|
لنكــاوي ..!! السلام عليكم اخواني البارحة وصلت الى لنكاووي الجمييلة وكان وقتها الظهر وصول طيارتنا ونحن رايحن للفندق مريت على مول الفير وتغدينا في مطعم الفيشاوي اللي سمعت عليه مدح من بعض الاعضاء الله يوفقهم واكتفيت بالتمشية واكتشاف الفندق في هاليوم وباجر ان شاءالله راح اروح رحلة المانقروف على الظهر كذا ف اريد خبرتكم تسوون لي جدول او تنصحوني بالاماكن اللي صدق تستاهل الزياره في لنكاووي وبقولكم انا شو حاط في بالي اروح اول شي التلفريك خلاص ركبته في جنتنج احس ماله داعي في لنكاوي اعيد نفس التجربة وناوي ازور حديقة الفواكه بعد وعالم تحت البحار وبس هذا اللي في بالي حالياا اريد نصايحكم في اماكن ممكن زيارتها بعد وشو الاماكن الاقرب الى فندق ذا ويستن جزاكم الله خيير .. وبغيت اعرف شو المطاعم الاخرى غير فيشاوي اللي تتصحون فيها؟؟ وهل يوجد ماكدونالدز و كنتاكي يوصل لفندق ذا ويستن ولا لا ؟؟ افيدوني رجاءاً:e21a: |
المطاعم جربت مطعم السلطان قريب من القريه الشرقيه:72:مرتب ونظيف وعندك مطقم صقر الهندي ومطعم ايطالي مره حلو للعشا بس وين مكانه مادري لانه صدفه رحناله ومطعم ماك موجود بمجمع الفير بس التوصيل ماعرف ادا عندهم هالخدمه حديقه ليجندا قريب من فندق الويستن ومعلم النسر وعندك القريه الشرقيه ركوب الفيل والدبابات وباص برمائي وتلفريك طبعا سيارات الفورمولا رهيبه قريبه من المطار |
وٍعَلْيّكَمُ الْسَلآإمّ وٍرٍحَمُةٌ الله وٍبُرٍكآإتَهّ يا عزيزي في تلفريك لنكاوي [emoji606] فيه مطعم ايراني اذا ما خانتني الذاكرة اسمه ( ليالي ) او ( ليالينا ) كذلك عندك في لنكاوي جولة الهيلوكبتر [emoji576] تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
ايييه صح وحلبة السباق للسيارات [emoji964][emoji469][emoji614][emoji616] تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
انا موجود ف لنكاوي حاليا ركوب دباب مزارع الارز رحلة جميلة فيها 6 جولات.. اكتفي ب اول خمس لان الاخيره تروح ل الجاموس عزك الله وتاكلهم.. وهم اصلا تشوف كم واحد ف الطريق نهاية الرحلة شلالت تنزل لها تحت ب الدرج مكان جميل بترافقكم مصورت بداية الرحله واخر شيء بيعطوك السيدي فيه صور وفيديو ب 100 رينجت او تبعي طباعه فيه ب 5 رينجت المكان الثاني رحلة الى جزر ب القارب ب 400 رينجت 3 ساعات ونص من ضمنها الحامل والخاصه وجزيرتين ينزلك فيهم اول جزيره جدا جدا جميله الدخول ب 12 رينجت للشخصين بعد م تدخل تمشي مع العالم وتصعد بتوصل بحر اخر شيء ناس تسبح وناس تجدف وناس تاخذ القارب الصغيى فيه مكينه تمشيك قيمته30 رينجت لا يطوفك للجزيره الخاصه احيان يكون فيها قرود والبحر القريب من الشاطيء فيه حصى صراحه شكله يخوف جدا فما رحت لها واسترجعت 50 ريجنت اذا انت راعي بحر.. ف اخذ لك الجت سكي ب 700 رينجت لنفس الجزر لكن والله غغير الجو انا تندمت ما اخذته.. اما المطاعم.. عندك مطعم اتنلنتس.. عججيب جدا جدا فيه مطعم عربي 24 ساعه اسه باب للحاره اكله حلو لكن مو الى درجة انك ترجع له وغالي مقارنة ب الطعم والكمية |
مششكورين اخواني وبخصوص الجولات كم ساعه تحتااج؟؟ اللي على الدباب؟ والفورميلا وين مكانها |
الدبابات موجوده في كم مكان الفورميلا قريبه من شاطئ سينانج بالتحديد بعد مدخل فندق ريباك من جهة اليسار و انصحك بزيارة القريه الشرقيه و التلفريك و الجسر المعلق و ركوب الفيل و دخول سينما ٦ دي |
ماشاء الله ما قصرو الاخوان روح سباق السيارات عند المطار مغامرات سكاي تريكس تسلق الاشجار و طريقها وانت رايح للقريه الشرقيه و التلفريك ولازم تروح التلفريك و تطلع للقمه و تروح الجسر المعلق ما اعرف اذا عندهم صيانه الان ام لا القريه الشرقيه وفيها عده العاب و سينما الدوم و سنما 6D وفيها مطعم ليلى الايراني و اكلهم ممتاز بعد الفيشاوي و السلطان |
اقتباس:
ولو فيه صور لهم رايت تفيدنا ورحله موفقه ان شاء الله :7: |
من شوي خلصت من ركوب الدبابات والجولات صراحه تجربة جميله بس الطريق شوي مكسر ولازم الواحد ينتبه ومايسرع والان متجه الى رحلة المانقروف ان شاءالله وبكرا ان شاءالله ناوي ازور عالم ماتحت البحار والتلفريك والقرية الشرقية مشكورين كثييير اخواني ساعدتوني كثثير جزيتم خيرا |
سرب لنا صورة خطافية يا كابتن مكافاة لنا بتزويدك بالمعلومات [emoji41][emoji6] تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
الاخوان ما قصروا جزاهم الله خير عالم تحت الماء عادي جدا واللي في كوالا افضل منه بمراحل الباص البرمائي جميل عند مدخل القرية الشرقية |
تلفريك لنكاوي حلو لا تطوفه والقرية الشرقيه جميله ايضا الاكواريوم او عالم البحار في كوالالمبور افضل بالسبة للمطاعم في لنكاوي اسال التكاسي وهو يعرفون جرب فيفا ايطاليا عججججججججججيب وحلال وصقر الهندي مقابل فندق الفرنجباني بالتوفيق |
مششكورين جزاكم الله خيير اليوم رحت تلفريك لنكاوي والقرية الشرقية وعالم تحت البحار الحين باقي عندي بكرا مادري وين اروح؟؟ هل تنصحون في السوق الليلي ولا !! ورا بكرا برجع الى كوالالمبور وطيارتي بتكون العصر ان شاءالله |
في عندك حديقة التماسيح و حديقة الطيور و حديقة الفواكه و شلال دوريان و الشاطئ الاسود و متحف الكريستال و الزجاج و محلات الشوكلاته و فعاليات شاطئ سينانج و التمشيه على المحلات المجاوره للشاطئ. ممكن تجرب لعبة القولف جميله المسطحات الخضراء هناك. |
مرحبا بك مطاعم (( عندك مطعم صقر الهندي )) عندك جولو بالدبابات بين المزارع روعه وانصحك تشتغل مكاسره حازمة:25: هههههههه وعندك شاطئ سيناانغ حلو وتروق فيه قريب وملاصق لفندق بلانجي بيتش |
اقتباس:
طيب حديقة التماسيح هي نفسها اللي تقدر تؤكله التمساح ولا لا ؟؟ ومتى تفتح الحديقة وتسكر ومتى احسن وقت عشان نلحق على التمساح ونؤكله |
تقدر تاكل التماسيح الساعه 10:30 صباحا بس فيها عروض حية الساعه 11:15 و الساعه 2:45 تفتح من الساعه 9 صباحا الى الساعه 6 مساءا |
جرب الطيران الشراعي مغامرة ممتعه |
تحذير من مطعم مرحبا في لنكاوي اخوتي الكرام زائري جزيرة لنكاوي الحذر وكل الحذر من مطعم مرحبا في جزيرة لنكاوي وهو مطعم هندي اكله سيء جدا جدا وغير طازج وأسعاره مبالغ فيها ومعاملتهم سيئة للغايه.لأنهم نصبوا علينا بمبلغ مبالغ فيه ( 380 )رنقت بدون أن نأكل الأكل لأن رائحته كريهة جدا وعندما تناقشنا معهم هددنا وشتمنا أن لم ندفع الفاتورة. ..فحسبي الله ونعم الوكيل فيهم.لذلك اخوتي احذركم منه...وهو موجود في مدينة كواه وراء مجمع لنكاوي براد بجانب باب الماركت وسط موقف السيارات وقريب جدا من فندق دايان ب وكذلك فندق أديا هوتيل وله فرع في تلفريك....حفظكم الله من هؤلاء النصابين ومن امثالهم |
انا ودي افيدك بس للان ماسافرت ماليزيا ان شاء الله شهر ٧ حبيت اسالك بخصوص المواصلات مع سواق ولا اوبر ياليت تفيدني :e306: |
| الساعة الآن 04:24 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO