شبكة و منتديات العرب المسافرون - برنامج UBER أنقذني من غلاء التاكسي ونصب بعضهم

السلام عليكم

انا في كوالا من 4 ايام وسكنت في البداية في فندق E&O وكان شارع العرب والبرجين قريبين وأقدر اروح لهم مشي... لكن الي معه عائلة وأطفال يتعبون شوي ..
التاكسي خاصة في شارع العرب يعطيك سعر عالي خاصة اذا درا ان مشوارك قريب وليت سيارتهم تفتح النفس بعضها من البروتون القديمة..

المهم حملت برنامج UBER ع الجوال وهو معروف عالميا وما أدري اذا كان أحد كتب فيه موضوع أو لا..
وفيه مثله برامج كثيرة ومنها برامج ايزي تاكسي الي عندنا تقدر تحدد موقعك والموقع الي بتروح له ونوع السيارة ويعطيك السعر التقريبي والوقت المقدر لوصول السائق لك (وطبعا في برنامج UBER بيوصلك سيارة عادية مو تاكسي) وتضيف الفيزا ويخصم منها مباشرة

وهذي صورة من جوالي http://uploads.tapatalk-cdn.com/2016...70a5743d7d.jpg

تختار سيارة اوبر اكس للسيارة العادية او اوبر اكس ال للكبيرة.. او سيارة بلاك للسيارة الفخمة ..

يوم السبت طلعت من سوق البافيليون وطلبت سيارة عادية ووصل لي بعد 4 دقايق وخذني السائق هذا ووصلني للسوق الصيني http://uploads.tapatalk-cdn.com/2016...76919ad561.jpg

والسعر كان 6.23 ريال وخصم من الفيزا بدون ما اكاسره او اقول له بكم توصلني ...

اليوم طلعت من فندق PNB قريب من البرجين وطلبت سيارة بلاك لمطعم حضرموت بشارع العرب .. ووصل لي بسيارة مرسيدس حمراء [emoji2]
http://uploads.tapatalk-cdn.com/2016...d79cce6feb.jpg
ووصلني ب 11.69 ريجنت وخصموها مباشرة من الفيزا
ورجعت لنفس الفندق بسيارة بلاك ووصلت اودي A4
http://uploads.tapatalk-cdn.com/2016...95aeb6e485.jpg

ووصلني ب http://uploads.tapatalk-cdn.com/2016...bf58301197.jpg

10 ريجنت...

أدري اني طولت في الموضوع وهو معروف عند الكثير منكم لكن أحببت ان أشارككم هذه الفائدة البسيطة ولو أطلت عليكم سامحونا ... [emoji85]