|
تنبيهات للمسافرين الجدد الى ماليزيا السلام عليكم ان شاءالله لارجعت بنزل تقرير لرحلتي لكن عندي بعض التنبيهات للمسافرين الجدد مثلي حتى يتلافونها اول شيء يوم وصلت المطار اخذت تاكسي من المطار للان الامور تمام لكن ماني عارف اروح فين وقبل الخروج من البوابة جاني رجل ومتشيك انا ع بالي تبعهم واخذني معاه دخلني مكتب قالي بتروح لنكاوي ؟ كم يوم بتجلس بتروح بينانج عرفت انه ماله شغل الرجل يتصيد سياح قلت له عندي سواقين وانا جاي عن طريق مكتب قدامي اخذ من سعودي ٢٣٠٠ رنجت وقاله مالك شغل اي منطقة تروح لها المواصلات عندنا فلذلك اذا اخذت تاكسي من المطار امشي الين تخرج من البوابة تلقى رجل قدامه ستاند زي حقت المهرجانات الي يتكلم عليها المذيع اعطيه الورقة وهو يجيب التاكسي ........ ثاني شيء جراب جراب جراب والله ريحني ومشاويري كلها فيه لدرجة فيه اماكن بعيدة اروح لها وبالرجعة القى افضل بكثير من سواقين الجولات رحت من الدانا الى القرية الشرقية بي ٤ رينجت ورجعت بزيها المجموع ٨ لكن لو معاك سواق بالساعة بيوديك وبتجلس ٤ ساعات والساعة بي ٢٥ المجموع ١٠٠ حرام والله من سيلانجور الى المطار اقل سواق لقيته بي ١٣٠ وقدامي ربعنا يدفع ويركب انا رحت بجراب ٦٥ رينجت فلازم تحمل التطبيق ............ ثالثا التصوير النصبة وانا رايح المنجروف صورتني حرمه مااهتميت وانا راجع من المنجروف لقيت حاطه صورتي بصحن وتقولي ١٠ رينجت رفصت وهددتها بالاتصال بالبوليس وقلت لها مين سمحلك تصوري وبالملاعن الين خليتها تكسر الصحن وتمسح الصورة من الكاميرا طبعا صور الخليجين كلها موجودة وحاطتها على الستاند الموقف الثاني وانا بركب التلفريك وانا امشي بالمسار فيه بنتين بيصوروني رفضت قالت لازم وانا على نيتي تصورت نهاية المسار جابتلي صورتي وقالت ٣٥ رينجت قلت والله ماادفعها وسيبتهم ومشيت لذلك اي تصوير اسحب عليهم ولاتعطيهم وجه ....... رابعا : نصب المطاعم هالموقف صار لي في مطعم عمر الخيام قبل امس طلبت وبعد ماتعشيت جاب لي الفاتورة طبعا ربعنا للاسف الا من رحم ربي على طول يدفع جلست اقرأ الطلبات واحد واحد لقيت زيادة ١٠ رينجت فيه طلبات مدبلها ناديته قلت احنا اثنين قدامكم وطالبين ٢ بيبسي كيف صارت ثلاثة والخبز طلبت واحد كيف صار ٢ ماقال ولا حرف راح جاب فاتورة جديدة اصلن يوم اعطاني الفاتورة الاولى من بعيد يطالع لذلك اقول انه متعمد ومو قاهرني الا الناس كله بيدفع بدون تدقيق .......... خامسا نصيحة مجرب اسمع الناس تمدح في المانجروف لكن جربتها وجربت جزيرة القرود او ارض القرود والله افضل من المانجروف بمرات المانجروف روحه وكهف وشيء عادي لكن جزيرة القرود تروح وتجلس وتستمتع خصوصية اكثر هناك عوائل قليلة جدا جدا الحريم يسبحون ويركبون الدباب البحري والخيل يعني من الاخر الي بتستمتع ومحجبة او بعبايتها تروح هناك انتهى واسف عالاطالة |
وبضيف شيء الوقت هذا ماليزيا فاضية ماادري لسه السياح ماجو ولا كيف فاضية فاضية عوائل سعودية قليلة واغلبهن عرسان لكن اندونيسيا زحمة مو طبيعية فشوال مناسب جدا |
اقتباس:
|
أهلاً حبيبنا ... الحمد لله ع السلامة ... بانتظار عودتك وتقريرك ... تنبيهات جميلة ... بالنسبة للتصوير ... الموضوع عادي بالنسبة لهم .. يمكن أنت تحسست من الموضوع ومعك حق لقناعاتك .. لكن هو أسلوب معروف في شرق آسيا .. لازم تتعود عليهم :) هي لقطات عفوية .. تدر لهم ربحاً وتخلِّد لك ذكرى ... من 2012 ومازالت صورنا في صحون المانغروف حاضرة .. :1: جزيرة القرود .. لم يسبق لي زيارتها .. بإذن الله تكون جهزت لنا جزءاً عنها .. غريبة ماليزيا فاضية .. الآن هو ذروة موسمها السياحي ... ربي يوفقك .. وبإذن الله تكون الرحلة على مستوى توقعاتك .. |
يعطيك العافيه اخوي على النصائح والحقيقه كنت اعاني من مسألة التصوير واتوقع ان الي قالت لك لازم صوره في تلفريك لنكاوي لانو نفس الكلام قالت لي ولاكن لما رجعت من فوق كانت معها الصوره وسحبت عليها ولاكلمتها ابد |
اقتباس:
|
اقتباس:
بخصوص التصوير ماني متحسس ولاشيء بس انا عندي خذ مني ١٠٠٠ برضاء ولا ١ باستغفال المانجروف ممكن نمشيها شغل بدائي لكن التلفريك موظفين رسمين وبزي رسمي ويقول لازم وانا جاهل ماادري جزيرة القرود تعد من ١ الى ٢٠ وانت واصل لها قريبة جدا جدا جدا لكن المقصد الخصوصية تروح تلقى اماكن فاضية تسبح تركب خيل دباب بحري كل الي لقيتهم ينعدون على الاصابع وعوائل سعودية واهاليهم اخذين راحتهم وبخصوص الزحمة والله ياخوك ان كنت في سيلانجور ورحت المول ومدينة الالعاب والله لحالي مع كم عريس سعودي فاضية والان انا في بينانج في البارك رويال فاضي فقط عوائل سعودية بس تجلس عالب٩ر الصباح والليل لحالك رحت حديقة الفراشات و التوابل والتلفريك بلنكاوي لازحمة ولاشيء ولاتمسك سرا لكن اندونيسيا ليا فيها ناس موت موت موت سياح من الخليج وكل مكان |
اقتباس:
|
هذي بعض الصور من تصويري الان في المول في بينانج https://a.top4top.net/p_9236dy9y0.jpg https://b.top4top.net/p_923y97d21.jpg https://c.top4top.net/p_923yl52j2.jpg خلا بعض اهل البلد فقط |
انصح بالمول رخيص خاصة محلات المنتجات الماليزية تيشيرتات الرجال بين ٣٠ و ١٥ رينجت وفيه اشياء مناسبة جدا المول كبير وكل المطاعم فيه ينفع للتمشية والتسوق |
| الساعة الآن 07:15 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO