|
مخطط رحلتي إلى ماليزيا... أرجوا الإفادة السلام عليكم ورحمة الله وبركاته إخواني وإخواتي أعضاء المنتدى أشكر كل من ساعدني في سفراتي السابقة من تخطيط ونصائح وتنبيهات أستفدت كثير وكانت سبب في راحتي وراحة عائلتي في السفر :e32b: كالعادة أنا أحب اخطط لسفرتي على رواقة وهدوء وقبل موعد السفرة بفتره طويله عشان اقدر اعدل واغير واقرا تقارير بدون اي استعجال :72: أنا إن شاء الله نويت سفرتي القادمة إلى ماليزيا بتكون في شهر نوفمبر القادم أدري لسا بدري جداً :24: ولكن الحرص على سفره ممتعه يهمني بعد ما قريت كثير من المواضيع وكثير من التقارير و الاستفسارات قررت يكون هذا مخطط رحلتي بإذن الله ورايكم يهمني عدد الأشخاص المسافرين : أنا و زوجتي و بنتي عمرها سنتين الخطوط السعودية: الرياض كوالالمبور - كوالالمبور الرياض دايركت تكلفة ذهاب وعودة من موقع الخطوط 6824 ريال سيلانجور ( ليلتين ) فندق صن واي ريزورت سيارة أو باص إلى كاميرون ( 3 ليالي ) منتجع كاميرون هايلاندز سيارة أو باص إلى بينانج ( 3 ليالي ) فندق ليكسز سويتس بينانغ طيران داخلي إلى لنكاوي ( ليلتين ) فندق ذا سانت ريجس لانكاوي طيران داخلي إلى كوالالمبور ( 5 ليالي ) 3 ليالي فندق غراند حياة و ليلتين فندق تريدرز كوالالمبور المصروف السفر خططت يكون 16 ألف ريال ومو شرط راح ينصرف كله ولكن كأحتياط كنت افكر احذف جزيرة لنكاوي من المخطط بسبب خوفي من أمن وأمان الطيران الداخلي الماليزي :e01d: فياليت نصائحكم هل المخطط ممتاز او يحتاج اي تعديل ويشرفني مروركم :3: |
اقتباس:
تم الرد بالاقتباس وبالتوفيق تم الإرسال من SM-G935F باستخدام Tapatalk |
اقتباس:
- بخصوص التذاكر لسا ماحجزت وماراح احجز الحين ولكن عشان ترتيب الميزانية وان شاء الله ينزلون عروض - الكاميرون شفت كثير ينصحون فيها عشان اجوائها حلوه ولكن اذا كان طريقها متعب لهالدرجه راح اشيلها من المخطط إن شاء الله - فندق بينانج اضفته بعد ماشفت مقاطع كثيره لأشخاص يمدحونه ولكن للأسف ماشفت موقعه وين وبإذن الله راح يتغير لأحد الاختيارات اللي طرحتيها - أما فنادق كوالالمبور انا حبيت تغيير الفندق كتغيير جو ومنطقة بما انهم متلاصقين لازم ان شاء الله اغير واحد منهم انا كنت مفكر اخذ فندق على شارع العرب والثاني مطل على التوأم وننتظر آراء باقي الخبراء ويعطيك ألف ألف عافية :62: |
عليكم السلام ما قصرت اختنا عشقي السفر اعطتك معلومات وافيه بس اضافة بسيطه يالنسبة للسعر في مثل توقيت السعر غالي راح تجد اسعار ارخص بالنسبة للطيران الماليزي انا سافرت كثير داخل ماليزيا على خطوط مختلفه والحمد لله كلها ممتازه وما شفت فيها اي شي مزعج او اهمال بالنسبة للكاميرون فهي منطقة ريفيه الخدمات فيها محدوده والطريق اليها متعب ومع ذلك اقول لك الكاميرون منطقة جميلة جداً تختلف عن باقي مناطق ماليزيا كلها وارى انها اجمل مكان في ماليزيا من حيث الطبيعه والجو |
اقتباس:
بخصوص سعر الخطوط السعودية هي مجرد بحث عشان اشوف الميزانية تقريبا كم راح تكون اما حجز التذاكر لسا باقي عليه كلما بين فترة وفترة راح اشيك على الاسعار ممكن يكون فيه عروض وبالنسبة للكاميرون انا اللي حمسني عليها تجارب الأخوان وبرودتها ولكن ممكن تكون لما ازور ماليزيا المره الثانيه إن شاء الله وماقصرت أخوي |
وعليكم السلام و رحمة الله وبركاته و يااامرحبا بك اقتباس:
الرد موجود باللون البنفسجي من وجهة نظري وتحت امركم في اي وقت :3: |
اقتباس:
إن شاء الله بعد ما اشوف رأي الأعضاء بأسوي تحديث للموضوع بالمخطط النهائي ولكن بخصوص الفندق اللي قلت لي عليه في كوالالمبور بانيان تري لما دخلت بوكينج أشوف الأسعار طلعت لي هالرسالة (( عذراً! مكان الإقامة هذا مناسب للبالغين فقط، لن يتمكن أطفالك من الإقامة فيه! )):57: |
مرحبا أخي الأخوان والأخوات ما قصروا معك وأعطوك المفيد فقط إذا حبيت تأخذ فكرة عن كاميرون هايلاند ممكن تتابع تقريري وبالتحديد الصفحتين 4 و 6 من خلال هذا الرابط : https://www.arabtrvl.com/vb/t27108-4.html وبعد ذلك تحدد إذا كنت تريد تدرجها في جدول الرحلة أم تؤجل زيارتها لرحلة أخرى ورحلة موفقة بإذن الله |
اقتباس:
وإن شاء الله راح اشوف التقرير واقرر |
اقتباس:
وانت بنتك الله يحفظها لك 🌹 عمرها سنتين يعطوك سرير كريب مجاني. |
| الساعة الآن 08:42 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO