|
لندن 2015 السلام عليكم ارجو منكم المساعدة ما رايكم بهذا الفندق قريب من الاماكن السياحية والتسوق والا بعيد Hilton London Metropole لاني محتار من كذا فندق ابي احجز بعد رايكم طبعا وشكرا |
رد: لندن 2015 وعليكم السلام ورحمة الله مكانه لك عليك على الاقل بالنسبه لي بس فيه قريب منه محطة edgware وبأمكانك تستخدمها كمحطة انطلاق من والى جميع الاماكن في لندن قريب من شارع الاكسفورد وقريب من الهايدبارك وشارع العرب بس ما اعتبرها اشياء وااو الاماكن السياحيه الي عليها الكلام يبغالك تدخل شوي فوسط لندن ولا مكان اقرب من الي فيه الفندق الي اخترته لو تشوف بوكنج حط الخريطه وتشوف الفنادق وبتشوف الاماكن السياحيه وحاول تكون قريب اريحلك فتنقالتك اذا كان معك العائله |
رد: لندن 2015 شكرا لك طيب شو رايك بفندق رويال غاردن |
رد: لندن 2015 اقتباس:
العفو ،،، لو تحط الرابط حقه افضل واذا تقصد الي في كنغستون موقعه ابعد من الاول :(37): اذا انتو مو عائله كثير شوف تقاريري عن هذي الفنادق في لندن وشوف البريمر ان حلو قريب من البق بن ولندن اي وجسر لندن ونهر التايمز وكل شي قريب منك http://www.arabtrvl.com/vb/t4490.html او شوف عندك خيارات ثانيه هنا او شوف حواليها http://www.arabtrvl.com/vb/t3022.html http://www.arabtrvl.com/vb/t1908.html اهم شي شوف تقييم النزلاء فبوكنج والاسعار الي تناسبك |
رد: لندن 2015 ياهلا ومرحبا فيك اخوي ابومشعل ماقصرو اخونا مهند في التوضيح بالنسبه لفندق هيلتون متروبول مكان بأخر شارع اجور رود هذا الفندق انت وحظك اذا صدت الغرفه بالبرج الجديد بتكون حلوه وواسعه اشوي لكن اذا عطوك بالبرج القديم بتكون الغرفه صغيره وقديمه وممله لكن شوف لك فندق ثيستل مكانه روعه وعلى شارع الاكسفورد جنب مجمع سلفردج Booking.com: ظپظ†ط§ط¯ظ‚ ط«ظٹط³ظ„ ظ…ط§ط±ط¨ظ„ ط¢ط±طھط´ - ظ„ظ†ط¯ظ†, ط§ظ„ظ…ظ…ظ„ظƒط© ط§ظ„ظ…طھطط¯ط© وبعد عندك فندق ذا مانديفيل حلو وسعره حلو وقريب من شارع اكسفورد وخلف مجمع سلفردج Booking.com: ظپظ†ط¯ظ‚ ط°ط§ ظ…ط§ظ†ط¯ظٹظپظٹظ„ - ظ„ظ†ط¯ظ†, ط§ظ„ظ…ظ…ظ„ظƒط© ط§ظ„ظ…طھطط¯ط© وبالتوفيق ان شاء الله |
رد: لندن 2015 ياهلا ومرحبا ب فارس الجبيل صيفت عبى ياخوي خلك معاي احتاج مساعدتك الحمدلله خلصت التاشيرات باقي الفندق بس لاحضت من خلال موقع الحجز بونكنق انه ما يشمل الافطار وسعره مرتفع جدا اللي هو الفندق الاول اللي اشرت عليه وشكرا لك |
رد: لندن 2015 هههههههه ياحبي لك يابومشعل اللي رد عليك فوق شيخنا ومشرفنا بوسعد القطري لاتحاتي وانا اخوك متابع كل اسألتك لكن الشباب اشوفهم ماقصروا بيض الله وجيهم واحس ان لين الحين ماحان دوري لكن الاخوه فيهم الخير والبركة ابشر بالسعد يابومشعل ماحنا مخلينك لين نركبك الطائرة ونحطك على الكرسي ونربط حزامك بعد ولو تشد حيلك شوي نحطك مكان الكابتن ههههههه |
رد: لندن 2015 وثاني شي لاتجلس كل شوي فاتح لنا موضوع باستفسار جديد سببت زحمة والشارع فاضي هههههه خل استفساراتك كلها بموضوع واحد اسهلك واسهل لنا ولا ادق على المرور الحين يجي يشيل موضوعك هههههه امزح معاك فديتك انت تامر امر واجيك اطامر طمر |
رد: لندن 2015 اقتباس:
اول شي مبروك التأشيرة يابومشعل الفندق ( هيلتون ) حلو زي ماتفضل ابوسعد لكنه باخر شارع الاجول رود وهالشارع تجمع العرب فيه من كل شكل ولون مااقول فيه شي لكن ترى فيه مناظر ماتشوفها بمواقع اخرى ارقى وانظف القاردن زين لكن موقعه بعد في الهاي ستريت كنزغتون بطرف الهايدبارك من جنوب ولندن كلها حلوه لكن مانبيك تتعب بالمواصلات خلك قريب نبي لك المشي الزين والقريب من كل شي شوف الفنادق الي عند الهارودز قريبة منه احلى منطقة بصراحة ووناسة شوف فندق ميلينويوم الي بالسالون ستريت او البارك لين انتركنتننتال او الي شار عليك فيه بوسعد الثيستل والكمبرلاند حول الاكسفورد ستريت كذلك فندق تشرشل خلف الثيستل وممتاز وكذلك اخونا مهند شوف مواضيعه لعل شي يناسبك من فنادقة وانا اذا شفته رد على اي عضو اثق انه بيعطيك الانسب تبي ترتاح عطني تواريخك وميزانيتك لليوم الي حاسبها للفندق وابشر بالخير انا برشح لك كم واحد وانت اختار |
رد: لندن 2015 ههههههه تسلم كلك ذوق ما انتبهت للاسم اللي رد علي عدم المواخذه كلكم فيكم الخير والبركه الله يبارك فيك وااخذت برائي اخونا القطري وحجزت فندق ثيستل لمدة 10 ايام من 28 مايو الي 7 يونيو طبعا تنقلاتي راح تكون بالباص و الاندرقراوند بعد الحصول على بطاقة اويستر هل احجز من النت مادام توسو وعين لندن الان والا قبل السفر بفتره وجيزة وابي اعرف وش المعالم السياحية اللي تستق الزيارة وياليت اللي عنده تقرير مفصل لمدة 10 ايام يرسل لي الرابط ولكم مني جزيل الشكر |
رد: لندن 2015 المترو والباصات اللي انا افضلها تقرب البعيد والهيلتون مو بعيد وايد يعني اذا بتروح يسار والا يمين بتلاقي اماكن سياحيه تبعد خمس دقايق بالباص اذا متحف الشمع ومحطة قطارات ايوستن من اليمين واذا شارع الاكسفورد والهايد بارك بطريجك اخر الاجور رود |
رد: لندن 2015 حبيب مشرفنا الغالي بوعبدالله هههههههههه يعطيج العافيه ام حسين ماقصرتي اخوي بومشعل شوف الرابط الي تحت جدول حق 10 ايام لندن جاهز ومرتب اذا تبغي عليه اي تعيل او ملاحظات انت تامر او تبغي توضيح لأي نقطه معينه او في شي ببالك خبرنا وابشر بسعدك ان شاء الله http://www.arabtrvl.com/vb/t1726.html بالتوفيق |
رد: لندن 2015 مشكور وما قصرت الله يعطيك العافية صراحة اعجبني ها الرابط كل شي فيه شغل جيار يشكر عليه اختصر علي اشياء كثيره كل شي فيه واضح تسلم الله يوفقكم جميعا |
رد: لندن 2015 حبيب يا بومشعل العفوووو واي استفسار انا والاخوان اكيد ماراح نقصر معك تحياتي لك اخوي |
رد: لندن 2015 السلام عليكم عندي استفسار بسيط عن موقع حجز تذاكر مادام توسو حصلت بكج كامل يشمل كل من متحف الشمع وعين لندن وحوض السمك والاكواريوم هل تنصحوني بالحجز ام لا وبالنسبه لحجز البيج باص هل يوم او يومين |
رد: لندن 2015 وعليكم السلام ورحمه الله وبركاته ياهلا ومرحبا بومشعل بخصوص بكج مدام توسو والاكواريوم و لندن اي هي ماتفرق وايد لو خذتها منفصله فقط نص باوند بالنسبه للشخص لكن اذا انت حاب تزور الثلاث اماكن اشترها اون لاين افضل عطني عددكم مع ذكر عمر الاطفال عشان اقولك نوع التذكره الي تاخذها يعني شخصين كبار ( اختار 2 ادولت ) اذا انتو 2 كبار و 2 اطفال اكبر من سنتين ( اخذ تذكره وحده Family ) اذا انتو 2 كبار و 2 اطفال واحد منهم اقل من سنتين ( اخذ تذكره مفرده لاتاخذ Family ) لان الطفل اقل من سنتين free مجانا ان شاء الله تكون واضحه بعد الحجز صور الحجز الي يجيك على الايميل + تكون معاك بطاقه الهويه + بطاقه الائتمان الي حجزت منها وامورك تمام التمام :(37): بخصوص BIG BUS اخذه يوم واحد لاتضيع يوم ثاني خله لزياره اماكن اخرى لان البعض ممكن ياخذه يزور نص الاماكن وينزل منه ويكمل اليوم الثاني انت اخذ الباص لزياره كل الاماكن ولاتنزل منه على اساس تستغل اليوم الثاني في زياره اماكن اخرى واذا شفت معلم او مكان معين اعجبك وانت بالباص اكتب اسمه على اساس تخصص له زياره باليابص او المترو بالتوفيق اخوي |
رد: لندن 2015 شكرا اخوي القطري على هذا التوضيح وما دام منك اكيد واضحه كل الوضوح شكرا |
رد: لندن 2015 حبيب يا بومشعل العفو الله يسلمك اي أستفسارات ثانيه انا والاخوان ماراح نقصر ان شاء الله بالتوفيق يا غالي |
رد: لندن 2015 تسلم كلك ذووووق الله يسلمك عددنا 4 اثنين كبار واثنين اطفال اعمارهم 6 سنوات و 4 سنوات بس ابي شرح لكيفية الحجز اون لاين وهل احجزها Vip لاني سمعت انه في انتظار لأكثر من اربعة ساعات ونا ما ابي انتظر خصوصا معاي اطفال ياليت توضح لي الصوره وهل ابراج لندن مناسبه لاطفال لانها من ضمن البكج |
رد: لندن 2015 الله يسلمك يا الغالي بومشعل ماعليك زود الله يخليكم ويحفظكم يارب حلووو يعني اخذ تذكره الفاملي سعرها 180 باوند ( مدام توسو - الاكواريوم - عين لندن ) فقط لاتاخذ الرعب :(92): بخصوص الابراج مافي ابراج اخوي هم يقصدون London Dungeon هذا مكان الرعب بس جايه الترجمه كذا و موقع مكان الرعب جنب عين لندن بنفس المكان انا بعطيك الرابط الي تحجز منه اختار فاميلي 180 باوند هذا نفس ماقلت لك للثلاث اماكن ( مدام توسو - الاكواريوم - عين لندن ) والتذكره اذا شريتها من اون لاين صالحه لمده شهر 30 يوم تستعملها اي يوم براحتك https://secure.madametussauds.com/we...nt=&visitDate= وهذا المكان London Dungeon غير مناسب لأطفال من 8 سنوات واقل وانا اشوفه غير مناسب لـــ 12 ساعه واقل ومانصحك تروح له مع الاطقال اختار فقط الثلاثه اذا انت بتروح لحالك تخرع نفسك روح ههههه :(39): اما بخصوص vip انا رحت مدام توسو اول مره سنه 1990 والمره الثانيه 2014 ماعمري وقفت اكثر من ربع ساعه يمكن في بعض الاوقات تكون اشوي زحمه لكن ماتوصل لوقت 4 ساعات الامر راجع لك اخوي بالتوفيق يا غالي |
رد: لندن 2015 شف يابومشعل لاتروح للاماكن السياحية باوقات العطل الرسمية يعني بالويك اند او نهاية الاسبوع ذلك لتفادي الزحام |
رد: لندن 2015 شكرا لك اخوي القطري على ها التوضيح طيب وش افضل وقت لزيارة تلك المعالم السياحية التي ذكرتها وما المقصود بالكميه هل هي تذكره شامله كل العائله ام عدد الاشخاص لانه في ارقام من 1 الي 5 |
رد: لندن 2015 اقتباس:
العفوووو يا غالي بالنسبه لوقت الزياره اول شي تسويه الصبح تروح متحف مدام توسو الافضل تبتدي فيه وبعدها تروح الى مكان لندن اي ( عين لندن ) اول ماتوصل جنبها هناك بتحصل الاكواريوم تدخله وبعد ماتخلص الاكواريوم تركب عين لندن وبعدها تتجول بالمنطقه وتروح بغ بن وبعدها تروح جسر لندن قريب منهم مش بعيد بالنسبه لطريقه الذهاب للأماكن بالمترو بنزل لك المحطات الي تروح عليها ولا يهمك يا غالي بالنسبه لتذكره العائله نعم هي عدد معين اذا قالو لك تذكره عائليه بأي مكان معناها العدد 2 كبار : 2 اطفال لكن اذا عددكم غير ذلك مثلا : (2 كبار : طفل ) لاتشتري عائليه تاخذها بشكل مفرد (2 كبار : 2 اطفال واحد منهم اقل من سنتين ) لاتشتري عائلي لان الصغير free ( 2 كبار : 3 اطفال ) تاخذ تذكره عائليه + تذكره واحده لطفل وهكذا بالنسبه للخيار من 1 الى 5 هذا الله يسلمك مثلا انتو عائلتين تاخذون 2 3 عوائل رايحين مع بعض تاخذون 3 وهكذا اتمنى وضحت لك الصوره يا غالي بالتوفيق |
رد: لندن 2015 تسلم اخوي القطري يعني افهم من كلامك كلنا تذكرة وحدة ب 180 باوند او لكل واحد فينا تذكره |
رد: لندن 2015 اقتباس:
اي نعم اخوي كلكم سعر التذكره 180 باوند عاد شوف يعطونك واحده عائليه او كل واحد تذكره ماتفرق |
رد: لندن 2015 السلام عليكم ارجو المساعده ابي تغيير الحجز بالنسبه لمتحف مدام توسو وعين لندن والاكواريوم اخذتها عن طريق الاون لاين عائليه ب 180 باوند ابيها لشخص واحد لان حصلت ظروف للاهل مو رايحين معاي بسبب حاة اختها اصحيه اسال الله رب العرش العظيم ان يشفيها وكذالك حجزت متحف صدق او لاتصدق عائليه وكذلك البيج باص هل بالامكان التغيير او الالغاء او اخليها وكيفية استرجاع المبلغ عن طريق موقعهم على الانترنت ياليت تفيدوني اكثر ولكم مني جزيل الشكر |
رد: لندن 2015 عليكم السلام ورحمة الله وبركاته الله يشفي مريضكم وجعلها ماتشوف شر والله يقومها بالسلامة يابومشعل للاسف ماعرف طريقة استرجاعها من النت انا حجزي دايم من الشبابيك حقين التذاكر وانا اشوف خلها معاك ولاتدخل بحوسة النت وسوالفه وماتدري متى يردونها ومتى ترجع على الكردت كارد خلك بالمضمون واول ماتوصل لندن بالسلامة مر على كل واحد فيهم وخبر اللي موجود بالاستقبال وحقين التذاكر واستلم الفرق كاش وان شاء الله امورك طيبه |
رد: لندن 2015 أشكرك اخوي فارس الجبيل وابشرك الامور زينه ان شاء الله |
| الساعة الآن 07:56 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO