![]() |
تحذير من مطعم عربي المنار في لنكاوي !! تحذير مهم ! مطعم المنار في الدور الثاني بالمول المجاور لفندق ايديا ( استغلال عيني عينك ولابد أن أبين لكم لانه قهرني بصراحه لاني طلبت طلباتي غداء وقبل يبدؤون يسونها قلت له كم السعر الاجمالي فتبسم وقال المهم ان تأكل اول والحساب بسيط .. وكانت المفاجأة الفاتورة عاليه 297 رنقت ) والله ما يستاهل اكثر من 70 رنقت اذا طارت ... رغم ان طلبنا ما هو كثيرا ابد ... وسبق طلبت في مطاعم اكثر منه وافخم منه ولا تعدت 180 رنقت .. والله على ما اقول شهيد ( لن أظلم هذا المطعم ولكن هنا نتبادل النصايح ونحذر بعض ممن يتربص بالسائح الخليجي ) * والله ما احب الظلم ولا ارضاه على نفسي ولا عليكم . |
شكرا لك على طرح تجربتك |
اخي الكريم المفروض انك تتطلع على المنيو (قائمة الطعام) قبل الطلب واذا ما اعجبتك الاسعار اطلع واتركه الان انت مشترك معه في الخطأ لانك اجلت الاطلاع على الاسعار الى بعد الاكل وهذا خطأ كبير يقع فيه الكثير السياح مما يوقعهم ضحية للنصابين . اما حكاية ان الحساب لا يهم اهم شي يعجبك الطعام هذا الكلام اصبح ممتهن ولا ينطلي على احد والمفروض انه عندما قال لك هذا الكلام تقول ام تحدد الاسعار او نترك لك المطعم هذا اسلم حل مع تلك العينات الله يعوضك خير و لك كل الشكر والتقدير على هذا التنبيه المهم |
بشكل عام اغلب المطاعم العربيه في الخارج اسعارها شوي غاليه وخاصه في شرق اسيا .... قبل الطلب اطلب المنيو واشوف ناسب لي كملت ما ناسب لي اعطيته المنيو وخرجت |
أشكر مروركم .. ونسيت أذكر ان افضل المطاعم التي تستحق الزيارة بلنكاوي من تجربتي ( القصر مره رهيب ، ومطعم اتلانتس جنب مصنع القهوة والشوكلاته ) . الاسعار ما بين 120 - 160 رنجت لشخصين ( تختلف من شخص الى آخر حسب الطلب في الاخير ) |
يعطيك العافية |
شكرا على ذكر تجربتك المطاعم العربي في خارج الوطني العربي بشكل عام اسعارهم تتضاعف للسايح العربي :e11d: في السفر خيارات كثيره للطعام |
وش هالاستغلال الله يعوضك خير |
الله يعوضك ونتعلم من اخطائنا وأخطاء غيرنا والنصب نتغلب عليه لازم تشوف المنيو قارن الأسعار مثلا الشوربات والمقبلات الاطباق الرئيسيه العاديه |
شكرا لك المفروض مثل ما ذكر مشرفنا لا تحسن الطن بهم في الفواتير سواء في ماليزيا أو أي دوله أخري |
الساعة الآن 04:58 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO