|
عندي استفسار السلام عليكم ابغا اروح من لندن الى باريس بالقطار عندي سؤال هل احجز مِن الحين يعني اذا رحت هناك ممكن ما القى موعد ؟ وممكن موقع الحجز وطريقة الحجز والسعر من لندن الى باريس خط واحد للشخص كم ؟ وبخصوص الشنط معانا 6 شنط واحنا 3 أشخاص وبنات يعني هل في احد يشيل الشنط بالقطار او هل في شحن بالقطار في حل يعني؟ |
رد: عندي استفسار |
رد: عندي استفسار معقوله مافي شحن بالقطار ؟ طيب اقدر اذا وصلت لندن احجز من هناك افضل |
رد: عندي استفسار مرحبا اختي الحين بعطيج رد كامل وشامل ان شاء الله بس ماعطتيني التاريخ الي بتروحون فيه عشان اشوف لكم السعر راجع لج بعد اشوي تحياتي |
رد: عندي استفسار مرحبا اختي بخصوص الشنط بالمحطه نفس ماقال لج بوعبدالله مافي حد يحمل لكم الشنط والمحطه الي بتطلعون منها في لندن بانكراس مكان الجوازات تحت والقطارات فوق يعني لازم تصعدون بالشنط اما عن طريق الدرج المتحرك او بالمصعد بالنسبه للشحن نعم يوجد خدمه شحن وهذا تفاصيل الشحن بالنسبه للأسعار : اولا الشنط يجب ان لاتزيد عن 30 كيلو غرام سعر الشنطه الاضافيه الواحده 20 باوند واذا كانو القطع اكثر من 3 قطع تكون سعر القطعه الرابعه 40 باوند يعني اول وثاني وثالث قطعه كل وحده سعرها 20 باوند = 60 باوند القطعه الرابعه سعرها لوحدها 40 باوند لشحن الامتعه تروحون محطه قطارات بانكراس لمكتب EuroDespatch وهم يتكفلون بالشحن وهنا خارطه لمكان الديس باك بالمحطه http://up.arabseyes.com/uploads2013/...9158747051.png العاب ويفضل ترسلين الاغراض قبل السفر بيوم وتستلمينها في مكتب اليورو ستار بمجرد وصولكم محطه باريس ( كير دي نورد ) او تحجزين اون لاين وياخذونها منكم بالفندق في لندن وتستلمونها بفندقكم في باريس وللحجز لهذه الخدمه اون لاين عبر الموقع التالي : Euro Luggage Delivery وهذا موقع يورو ستار لحجز القطار Trains to Paris, Brussels, Disneyland | Deals to Europe - Eurostar اذا تبغين مساعده في الحجز خبريني وامورج بأذن الله طيبه تحياتي |
رد: عندي استفسار اقتباس:
اقتباس:
طيب عندي كم استفسار الحين انا بطلع من لندن لباريس 26/8 احجز القطار من الحين بالنت ولا عادي اذا وصلت لندن اروح احجز ؟ يتوفر قطارات ؟ ثاني سؤال حبي فكرة انو يأخذون الشنط من فندقنا بلندن الى فندقنا في باريس بس ابغا اعرف ألطريقه لان اول مره اجربها وهل هي مضمونه ؟ والسعر كيف ؟ ومتى يوصلونها لباريس كم تأخذ وقت ابغاها توصل قبلي يعني ارسل الشنط قبل بيوم ولا كيف ؟ |
رد: عندي استفسار اقتباس:
العفوووو اختي ويسعدج دوم ان شاء الله الحين انا بطلع من لندن لباريس 26/8 احجز القطار من الحين بالنت ولا عادي اذا وصلت لندن اروح احجز ؟ يتوفر قطارات ؟ اختي بالنسبه لحجز القطار لو متأكده من تاريخ سفرتج وثابت ماراح تغيرينه الافضل تحجزين من الحين مش لسبب ان ممكن ماتحصلين حجز ولكن لسبب احتمال ارتفاع السعر الى الضعف مع اقتراب موعد السفر وايضا في تاريخ 28 بكون يوم جمعه يعني الكل مجهز نفسه للسفر بالويكند يعني تاريخ حساس واتحمال كبير تنفذ الذاكر كلها او تنفذ التذاكر الرخيصه وتكونين مجبوره تاخذين تذاكر عاليه جدا قد تصل للشخص الواحد 250 يورو قبل شهرين انا بلندن غيرت حجزي فجأه لظروف معينه وطلعت من الفندق بشكل مفجأ ورحت المحطه وحجزت من داخل المحطه ماحصلت الا درجه اولى وكلفتني التذكره الواحده 273باوند لاني ماخذ اقرب رحله حجزت التذكره وعلى طول كانت رحلتي الحجز بدري افضل من جميع النواحي ثاني سؤال حبي فكرة انو يأخذون الشنط من فندقنا بلندن الى فندقنا في باريس بس ابغا اعرف ألطريقه لان اول مره اجربها وهل هي مضمونه ؟ والسعر كيف ؟ ومتى يوصلونها لباريس كم تأخذ وقت ابغاها توصل قبلي يعني ارسل الشنط قبل بيوم ولا كيف ؟ انا بعلمج على الطريقه ولا يهمج اختي بس قبلها خليني اعطيج بعض التفاصل بالنسبه انها مضمونه جدا جدا جدا يعني لازم ترتاحين من هالموضوع ولاتفكرين فيه السعر على حسب نوع النقل الي تطلبينه عندهم نوعين للشحن والفرق بينهم شي واحد فقط النوع الاول : الشحن العادي وهو ان المده بين تسليمهم الشنط الى ان تستلمينهم في باريس خمس ايام :yolks00140: النوع الثاني وهو VIP : هو ان المده من تسلمينهم الشنط الى ان تستلمينهم في باريس يومين ليالي يعني اربع ايام طبعا مافي فرق بوقت الاستلام يعني مثلا تبغين تستلمينهم في باريس بتاريخ 27-8 يسلمونج بنفس الوقت للنوعين لكن الوقت يختلف فقط في تسلميهم يعني تبغين الشنط بباريس في 27 - 8 بالنسبه للنوع الاول لازم تسلمينهم تاريخ 21-8 وبالنسبه للنوع الثاني لازم تسلمينهم بتاريخ 25-8 والنوع الثاني اغلى بكثير تقريبا اكثر من الضعف بقليل عطيني عدد الشنط للشحن وحجمهم وانا بعطيج اسعار النوعين بالضبط لكن من وجه نظري الافضل تاخذون الشنط قبل السفر بيوم واحد وتروحون بها الى محطه بانكراس في لندن وتشحنونها وتستلمونها بمجرد وصولكم باريس وتاخذونهم من المحطه والاسعار ذكرتها لج بالمشاركه السابقه اي أستفسار اختي انا حاضر :(148): |
| الساعة الآن 12:37 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO