|
اولا شكرا لكم ,, ثانيا انا بحاجتكم السلام عليكم ورحمة الله سأبدأ موضوعي بالشكر والامتنان لكم شكراً لـ: كتكات783 الأبرقين عشقي السفر Turki1407 Alrdadai ابو حسن هاي مزمز ابو فارس الحربي Deemah كازمي وكل الاخوة البقية من الأحباب الذين انساني الشيطان ذكر اسمائهم, لكم وافر المحبة والتقدير والدعاء وذلك نظير حرصكم ونصائحكم وتوجيهاتكم أدامكم الله نبراسا للعطاء وحب الخير. =============================================== ثانيا اخوكم يريد عمل مفاجأة لزوجته وابنائه ويحتاج الى قليل لطفكم بتوجيهه للأفضل طيران-فنادق-سبل مواصلات بين المدن-اماكن سياحية غير متعبة للاطفال-مطاعم ان حصل كم ميزانيتك ؟ 20-22 الف ريال سعودي (تذاكر+رحلة) ومن اي مدينه السفر !؟ البحرين او الرياض وكم يوم الرحله ؟؟ 11 ايام بدون يوم السفره والرجوع (شهر اكتوبر او نوفمبر ) وهل هذي او مره تزور ماليزيا نعم عدد افراد الاسرة؟ انا وزوجتي وطفلين اولاد (4-2) لااخفيكم قرأت الكثير من التقارير القديمة واطلعت على بعض الاستفسارات الحديثة بل وضعت ملف وورد باسماء الاعضاء من اهل الخبرات ونسخت مشاركاتهم لابقائها كمرجع لكن لازلت احتاج الى توجيهاتكم الفضلى بحسب ماترون من ميزانية وايضا توزيع الجدول حسب الايام وهل ملاهي او مرتفعات بنينج ستفتح ام لا في ذلك الوقت؟ وهل الصنواي لاجون يغني عن اي ملاهي اخرى؟ وهل ترون انه لاداعي لزيارة الكاميرون بمعيّة الأطفال؟ وان ذكرتم ملاحظات جانبيةسأكون شاااااكرا لكم ارجو من الجميع ادلاء رأيه لاني ساقوم بالاخير بعزل الفنادق المتكرر ذكرها واختيار الافضل منها بكل منطقة وجزاكم الله خيرا:e022: أبوخطّاب |
اقتباس:
اي استفسار حاضرين |
اقتباس:
ماليزيا بلد سياحي كثيرة الفنادة الى موجودة فيها وتلبي رغباتك عندي اهم شي في الفندق النظافة - الموقع - الاطلالة |
اقتباس:
|
اقتباس:
ودي اوفر اكبر قيمة واجعلها في الرحله الطيران المهم الراحة وكلها كم ساعة و تنزل لانه البعض يخسر بالطيران كانه سيقيم ايام بالطائرة وافي وماتقصر يا الابرقين |
اقتباس:
وبالنسبه للفنادق سيلانجور فندق كيلوا بينانج فندق جولدن ساندز ارشح هذا الفندق لانه بيكون ممتع وفيه ادفانشر زون انصحك احجز من نفس موقع الفندق مع باقة العائله الدخول مجانيلها مع ميزات اخرى وممكن اذا تبي فندق اقتصادي بيناس الاطفال عندق منتجع ذا فيو انتبه خذ المنتجع اللي على البحر لان بينانج فيها فندقين ذافيو انصحك ب جولدن ساندز وبقوه كوالالمبور الخيارات الاقتصاديه كثييره جدا بعد حجز الطيران توضح الميزانيه اكثر ومن الخيارات فندق رويال شولان فندق امبيانا فندق ترايديز فندق مايا وفندق دوريست والخيارات كثيره جدا جدا |
راح احاول احسب لك التكلفه التقريبيه الطيران على العمانية ب 6700 ريال الفنادق صنواي كيلوا 1118 ريال مع فطور والضريبه 3 ليالي جولدن ساندز 2650 ريال مع فطور والضريبه 4 ليالي كوالالمبور تقريبا 1400 ريال شامله الضريبه 5 ليالي الطيران الدلخلي على خطوط اير اسيا 440 رينجيت ذهاب وعوده من غير امتعه يعني 200 رينجيت زياده تشتري فيها وزن المجموع 12608 ريال تقريبا الباقي 22000-12600 = 9400 ريال مصروف بمعدل 780 ريال يوميا بالتوفيق |
اقتباس:
او 1800 ريال مع رحله 13 ساعه مع ترنزيت ساعتين تفرق كثيير بالراحه وخصوصا مع الاطفال مثلا الرحله على العمانيه ساعتين وربع طيران من الرياض الى عمان + ترنزيت ساعتين بمطار مسقط +سبع ساعات وربع طيران الى كوالالبور واحسب 3 ساعات ذاهب للمطار قبل الرحله الدوليه بالرياض وساعه الى ساعه ونص تخليص امورك بمطار كوالالبور او السيرلنكيه رحله من الرياض الى كولوبو خمس ساعات +ترنزيت ساعتين او حسب الرحله واوقات قد تصل الترنزيت 7 ساعات انت وحظك بالحجز +4 ساعات من كولومبو الى كوالالمبور + واحسب 3 ساعات ذاهب للمطار قبل الرحله الدوليه بالرياض وساعه الى ساعه ونص تخليص امورك بمطار كوالالبور اوالسعوديه رحله مباشره من الرياض الى كوالالمبور 8 ساعات طيران مباشر لا ترنزيت ولا انتظار بعد الميزانيه تحكم وانت تعرف اطفالك وقدرت تحملهم الترتيب هو السعوديه ثم العمانيه ثم الاماراتيه ثم الاتحاد رايي تبعد عن الطيران السيريلانكي لعدة اسباب اولا الترنزيت عادة طويل وهذا بيرهق اطفالك ثانيا الكراسي ضيقه وبشكل عام هذي الخطوط ما انصحك فيها الا اذا مضطر مره ثالثا توزع الخمور مجانا بالطياره وهذا الشي عن نفسي ما احب اطفالي يشوفونه العمانيه ممتازه من حيث الترنزيت والطيارات فانصحك فيه وافتتاح مطارها الجديد الشهر الماضي رايي الفتره الجاية تابع الاسعار في الخطوط الاماراتيه والعمانيه والسعوديه ممكن تنزل الاسعار او عروض بعد موسم العيد او عروض باليوم الوطني السعودي مجرد اقتراح |
اقتباس:
نصيحتي لك .. بما أنك بتسافر بعد الصيف أي في شهر أكتوبر أو نوفمبر فأنصحك تأخذ على الخطوط السعودية رحلة مباشرة من الرياض إلى كوالالمبور ... أفضل لك من الترانزيت و الأنتظار بالمطارات و أنت معاك أطفال و على فكرة ترا الخطوط السعودية تبدأ في العروض و التخفيضات على الأسعار من سبتمبر ... تقريباً الأسعار في الموقع حالياً للسفر في منتصف أكتوبر البالغ 2400 ريال و الطفل 1900 ريال بالتوفيق و رحلة سعيدة أن شاء الله |
حياك الله أبا خطاب... هذا جدلٌ مقترحٌ لكَ ٣ كوالالمبور ( اليوم الأول : زيارة مدينة ملاكا، الثاني : زيارة بوكيت تينجي، الثالث : زيارة فراسرز هايل و مرتفعات جنتنج) ٣ لنكاوي ( Durian Perangin Waterfall - Langkawi Sky Bridge - Gunung Raya - Legenda Park - Rice Museum - Ayer Hangat Village - Cenang Beach ) ٣ بينانج (Batu Ferringhi - Penang National Park - Kek Lok Si Temple - Fort Cornwallis - Penang Street Art - Clan Jetties Of Penang - Cheong Fatt Tze Mansion - Goddess of Mercy Temple - khoo kongsi - Tanjung Bungah Floating - Penang War Museum - Penang Botanical Garden - Penang Butterfly Farm - Countryside Stables Penang - Tropical Spice Garden - Suffolk House Restaurant ) ٣ كوالالبمور ( the national museum - Tugu Negara - Thean Hou Temple - St Mary's Cathedral - St. Andrew's Presbyterian Church - Muzium Kesenian Islam - Batu Caves - Masjid Jamek - Wilayah Mosque - Sultan Salahuddin Abdul Aziz - National Mosque ) |
ماشاء الله الاعضاء كلهم ماقصروا بارك الله فيهم اقترح المدة قصيرة قلل تنقلات واستمتع بكل مدينه جدول مريح لازم تستبعد مدينه وباذن الله يرزقكم برحلة ثانيه يومين سلانجور ستة بينانج او لانكاوي اربع كوالالمبور الفنادق ماراح تكلف كثير كثير الخبارات اولا الطيران الدولي اذادباكتوبر بتلاقي رخيص باذن الله توني شيكت على الخطوط السعوديه من الرياض ب 9000 ريال تبقي 11 الف لك الفنادق والرحلة تكفي باذن الله مع وجود مبلغ جانبي احتياطي لايقل عن 3000 ملاحظه تاكد من ان الفندق معطيك سعر الغرفة مع الضريبه عشان تحسبها صح والله يوفقك أرسلت بواسطة iPhone بإستخدام Tapatalk |
الله يكتب الي فيه الخير |
اقتباس:
الله يسعدك تم رصد الفنادق وسأقوم بامعاينة صورها واسعارها على مواقع الحجز المتعددة وبااشوف باقة العائلة المذكورة كما نوهتي الله يسعدك اقتباس:
ونبهتيني لمسألة الوزن واخذ الاحتياط الله يبارك فيك اقتباس:
لاني مثل ماذكرت لايمكن اصرف مبلغ كبير جدا في تذاكر وسأجبر خاطري بفترات الانتظار بالترانزيت باكتشاف المطارات هنا وهناك وماادري والله متى فترة عروض الخطوط السعوديه والا هي تبقى افضل خيار حقيقة اشكرك جزيل الشكر اختي عشقي السفر كنت انتظر مشاركتك بشدة تحيتي |
اقتباس:
والله ماعندي شك ان الخطوط السعودية هي الخيار الافضل او اي خطوط مباسرة في اي رحلة سفر لكن مايقيدني فقط اسعار التذاكر عموما في بالي الانتظار الى نهاية July ثم سأقوم باختيار الانسب حينها شكرا لنصيحتك الطيبة ياطيب |
اقتباس:
الله يسعدك جدولك راح يكون محط الاهتمام بس كان ودي كتبته بالعربي لاني لااعرف اغلبها وانا احتاج لمثل هكذا جدول حتى ارتب نفسي شكرا شكرا جزيلا حبيبنا |
اقتباس:
ماي مدينة تقصد بان استبعدها انا قلت جدولي سيكون مبدأيا في (سيلانجور-بينانغ-لنكاوي-كوالا) او نقدم لنكاوي على بينانغ ؟؟ احتاج مشورتكم ام ترون اني الغي بينانغ من الموضوع كليا وأبقى على لنكاوي فقط؟ وجهوني لاعدمتكم اما الخطوط والله صعقت من رقمك 9000 لاني راسم مثل مالقيت بالسيرلانكية 5500 تقريبا والان اعطتني رقم هو الضعف تقريبا لذا لازال مستبعدا 4000 ريال تجعلني اتلذذ بالديار هناك 4-5 ايام اخرى لولا قصر الاجازة فقط لكني سأتابع عروض الخطوط السعوديه اولا بأول شكرا لتوجيهك ونصحك اخي الكريم |
حياك الله ماسويت الا الواجب رايي من راي ابو حسن تكتفي بثلاث مناطق لان المده جدا قصيره ومعاك اطفال بتضيع الوقت بالتنقلات ماتسوى 11يوم او13 يوم تتنقل فيها بين اربع مناطق اقل شي تحتاج اسبوعين من غير يوم الوصول والمغادره حتى تعطي كل الفعاليات رايي السفر متعه وانت مسافر ترتاح وتسترخي وتتمشى على مهل ما أؤيد كثرت التنقلات بالسفر والهجوله هذا وجهت نظري ورايي تستبعد لانكاوي وتختار بينانج لاسباب هي اولا لانكاوي حلاتها بمنتجعاتها ومنتجعاتها غاليه ومكلفه وتناسب اكثر شي الازواج والعرسان وكنت بدخلها بالجدول لو كانت مدتك اسبوعين وبالجهه المقابله ممكن تسكن في بينانج بسعر اقل وبفندق متكامل ومسابح تناسب الاطفال والعاب مائيه في المسبح ثانيا للنكاوي هاديه ومن ست المغرب انت بالفندق وبالنسبه للتلفريك ممكن تعوضه بجنتينج والملاهي ممكن تعوضها بملاهي التايم سكوير بكوالالمبور والاي سيتي في سيلانجور واما بينانج مدينه حيه وفيها سوق الليل ورا للفندق ومجمعات وفعاليات كثير هذي وجهة نظري لانستعجل بحجز الطيران الدولي لانك ماراح تسافر بموسم الزحمه ممكن الخطوط السعوديه تنزل عروض وبالتوفيق تم الإرسال من SM-G935F باستخدام Tapatalk |
اقتباس:
بارك الله فيك وصلتي فكرتي توني كنت برد أرسلت بواسطة iPhone بإستخدام Tapatalk |
اقتباس:
ترا إذا الوقت قليل بيفوت عليك متعة الأستمتاع بالرحلة ,, لأنه بيصير الهم أنك تشوف كل شئ و تخسر بدون ما تستمتع لقصر المدة ..و لنكاوي بصراحة من واقع تجربة ما تستاهل العنوة و الله رحت لها 2013 و ما فيها شئ جديد أستبدالها ببيناتق أفضل خيار ..و للمعلومية لكناوي الوصول لها لازم طيران بينما بينانق ممكن تروح بالسيارة و تستمتع بالطريق الجميل ... و فيه باصات VIP أتوقع من كوالالمبور خدمة مثل الطايرة و أسعارها مناسبة جداً ... |
اقتباس:
اقتباس:
اقتباس:
لكن هل هناك مناظر طبيعية في بيننانغ ام لا؟ وهل ملاهي جنتنغ موجود في بينانغ او انا ملخبط بالموضوع لأني حقيقة احب المناظر الطبيعية وشوي اللحم بالمرتفعات ومن هذه الامور أمدوني الله يرضى عليكم باسماء فنادق في بيننانج حتى أعاينها واختار والله لايحرمني عطاءاتكم المستمرة |
اقتباس:
ملاهي جينتيج هي مرتفعات جينتينج وهي منطقه قريبه من كوالالمبور تخصص لها يوم تروح وترجع تتفق مع سايق او باص ترزح مرزعة الفروله وبعدين تصعد بالتلفريك لملاهي جينتيج وتزور الاوت ليت اللي هناك وترجع تكمل نص اليوم بكوالالمبور بشكل عام ماليزيا مو حق كشتات وشوي وغيره شكلك مانتبو لردي الاول انا كتبت لك ملاحظات بالاقتباس تم الإرسال من SM-G935F باستخدام Tapatalk |
كم ميزانيتك ؟ 20-22 الف ريال سعودي (تذاكر+رحلة) ان شاء الله تكفي ومن اي مدينه السفر !؟ البحرين او الرياض تبي رايي بما ان معك اطفال فرايي انك تاخذ رحله مباشره على الخطوط السعوديه هذا رايي بحكم صغر عمر الاطفال اريح من الترنزيت بما ا سفرك مو بموسم ان شاء اللع تحصل سعر زين وانت تابع اخطوط ممكن نتزل عروض ترويجيه لان الان الخطوط السعوديه بسعر 8730 ريال والعمانيه 6700 ريال الفرق بينهم 2030 ريال نزل عرض على الخطوط السعوديه ونزل السعر بيكون ممتاز رايي اصبر على حجز الطيران الى شهر اغسطس واحجز طيران هذا اقتراح وكم يوم الرحله ؟؟ 11 ايام بدون يوم السفره والرجوع (شهر اكتوبر او نوفمبر ) تعتبر قليله لكن مناسبه للميزانية وهل هذي او مره تزور ماليزيا نعم عدد افراد الاسرة؟ انا وزوجتي وطفلين اولاد (4-2) ربي يخليهم لك رايي وللمده المقترحه انصحك بهذا الجدول 3 ليالي سيلانجو 4 ليال بينانج 5 ليالي كوالالمبور منها يوم تزور جنتينج وممكن اذا انت حاب تزور افاموسا اقرا عنها ممكن تعجبك يوم وترجع ممكن تختار الباص كمواصلات بين المناطف اذا تبي التوفير الطريق 4 ساعات بين الخضره والجمال والباصات ارلاين جدا ممتازه تم الإرسال من SM-G935F باستخدام Tapatalk |
اقتباس:
اشكرك جزيل الشكر والله يوفقك ويفتح عليك |
اقتباس:
الله لايهينك يارجل |
اقتباس:
وسأخذ جميع الفنادق ونمر على مااستطعنا منها ونشوف المناسب جمالا وسعرا وموقعا ونحجزه ان شاءالله بقي الجدول وهو الأعسر وادري يضايقكم نوعا ما لكن ان استطعتم فالله يسعدكم وان مااستطعتم اذكروا مايستحق الزيارة والاستمتاع به دون الجدولة والله يكتب اجر كل واحد فيكم ومعذرة مرة اخرى لمن رديت عليه دون ان ارى ملاحظاته داخل الاقتباس |
اقتباس:
وهل نستطيع حجزها مبكرا ام من هناك مافيه فرق؟ وعلى طاري الاولت لت افضل مجمع اوت لت للتسوق ملابس في كوالا ؟؟ وهل هي افضل والا بينانغ ؟؟ واعتذر على كثرة اسئلتي:e030: |
الجدول سهالات باذن الله اسهل شي اهم شي تحدد الايام بالضبط والمناطق اللي بتزورها وباذن الله نرتب لك الجدول تم الإرسال من SM-G935F باستخدام Tapatalk |
اقتباس:
باصات اوريلاين للكبار ب 60 رنجت والصغار ب 30 رنجت بس عندك طفل عمره سنتين اعتقد مجانا ناسيه والله الحجز لازم لازم قبل اسبوع من سفرك وانت هنا احجز افضل عشان تضمن تلاقي حجز بالتسبه لي باركنسون اشوفه حلو هو محل فيه ماركات واسعاره طيبه صراحة تلاقيه في كوالالمبور في سورايا وفي بينانغ في مول الجورني بلازا انا رحت اوتليت كوالالمبور بس ماهو مره رخيص وبعيد صراحة بس تلاقي فيه عروض في كوالالمبور سونقوا وانقوا والبي بي بلازا لصقين بعض وعندك التايمز سكرير وفيه ملاهي داخله وعندك محمع والله ناسيه اسمه ببحث وارد عليك باذن الله بس روعة من كلام اخت زوجي ورحلة سعيده أرسلت بواسطة iPhone بإستخدام Tapatalk |
اقتباس:
وجهات وأسعار باصات ايرولاين Aeroline وطريقة الحجز للذهاب الى بينانج و سنغافوره https://www.arabtrvl.com/vb/t20394.html بالنسبة للتسوق ... الأفضل كولالمبور " ولو أني عندي تحفظ على التسوق من ماليزيا لأنه البضائع ليست ذات جودة ممتازة .. " وجهة نظر فقط و ممكن يخالفني البعض !! |
اقتباس:
ذكرتي العاب مناسبة للاطفال فين مكانها تحديدا ؟ |
اقتباس:
والله افدتيني جدا بهذه الاسماء ودام عندي 5 ايام يمكن امرها واشوف المناسب واخذه الله يعطيك العافيه أوخيتي |
اقتباس:
ان شاء الله ادخل الرابط واطلع بالتفصيل وانفذ والتسوق فقط للاحتفاظ بذكرى والهدايا والا انا ضد السفر لاجل التسوق كليا ماليزيا وغيرها ودك تسافر تتمشى بالطبيعة والملاهي والشواطئ اقصد امر اخر غير متوفر ببلدك اما التسوق بابه واسع والحريم ينتفون ريشك داخليا وخارجيا هههههههه لاهنت لاهنت ياوافي |
اولا شكرا لكم ,, ثانيا انا بحاجتكم اذا قلنا انك بتمشي على جدول يومين سلانجور خمسه بينانغ خمسه كوالالمبور انتبه اولا وقت حجز الطيران ان يكون وصولك لكوالالمبور الصبح الساعة 10 عشان تقدر تستغل جزءمن يوم الوصول لو قلنا بتوصل المطار الصبح يومين سلانجور يوم الوصول الوصول للفندق الظهر والصلاة والغداء والراحة والخروج للاي سيتي اليوم الثاني الصنواي لاقون ومول البزاميد خمسه ايام بينانغ اليوم الثالث الوصول للفندق والاستمتاع بالالعاب البحرية على الشاطي او مسابح الفندق ولسوق الليلي والعشاء اليوم الرابع حديقة التوابل والفراشات والفواكه وبخيره السد ثم الغداء ثم التوجه للهضبة وبعدها العودة للفندق والعشاء اليوم الخامس رحلة الصيد والشوي ومن ثم الراحة بالفندق والعشاء اليوم السادس البيت المقلوب ثم برج كومتار ثم الباص ثم التسوق والعشاء اليوم السابع الاستمتاع بخدمات الفندق خمسه ايام كوالالمبور اليوم الثامن الوصول للفندق ثم الغداء ثم عالم البحار ثم حديقة البرجين وعروض النافوره الراقصة ثم العشاء اليوم التاسع جولة الباص السياحي وامرور على الطيور واكمال الحولة وبعدها التوقف عند المنارة وبعدها اكمال الجوله والتزول عند محطه شارع العرب والذهاب للبافليون والعشاء هناك او انك تغير تخليه الصبح تروح المنارة وبعدها تروح حديقة الحيوان وبعدها التسوق اليوم العاشر رخلة الى مرتفعات جنتنغ ومزارع الفروله والقريه الفرنسيه اليوم الخادي عشر بحيرة بوتراجايا ثم ملاهي التايمز سكوير والتسوق اليوم الثاني عشر الاستعدادللعودة للوطن ام حسن أرسلت بواسطة iPhone بإستخدام Tapatalk |
اقتباس:
أما موضوع التسوق .. عندنا و عندك خير .. ياما سافرنا بشنطتين و نرجع بــ أربع شناط :17: بس عاد نقول لأجل عين تكرم مدينة ... بالتوفيق أخوي .. الله يسعدك و يوفقك يا رب |
اقتباس:
تسلمين على هذا العطاء , يحتاج الى وضعة بالملف عندي ومتابعة الجديد وبانتظار البقية ان كان هناك بالامكان ان يضيفوا مايرونه مناسيا من جدول كل الشكر والعرفان:e306: |
اولا شكرا لكم ,, ثانيا انا بحاجتكم موقع حجز الباصات https://www.aeroline.com.my/ الافضل تحجز باص الساعة 10 عشان تسمن توصل بوقت يسمح لك تستغل باقي اليوم أرسلت بواسطة iPhone بإستخدام Tapatalk |
اقتباس:
الله يقدرنا ودنا نتمشى ونسعد ونُسعد من معنا ولدي مبدأ ان التجهيز والتخطيط المسبق اهم عوامل نجاح الرحلات مع بعض المرونة في الجدول ومنح الحرية شكرا اخي ابو معتز استفسار حضرني الان ترشحون ارقام سائقين معينة والا نعتم الجراب والاوبر كما قرأت باحد المواضيع ؟ |
اولا شكرا لكم ,, ثانيا انا بحاجتكم الجدول اللي وضعته حسب اختياراتي ممكن تعدل فيه مثل ماتحب بس اهم شي تراعي قرب الاماكن من بعضها اللي ممكن تروح لها بنفس اليوم اذا وصولك المطار الصبح وجهة نظري اعتمد على جراب او تكسي المطار لاتلزم نفسك بالتنقلات بتكسي الافضل تستخدم جراب وجهة نطري ممكن البعض يختلف فيها وبالتوفيق أرسلت بواسطة iPhone بإستخدام Tapatalk |
اقتباس:
|
اقتباس:
جدولك ممتاز ونطمح في مشورات بقية اهل الخبرة شكرا لك كل الشكر |
| الساعة الآن 07:09 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO