|
استفسار لماليزيا السلام عليكم كيف الجو سبتمبر بماليزيا وافضل السكن فيه سيلانجور وكوالالمبور ابي مكان قريب للابراج ومن شارع العرب ولانكاوي وبينانج وش تنصحوني فيه هل تنصحوني اروح برنامج سياحي من المواقع او اقدر من غيرهم مثل الذهاب لجنتنق وحدائق الفراوله وغيره كيف الذهاب او اخذ سواق خاص ومن المطار كيف الذهاب افضل وارخص طريقه الله يسعدكم اول سفره لي لماليزيا ياليت تفيدوني بالتفصيل صن واي لاجون ملاهي كم الدخول تستفيد منها الزوجه بالعبايه (زيارة مدينة الألعاب المائية الموجودة تحت الفندق ويوجد فيها مسابح وشلالات صناعية وأماكن لشرب القهوة والاسترخاء)<< هذا اللي اقراه بالمواقع بس ماعرف هي نفسها او لا. السفره عائليه انا وزوجتي وطفل 4 سنوات |
اقتباس:
عليكم السلام بالتوفيق |
جنتق الباصات وين بالضبط احصلها ومتى وقتها وطريق العوده نفس الباصات احصلها بجنتنق وقريت بالتقارير مزارع الفراوله بالطريق لجنتنق ابي انزل فيها هل الباصات توقف بها او لا ويعطيك العافيه |
باصات Go Genting تروح محطة KL Sentral عند المدخل افتكر لهم لوحة واسهم تدلك على المكتب واذا ما حصلت اللوحة اسأل عن Go Genting اي احد يدلك عليها نعم في العودة تحصلها موجودة هناك كذلك عندهم بكيج تحجز الباص مع تذكرة التلفريك يطلع عليك سعر ممتاز مزارع الفرولة كذلك القريه الفرنسية كلها في الطريق الى جنتنق لكن الباص يذهب الى جنتنج فقط واذا تبغى تروح مزارع الفروله والقرية الفرنسية مع جنتنق لازم سائق خاص |
طيب كم تقريبا السواق احاسبه لجنتنق ودخول المزارع الفراوله عليها رسوم كم وكم رسوم التلفريك للشخص والجو في سبتمبر حلو او رطوبه زياده وشككرا |
السلام عليكم أحسنت أخي اختيارك لماليزيا "بلد الثقافات" في ماليزيا لا تأخذ هم المواصلات فالباصات متاحة من المحطات وكذلك التكاسي بسعر معقول المشوار داخل المدينة حوالي 15- 20 رنجت. إذا حبيت أرقام سائقين فيه سائق يتكم عربي اسمه عبدالرحمن عنده فان يوم كامل داخل كوالالمبور 200 رنجت ورقمه الواتس أو سائق صيني اسمه مارفن عنده سيارات كثير داخل ماليزيا ورقمه قلهم من طرف عبدالرحمن. * :e204:بالنسبة لجنتينغ انصحك تذهب بالباص لأن الطريق سهل وقريب ويكلفك دهاب واياب مع ركوب التلفريك في المرتفعات فقط 24 رنجت. تأخذ باص من محطة PUDU أو غيرها صباحا وآخر رحلة تعود من جنتينغ إلى كوالا الساعة 8.30 مساء. * إذا ذهبت سلانجور لا تنسى تذهب إلى المدينة الضوئية I-CITY رائعة جدا تحتاج يوم كامل. * لا تنسى تحجز في مطعم منارة كوالا الغداء في الدور العلوي فقط ب 110 رنجت. بالتوفيق نعتذر منك اخي الكريم انظمة وقوانين شبكة العرب المسافرون تمنع طرح ارقام هواتف السائقين |
يعطيك العافيه بس الباص مايوقف على مزارع الفراوله هذي المشكله انا ابيها يوم مع جنتنق الفراوله ابي فنادق 4 نجوم قريبه للابراج وفنادق بشارع العرب او فندق قريب بينهم فنادق بينانج مسبح خاص احصل؟؟ يعطيكم العافيه |
الباص وش اقول للتاكسي اسمه ؟؟ ابي وصف دقيق لاهنتوا |
اقتباس:
بالتوفيق يا رب و رحلة سعيدة ، وثق تماما الماليزيين محترمين جدا جدا و راح تنبسط بحول الله و قوته. |
شوووف تقرير اخونا الشبح راح ينفعك كثير و تطرق لسعر تذاكر الصن وي و بالتوفيق اخوي |
اقتباس:
اسعار السائقين مختلفه وانت وشطارتك معهم والشي الاخر السواق اذا تبغاه ينتظرك ويرجعك كوالا والا بس توصيل اذا ينتظرك كم مدة الانتظار كل شي له سعر واذا بس توصيل راح يتشطر عليك ائقين التكسي هناك لانك مجبر تاخذهم والتكاسي قليله هناك واحياناً غير متوفرة اسعار التلفريك والله ما اتذكر بالضبط كم لكنها ليست غالية في حدود 13 رنجيت للشخص مزارع الفروله لها تذكرة وبصراحة ما اتذكر سعرها |
اقتباس:
فندق مع مسبح خاص ما افتكر بس فيه فندق اتذكره اسمه بافيو بيتش عنده مسبح خاص تستأجرة بالساعة وساتر للعوائل |
اقتباس:
بالنسبه للجو جو مايزيا طول السنه استوائي .. بالنسبه للفنادق ماقدر جربت غير الخيول لان مده الاقامه يومين لااكثر بالنسبه ل لنكاوي ذا ويستن .. وبينانج بارك رويال والصن اي صراحه انا شفت كثير بعاباياتهم لاكن اذا انت حاب انك تخليها تلعب ف يوجد مايوهات اسلاميه تقدرون تشترونها ولله ولي التوفيق ... |
صن واي لاغون ب169.5 ريجنت للشخص الكبير اما الدخول بالعباية تقدر تدخل عادي مافي مشكلة |
يعطيكم العافيه محتار بين فيلا ماينيز بيتش ريزورت او صن واي بيراميد ب سيلانجور وش تنصحوني الافضل؟؟ |
خذ لك جراب يوصلك الي جنتغ وايضا الرجعة جراب بس اكتب لتفريك اوانا بس بالنجليزي تقدر تكتبه بالعربي في قوقل ماب ويجيك الاسم بالنجليزي انسخه وحطه في برنامج جراب وبالنسبة للرجعة فيه مكتب تاكسي في جنتغ |
اقتباس:
|
تم اختيار ايديا لنكاوي باي فيو بينانج سيلانجور صن واي بيراميد بقى كوالالمبور محتار بين كذا فندق بسبب الاسعار حيل مرتفعه وانا يهمني الموقع والنظافه ابي فندق امشي للبرج التوأم ولشارع العرب منه يعني بينهن بولمان بارك رويال انسا بيكولو سابقا ياليت تقولون لي كم يبعدن مشي لشارع العرب وللابراج واذا فيه فنادق قريبه للاسعار تقولون يعطيكم العافيه |
ياليت تردون على استفساري بكوالالمبور |
رفع |
اقتباس:
بالنسية للمواصلات استخدم جراب ممتاز جدا افضل من التكاسي بكثير انا جربته وسافرت فيه بين المناطق بيينانج عندي رقم تكسي ممتاز ارخص من سعر جراب او نفس السعر اتعامل معهم بالمشوار واحيانا بسعر اليوم 8 ساعات حرمه وزواجها يشتغلون فيه انصحك فيه بحاول ارسلة لك |
بخصوص كوالمبور حجزت في فندق Melia kuala lumpur مقابل الابراج وقريب من شارع العرب ونظيف وسعره ممتاز |
اقتباس:
اعتذر عن الرد المتأخر هناك فندقين بولمان فندق ومساكن بولمان كوالالمبور سيتي سنتر ( هذا يقع خلف مول بافليون يبعد عن شارع العرب حوالي 800 م اما اذا دخلت مع المول حوالي 400 م ويبعد 15 دقيقة مشي عن الابراج) بولمان بانجسار كوالالمبور ( هذا بعيد عن شارع العرب) هناك فندقين بارك رويال أجنحة بارك رويال المخدومة كوالالمبور 600 م عن شارع العرب الفندق نظيف بس داخل حي شعبي بارك رويال كوالالمبور هذا قريب التايم سكوير ويبعد حوالي 500 م عن شارع العرب و 20 دقيقة عن الابراج مشي فندق انسا على شارع العرب مباشرة بس عيبه فيه ملهى ليلي الصوت يصل الى الغرفه مزعج فندق ومساكن بولمان كوالالمبور سيتي سنتر اشوفه هو الانسب رغم بعدة البسيط الفطور فيه فيه بسيط خصوصاً الشقق احجزها بدون فطور اتمنى لك التوفيق |
| الساعة الآن 02:22 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO