|
وحجزنا الطيران .. وما استغني عنكم السلام عليكم ورحمة الله اخواني الله يسعدكم تم حجز الطيران الدولي على الخطوط السريلانكية بتاريخ ( 23 / 7 ) العودة ( 7 / 8 اغسطس ) 15 يوم ، 14 ليلية لشخصين انا و المدام 1- رايكم بترتيب الايام و الفنادق يومين سلانجور ( الصن واي ) اربع ايام بيننانج ( شنغريلا راسا ) اربع ايام لانكاوي مقسمة كالتالي : يومين ( ذا ويستن ) ، يومين ( برجايا شاليه فوق الماء) اربع ايام كوالالمبور ( ذا ويستن ) 2 - هل الافضل البدء بـ ( لنكاوي ثم بيننانج ) او العكس 3- الطيران الداخلي هل اقدر احجز عن طريق مكتب وكالة سفر 4- الفيزا كيف اقدر استخرجها 5- المواصلات من حيث الاماكن السياحية هل الافضل سواق اتعاقد معه ..!! عارف اسئلتي كثير لكن اول مره اروح لهالديره فزعتكم الله يجزاكم خير ويفرج لكم دنيا واخره |
اقتباس:
عليكم السلام رحلة موفقه |
السلام عليكم لنكاوي قبل بينانق افضل من كوالا الى لنكاوي طيران من لنكاوي الى بينانق طيران من بينانق الى كوالا بالباص vip (انا اشوف انها افضل الوقت نفس الوقت تقريبا من خروجك من الفندق الى وصولك ) ولكن بالباص امتع مع ثلاجة القهوه والحلا ومناظر الطبيعة تفتح النفس انا اعتبرها نزها في البرنامج السياحي وخصوصا اذا كانت فيه امطار الضباب يعانق الجبال وبعدين باصات vip يكون مكون من دورين وفي الصف مافي الا كرسيين فقط يعني نفس كراسي المساج واسعة جدا اما الباقي اجابك فيها الردادي ماقصر |
جزيت خيراً اخوي alradadi ابي رايك في الفنادق المختاره قبل ابدأ حجز السكن لو تكرمت |
اقتباس:
والباص وين تكون وجهته بالضبط في كوالالمبور .. واذا لك خبره اخوي عطني رايك في الفنادق المذكوره |
حيّ الله حبيبنا أبو سعد ... الجميع بالخدمة ... بالعكس نفرح لمشاركة الأحبة تخطيطهم لرحلاتهم .. ترتيبك للمسار مميز جداً ... اختياراتك للفنادق رااااائعة ... ماذكره حبيبنا الجميل الأبرقين .. بالنسبة للتنقلات أوافقه تماماً .. حجز الطيران الداخلي ( سهل جداً ) الرابط الذي وضعه مشرفنا الردادي لآير آسيا يفي بالغرض .. حجزت عن طريقهم رحلات كثيرة في شرق آسيا .. وكذلك ماذكره خبيرنا الأبرقين بخصوص باصات آيرولاين من بينانق إلى كوالا والعكس .. تجد في قسم ( مواصلات ماليزيا ) في البوابة .. تقريرين مميزين جداً الأول للرائع حبيبنا himzmz ..يشرح فيه طريقة حجز الطيران الداخلي .. والجميل حبيبنا sophos .. يشرح فيه طريقة حجز تذاكر الباص .. طبعاً كوالا للتنقلات الداخلية .. إما التاكسي أو استخدام التطبيقات كأوبر وجراب .. وبالنسبة لبينانق هناك سائقين تتفق معهم بالجولات ولديهم أهم معالم بينانق يعرضها عليك تتراوح أسعارهم بين 25 _ 30 رينغت للساعة .. ومثلهم أيضاً في لنكاوي .. موفق يالغالي .. |
السلام عليكم اول يوم تصل فيه بينانق او اليوم التالي مع الجولة روح الى مواقف الباصات جنب برج كومتار في منطقة جورج تاون اطلع الدور الثاني تحصل مكاتب شوف شركة ايرو لاين او سومر ست باصات vip طبعا الباص مكون من دورين اختر الدور الثاني اول المقاعد وسبب انه يكون اول ماتصل تحجز على شان تكون في الصف الامامي ممكن تجي في نفس يوم السفر بس ماتحصل في الصف الامامي غير كذا لها اوقات محددة باصات vip اختر محطة الوصول في كوالا محطة بودرايا قريبة من شارع العرب وترى باصات vip ماهي محصورة بالشركتين هذي فيه كثير راح تحصل الشركة الى تمتلك هذي الباصات حاطينها صورتها على شباك قص التذاكر اما الفنادق انت مختار فنادق ممتازة بس عيبها غالية وفيه بدائل كثيرة احدث واجمل واقل في السعر وترى فنادق 4 نجوم في ماليزيا افضل من فنادق 5 نجوم عندنا واسئل اي احد راح ماليزيا شوف في سلانجور Sunway Clio Hotel فندق فئة 4 نجوم جديد جديد من نفس اللوبي فيه مخرج على سوق البراميد وارخص من الصن في لنكاوي Century Langkasuka Resort فندق فئة 4 نجوم قريب من شاطي سيانينق افضل شااطي اللعاب مائية ومطاعم واسواق في بينانق Hard Rock Hotel Penang في البوتو فرنجي فئة 4 نجوم في كوالا Dorsett Kuala Lumpur فندق فئة 4 نجوم تم تجديد اثاثة بالكامل العام الماضي |
اقتباس:
ماشاء الله تبارك الله ... أقدِّر لك حبيبنا ( الأبرقين ) هذا الحضور اللافت ... ردود لاستفسارات عديدة ،، تنطق حروفها خبرةً ودراية ... اقرأ إجاباتك المفصّلة باستمتااااع سماء المنتدى تزّين كثيراً بنجمك ... دمت موفقاً .. |
اقتباس:
العين ماتعلى على الحاجب واشكرك على هذا الكلامات التى تزيد من الهمم وجعلني الله وايكم ممن تقضى على يدهم حوائج الناس كل الشكر والتقدير لكم |
مووووفق في سفرتك |
بالتوفيق لكم |
| الساعة الآن 08:12 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO