|
استفسار عن رحلة سياحيه لماليزيا السلام عليكم باذن الله ناوي اسافر الى ماليزيا كرحلة سياحية تفاصيل الرحله المدة 14 يوماً تاريخ السفر 28 يوليو او 27 يوليو ( الحجز خلال اليومين القادمه) الرحله عبر الخطوط السعوديه مباشره من الرياض الى كوالا لمبور والقيمه التقريبيه 17500 ريال طبعاً انا وزوجتي وثلاث اطفال البرنامج الاولي المقترح مدينة سيلانجور من يوم 28يوليو الى يوم 30 يوليو فندق صن واى بيرميدز جزيرة بينانج من يوم 30 يوليو الى يوم 03 أغسطس فندق جولدن ساندس شنجريلا قريبة ايبوه من 03 أغسطس الى 06 أغسطس فندق ذاهافن سويتس مدينة كوالالمبور من يوم 06 أغسطس الى 10 أغسطس فندق بارك رويال كوالا ما رأيكم بالخطوط السفر وهل هناك بديل افضل وارخص ؟ ما رأيكم بالبرنامج وهل هناك تعديلات عليه؟ ما اقتراحاتكم للسائقين هل اخذ سائق من اول الرحاله الى اخرها ام اعتمد على اوبر وغيرها؟ اتمنى افادتي على الاماكن التي تستحق الزياره خلال البرنامج الموضح بأعلاه؟ اذا كانت هناك نصائح اخرى اتمنى اطلاعي عليها علماً بأنني اول مره اسافر لماليزيا وشكراً مقدماً |
ما عليش اخوي أنتم بتسافرون السنة الجاية ولا كيف ؟ اليوم ١ يونيو كيف راح تسافر قبل أربعة أيام من الآن ؟ آلة زمن ؟ بس شكلك غلطان في شهر يمكن تقصد ٢٧ يوليو بدل مايو.. :) على أي حالٍ، من ناحية السائقينَ فأنا شخصياً أنصحك بتطبيق اسمه "جراب" ممتاز أما اوبر فطلعت من السوق الشرقي فلا أوبر بعد اليوم. أما عن جدولك فأنتم عائلة، انصحك تقلل التنقلات قد ما تقدر ولو تحذف ايبوه راح يكون كويس حُكم أنها بعيدة والأطفال ماهم حمل تعب.. هذا من جانب الجانب الثاني أن مافيه مدينة اسمها سيلانجور، سيلانجور يا بعد قلبي هذي ولاية فيها عدة مدن منها كوالالمبور وبوتراجايا ومدن آخرى. فحاول تخلي جدولك مقسم على كوالامبور و لنكاوي وبينانج يعني مثلاً تجي كوالالمبور اليوم الأول ترتاح اليوم الثاني تطلع لنكاوي تقعد فيها أربعة أيام ثم منها إلى بينانج أربعة أيام أيضاً والباقي تحجز في كوالالمبور وتطلع من كوالالمبور كل يوم.. يعني يوم تاخذ العيال وتطلع بالباص إلى مدينة ملاكا الساحلية اليوم الثاني تطلعون إلى بوكيت تينجي وتزورون المدينة الفرنسية واليابانية واليوم الثالث تزورون فراسرز هايل ومرتفعات جنتنج. وباقي الأيام في كوالالمبور نفسها. وبالمناسبة موضوع الجدول يعتمد على هل أنتم تحبون استكشاف الأماكن الجديدة ومشاهدة معالم البلد، ولا أنتم إستجماميين تحبون جلسة البحر والأشياء الروتينية خل نقول إذا عرفت انت من اي نوع راح تعرف كيف تسوي جدولك بالضبط ! |
اقتباس:
جدولك ممتاز وعدد الايام مناسبه مع انك غيرت عن الجدزل الكلاسيكي لكن تضل المناطق مناسبه لعدد الليام لكن لاحظ ان الطريق من بينانج الى ايبوه جميل جدا زلكن قد يكون مرهق قليلا لانك اذا انتو ما عندكم مانع فجميل بالنسبه لجدوله البدايه سيلانجور والسكن في احد فنادق صنواي جدا جميل وممكن فندق كيلو من نفس المجموعه تلقى سعره اوفر من براميد بينانج خيارك10/10 ابيوه خيارك 10/10 كوالالمبور تم ترشيح بعض الخيارات او ممكن تخلي جدولك الكلاسيكي يومين سيلانجور اربع بينانج اربع لانكاوي اربع كوالالمبور ملاحظات الخطوط السعوديه جدا ممتازه لان راح تكون الرحله مباشره اما اذا تبي توفر شوف العمانيه صحيح ترانزيت لكن 17على التذاكر جدا المبلغ كبير لانك متاخر بالحجز يعني هذي فايدة الحجز قبل السفر باربع اشهر او خمس انا من الدمام لقيت سعر في شهر ابريل بالغين وثلاث اطفال ورضيع ب 9600ريال على ااعمانيه ترنزيت ساعتين لكن انتبه العمانيه اذا السفر يوم28الوصول بالغالب صباح يوم 29 الفنادق المختارة جدا ممتازه مع اتغيير على كوالالمبور يفضل تاخذ شقق فندقيه والخيارات كثير منها لانسون بليس فريزر بليس اسكوت ايه اند او دورسيت هذي بعض الخيارات المناسبه ولازم تقارن الاسعار بين المواقع والبحث عن العروض المناسبه لانك جدا متاخر بالحجز وممكن تشوف احد الشركات ونقارن بالسعر وخذ المناسب يمكن الاعتماد على جراب بيوفر عليك بعد حجز التذاكر والفنادق ان شاء الله نساعدك بالجدول بالتوفيق تم الإرسال من SM-G935F باستخدام Tapatalk |
بحثت لك الاسعار على السعوديه الذهاب 28يوليو والعوده 10اغسطس لبالغين وثلاث اطفال رحله مباشره https://uploads.tapatalk-cdn.com/201...aa8d99ac38.jpg واما سعر العمانيه السفر27يوليو الوصول كوالالمبور 28يوليو الساعه 7صباحا والعوده الساعه 9صباحا والوصول للرياض ثمانيه مساءا [/IMG]https://uploads.tapatalk-cdn.com/201...ccb3901989.jpg تم الإرسال من SM-G935F باستخدام Tapatalk |
رحلة سعيده مقدماً ثانياً تقسيم ايامك حلو ما عدا اشوف تحذف ايبوه لان ما فيها شي يستحق الزياره ما عدا المدينه المائيه و تقدر تعوضها في صنواي لاقون و بالنسبه للطبيعه في ايبوه فماليزيا كلها طبيعه. اشوف يكون جدولك ٢ سيلانجور( اختر احد الفنادق الملاصقه لمدينه ملاهي صنواي لاقون) ٤ لنكاوي( فندق برجايا، ويستن، بيلانجي، هوليدي فيلا، فندق ايديا، ذا دانا) ٤ بينانج( جولدن ساندس، بارك رويال، هوليدي ان) ٤ كوالالمبور( بارك رويال، امبيانا، اسكوت، ماريوت، ويستن، شقق ايه اند اوه، فريزر سويتس) يفضل الاعتماد على برنامج قراب افضل و ارخص. الافضل اختيار رحلة مباشره بس السعر اشوفه مرتفع. ممكن تشوف الخطوط السريلانكيه سعرها ارخص بكثير و الترانزيت قليل جداً او العمانيه كذلك. |
كيف راضي تسافر باسعار الطيران المبالغ فيه هذا سعر التذاكر لحاله اقل من سفرتي االلي حاجزها بعد رمضان من تذاكر وتمشيات وفنادق وكل شي |
الله يسعدكم جميعاً طيب اول شي خلوني احجز طيب ابي تنصحوني برحله توقفها قليل جداً او على الاقل ما ننزل من الطائره يعني ما نغير الطائرة الى طائره اخرى |
اقتباس:
يعني الأرخص حسب أسعار اليوم و في خلال فترة سفرك الطيران العماني أو الطيران السيرلانكي جميعهم في حدود 9800 ريال ... أما بالنسبة للترانزيت و ما تغير الطائرة .. هذي صعبة تلاقيها لأن الرحلة اللى أنت بتأخذها من الرياض بتكون دولية و توصل إلى وجهتها محطة الترانزيت الأولى و من ثم تأخذ رحلة دولية ثانبة تعبر لشركة الطيران وجهة جديدة و أنت بالنسبة لك مواصلة لرحلتك اللى بدأت في الرياض ... النقطة المهمة في السفر حجز التذاكر مبكر و من ثم ترتيب الجداول و البحث عن الفنادق .. بالتوفيق ..و الله يسهل أمورك .. |
اقتباس:
و فيه عدة عوامل تفرق و أهمها وقت الحجز ..و الله في بعض الأحيان ساعات بين تشييك السعر و أتمام الحجز تلاقي كل شي تغير و في الغالب يكون زاد السعر بالتوفيق للجميع |
وقع الاختيار على طيران الاماراتيه من الرياض الى دبي ومن دبي الى كوالالمبور والعوده نفس الشي في الذهاب التوقف تقريباً 3 ساعات وفي العوده التوقف اخترت اكثر من 18 ساعه ابي استأجر في مطار دبي او بالقرب منه لاني ما وجدت اقل من 6 ساعات توقف لذلك اعتبر ان 6 ساعات تعلقيه فأخترت ان تكون اطول عشان ارتاح فيها وبعدها اسافر من دبي للرياض وتكون الرحله ليست طويله مره التوفير بين رحلة السعوديه والاماراتيه 4 الف ريال تقريباً قيمة الرحله تقريبا 13 الف ريال اقتراحاتكم قبل الحجز |
| الساعة الآن 10:49 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO