شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   اوروبا (https://www.arabtrvl.com/vb/f318.html)
-   -   عندي استفسار ارجو افادتي (https://www.arabtrvl.com/vb/t7744.html)

Adwaa 13-06-2015 02:43 AM
عندي استفسار ارجو افادتي
 
السلام عليكم
عندي استفسار بخصوص قطار لندن ابغا اروح لباريس من لندن بالقطار
واحنا 3 اشخاص ومعانا شنط كثيره هل في نفس القطار شحن للشنط لان ما معانا احد يشيل او هل في حل ؟

تقـآسيم الصباح 13-06-2015 02:47 AM
رد: عندي استفسار ارجو افادتي
 
اهلا وسهلا بك اخوي
لاعادي القطار محد يقولك شي عن كمية الشنط ابدا
فيه عندكم رفوف فوق وتقدرون تحطوها بأماكن معينه داخل القطار
اساسا بتشوفون وش كثر الشنط جوا عن تجربه
بالتوفيق لك

oceanus 13-06-2015 02:56 AM
رد: عندي استفسار ارجو افادتي
 
مثل ماذكرت مشرفتنا تقاسيم

الوضع فيه سعه في عدد الشنط


والمكان المخصص لوضع الشنط هو نهاية كل عربة من القطار

وجهات أوروبية 13-06-2015 03:24 AM
رد: عندي استفسار ارجو افادتي
 
عليكم السلام ورحمه الله وبركاته

ياهلا ومرحبا اختي

نفس ماذكرو الاخوان جزاهم الله خير

بس ممكن اعرف تقريبا كم شنطه !!!

لا محد يشيل الشنط لكن في ترولي ممكن تحملون فيها الشنط
بس ضرور اختي اعرف عدد الشنط عندكم

Adwaa 13-06-2015 07:37 PM
رد: عندي استفسار ارجو افادتي
 
اقتباس:
المشاركة الأصلية كتبت بواسطة qa6ar911 (المشاركة 121516)
عليكم السلام ورحمه الله وبركاته

ياهلا ومرحبا اختي

نفس ماذكرو الاخوان جزاهم الله خير

بس ممكن اعرف تقريبا كم شنطه !!!

لا محد يشيل الشنط لكن في ترولي ممكن تحملون فيها الشنط
بس ضرور اختي اعرف عدد الشنط عندكم
6 شنط المشكلة انها كبار وما نقدر نشيلها بذات انو كلنا بنات يعني ابغا حل غير اننا ناخذ الشنط
يعني مافي شحن بالقطار او حل اخر ؟

وجهات أوروبية 13-06-2015 07:47 PM
رد: عندي استفسار ارجو افادتي
 
اي من جذي انا سألتج عشان اشوف العدد
السالفه مب سالفه ترولي وان تقدرون تحملونهم او لا

يمكن مايوافقون على عدد الشنط بالنسبه لعددكم
لكن 6 شنط على عددكم مافي مشكله
المشكله في الاماكن داخل القطار او حملها داخل القطار متعبه اشوي
هذا رد كنت كاتبه من فتره قريبه لاحد العضوات هنا بالمنتدى


بالنسبه لليورو ستار نعم عندهم خدمه شحن الشنط وتستلمونها بمكتبهم بباريس

اتمنى تستفيدين منه
واي استفسار انا حاضر


اقتباس:
المشاركة الأصلية كتبت بواسطة qa6ar911 (المشاركة 54430)
عليكم السلام ورحمه الله وبركاته

بالنسبه للشنط على اليورو ستار
يجب ان لاتزيد كل شنطه عن 30 كيلو غرام

كل شخص كبير من حقه شنطتين طول الشنطه الواحده 85 سم ماتزيد عن هالطول
وايضا شنطه واحد هاند باق

والاطفال من حق كل طفل من عمر 4 سنوات الى 11 سنه شنطه واحده كبيره بطول 85 سم
وشنطه واحده هاند باق

الاطفال تحت 4 سنوات لان تذاكرهم free غير محسوب لهم شنط معاهم


اذا عندكم شنط زياده عن عددكم

يعني مثلا انتو 4 اشخاص من عمر 12 سنه واكثر
من حقكم 8 شنط بحجم 85 سم او اقل + 4 شنط هاند باق


بأفتراض لو قلنا عدد شنطك اكبر او اكثر
لما تدخلون محطه اس تي بانكراس في لندن
تروحون مكتب أسمه EuroDespatch office

بالنسبه لتسعيره الشنط الاضافيه

طبعا الشنط الزايده عن المستحق لكم
لان الشنط المستحقه لكم فري ماعليها رسوم اضافيه

اولا الشنط يجب ان لاتزيد عن 30 كيلو غرام

سعر الشنطه الاضافيه الواحده 20 باوند
واذا كانو القطع اكثر من 3 قطع
تكون سعر القطعه الرابعه 40 باوند

يعني اول وثاني وثالث قطعه كل وحده سعرها 20 باوند = 60 باوند
القطعه الرابعه سعرها لوحدها 40 باوند



وبالتوفيق ان شاء الله


الساعة الآن 04:23 AM

Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO