|
تطبيق قراب Grab تاكسي شرح بالصورة بسم الله الرحمن الرحيم شرح مبسط وسريع عن تطبيق برنامج قراب في ماليزيا يوفر عليك الكثير جدا جدا وسهل الاستخدام وامن واجهة التطبيق https://www.arabtrvl.com/up/uploads/...1292062381.png بعد تحميل التطبيق يجب ان تكون الشريحة ماليزية ثم يطلب منك البريد الالكتروني ثم يتم ارسال رقم التفعيل على الجوال والسماح لتطبيق فتح GBS لتحديد موقعك تدخل الرمز المرسل ثم تدخل التطبيق هذي الواجهة https://www.arabtrvl.com/up/uploads/...1292062542.jpg 1 نقطة الانطلاق اذا تم الضغط عليها يعطيك موقعك الحالي حسب الخرائط ممكن يكون فيها فرق تقدر تحدده بالاسم او برقم البوابة مثل المطارات وتوجد خاصية حفظ المكان بنجمة للمرات القادمة .دائما نقطة الانطلاق مشار اليها بدائرة زرقاء 2نقطة الوصول من الممكن كتابة اسم المكان الى تبغى تروحلة اسم الفندق يفضل يكون كامل لانه بعض الاحيان يكون للفندق اكثر من فرع او اسم المكان السياحي دائمان يشار الى نقطة الوصول بعلامة حمراء.... ماعرفت اسم المكان السياحي بالانجليزي فيه طريقة اخرى تفتح قوقل ماب تكتب اسم المكان السياحي بالعربي مثلا تلفريك لنكاوي او مطعم هندي حلال يعطيك الموقع والاسم والصور وتقييم الناس له تروح للاسم في قوقل ماب تسوي له نسخ وتروح لتطبيق تسوي لصق راح تظهر العلامة الحمراء في نفس الموقع 3 طريقة الدفع كاش 4 اذا كنت تبغى تكتب رسالة لسائق التاكسي 5 تحديد نوع السيارة صغيرة كبيرة وكل سيارة يعطيك قيمة التوصيل https://www.arabtrvl.com/up/uploads/...1292062594.png https://www.arabtrvl.com/up/uploads/...3129206265.png 6 كم دقيقة حتى يصل لك التاكسي الى موقعك في الغالب اقل من 5 دقائق ماعدا في الاماكن الى فيها زحمة يتاخر قليل وكذلك سعر التوصيل 7 تاكيد الحجز راح يتم البحث عن اقرب سائق لك وقبل المشوار وتطلع لك ايقونة فيها اسم السائق ونوع السيارة ورقم اللوحة ولون السيارة وفيه ايقونتين تحت اما التواصل باتصال او محادثة مع السائق اول مايصل للموقع راح يرسل رسالة انه وصل وراح ينتظر 5 دقائق اذا لم تكن متواجد يروح بعد انتهاء مهلة 5 دقائق وتحسب عليك المشوار اما اذا وصل وكلمتة عادي راح يجلس معك الى ماتطلع بعد التوصيل يرسل لك التطبيق السعر اذا كانت القيمة ماهي محدده مثل ما 41-61 وهو الى تعطية السائق بعد انتهاء المشوار يجيك تقييم لسائق ملاحظات -تطبيق قراب يوفر عليك كثير من المال واوفر من اصحاب التكاسي او حتى سيارة عادية لانهم يعرفون ان الخليجي يدفع فيبالغ في القيمة اما سائق قراب لايعرف من الذي سوف يطلع معة ومن اي جنسية -كنت في مجمع تجاري وله اكثر من بوابة خروج التطبيق يعطي لسائق اسم المجمع فقط انت تقدر برسالة تكتب له رقم البوابة لاتجيد التحدث باللغة الانجليزية اقرب واحد واقف جنبك اتصل على السائق وخلة يكلمة انه يجيك على البوابة الى انت واقف عندها والشعب الماليزي خدوم وطيب -في المطار يعطيك التطبيق اكثر من خيار ب البوابات 1-2-3 ومكتوب وصول او مغادرة طالع في البوابة ايش مكتوب عليها واختر من التطبيق نفس المكتوب حتى يجيك على نفس البوابة -وانت رايح من الفندق الى المطار او العكس اختر السيارة الى تناسبك لاتحسب على 2 فقط احسب عفشك معك اكزاكتف سيارة كبيرة بعدها 6 ركاب اكبر -تاكد من رقم لوحة السيارة قبل ان تطلع معة احتمال يكون احد طالب قراب غيرك ولا تكتفي انك تقول لسائق قراب وتطلع معه حصل لي موقف مشابه والحمد لله انا كلنا رايحيين المطار وصل التاكسي الى الفندق وانا طالع وعائلة قبلي طلعت السيارة مشت طالعت في رقم اللوحة وهو لي اشر له ماانتبه لي جاء سائق التاكسي الثاني وقلتلة الى انت تبغاهم راحوا كلم السواق ونسق معة كلمة قالي مافي مشكلة كلكم للمطار رايحين -تطبيق قراب متوفر في كل مكان ويخدم جميع الاماكن بلا استثناء تم تجربتة في محطة على طريق سريع بين بينانق وايبوه نزلت لسوبر ماركت وقلت ابشوف يخدم ولا لا حطيت موقعي تم ضهور اكثر من سائق يعني لايجيك سائق تاكسي ويقولك ماراح يجيك قراب متوفر وبكثرة جدا - الطرق السريعة توجد عليها رسوم بوبات هذي خارج حساب قراب يضيفها السائق ويوريك ايها في التطبيق لاتتعدى 15 رنقت لان السعر الى في قراب الى طلعت فيه قيمة المشوار اما الخطوط السريعة الى عليها ضرائب لاتحسب الضرائب الا في اخر المشوار |
حبيبنا وخبيرنا ( الأبرقين ) لا خلا ولا عدم ... موضوع رااااااااااااائع ومهم جداً ... لتطبيق أثبت جدارته هناك ... شروحات واضحة وتنبيهات مهمة وجهد لا يقدّر بثمن .. دائماً مثل هذه المواضيع تحظى باهتمام كبير جداً من قبل الباحث والمخطِّط .. كن بالقرب من أحبتك .. حضورك نَبْعٌ يُروي .. |
جزاك الله خير المنتدى محتاج مثل هالمواضيع اللي تساعد المسافر وتسهل عليه رحلته تم الإرسال من SM-G935F باستخدام Tapatalk |
اخي كتكات783 و وعشقي السفر الخير فيكم وجعلنا الله في خدمة الجميع تسلموا على مشاركتكم |
جزاك الله خير .. شرح مفصل جداً بس استفسار لو طلبت من جراب و الى الاي سيتي .. هل ممكن اطلب منه ينتظرني والا كيف تكون الطريقة ؟؟ |
لاتطلب منه الانتظار خله يروح وانت خارج اطلب قراب نقطة الانطلاق اي ستي والوصول الفندق متوفر في كل مكان لاحد يقولك مايجيك او مايخدم هذي المنطقة هذي حيلة اهل التكاسي |
اشكرك اخي وبارك الله جهودك وبخصوص جنتنج نفس الشيء اعتمد ع جراب والا اتفق مع سيارة بالساعة ؟؟ |
كل مشاويرك قراب تطلع جنتق بقراب تنزل منها بقراب يخدم كل مكان وارخص واوفر لان الى وداك جنتق ماراح يرجع فاضي راح يدور اي زبون ثاني ونفس الطريقة اذا كنت راجع تطبيق قراب زي كريم واوبر عندنا تحصل عندة وظيفة وضعة طيب يقول اتونس وزيادة خير |
جزاك الله خير شرح وافي وواضح اليوم بروح من البارك رويال الى مول queensbay التكاسي الحمراء كلهم ٧٠ واقلهم ٦٠ بس سألتهم كفضول رحت بجراب ٣٣ |
يزاك الله خير فعلا تطبيق ممتازه و اشوف الكل يمدح فيه احسن من التكاسي الاستغلالين شكرا على الشرح |
عليكم السلام تحية و احترام لصديقنا ومشرفنا السابق للبوابة الماليزية ( الابرقين ) نورت المنتدى بطلة البهية جزاك الله خير على ما قدمت و ما زلت تقدم للسائح العربى من معلومات مميزة جعلها الله فى موازين حسناتك اخوك ابوعبدالله ( الاسفار ) متعتى لك اطيب التحايا |
وعليكم السلام حياك الله اخوي ابو عبدالله اصبح الشك يقينن الاسفار متعتي الله الله على ذيك الايام كانت المنتديات مرجع لكل مسافر طمنا عليك وشرف كبير لنا اجتمعنا في هذا المنتدى |
جراب واوبر وكريم وايد سهلت على الناس ومنعت طمع اصحاب التكاسي شكراا للشرح جزاك الله خير |
الله يسعدك سهلت المهمة علينا وذكرت نقطة مهمة انه مايشتغل الا على شريحة ماليزية لاني مخطط احمله هنا واجرب واتعود قبل اروح , فشكرا جزيلا لك ايها الكريم. |
الله يعطيك العافيه مجهود تشكر عليه :e03:e032: |
ايها افضل و ارخص هو ولا اوبر؟؟ |
وعليكم السلام لايوجد اوبر في ماليزيا الان لقد اشترت قراب اوبر في ماليزيا |
بارك الله فيك |
في اخر سفرة لي استعملت اوبر لانهم يعطوك خصومات تصل الى 6 و 8 رنجت على كل مشوار حملت كراب لكن خصومات اوبر جعلتني استعمله مع فائق الشكر والتقدير |
اقتباس:
السلام عليكم ورحمة الله وبركاته انا توني جاي من ماليزيا قبل اسبوع وحبيت اشاركم تجربتي مع جراب :e15a: انتبه حديقة الفواكة في بيانينج لم يتوفر بالقرب منها سيارات جراب ولا تاكسي انا ورطت هناك والكاميرون هايلند لا يوجد بها جراب لكن التكاسي منتوفره بكثره وسلامتكم . |
اقتباس:
السلام عليكم ... ليس صحيح قراب يخدم كل ماليزيا حتى في منتصف الخط السريع ولكن البرنامج يبحث لمدة دقيقة عن اقرب تاكسي اذا لم يتم قبول الطلب من اي سائق تجيك رسالة لايوجد سائق اعد المحاولة مرة اخرى ومرة اخرى راح يقبل معك سائق نفس هنا عندنا اما انه لايوجد هذا مستحيل عن تجربة |
الف شكر لك على هالمعلومات المفيده |
يعطيك العافيه |
اقتباس:
:e130::e035: |
بالتووووفيق |
هل فية شرح فيديو للتطبيق لان ناوي اسافر |
لقيت شرح طريقة استخدام التطبيق - هو لبانكوك بس كويس يشرح الفكرة https://www.youtube.com/watch?v=bNjqcRgCcVU |
شكراً جزييييلاً ع الموضوع القيم:e306: |
شرح وافي ومفصل شكرا على مجهودك |
جميل خدمة رائعة جدا |
البرنامج جداً جمييييل ومريح بس انتبه تلغي اكثر من 4 مرات يعطيك بلوك البرنامج ولا يفتح معك الا اليوم التالي :12: |
الف شكر لصاحب الموضوع والبرنامج جداً ممتاز انصح به بشده انا توني رجعت من ماليزيا قبل اربع ايام ما استخدم الا قراب بالمواصلات شغال في لنكاوي وبينانج وكوالالمبور واستخدم الفيزا للسداد مو لازم يعني كاش لكن مثل ماقال احد الاخوان هنا في الموضوع حديقة الفواكه في بينانج اذا رحت لها خليه ينتظرك لانه لايوجد عنده قراب انا خليته يروح واضطريت على سائق عن طريق موظفي الحديقة صحيح اخذ عليه كثير لكن غلطه بسيطه وعدت وحبيت اذكركم بهالنقطة هنا |
يعطيك العافيه |
شكرا لك |
جزاكم الله خير |
سؤال هل استطيع استغني عن السواق باليوميه واستخدم قراب في كل من كواللمبور ولا لنكاوي وسيلانجور وبياننق |
نعم مع قراب تستغني من السائق اليومي اوفر كثير عن السائق اليومي والتكاسي ممتاز جدا جدا |
شرح وافي وجميل اعجبني التطبيق جدا جدا |
ايهم افضل تطبيق اوبر ولا قراب Sent from my ONEPLUS A5000 using Tapatalk |
يعطيك العافيه |
| الساعة الآن 09:32 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO