![]() |
مساعدة من خبراء ماليزيا لعريس جديد السلام عليكم ورحمة الله وبركاته ص/مساء الخير ع الجميع طبعا ادخل بالموضوع على طول ولا ابي اطول عليكم واتفلسف وش الافضل احول فلوسي من سعودي الى رينجت من الرياض او احولها في مطارهم و تنصحوني استخدم الكاش احسن ولا بالصراف الالي امشي اموري و انا ان شاء الله جاي الى ماليزيا آخر شهر 9 ميلادي يعني بعد 3 اسابيع تقريبا ومدري عن الجو بيكون برد او حر عشان اجيب معي لبس معين وانا انسان لا اجيد التحدث باللغة الانجليزية بطلاقة وجاي شهر عسل ان شاء الله الوضع سهل من ناحية اللغة في التعامل بالمطار اذا وصلت لاني ابياخذرقم ماليزي عشان افعل تطبيق قراب وهل تنصحوني اخلي احد يستقبلني ولا الوضع سهل و مايحتاج احد يستقبلني و اروخ للمكتب التاكسي والى الفندق وفيه ناس نصحوني في سواق و فيه ناس نصحوني في تطبيق قراب يعني اسوي لي جدول و اروح و اجي على كيفي عكس السواق ارتبط فيه و ابي نصيحه منكم بما اني جاي شهر عسل انا متخوف من قراب ولا بيكون الوضع سهالات ان شاء و تمشي اموري في التطبيق ولا اتعقد يعني من ناحية الطلعات و الروحات وانا جديد على البلد و اول مره اجيها و انا رحلتي ان شاء الله بتكون 11 يوم و اخذت الجدول كالتالي يومين كوالامبور بعدين اروح 3 ايام لانكاوي بعدين3 ايام بياننج و بعدين الباقي كوالامبور و بعدين الى المطار ان شاء الله طبعا سويت كذا عشان اخلي اخر ايامي في كوالامبور للتقضي والتمشي فيها و انا آسف على الاطالة في اسألتي الكثيرة شاكرلكم مقدما يا أفضل منتدى استفدت منه الكثير :54: |
اقتباس:
عليكم السلام الف مبرووووووووووووووك ياعريس الله يوفقكم ويتمم لكم بخير النصحية المهمه في ماليزيا اي شخص عربي يعرض عليك خدماته لا تعطية وجهة اخصرة ولا تتكلم معه خصوصاً في المطار كلهم نصابين انتبه لهذه النقطه |
مساعدة من خبراء ماليزيا لعريس جديد خبيرنا الردادي كفى ووفى بس ازيد نقطة على كلامة ارتب لك موضوع المطار طياره ثم قطار ثم شرائح الجوال وتخليهم يفعلوها لك ثم جوازات ثم الشنط ثم مكتب تاكسي المطار ولاتنسى التحصين كل يوم قبل الخروج لاي مكان وبالتوفيق أرسلت بواسطة iPhone بإستخدام Tapatalk |
كفيتو و وفيت شكرا لكم و نرغب بالمزيد من النصايح و ايش تنصحوني اروح اماكن و تنبهوني من اماكن |
اقتباس:
هل حجزت الفنادق ؟؟؟؟ اذا ما حجزتها الافضل انك تحجزها من هنا واذا ما عندك خبرة في الفنادق نساعدك بس حدد لنا الميزانية التقريبه لكل فندق في اليوم الواحد هل وضعت جدول للرحلات المفروض انك تحدد لك جدول حتى يوم تصل هناك تكون عارف فين تبغى تروح |
بخصوص جراب مااقدر افعل البرنامج على رقم سعودي او لازم شريحة اتصال ؟ انا مفعله الان على الرقم السعودي |
يا هلا فيكم بالنسبة للفنادق انا حاجزها و مخلص و ماخذ الافضل من تصويتكم بالمنتدى لكن الأهم عندي بما اني بروح في تطبيق قراب اغلب تنقلاتي ماسويت لي جدول ولا اعرف وش الخطه ياليت اللي عنده جدول حلو و جاهز يعلمني وش اسوي و ايش اختار والخخ انا بجلس اول شي 2 يوم في كوالالمبور 3 يوم في لنكاوي 2 يزم في بياننج 4 ايام برجع كوالامبور عشان المولات و الهدايا و اتمشى فيها شوي و بعدها ارجع للرياض ياليت اللي عنده جدول حلو يعطيني عشان بتكون كل رحلتي في هالتطبيق وانا اول مره ولا اعرف انلقلش احس تجمعت علي |
صح نسيت شي مهم وش طريقة ماليزيا هل اطلع تأشيرة او فيزا ولا ما يحتاج شي بس بجوازي |
مساعدة من خبراء ماليزيا لعريس جديد جدولك لو تزيد يوم لبنانغ افضل لان الانشطة فيها اكثر وجوها افضل من كوالالمبور والتسوق فيها ممتاز ماتحتاج فيزا من المطار بخصوص جراب لازم رقم ماليزي وقت توصل المطار ويفعلوا شريحتك تقدر بنفس اللحظة تستخدم جراب التنقلات من سلانجور للنكاوي طيران من لنكاوي لبينانغ طيران افضل من العبارة من بينانغ الى كوالالمبور باص او طيران والباص افضل لان الطزيق جميل وباصاتهم جميله بالذات باصات ايرولاين وبالتوفيق أرسلت بواسطة iPhone بإستخدام Tapatalk |
اقتباس:
يومبن كوالالمبور متى وصولك الساعة كم عشان نعرف نرتب لك جدول ممتاز لنكاوي يوم الوصول حجز رحلة المانغروف من المطار وجولة الدبابات اذا انت حاب من المطار ثم الفندق ثم الغداء ثم التوجه لحديقة لجيندا ونصب النسر ثم العشاء والفندق اليوم الثاني رحلة المانغروف ثم الراحة والغداء ثم جولة الدبابات او حديقة الفواكه اليوم الثالث التلفريك والقرية الشرقية والانشطة فيها الرابع المغادرة لبنانغ ثلاث ليالي في بيانج اليوم الاول الوصول للفندق ثم الخروج للغداء وبعدها التوجه للهضبة ووبعدها المرور لمحل القهوة والجورني بلازا تسوق وعشاء اليوم الثاني الفراشات وبعدها الفواكه وبعدها بحيرة سد ايترام وبعدها الغداء وعمل جولة بالباص السياحي اليوم الثالث الببيت المقلوب ثم العاب الليزر ثم التسوق بالجورني بلازا والغداء وبعدها العودة للفندق والاستمتاع بالالعاب البحرية ثلاث ليالي في كولالمبور اليوم الاول الفندق والاكورايوم وحديقة البرجين والنافورة الراقصة والعشاء والعودة للفندق اليوم الثاني الباص السياحي والمرور على حديقة الطيور ثم اللزهور ثم ركوب الباص واكمال الجولة والتوقف عند المنارة وبعدها التايمز سكوير ملاهي وتسوق وعشاء اليوم الثالث بوترجايا ثم التسوق او مرتفعات جنتنغ والتسوق من الاوتليت الرابع المغادرة أرسلت بواسطة iPhone بإستخدام Tapatalk |
الساعة الآن 10:28 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO