|
وش رايكم شركة سياحية ولا اضبط عمري وخططي لرحلة عائلية مع طفلتين السلام عليكم الاغلبية صارت لهم مواقف مع شركات السياحة الماليزية منها اللي ضبطة معه والبعض اللي خسر الكثير فيها وهي ما تسوى وللامانة متردد اول مره لماليزيا والرحلة عائلية انا والمدام وطفلتين الاولى 6 سنوات والثانية 2 طبعا الكل عارف ان الرحلة العائلية متعبة اذا فيها اطفال ( عربية - اكل - حفايض - ملابس والخ ) هل تنصحوني اخذ شركة سياحية واريح راسي توديني وتجيبني طبعاً ما اتكلم عن الطيران والسكن هذي سهله اتكلم عن التنزه والمشاوير ولا اعرف شي عن ماليزيا الا عن طريق المنتدى فا اكرموني بمشورتكم اذا تكرمتوم |
شوف الشركات المعلنه معنا وان ما ضبطوك قول لهم بشتكيكم لام حسين هههههه والله ما اعرفهم بس عروضهم حلوه وان شاءالله يفيدونك والا تابع التقارير بالمنتدى وضبط شغلك بنفسك اكيد في جداول بتفيدك |
وعليكم السلام مايحتاج شركات سياحية اعضاء المنتدى بيفيدوك اكثر يازعيم اهم شي لارحت بينانغ اسكن في golden sands اولادك بيستمتعون جدا |
اذا تبغى ينضحك عليك خذ شركة سياحية الدعوه سهله وبسيطة كل يوم مكان سياحي واحد او اثنين بالكثير يعني طلعتك من الفندق الساعة 10 الصباح والرجعة 3 او 4 العصر فقط فيه اماكن مايستاهل انك تروح لها شلالات متعبه وخصوصا ان معك اطفال .... والاهم الفندق اختر الفنادق الى تحتك مجمع تجاري وكفيهات على شان بعد المغرب ممكن تنزل تتكي فيها ومايروح يومك في تكاسي ومشاوير للاسف اعرف ناس عندهم مفهوم السفر اني اطلع من الفندق الساعة 8 صباحا ومايرجع الا وهو مطمن ان جميع المحلات قفلت الساعة 10 مساء ... يبغاله اسبوع بعد السفر على شان يرتاح شوف كنصيحة شوف جميع الاماكن السياحية في كل مدينة واختر الى تشوف له اثراء في نفسك واعجبك توفر جهد ووقت ومال ... واذا تبغى اسماء فنادق ابشر |
ما يحتاج أخي شركة سياحية ، ماليزيا سهلة ومتوفرة المواصلات فيها بكل أنواعها رحلتي كانت عائلية في صيف 2016 والحمدلله الأمور كانت ميسرة بمساعدة تقارير المنتدى وأعضاؤه وأتممت كل حجوزاتي بنفسي وهي أول سفرة لي لماليزيا ، وهذا رابط تقرير الرحلة إذا رغبت في الاستفادة منه https://www.arabtrvl.com/vb/t27108.html |
يا اخي انا قبل ايام رجعت من ماليزيا وكانت سفرة عائلية واثنين اطفال اعتمد على نفسي وكان كل شيئ طيب لكني تعبت بالتحضير للرحلة رغم ان هذه المرة الثانية التي ازور ماليزيا الا اني تعبت كثيرا من جمع المعلومات التي استفدت منها اثناء السفر مع فائق الود |
انا اولادي بنفس عمر اولادك ولاشعرت اني تلبكت او حست فيهم وماليزيا كتاب مفتوح وسهل شوف تقريري بالعكس استمتعنا كثيرا بوجود الاولاد |
شكراً على الردود راح ابداء اشتغل اجل من الان في البحث |
ماليزيا و تركيا كتاب مفتوح والتقارير مليانه الأمر بسيط جداً ماليزيا احجز طيران من النت ادخل وشوف السكن حسب اللي تبي وبعد المشاوره مع الأعضاء والجولات السياحية تحصلهم امام الفنادق والسعر واضح ليش اروح لشركه بس فيه بعضهم يقولك ابي ارتاح وابي شركه ترتب لي كل شي بالتوفيق لك |
السلام عليكم ورحمه الله وبركاته،،،، انصحك بالابتعاد عن الشركات والاعتماد على نفسك في عمل الحجوزات وبخصوص التنقل داخل كوالالمبور عن طريق برنامج grab وفيه القطارات وغيرها انا عن نفسي سفرتي الرابعة إلى ماليزيا انا والعائلة بعد رمضان ان شاء الله وذا حاب ااساعدك في شي تواصل معي بالتوفيق يارب |
| الساعة الآن 02:10 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO