|
"ماليزيا" هل تنفع بدون مرافقين / تجربه 14 يوم ~ ابريل السلام عليكم ورحمة الله وبركاته اولا اعتذر من جميع اعضاء المنتدى لان ماكان في بالي ابدا اني اكتب تجربتي فـ موضوعي هذا راح يكون شبه مختصر ان شاء الله بس راح يكون فيه الافاده تاريخ السفر : 9/4/2016 لغاية 22/4/2016 الطيران : الاماراتيه المرافقون : لايوجد ^_* الاشياء الاساسيه الي تحتاجها معاك : أهم شي تاخذه معاك في السفر بالنسبه لي هو باور بانك للجوال وشنطه صغيره تكون تشيلها معاك لما تطلع تتشمى تحط فيها اغراضك + حذا مناسب للمشي عن نفسي كنت اسخدم جزمه من ريبوك بالنسبه للأمان ف ماليزيا بلد امن جدا جدا ولله الحمد والطقس شبه حار في ابريل مع رطوبه عاليه وتساقط الامطار من حين لاخر . للي حاب يسافر سواء لماليزيا او غيرها من الافضل انه يعتمد على نفسه سواء في التخطيط للرحله او حجز الفنادق ومن المهم انك تكون حاط في بالك ومرتب جدولك شو الاماكن اللي حاب تزورها وشو الاشياء اللي تقدر تسويها في البلد اللي حاب تزوره من الافضل ان الفنادق اللي بتحجزها ماتكون غير قابله للاسترداد يمكن لما توصل البلد نفسه تحصل فنادق احسن او يمكن المنطقه ماتكون عاجبتك مخطط الرحله : لم التزم فيه 100% في اشياء لما وصلتـ هناك شفتـ مالها داعي وفي اشياء اكتشفتها هناك يومين سيلانجور يوم سيبرجايا 5 ايام لانكاوي 6 ايام كوالالمبور ( الكاميرون + جنتنج ) برامج انصح فيها : برنامج لطلب التكاسي رهيب جدا ويفكك من استغلال اصحاب التكاسي يعني لدرجة اني مره جربت استخدمه بعد ماطلبت التاكسي وصلني ب 20 رينجت وفي الرجوع رحت اسال تاكسي واقف بكم بترجعني يقولي ب 60 هههه http://www.arabtrvl.com/up/uploads/a...2955598811.jpg والبرنامج الثاني غني عن التعريف فادني جدا وقت ماكنت امشي في الاتجاهات والمسافه http://www.arabtrvl.com/up/uploads/a...2955598812.jpg البرنامج الثالث جميل جدا جدا يساعدك في استكشاف الاماكن القريبه منك من مطاعم وانشطه ويعطيك تقييمها وصور منها http://www.arabtrvl.com/up/uploads/a...2955851481.jpg ان شاء الله باقي التفاصيل وصور الفنادق والانشطه ونصائح احطها في الردود القادمه http://www.arabtrvl.com/up/uploads/a...2954242812.jpg http://www.arabtrvl.com/up/uploads/a...2954242781.jpg الرد الاول اول ثلاث ايام (سيلانجور + سيبرجايا) أضغط هنا الرد الثاني اول يوم لنكاوي أضغط هنا الرد الثالث ثاني يوم لنكاوي أضغط هنا الرد الرابع ثالث ورابع يوم لنكاوي أضغط هنا |
ما شاء الله شكل تقرير فخخم..وفيه كمية أماكن ومعلومات تفيدنا بانتظارك :e303: |
بدايه جميله اخوي واصل .. |
وعليكم السلام ورحمة الله وبركاتة ماشاء الله تبارك الله , بداية رائعه |
بداية جميلة وننتظر التجربة الرائعة |
وعليكم السلام ورحمه الله حياك الله في بيتك الثاني بداية جميلة توحي بجمال القادم متابعينك وان شاء الله الكل يستفيد من رحلتك ونصايحك خصوصا ان الصيف على الابواب وكل الناس بره الديرة تحياتي لك ،،،،،،،،، |
بدايه جميله اخوي واصل .. |
بداية موفقه وبايت تقرير بطل منتظرينك لا تتاخر علينا صار عندنا ادمان لتقارير ماليزيا :e022: |
عليكم السلام ورحمة الله وبركاته الحمد لله على السلامة .. نعم الاختيار .. ماليزيا العشق والحب الخاص لكن بدون مرافق وفي ديرة ما يتكلمون عربي صعبة :8: لو إنك ماخذني معك :29: انتظر التكملة والله يسعدك أينما كُنت :e022: |
ماشاء الله تبارك الله بداية رائعة ومنتظرين الأروع |
ماشاء الله تبارك الرحمن بداية موفقة ان شاء الله ربي يسعدك دنيا واخرة يا عسل تابع فنحن بالانتظار فهذه زيزا الادمان |
بدايه جميله.. وياك مرافقين ومتابعين ما اتضح لي اسم البرنامج الثالث . وهل يستكشف(( جميع ))الاماكن القريبه؟؟ أرسلت من LG-H818 بإستخدام تاباتلك |
اقتباس:
برنامج foursquare |
اول ثلاث ايام (سيلانجور + سيبرجايا) السلام عليكم ورحمة الله وبركاته اشكر جميع الردود المشجعه وان شاء الله ان الموضوع يكون قد ثقتكم بس حاب انوه ان الموضوع ماراح يكون مثل يومياتـ يوم السفر كان تاريخ 9/4/2016 يصادف يوم السبت وكانت رحلتي فجر السبت الساعه 4 الفجر والوصول لمطار كوالالمبور الدولي الساعه 2 تقريبا العصر بتوقيت كوالا من وجهة نظري انه افضل وقت للوصول للبلد المراد السفر له العصر عشان لاتخسر اليوم الاول ويروح عليك قبل كل شي بطاقة الاتصالات اللي استخدمتها هي من شركة Celcom كانت عباره عن 4 قيقا نت وسعرها كان 75 وشحنتها ب 30 رينجت والحمدلله كفت معاي لاخر اليوم كنت اتابع مباريات في التلفون واتصفح ... الخ ومستغرب ان النت ماخلص المهم اليوم الاول كان في سيلانجور وكنت نازل في فندق فندق وأجنحة هوليداي فيلا سوبانغ ***** رابط بوكنق أضغط هنا مقارنه في سعر الفندق فـ الفندق كان جدا جميل والغرفه كبيره واطلالتها جدا جميله http://www.arabtrvl.com/up/uploads/a...4630363071.jpg الاطلاله كانت ع البحيره مع اني كنت حاجز غرفه عاديه http://www.arabtrvl.com/up/uploads/a...3036307042.jpg http://www.arabtrvl.com/up/uploads/a...3036307073.jpg وصلت الفندق تقريبا الساعه 3 ونمت ساعتين بعدها توجهت لمطعم الفندق وهذا مطعم في الفندق ملاحظه ان موظفين المطعم جدا متعاونيين http://www.arabtrvl.com/up/uploads/a...3036307114.jpg http://www.arabtrvl.com/up/uploads/a...3036307145.jpg وبعد ما اكلت ولله الحمد توجهت لمدينة الالعاب i-city للي حاب يشوف صور وردود اكثر عنها عن طريق tripadvisor أضغط هنا هذا موقع مدينة الالعاب I-City للي حاب يشوف التذاكر وشو تشمل أضغط هنا رائي الشخصي انها ماتصلح للشباب اقصد ان مافيها الاشياء اللي ممكن تبهرك هي مناسبه جدا جدا للعوائل والاطفال وانصح فيها بشده لهم بس كـ شباب لا كان يوم ممطر ف الالعاب الخارجيه كانت مسكره بس الالعاب الداخليه مفتوحه للاسف اني ماصورت شي تقريبا http://www.arabtrvl.com/up/uploads/a...6303630727.jpg http://www.arabtrvl.com/up/uploads/a...3036307248.jpg في الليل تقريبا ماكان فيه شي اسويه غير اني اتابع مباريات في لوبي الفندق بما انه يوم سبت وهذا لوبي الفندق http://www.arabtrvl.com/up/uploads/a...3036307176.jpg اليوم الثاني كان في فندق فندق وسبا صن واي ريزورت ***** رابط بوكنق أضغط هنا http://www.arabtrvl.com/up/uploads/a...3036307279.jpg الفندق فخم جدا جدا وخاصه انه مقابله مول + حديقة العاب الصن واي لاجون اللي هي من الاسباب اللي شجعتني ازور ماليزيا هههه للاسف اني ماصورت الغرفه بس هذي الاطلاله كانت http://www.arabtrvl.com/up/uploads/a...0363073210.jpg وفي الليل لما جيت انام المكيف ماكان يبرد زين نزلت الاستقبال وقلت لهم المكيف مايبرد وارسلوا فني وجى يعاين الغرفه وقالي خلاص بنرسل لك واحد يصلح المكيف بس بيجي بعد 10 دقايق شليت اغراضي ونزلت تحت الاستقبال وقلت لهم انا تعبان وابي انام اعطوني اي غرفه وبعدها المشرف كان موجود والحمدلله انهم رقوا غرفتي لغرفه اكبر واوسع وهذي كانت اطلالتها http://www.arabtrvl.com/up/uploads/a...3039033282.jpg المهم بعد ماوصلت الفندق ع طول بدلت ورحت على حديقة الالعاب المائيه الصن واي لاجون Sunway Lagoon Theme Park سعر التذكره كان 150 والقفل ب 22 وشحنت ربطة اليد الي عطوني اياها ب 50 عشان اشتري منها داخل الحديقه اكل ومشروبات للي حاب يشوف صور وردود اكثر عنها عن طريق tripadvisor أضغط هنا رائيي الشخصي انها اجمل حديقة العاب مائيه ممكن ازورها في حياتي للعلم اني في الامارات زرت ياس وترورلد في ابوظبي ووايلد وادي في دبي و ايسلاند في راس الخيمه و دريم لاند في ام القيوين بس الصن واي غيييير كبيييييييره جدا جدا وشامله لجميع الالعاب حتى اني كنت العب العاب واستغرب انها مشموله بسعر التذكره الرخيص جدا دخلت الساعه 2 وماخلصت الا الساعه 5 العصر وكانت فرصه حلوه اني التقيت مجموعه شباب من السعوديه وتعرفتـ عليهم وتمينا نلعب مع بعض وهذي احلى ما في السفر الوحيد انك تقابل اشخاص جدد وتتعرف عليهم للاسف اني خليت التلفون في البوكس وماصورت اي صوره من داخل بس ان شاء الله رابط tripadvisor فيه الفايده وبعد ماخصلت رحتـ مجمع سن وي بيراميد http://www.arabtrvl.com/up/uploads/a...3039033333.jpg وتغديت من بيتزهات http://www.arabtrvl.com/up/uploads/a...3039033364.jpg والعشى كان من نفس المول مطعم ny steak shack http://www.arabtrvl.com/up/uploads/a...3041828711.jpg http://www.arabtrvl.com/up/uploads/a...3039033395.jpg اليوم الثالث كان للراحه والاسترخاء لا اكثر الفندق منتجع وسبا سايبر فيو ***** رابط بوكنق أضغط هنا وهذي صورة الغرفه http://www.arabtrvl.com/up/uploads/a...3039033426.jpg http://www.arabtrvl.com/up/uploads/a...3039033457.jpg وهذا المسبح رهييييب جدا http://www.arabtrvl.com/up/uploads/a...3039033488.jpg http://www.arabtrvl.com/up/uploads/a...3039033539.jpg في هذا اليوم ماكان فيه شي يذكر لانه كان يوم زايد تقريبا بالنسبه لي بس جربت المساج والسبا في الفندق وكان جدا رهيب للي حاب يقدر في هذا اليوم يروح لـ ذا ماينز وندر لاند يفتح من الساعه 5 لغاية 11 الليل او IOI City Mall بس ك نصيحه يومين كافيه في سيلانجور وبالنسبه لي فندق هوليداي فيلا سوبانغ جدا مناسب وسعره حلو وتقدر تحجز فيه ليومين واليوم الثاني تروح حديقة الالعاب المائيه وترجع له الليل مش شرط تحجز في فندق الصن واي لان سعره جدا غالي مقارنه ب فندق هوليداي فيلا سوبانغ وخاصه المسافه بينهم مش بعيده يعني التكاسي ب 20 رينجت تقريبا قريبا ان شاء الله رحلتي الى لنكاوي |
اقتباس:
اقتباس:
اقتباس:
اقتباس:
|
اقتباس:
اقتباس:
اقتباس:
اقتباس:
|
اقتباس:
شكرا بوعبدالله أرسلت من LG-H818 بإستخدام تاباتلك |
ما شاء الله تقرير وتصوير جدا رائع استمر يا مبدع أرسلت بواسطة iPhone بإستخدام Tapatalk |
مطعم نيويورك ستيك شاك السنواي له ذكريات عندي .. اتمنى لك رحلة ممتعة |
تقرير جميل متابعين معك احب ان اتشارك ذكريات السفر مع مرافق ... كيف تصف شعور السفر بشكل منفرد ؟ يعطيك العافيه ... |
ماشاء الله بدايه مميزه وتقرير روعه سجل متابع لك .. اعجبني جدا اختيارك لهوليدي فيلا |
اوووب طلعت ولد البلاد :) إنزين جان خليتني اخاويك ترى ماليزيا العشق |
بدايه جميله ومبشره بتقرير ممتاز http://www.arabtrvl.com/vb/picture.p...ictureid=51480 الصوره شدت انتباهي..اليست لفندق malibest resort ???غرفه على البحر مباشره.من اجمل الغرف التي رايتها وكان حجزي في احدها لكن في النهايه اخترنا غرفه اخرى اكبر مواصله المتابعه باستمتاع |
وعليكم السلام ورحمه الله وبركاته اي رحله بدون عوائل أخف وأريح وأسهل للتنقل البرنامج للتاكسي توفير في ظل الاستغلال اللي حاصل من السواقين للعرب وقت الوصول حلو ولو بعد الظهر افضل النت ما شاء الله علي هالتصفح ويكفي اطلاله الفندق حلوه اي سيتي صراحه كم تقرير شفت ان فيه اختلاف أعجبني مطعم ستيك شكله خطير |
ما شاء الله تقرير خفيف ومنظم :72: السفر لوحدك ...كيف تأقلمت مع نفسك ايش الايجابيات والسلبيات وانت لحالك ف غربه للمتعة .؟ |
|
اقتباس:
اقتباس:
اقتباس:
اقتباس:
|
اقتباس:
اقتباس:
بالفعل وبفضل من الله وبعد ماكنتـ متردد في اختيار الفندق في لنكاوي اطلعتـ على موضوعك ومن شفت اول صورة حطيتيها للفندق على طول دخلت موقع الفندق وحجزت فيه ولاكن للاسف واجهت بعض المشاكل اللي واجهتيها مع الاستقبل ولاكن توفقت في الاخير بهذي الغرفه المطله ع البحر وان شاء الله في ردي القادم بفصل في هذا الشي اقتباس:
بالفعل وهي كذلك وتحس بحريه فيها..، بخصوص وقت الوصول بالفعل افضل وقت يكون بعد الظهر اي ستي بالفعل الاراء تختلف حولها اقتباس:
اقتباس:
|
لنكاوي :e20c: الصراحه اجد صعوبه في كتابة اي شي عن هذي الجزيره من الصعب انك تقدر توفيها من الكلام باختصار هي لنكاوي كانت رحلتي عن طريق طيران آسيا طبعا طيرانهم اقتصادي لاتتوقع الكثير في طياراتهم اهم شي تقول الحمدلله اني وصلت سالم لاغير الرحله كانتـ بتاريخ 12/4/2016 والرجوع تاريخ 16/4/2016 وقت الرحله الساعه 12 الظهر الوصول الساعه 1 السعر 330 ذهاب وعوده يعتبر السعر مرتفع بس لاني اخترت اضافة المقعد واللي هو كان اول مقعد في الطايره كبير ومريح مقارنه بالمقاعد الخلفيه الصغيره مع وجبة ساندويتش تندوري كان طعامه حلو المرافقون : الشباب اللي تعرفتـ عليهم في العاب الصن واي لاجون في واحد منهم قرر يجي معي لنكاوي ف حصلت لي مرافق وهذا احلى مافي السفر منفردا http://www.arabtrvl.com/up/uploads/a...3303098441.jpg الحمدلله وصلت لانكاوي الساعه 1 تقريبا المطار صغير اجرائتهم سلسه جدا مافي تعقيد الجو كان حار مع رطوبه والارض شبه جافه وسمعت من هناك ان اخر ثلاث شهور مطرت بشكل قليل جدا جدا قبل لا اوصل لنكاوي كنت حاط في بالي استأجر سياره واجرب القياده جهة اليمين قريب المخرج حق المطار في كذا مكتب بس خليكم منتبهين من الاشخاص الواقفين واللي ياجرون روح ع المكاتب افضل وخلوه يعطيكم كشف بالسيارات واسعارهم يكون معتمد استأجرت هذي المزيونه ب 60 رينجت باليوم والحمدلله انها فادتني كثير في تنقلاتي افضل من التكاسي و اوفر http://www.arabtrvl.com/up/uploads/a...3302771662.jpg نصيحة للاخوان اللي حابين يروحون لنكاوي بالنسبه لي لنكاوي هي هذا الشاطئ بانتايْ تْشينانغ والشارع اللي خلفه الحياه تستمر فيها للفجر والمطاعم والحركه ماتهدء ابدا وانشطه بحريه وكل شي فيه افضل شي انك تسكن http://www.arabtrvl.com/up/uploads/a...3305273141.jpg بعدها توجهتـ لفندق malibest resort * * نرجع للفندق اللي اخترته بعد ماشفتـ موضوع الاخت ام زياد وفادني كثير في اختيار الفندق وتقريبا صارلي موقف في الحجز نفس اللي صار لها هذا رابط الفندق للي يبي يحجز فيه أضغط هنا الفندق عباره عن 4 فئات في غرف تكون ع الشارع العام اللي هو مبنى الفندق لا انصح فيها ابدا لان الفندق بدون خدمات تقريبا وسعرها ب 160 http://www.malibestresort.com/wp-con...superior02.jpg وفي اكواخ موجوده ع الشاطئ لاكن ليست مواجهه للشاطئ سعر الليله 170 http://www.malibestresort.com/wp-con...e-Wooden02.jpg وفي اكواخ مواجهه للشاطئ من الصعب انك تحصل حجز فيها حاولت قبل السفر احجز ب شهر ونص وكانت فل سعر الليله 200 http://www.malibestresort.com/wp-con...xechalet02.jpg وفي اكواخ تكون مرتفعه في الاشجار وهي افضل شي بس صعب تحصل حجز سعر الليله 260 http://www.malibestresort.com/wp-con...reehouse02.jpg المهم اضطريت اني احجز في الكوخ اللي ع الشاطئ لاكن ليس مواجه للشاطئ لمدة ثلاث ايام وتم خصم مبلغ اول ليله وبعد الحجز باسبوع قلت خلني اراسلهم واقولهم اني ابي كوخ بس ع الشاطئ لان في الموقع يعطيني ان مافي حجز متوفر وسبحان الله من حسن حظي ردوا علي وقالوا ان في كوخ موجود ع الشاطئ راح يكون متوفر بس بتدفع الفرق اول ماتوصل قلت موافق على طول رجعوا قالوا يعني ناكد ترقية الحجز قلت لهم اكيد لاكن هني الصدمه الاولى بعد ماوصلت طبعا مكتب الاستقبال صغير جدا وخارج الفندق تقييمه بالنسبه لي صفر وفي بنتين في الاستقبال قلت لهم عندي حجز شافوا عندهم قالوا حجزك كوخ بس مش على الشاطئ قلت صح لاكن انا ارسلت لكم وقلت لكم ابي ارقي الحجز وفي حد رد علي ان عندكم كوخ على الشاطئ لاكن بسريرين منفردين وقلت لها تم ماعندي مشكله بعدها قالوا لي لا ماصار هذا الكلام واصلا مافي اكواخ ع الشاطئ فاضيه هههههه هني الصدمه تميت ناشب لهم والمشكله ان الايميل عندي فل وحاولت اطلع الايميل اللي هم ارسلوه وماحصلته قالت لي خلاص شو رايك تروح تشوف الغرفه اللي انت اصلا حاجزها وانا هني ماسك اعصابي قلت يالله بروح اشوف رحت شفت كانت حلوه بس مش ع البحر رجعت لهم قلت لا ماعجبتني وانا مش متحرك من هني الا لين ماتعطوني الكوخ اللي ع البحر قالت بس هذا حجزك انا هني بنجلط قلت لها خلاص تمام انا بطلع الايميل اللي انتم ارسلتوه وابيك تطلعون الشخص اللي ارسلي اياه والحمدلله اني حصلت الايميل ووريتهم قلت يالله انا ابي هالشخص يجيني الحين طلعت مالهم المديره او المشرفه مدري عنها المهم الحمدلله انهم دخلوا عندها وشوي اللا يجون ويعطوني المفتاح ويقولون يالله توكل هههههه http://www.arabtrvl.com/up/uploads/a...3302771776.jpg طبعا بعد مادخلت الغرفه وشفتـ هذا المنظر زال كل التعب والعصبيه اللي كنت كاتمها http://www.arabtrvl.com/up/uploads/a...3302771755.jpg http://www.arabtrvl.com/up/uploads/a...3302771693.jpg تخيل يوميا تقوم على هذا المنظر http://www.arabtrvl.com/up/uploads/a...3302771724.jpg المهم اني حطيتـ اغراضي ورتبتـ نفسي وكنت حاط جدول في هذا اليوم اني اروح جبل Gunung Raya المنظر في الصعود كان جدا جميل والاجواء بارده بس نصيحه للي يبي يشوف لكناوي بشكل كامل لايصعد لين القمه لانك ماراح تشوف شي من هناك في منطقه معينه تقدر تشوف فيها هذا المنظر لان في البدايه انا صعدت لين القمه لاكن ماشفت شي وتحطمت وبعدها وانا نازل شفت مجموعة سياح واقفين على جنب ويصورون ووقفت والحمدلله شفت كل شي http://www.arabtrvl.com/up/uploads/a...6330277187.jpg المهم هني صور اكثر وتعليقات اكثر من موقع tripadvisor أضغط هنا وفي المغرب رحتـ العاصمه كواه وشفت ميدان النسر http://www.arabtrvl.com/up/uploads/a...3302771641.jpg ليست من تصويري ..، وبعدها مول قريب منه Langkawi Fair Shopping Mall ان شاء الله الرد القادم بيكون عن ثاني يوم في لانكاوي ورحلة الجزر الثلاث واشياء اخرى http://www.arabtrvl.com/up/uploads/a...3302771848.jpg |
تقرير رائع وصور مميزة تسلم أياديك |
ماشاء الله تبارك جزء رائع في لنكاوي الحبيبة كيف رأيت مستوى النظافة في الفندق ... |
حلو الفندق رخيييص و موقع ممتااااااااز انا حاجز في بيست ستار ان شاء الله يطلع مثله |
ما شاء الله تقرير حلو |
ايه يا لنكاوي ما ألوم أحد يصعب عليه وصفها المنظر يكفيك التعب بإذن الله http://www.arabtrvl.com/up/uploads/a...3302771755.jpg ما دام أنت عارف هالحرمه سووها مع أم زياد ليش ما طبعت الايميل أفضل أتصور يا عزيزي أنهم ما يحبون يأجرون الأكواخ إلا لأشخاص معينين |
ماشاء الله عليك .. وناوي تحرمنا هالجمال .. لا تتردد أبداً بكتابة التقارير .. ماتقدمه ممتع جداً وفيه فااااائدة ومعلومات قيمة .. اختياراتك جميلة وجدولك مرتب .. المنتجع في اليوم الثالث ( السبا ) هل أقمت فيه أم فقط استرخاء .. لأن مرافقه مشجعه لتجربته .. وكيف ترى قيادة السيارة في لنكاوي .. ( سؤال مستمر ) لمن جرّب القيادة هناك ؟؟ وكيف كان اعتمادك ع التنقلات هناك ( قارمن أم برنامج ملاحة ) ؟؟؟ تحياتي لك وبانتظار الأجزاء القادمة .. |
اقتباس:
اقتباس:
اقتباس:
|
اقتباس:
اقتباس:
اقتباس:
نعم كان اقامه لمدة يوم شامل الافطار..، بالفعل هي مشجعه لاكن لازم تحط في بالك انه منعزل تقريبا عن جميع الخدمات الخارجيه القياده كانت جدا ممتعه وسلسه وخاصه ان الشوارع ليست مزدحمه لاكن يجب الحذر جدا من تغيير المسار لان كل شي بالعكس فـ انا كـ اكثر حرص كنت ما استعجل لو بلف يمين او يسار لدرجه اني انتظر اشوف السيارات في الشارع الثاني لاي مسار تاخذ ف اروح معهم هذا في اول يومين وبعدها تعودت ولله الحمد بخصوص تنقلاتي كنت معتمد على قوقل ماب |
جميل جدا .. بحب الرحلات الفردية وبستمتع فيها بصراحة، لكن لكل رحلة حلاوتها وجمالها سواء عائلية أو فردية او عرسان أو أصدقاء.. المهم الشخص يستمتع في ظروفه الراهنة ويعتبر الرحلة فرصة للتعرف على مكان جديد وعالم غريب عليه .. مستمتعة بالمتابعة :e04a: |
اقتباس:
بالفعل هي فرصه للاستمتاع وخاصه انك ماتشيل هم اي شي تحس انك حر ومش مرتبط في اي احد هههه |
لنكاوي ثاني يوم :e20c: http://www.arabtrvl.com/up/uploads/a...3548585982.png اليوم الثاني في لنكاوي كنت مخطط اني اروح احد الرحلات اللي بالقوارب ف أخترت رحلة التنقل بين الجزر لان وقتها قصير وراح يكون فيها سباحه وهذا اللي حمسني تشمل الرحله : الذهاب لاول جزيره وسباحه لمدة ساعه وبعدين تروح بالقارب وتشوف جزيرة المراه الحامل من بعيد وبعدها تروح اطعام النسور وبعدها يودونك جزيره ثانيه وسباحه فيها ساعه ويرجعونك هنا تقرير كامل وصور اكثر من tripadvisor أضغط هنا المهم في اول يوم لي في لنكاوي رحتـ فندق AB Motel في عندهم مكتب صغير في الزاويه وعندهم جميع الرحلات المهم الرحله حق التنقل بين الجزر ب 25 رينجت للشخص واستغربتـ من سعرها الرخيص وعندهم رحلتين الساعه 9 الصبح و الساعه 2 بعد الظهر اخترت اللي بتكون الساعه 9 المهم ان تم السحب عليها في الصباح لان قمنا متأخرين الساعه 12 من التعب ههههه والحمدلله رحنا لهم الساعه 1 وحصلنا حجز للرحله اللي في الساعه 2 طبعا الحجز الاول يروح عليك ف لازم تدفع من جديد والحمدلله انها جت من صالحنا لان الاجواء كانت احلى في فتره العصر ف انصح اللي حاب يروح انه يروح بعد الظهر لان لنكاوي جدا حاره ف الصبح راح تكون متعبه وهنا نصيحه لنكاوي حلاتها نوم الصبح وسهر لين الفجر لاتفكر انك تخلي برامجك السياحيه فترة الصباح هذا الفندق وفي الزاويه المكتب http://www.arabtrvl.com/up/uploads/a...3548585951.jpg طبعا بعد ماعطونا استكر نعلقه ولازم يكون معاك لحد يضيعه قبل الرحله ودونا لمكان القوارب http://www.arabtrvl.com/up/uploads/a...3548586213.jpg وانطلقنا بالقارب يضم تقريبا 14 شخص اكثر او اقل الصراحه ماحسبتهم ههههه http://www.arabtrvl.com/up/uploads/a...3548586244.jpg ووصلنا لاول جزيره وكانت في غاية الجمال روووعه تمينا نمشي صعود لمكان نفس الجبل بس قبلها في مكان تدفع فيه رسوم بسيطه 2 رينجت ماذكر كم بالضبط عشان تدخل المشي في الدرج متعب شوي والقرود في كل مكان http://www.arabtrvl.com/up/uploads/a...3553193391.png قربنا نوصل http://www.arabtrvl.com/up/uploads/a...3552838741.jpg المكان عباره عن بحيره تقريبا والغابه محاطه فيها ع اليسار يأجرون كايك ب 30 رينجت واجرت واحد يكون حق شخصين متعه ماتتعوض http://www.arabtrvl.com/up/uploads/a...3548586275.jpg و على اليمين ياجرون هذا ينفع للعوايل http://www.arabtrvl.com/up/uploads/a...3548586316.jpg بعد ماخلصنا الساعه رجعنا مره ثانيه للدرج المتعب والممتع بنفس الوقت ووصلنا وانتظرنا القارب لان كان عاده ماجى في هذي الاثناء شفتـ :39: كانت لحالها تقراء كتاب المهم اني استغربت ان في هذي المناظر الحلوه وهي مشغوله في قراءة كتاب المهم الفضول خلاني اروح اشوف شو تقراء وتبادلت الحديث معها المهم عرفت انها من ايسلاندا وجات لحالها ماليزيا في نفسي اقول عادي هذا انا جاي لحالي هههه بس الاغرب انها قالت هذا الاسبوع العاشر لها في اسيا ف استغربت منها والمهم بدت تقولي انها راحت هونق كونق وتايلند و كمبوديا والحين ماليزيا وبعد 3 ايام بتكون سفرتها ل اندونسيا وبعدها بترجع ل ايسلندا تدرون الاغرب من هذا كله ان عمرها كان 20 وانا لما قلت حق اصحابي واهلي اني بسافر لحالي كل واحد عطاني من الكلام الزين هههه شو بتسوي لحالك وبتمل ... الخ المهم اني تمنيت لها التوفيق في رحلتها وجى القارب وانطلقنا للمكان الثاني بعد ماخلصنا من المكان الاول رحنا نطعم النسور لاكن قبل لانوصل اللي كان يسوق اشر على جزيره وقال هذي المراه الحامل شكلها نفس وحده نايمه ع ظهرها وبطنها منتفخ للاسف اني ماصورتها اطعام النسور http://www.arabtrvl.com/up/uploads/a...3548586357.jpg http://www.arabtrvl.com/up/uploads/a...3548586388.jpg وبعدها رحنا لاخر مكان رمال بيضاء وشاطئ صافي وتجلس فيه لمدة ساعه سبحت في اغلبها ورجعنا http://www.arabtrvl.com/up/uploads/a...3548586419.jpg الرحله كانت جدا ممتعه وخفيفه وسعرها جدا حلو تقريبا رجعنا قريب الفندق الساعه 5 ونص ف تغديت في مطعم Yellow Cafe هذا منظر للاطلاله http://www.arabtrvl.com/up/uploads/a...3548927741.jpg وهذا الاكل http://www.arabtrvl.com/up/uploads/a...5485864410.jpg أكلهم لذيذ بس سعرهم شوي غالي مقارنه انك في لنكاوي هنا تقرير كامل وصور اكثر من tripadvisor أضغط هنا وبعدها رجعت الفندق نمت وصحيت الساعه 9 الليل من التعب وتمشيت في شارع بانتاي سينانج ومول Cenang Mall ملاحظه: الصور اللي في الاسفل مش من تصويري عدى آخر صوره http://www.arabtrvl.com/up/uploads/a...3556027691.jpg عندهم مقهى ستاربكس اللي ع اليسار اول الصوره وفي مقابله نفس البار او المقهى الصغير بس مكشوف ع الشارع عندهم فعاليات غنائيه جدا حلوه وجهة اليمين في كنتاكي ومقابله ماك يبيع ايسكريم بس العشى في هذا اليوم كان في هذا المطعم بس ماعجبني اكلهم طلبت بيتزا وباستا http://www.arabtrvl.com/up/uploads/a...3548927782.jpg وبعدها في محل حلى فرنسي جنبه انصح فيه بشددده طلبت نفس هذا http://www.arabtrvl.com/up/uploads/a...6354892795.jpg هذا جانب من المنيو http://www.arabtrvl.com/up/uploads/a...3548927844.jpg هذا اسم المحل MY French Factory http://www.arabtrvl.com/up/uploads/a...3548927813.jpg هنا تقرير كامل وصور اكثر من tripadvisor أضغط هنا في هذا اليوم للي مايحب ينام بعد الرحله البحريه يقدر يروح Underwater World Langkawi يغلق الساعه 6 ونص على ما اعتقد قريبا القريه الشرقيه + أجمل مغامره في لنكاوي |
| الساعة الآن 06:31 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO