اليوم بكتب لج كل شي بلاك بوول حلوه كفايه لو تقضين يوم كامل على كورنيشهم رووووعه اشوي عليه وخاصه اذا الجو مغيم كلها العاب و الاكواريوم والحنطور ومحلاتهم حلوه بسيطه نظام الالعاب فيها نفس مدينه برايتون على البحر ورى بعض في تقريبا 3 مناطق العاب والرابعه اكبر منهم اشوي مش البحر لكن قريب منها بالنسبه للبحيرات في مدينتين رئيستين تقريبا راجع بالتفاصيل عنها مانشستر اقدر اقول لج انها لندن المصغره :(39): راجع لج انتظريني :204: |
رد: خبراء مانشستر و الليك ديستريكت هلا فيك في انتظارك :showoff: |
رد: خبراء مانشستر و الليك ديستريكت اقتباس:
الحين بالنسبه للمخطط من وجه نظري كالتالي اربع ليالي في مانشستر و 3 ليالي في البحيرات اول ليلتين في مانشستر وبعدها تطلعون على البحيرات تقعدون الثلاث ليالي هناك وترجعون ليلتين في مانشستر قبل العوده منها الى لندن طبعا مانشستر قريبه من ليفربول وتتنقلون بينهم على راحتكم المسافه نص ساعه بالنسبه لبلاك بول تخصصون لها يوم وانتو مانشستر ترحون لها الصبح المسافه بالقطار بين ساعه وربع الى ساعه ونص دايركت تطلعون لها من محطه بيكاديلي مانشستر الى محطه بلاك بول نورث وبالسياره ساعه 85 كيلو متر في بلاك بول تروحون الى الكورنيش او تنزلون في Talbot Square الى على الكورنيش وبتشوفون مدينه العاب على البحر وفي ثنتين نفس الشي بعدها بينهم مسافه اشوي واخر وحده اكبر منهم قدام اشوي يعني المكان كله حلو للمشي يعني مدن الالعاب كلهم 4 3 على البحر والاخيره بعد الملاهي الثالثه بتكون يساركم والكورنيش من اول مدينه العاب لين الثالثه على اليسار كلها محلات ومطاعم المكان وااايد حلوووو وفي اكوريوم حلو انصحكم تدخلونه بدون تردد وفي حنطور تتمششون فيه على الكورنيش يعني يومكم كله هناك فقط + منتزه Stanley Park اذا نسيت شي وتذكرت بخبرج ان شاء الله وانتي اذا عندج اي توضيح او استفسار و أبشري :yolks00250: |
رد: خبراء مانشستر و الليك ديستريكت اول شي يعطيك العافية على هالمعلومات القيمة :(34): مبدئيا انا قررت التقسيم ليلتين مانشيستر 3 ليالي ويندير مير 3 مانشيستر اوصف لي بالضبط فعاليات وينديرمير يعني انا سمعت في مطلات جميلة اذا عندك احداثياتها و اساميها البحيرات الباقي ازروهم ؟ واي الاجمل بعد وينديرمير سفاري بارك اللي ذكرته مادري اذا زرته من قبل ولا لا بس هذهو اللي تركب باص و يفرونك على الحيوانات ؟ انا افضل الطيارة لان مرة خذت قطار باريس جنيف و تعذبنا بالشنط كان القطار طابقين و يالله دخلناهم الدور الاول الى مال التذاكر قال اذا انتوا فوق و دوهم فوق :204: القطار جميل بس بهدلته الشنط تكرهني فيه في بريطانيا نفس الشي مافي عمال ؟؟ بلاكبول شرحك وافي :(89): بس اذا تشرح لي اكثر عن مانشستر حدايق حلوة قعدات حلوة مطاعم تستحق الذهاب مجمعات او شوارع مهمة الداون تاون شسمه اطلع من مانشيستر اروح التون تاور برايك ؟ في نفس لندن شركات سياحية تطلع بباصات لها و لا ؟ يعطيك العافية و بيض الله ويهك |
رد: خبراء مانشستر و الليك ديستريكت الله يعافيج يااااارب ووجهج ابيض يا الشيخه ان شاء الله ابشري بشرح لج بشكل تفصيلي اكثر بس امس حسيت اني تأخرت عليج قلت بكتبهم على عجاله وبدون ترتيب احس اشوي مخربط هههههههه ان شاء الله بس ارتب لج النقاط الاساسيه وافصلها لج وانزلها بخصوص التون تاور لا تروحين لندن ومنها الى التون تاور اطلعي حق التون تاور من مانشستر التون تاور بين مانشستر ولندن لكن اقرب حق مانشستر بكثير من مانشستر الى التون تاور 70 كيلو ومن لندن الى التون تاور 240 كيلو خارطه توضيحيه المربع الحامر التون تاورز http://up.arabseyes.com/uploads2013/...6663927471.png العاب وراجع لج بتفاصيل اكثر ان شاء الله |
رد: خبراء مانشستر و الليك ديستريكت بخصوص الذهاب الى التون تاور تقدرون تاخذون سياره بسايق من الفندق او تاكسي وياخذ عليكم ذهاب فقط بين 100 الى 120 باوند بالقطار ما انصح فيه ياخذ 4 ساعات وتبديل مابين قطارين الى 3 قطارات وتوصلون مدينه التون وبعدها تروحون للملاهي بالباص او التاكسي بالنسبه للشركات السياحه مادري بس اكيد ان في وتقدرين تكلمين كونسيرج الفندق وهم اكيد يتعاملون مع شركات |
رد: خبراء مانشستر و الليك ديستريكت على فكرة جيكت قطار مانشستر التون تاور ساعة و نص و تبديل واحد بس و اوفر بعد في حدود 28 باوند ومن المحطة فري شتل الى التون في انتظار باقي شرحك |
رد: خبراء مانشستر و الليك ديستريكت كثير 3 ايام بالليك دستريك اغتنمي الايام اما في لندن ولا مانشستر ليلتين كفايه 1 يوم ضيفية على لندن هي اللي تستاهل الجلسة 3 مانشيستر 2 وينديرمير الباقي لندن :(3): |
رد: خبراء مانشستر و الليك ديستريكت اقتباس:
ممكن تعطيني جدول الرحلات من محطه فري شتل :dunno: |
رد: خبراء مانشستر و الليك ديستريكت تفضل :showoff: Trains to Alton Towers | Nearest train station to Alton Towers Nearest Station to Alton Towers The nearest train station to Alton Towers is Uttoxeter Rail station. However, the Alton Towers Transport team run a number of bus services designed to connect with incoming train services from popular destinations such as Stoke-on-Trent, Leek, Nottingham and Derby. Therefore, you should really choose the rail hub that suits where you are travelling from. For example, if you are travelling from Sheffield then Derby is your best option, whereas if you are travelling from Manchester then Stoke-on-Trent is a good choice. For more information, on Alton Towers bus timetables and prices, go to www.altontowers.com/events/how-to-find-us |
رد: خبراء مانشستر و الليك ديستريكت فارس الجبيل التقسيم تم بناءا على رحلتين من مانشستر الى بلاكبول و ليفربول و وينديرمير خصصت لها ٣ ليالي لان او يوم بيكون وصولي على الساعة ٥ المغرب يعني يوم ضايع ضَل يومين شكرًا على المشاركة |
رد: خبراء مانشستر و الليك ديستريكت اقتباس:
ههههههه ياخطيره :(127): فعلا هذا ينزلكم في جنوب التون تقريبا 14 كيلو يعني تقريبا لين التون تاورز ربع ساعه بالسياره او الباص بس ليش ماتنزلون في مدينه Stoke-on-Trent ومن مركز المدينه hanley تاخذين باص رقم A32 يوصلكم لين التون تاورز المسافه من مانشستر الى مدينه ستوك 33 دقيقه ودايركت والمسافه بالباص الى التون تاورز 54 دقيقه http://up.arabseyes.com/uploads2013/...0888453961.png العاب اوقات الباصات http://www.verdonguesthouse.co.uk/timetable.pdf |
رد: خبراء مانشستر و الليك ديستريكت هو فعلا محطه القطارات في Uttoxeter هي اقرب محطه حق التون تاورز بالباص ربع ساعه ومحطه ستوك الى التون تاورز 54 دقيقه بالباص ابعد منها لكن بالقطار اقرب فرق 45 دقيقه هناك الوصول وتبديل قطار ساعه و 22 دقيقه والوصول الى مدينه ستوك 33 دقيقه ودايركت يعني الي جايين من جنون بريطانيا مثل لندن وغيرها ينزلون في Uttoxeter افضل لهم لكن الي جايين من شمال بريطانيا مثل ليفربول ومانشستر وبلاك بول الافضل من وجهه نظري ينزلون في مدينه ستوك احسبيها وشوفي الانسب لج |
رد: خبراء مانشستر و الليك ديستريكت انا خطيرة من زمان :200: خلنا من التون تاورز بفكر فيها بعدين انتظر فعاليات مانشيستر و ليفربول و وينديرمير بالتفصيل بالنسبة للسكن شرايك في راديسون بلو ادوارديان بمانشستر وفندق ماكدونالد بوينديرمير |
رد: خبراء مانشستر و الليك ديستريكت صباح الخير انا جربت فندق ماكدونالد من قبل الفندق مطل مباشرة على البحيرة وبسنتر ونديرمير فندق جميل ويعتبر افضل واحد من الي في السنتر يوجد كذا فندق لكن مسافاتها ابعد من ماكدونالد يعني اشوفه زين وفخم ونظيف واطلالتة ترد الروح التون تاور لاتحتارين فيها من تروحين المحطة وتقصين تكت لالتون تاور دايركت لستوك اون ترنت من مانشيستر |
رد: خبراء مانشستر و الليك ديستريكت صباح النور فارس جبيل تم اخذ نقاطك بعين الاعتبار طيب عندك فكرة عن مانشيستر و ليفربول وين نروح وين نطلع لفعاليات حلوة .. اسواق .. مطاعم :(155): |
رد: خبراء مانشستر و الليك ديستريكت بالنسبة لألتون تاورز انا بروح لها لما ارجع من وينديرمير و بما ان عندي سيارة بخليها معي يوم بعد في مانشيستر و اروح بها لاتون تاورز و ارجعها اخر النهار احسن من بهدلة قطارات و باصات و لا شرايكم :(2): و طبعا اوفر و اقل وقت ساعة تقريبا |
رد: خبراء مانشستر و الليك ديستريكت مرحبا أختي منيره نبدأ في : مانشستر : انا السنه الي راحت سكنت في فندق رينيسانس موقعه جداااا ممتاز والفندق نظيف وانصحج فيه Booking.com: ظپظ†ط¯ظ‚ ط±ظٹظ†ظٹط³ط§ظ†ط³ ظ…ط§ظ†ط´ط³طھط± - ظ…ط§ظ†ط´ط³طھط±, ط§ظ„ظ…ظ…ظ„ظƒط© ط§ظ„ظ…طھط*ط¯ط© الفندق بوسط منطقه التسوق ومنطقه الماركات ومنطقه جدا حيويه بشرح لج المنطقه بالخارطه افضل http://up.arabseyes.com/uploads2013/...6539824931.png العاب مجمعات ومطاعم : 1- مجمع سالفورد التجاري Salford Shopping Centre Shops | Salford Shopping Centre 2- مجمع Manchester Fort Shopping Park محلات خارجيه يعني مش مجمع مسكر المكان حلو والمحلات راقيه Manchester Fort 3- مجمع Trafford Centre ترافورد افضل مجمع وأكبرهم All Stores at intu Trafford Centre, Manchester 4- مجمع لوري اوت لت مانشستر lowryoutlet Lowry Outlet - Stores 5- مطعم هندي حلال Lal Qila Gallery :: Lal Qila Restaurants 6- مطعم eastzeas هندي باكستاني Indian Restaurants in Manchester, Bury & Liverpool | EastZEast 7- مطعم كان زمان Kan Zaman Mazza قريب منكم المطاعم الحلال في مانشستر Halal places within 10 miles of Manchester, England - zabihah.com: your guide to halal eating با الاضافه الى مطاعم شارع العرب روشوم rusholme |
رد: خبراء مانشستر و الليك ديستريكت بداية بيض الله وجهك على هالشرح الوافي لمانشيستر :(22): بالنسبة للفندق انا اخترت راديسون لشغلتين اول شي عندي نقاط معاهم ثاني شي ان لي محطة المترو دقيقتين مشي و اللي هي سانت بيتر سيكوير و منا للبيكاديلي جاردنز محطة و كذلك للقرين ماركت قريبة لمجمع ارنديل ومحطتين الى مانشيستر بيكاديلي (محطة القطارات) نروح لبلاك بول و ليفربول بحثت شوي و ابي منكم المشورة اروح من مانشيستر بيكادلي الى ليفربول لايم ستريت أو لا ليفربول سنترال ؟ يومي اللي بقضيه في ليفربول قسمته بين ليفربول ون و سيفتون بارك خليتها بالنهاية و اقرب محطة قطارات لها هي موسيلي Mossley عشان مارجع لي ليفربول داونتون مرة ثانية شغلي عدل صح ؟ بعد وشفيه اماكن اروح لها? هل عندهم Pier ? و بلاكبول شرحت لي عنها بس انا سمعت ان اسواقهم رخيصة اكثر من لندن تعرف سوق او شارع معين تدليني عليه و السرك حلو ؟ اي عرض اروح برايك ؟ ولعبة بيبسي ماكس في اي ملاهي فيهم ؟ في الاخير حوالين مانشيستر في اوتلت يسوى العنوه ؟ |
رد: خبراء مانشستر و الليك ديستريكت اقتباس:
Lowry Outlet - Stores وفي ليفربول روحي هذا حلو McArthurGlen Designer Outlets McArthurGlen Designer Outlets | Cheshire Oaks اتمنى اني وفقت في الاجابه على اسنفساراتج وأي استفسار انا حاضر واليوم ان شاء الله بنزل لج خارطه توضيحيه حق بلاك بول عشان تكون الصوره واضحه عندج ( محطه القطارات - وكل مدن الالعاب - ولعبه بيبسي ماكس - البرج والمجمع - والمحلات التجاريه - والاكواريوم ) :(89): |
رد: خبراء مانشستر و الليك ديستريكت ماك أرثر و لورري شفتهم المحلات ماتسوى :(33): ابي شي في مستوى بيستر فيليج :(89): في الانتظار :(34): |
رد: خبراء مانشستر و الليك ديستريكت بالنسبه لنا زرنا ويندرمير اشوفها مدينه تقريباً ماتستاهل شخصياً والعائله مااعجبتنا مع العلم الزياره كانت في ذروة وقت الموسم والسياحه لكن هي تقريباً مثل منتجع او منطقه هدوء واستجمام واغلبها كبار بالسن وكلاب اعزكم الله |
رد: خبراء مانشستر و الليك ديستريكت يسعد مساكم ما قصر الغالي أبو سعد البحيرات تنفع للراحة و الاستجمام و مملة لمن يحب ضجيج المدينة فيها مطل خيالي اتذكر قضينا فيه 3 ساعات من روعته اسمه orrest head البحيرة جميلة ، سنتر المدينة حالم ، المساحات الخضراء ترد الروح البحيرات الصغيرة حولها ، المزارع و أهل القرية الرائعين مثالية لمن يحب حياة الريف الاوروبي لي تقرير متكامل عنها سابقاً سأعيد رفعه عن قريب |
رد: خبراء مانشستر و الليك ديستريكت بلاك بول فيها البرج الخشبي شبيه ببرج ايفل فيه فعاليات وسيرك والعاب اطفال داخليه في مدينة ملاهي بليتشر بيتش روعه وفيها أكبر افعوانيه اسمها بيبسي مان اعتقد والعابهم حلووة وفيها قسم لنكوليديان شخصيات اسفنج بوب ودورا العاب عليهم اما الشارع كله مزين برسوم على اعمدة الانارة والشارع كله محلات العاي جيمز والعاب اطفال وعلى البحر بعد مدن ملاهي صغيرة وبعد يوجد اكواريوم ومتحف صدق اولا تصدق تقريبا نفس اللي بلندن بس المنطقه بعز الصيف بااااااردة وجوها خيييال اسم المول الكبير اللي في مانشستر ترافورد قريب من نادي مانشستر يونايتد مانشستر حلووة وهاديه ان شاءالله تستمتعون في سفرتكم |
رد: خبراء مانشستر و الليك ديستريكت تصدقين عاد شوقتيني حق بلاكبول احب هالمدينه حييل رحت لها ٣ مرات وما اشبع من الشارع الرئيسي :(3)::(3)::(3): |
رد: خبراء مانشستر و الليك ديستريكت ماقصرت يا بوغسان يا الغالي بأنتظار رفع التقرير :(41): اقتباس:
والله يا ام حسين صادقه بلاك بول روووعه كفايه بس منطقه وحده على الكورنيش المشكله رحنا اجلو مغيم والمطر نزل كثير بس بعد كان رووعه |
رد: خبراء مانشستر و الليك ديستريكت اي والله جوها حلووو بس حتى المطر البس واقي المطر واستمتع في بحيرة اسمها ستانلي بحديقه عندهم فيها مراكب تأجرونها وتتمشون في البحيرة مع البط المراكب نوعين مكينه وفي مجداف العيال وايد حبوها |
رد: خبراء مانشستر و الليك ديستريكت اقتباس:
ماشاء الله عليج اي حلوه وحاطها في بالي ان اذا عندهم وقت يروحون لها وايد حلوووه |
رد: خبراء مانشستر و الليك ديستريكت صوره توضيحيه بلاك بول http://up.arabseyes.com/uploads2013/...1444170471.png العاب حديقه ستانلي http://up.arabseyes.com/uploads2013/...1511665611.png العاب |
رد: خبراء مانشستر و الليك ديستريكت محطة العاب بيبسي ماكس اسمها بلشر بيتش وعلى فكرة احنا جينا من مانشستر بالقطار ونزلنا في محطة قريبه من الملاهي وهي عبارة عن موقف بس ورجعنا منه بعد اما المحطة الرئيسيه سبق نزلنا فيها مرتين وكان قدومنا من لندن يعطيك العافيه يا عبدالعزيز |
رد: خبراء مانشستر و الليك ديستريكت ابوعبدلله1 شكرًا على ملاحظتك ، انا جداً متحمسة أني اشوف الريف الانجليزي لا اعتقد ان اجمل من الريف النمساوي والسويسري ولكن التجربة كنوع من التغيير :dunno: اخر فرصة في انتظار تقريرك على احر من الجمر :(34): توبليرون شاكرة لج اضافاتج :(34): |
رد: خبراء مانشستر و الليك ديستريكت ياهلا ومرحبا اختي منيره شنو باقي لنا اعتقد البحيرات صح !! او شي ثاني |
رد: خبراء مانشستر و الليك ديستريكت مرحبتين قطر ٩١١ انا هالايام مشغولة شوي ان شاءالله أراجع الموضوع من اول وإذا في شي برجع لكم |
رد: خبراء مانشستر و الليك ديستريكت بالنسبة لجنوب لندن سبق و ان زرت بورتسموث و برايتون عدة مرات ارغب ان ازور الخوات السبع Seven sisters اطلع من لندن فيكتوريا الى Seaford او اي المحطات الاقرب لها؟ و كيفية الانتقال من محطة القطار للخوات السبع في باصات ؟ و اللي عرفته ان المنتزه كبير جدا كيف التنقل فيه ؟ هل فيه باصات او قطار او كيف ؟ و كم يكفيه من الوقت المنتزه هل اذهب له في الصباح و الظهر انزل برايتون و منها الى لندن ؟ ولا نشاطات المنتزه تحتاج يوم كامل (الى 6 مساءا اعتبره يوم كامل) |
رد: خبراء مانشستر و الليك ديستريكت اقتباس:
مرحبا اختي منيره اي نعم تطلعين لها من فكتوريا الى محطه Seaford Sussex وهي اقرب محطه لها المسافه ساعه ونص وتبديل قطار واحد مافي دايركت اي اختي بالباص من محطه القطار والباصات الي تاخذج لها ارقام ( 12-12A-12X-13X-N12-40) هي منتزه للمشي والتخييم وفيها بعض النشاطات مثل السياكل ( الدراجات الهوائيه ) وطيور وركوب القوارب تأجير السياكل بكون من عند المدخل يعني مافيها تنقل داخل الحديقه لاباصات ولاسيارات بالنسبه للوقت ماتنفع اوقات قليله بالعاده اقل شي يكون نهار كامل بس هي ماتستاهل تتعنين لها لانها كبيره ماراح تشوفينها كلها ولا تتنقلين فيها براحتج كلها مشي وجلسات ونفس ماقلت لج تخييم اذا بخاطرج تزورينها بما انج بتروحين برايتون ممكن تروحين لها وبعدها تطلعين بالقطار او بالباص رقم 12X من الحديقه الى برايتون بمسافه 55 دقيقه http://www.buses.co.uk/travel/servic...serviceid=1217 بالنسبه لنشاطات المنتزه تأجير دراجات هوائيه - قوارب ( القارب لشخص واحد مع مجداف ) - والتنزه والتمشي موقعهم Seven Sisters Country Park Home|Heritage Coast والعوده من برايتون الي لندن بالقطار بالقطار من محطه برايتون الى محطه فكتوريا والرحله دايركت في رحلات سريعه توصل في 54 دقيقه ورحلات تتأخر اشوي توصل في ساعه و 28 دقيقه يعني اختارو وقت الرحله المناسبه يكون افضل بالتوفيق |
رد: خبراء مانشستر و الليك ديستريكت طيب عندك فكرة من المدخل الى Cliff كم المسافة ؟ بالصور اشوف ان السيارات توصل لي الصخرة !! |
رد: خبراء مانشستر و الليك ديستريكت في باصات 12 و 12x توصل الى داخل السفن سيسترز بس اي النقاط اللي فيها مناظر تستحق النزول مثل افضل مكان للصخور و افضل مكان للساحل برلينغ غاب اقربها ؟ كم مسافة المشي ؟ شوفوا الخريطة http://www.buses.co.uk/travel/coaster12.aspx |
رد: خبراء مانشستر و الليك ديستريكت قصدج هالصخره !! http://up.arabseyes.com/uploads2013/...5676287951.jpg العاب اذا هي انا اشوفها بعيده اشوي اعتقد خارج البارك وجنبها في مواقف للسيارات يعني اعتقد اي حد عنده سياره يروح لها وايضا تقدرين تروحين لها بالباص لانها خارج الحديقه الباص رقم 13X من الحديقه الى مواقف الجرف الصخري http://up.arabseyes.com/uploads2013/...5715980591.png العاب |
رد: خبراء مانشستر و الليك ديستريكت اشكرك على التوضيح و ابشرك لقينا ضالتنا Bus tour ينزل في اكثر من 20 نقطة https://static.city-sightseeing.com/documents/tours/580.pdf هوب ان هوب اوف :(89): http://www.city-sightseeing.com/tour...eastbourne.htm |
| الساعة الآن 03:52 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO