|
شهر العسل لماليزيا بعد ثلاث شهور ونصف (مساعدتكم بالبرنامج وبعض الاستفسارات) السلام عليكم ,, طبتم وطابت جميع اوقاتكم بكل خير .. باذن الله مسافر ماليزيا بعد ثلاث شهور ونصف تقريباً (شهر العسل) دعواتكم قبل كل شيء في ظهر الغيب عندما تقرا هذا الموضوع طبعا لاول مره اسافر ماليزيا وعندي كثير اسئلة علما انه تم حجز تذاكر الطيران الدولي عبر الاتحاد للطيران تاريخ 17/07/2019 الاقلاع من الرياض 4:40عصراً الوصول الى كوالالمبور الساعه 10:20صباحا بتوقيت كوالالمبور .. مدري كم بالظبط عندنا بتاريخ 18/07/2019 العوده للرياض بتاريخ 30/07/2019 الاقلاع الساعه 7:45مساءاً - احتاج ترتيب جدول هذه الايام البسيطة ونصائحكم للفنادق في كل منطقة - خبرتي ضعيفه نوعا ما باللغه وبالسفر الدولي هل احجز عن طريق مكتب ولا احجز بنفسي اوفر - كيف وضع العوائل (المنقبات) هناك ومع الالعاب وكذا - الافضل سائق باليوميه ولا تطبيقات اوبر وجراب ولا بالساعه - كيف وضع الاكل والشرب هل اقدر اخذ من السعوديه (خفايف +عزبة قهوه وشاهي) - كيف وضع التنقلات بالمساء (مولات - مطاعم - الحدائق الضوئية led) وايش ممكن اخذ معي بشنطتي غير الملابس علما ان الوزن المتاح 30كم لكل شخص - لو لاقدر الله تعبت انا ولا زوجتي وش التصرف الصحيح - كم ممكن التكاليف المقدره عشان احطها بالحسبان + كم اخذ مبلغ طوارئ هل اصرف العمله من الرياض ولا من وين وكم ممكن اصرف ؟ ولا اخليها بالصرافه ولا لازم اطلع فيزا انا شخص احب التغيير واحب الشلالات واحب الاجواء الضباب والماطره واحب اجواء الليل لاتبخلون باي شيء ساعدوني مره مخي محيوس للاخير |
اقتباس:
نصيحة اطلع على المناطق اللي كتبتها لك وشوف ايش انشطتها واختار على اساسه الجدول ايامك قليلة الافضل لاتزيد اكثر من ثلاث مدن عشان تنبسط لو تخلي الرحلة بمدينتين افضل لك وربي يرزقك بزيارة ثانيه وتروح المدن الباقية ملاحظه بسيطة سفرك بيكون في وسط الموسم السياحي فالافضل تحجز بدري عشان تقدر تلاقي حجز بالفنادق النظيفة والله يوفقك واي سوال كل الاعضاء بالخدمة أرسلت بواسطة iPhone بإستخدام Tapatalk |
توني حجزت قبل اقل من 24 ساعه .. يعني امدد ؟ يوم يومين تكفي ؟ لان التعديل مجانا خلال 24 ساعه من الحجز على الاتحاد للطيران |
اقتباس:
الافضل تزيد ثلاث او اربع ايام لان في يوم كامل بيروح بالطيران انت بتغادر الرياض الساعة ٤ العصر يعني اكيد عندك ترانزيت في ابو ظبي وراح توصل تعبان وبيضيع عليك نص اليوم اللي بتوصل فيه الافضل تزيد ثلاث ار اربع ايام ان ميزانيتك تسمح أرسلت بواسطة iPhone بإستخدام Tapatalk |
اقتباس:
بالتوفيق في رحلتك وأتمنى لك سفرة هانئة |
السلام عليكم ,, طبتم وطابت جميع اوقاتكم بكل خير .. باذن الله مسافر ماليزيا بعد ثلاث شهور ونصف تقريباً (شهر العسل) دعواتكم قبل كل شيء في ظهر الغيب عندما تقرا هذا الموضوع بالتوفيق ان شاء الله ............. طبعا لاول مره اسافر ماليزيا وعندي كثير اسئلة علما انه تم حجز تذاكر الطيران الدولي عبر الاتحاد للطيران تاريخ 17/07/2019 الاقلاع من الرياض 4:40عصراً الوصول الى كوالالمبور الساعه 10:20صباحا بتوقيت كوالالمبور .. مدري كم بالظبط عندنا بتاريخ 18/07/2019 العوده للرياض بتاريخ 30/07/2019 الاقلاع الساعه 7:45مساءاً - احتاج ترتيب جدول هذه الايام البسيطة ونصائحكم للفنادق في كل منطقة بينانق مناسبة لشهر العسل .. لنكاوي كذلك .. والمكوث ليلتين أو ثلاثة بكوالالمبور واذا كان في وقت ممكن تروح للصن واي لاقون الالعاب المائية وكذلك مرتفاعات كاميرون واجواءها الرومنسية الباردة ............ - خبرتي ضعيفه نوعا ما باللغه وبالسفر الدولي هل احجز عن طريق مكتب ولا احجز بنفسي اوفر ماليزيا واضحه جدا والحجز المباشر افضل عن طريق المواقع بخصوص الفنادق والباصات كذلك وخلي مواصلاتك داخل المدن عن طريق grab وهو شبيه لكريم واوبر وامن جدا ............. - كيف وضع العوائل (المنقبات) هناك ومع الالعاب وكذا خذ راحتك واعتبر نفسك في بلدك ........... - الافضل سائق باليوميه ولا تطبيقات اوبر وجراب ولا بالساعه جراب موجود فقط .. اوبر خرجت من السوق الافضل جراب طبعا .......... - كيف وضع الاكل والشرب هل اقدر اخذ من السعوديه (خفايف +عزبة قهوه وشاهي) يفضل اخذ جبنه كاسات مثلا والشاي والقهوة والامور الخفيفة هذي احيانا تحتاجها بالذات اذا مالقيت اكل مناسب لك ............... - كيف وضع التنقلات بالمساء (مولات - مطاعم - الحدائق الضوئية led) الامن الى حد كبير طيب والجراب يوديك اي وقت الى اي مكان .......... وايش ممكن اخذ معي بشنطتي غير الملابس علما ان الوزن المتاح 30كم لكل شخص انا طالب ادرس في ماليزيا كنت واخذ معي عفش لا اول له ولا اخر والوزن يكفي هههههههه انت لو اخذت شنطة مقاس اكبر من الوسط شوي وعبيتها كفاية مع المعلومية ان وزن الشمطة لا يزيد عن ٢٣ ولا راح يتعبوك ليطلعوها او يقولو لك خفف من وزنها وفرغها في شنطة ثانية ............ - لو لاقدر الله تعبت انا ولا زوجتي وش التصرف الصحيح تعبت من اي ناحية؟ صحيا؟ ان شاء لا بأس عليكم لكن التوجه للمستشفيات الكبيرة ممكن يكلفك اذا ماعندك تأمين ........ - كم ممكن التكاليف المقدره عشان احطها بالحسبان + كم اخذ مبلغ طوارئ هل اصرف العمله من الرياض ولا من وين وكم ممكن اصرف ؟ ولا اخليها بالصرافه ولا لازم اطلع فيزا لا افضل صرافة في شارع العرب بماليزيا وانتببببه تصرف من السعودية لان فرق السعر كبير وكمام تقدر تسحب ببطاقة الصراف السعودية ولكن تحسب عليك عمولة بنسبة بسيطة لتحويل العملة وحوالي ٢٥ ريال رسوم سحب اذا اضطرت للسحب فابحث عن مكائن تنزل لك ورقة ١٠٠ رنقت عشان تقدر تسحب ٣٠٠٠ كحد اقصى وتكون العمولة عليك اخف الفيزا مسبقة الدفع مهمة وخلي جوالك تجوال عشان تستلم الرسائل البنكية انا شخص احب التغيير واحب الشلالات واحب الاجواء الضباب والماطره واحب اجواء الليل كاميرون مناسبة جدااااا لك وافضله لاي مسافر لماليزيا لكن طريقة متعب قليلا لاتبخلون باي شيء ساعدوني مره مخي محيوس للاخير |
اقتباس:
وجهة نظري الله يسعدك ان الاخ عريس وهذي اول سفره له الافضل يصرف من هنا ويريح نفسه من اللف والدوران والفرق ماهو كبير مره أرسلت بواسطة iPhone بإستخدام Tapatalk |
اقتباس:
والله حسب خبرة ٧ سنين في ماليزيا اقدر اقول ان الفرق يصل الى ٥% بين السعرين لكن ممكن في حال بشتري راسه معك حق |
رحله سعيده وانا مسافر اول مرا ماليزيا بعد اسبوع وراح استفيد من الردود الله يجزاكم كل خير |
| الساعة الآن 08:31 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO