المشاركة الأصلية كتبت بواسطة بندر السبيعي (المشاركة 465554)

السلام عليكم ورحمة الله
بعد مشاورات ونصائح مع اعضاء المنتدى ..
قررت ان شهر العسل بماليزيا احجزه بنفسي
(طيران - مواصلات - فنادق)
رغم انها اول سفريه لي ولكن بنصائح الاعضاء قلنا نجرب ونتوكل على الله


ممتاز جدا الشغله سهله باذن الله


المهم
موعد الوصول 18/07/2019
موعد العودهـ 30/07/2019

يومين سيلانجور 18-20
(صنواي بيراميد) ديلوكس مزدوجة بـ591

خيار جيد


ثلاث ايام بينانج 20-23
لسى ماحجزت مازلنا نبحث عن مكان كويس وقريب من كل شيء
طرا علي فندق ليكسز بمسبح خاص اسعاره لاباس بس قالوا انه بعيد عن الاماكن الحلوه
وش رايكم ودي يكون هناك يوم بمسبح خاص


مسبح خاص مافي الا في ليكسز لكته بمنطقه بعيييده
ممكن تحجز في فندق باي فيو بيتش وعندهم مسبح بالسطح يأجر بالساعه

من خيارات السكن الاقتصاديه

منتجع شاطئ ذاباي فيو او منتجع هوليدي ان مبنى المطل على البحر




ثلاث ايام لنكاوي 23-26
(منتجع بيرجايا لانكاوي) ثياسية مزدوجة ب1773 السعر معور قلبي بس وش نسوي


ما ناصحك بالمنتجع لان الشاليهات اللي داخل الغابه تكثر فيها الحشرات وبتلقى القرود فوق الاشجار

اذا تبي هذا الفندق افضل شي عندهم هو الشاليهات الفوق الماء او المواجهه للماء غير كذا ابعد عنها


بشكل عام منتجعات لانكاوي النظيفه واللي مافيها حشرات غاليه شوي لاتحط في بالك ميزانية اقل من 600 ريال اذا تبي شي نظيف ومافيه حشراتبحكم انها جزيره فيها غابات فمن الطبيعي كثرة الحشرات والوزغ (البرص) والقرود لذلك ينصح باختيار منتجع جيد يهتم بالنظافه


ارشح لك في لانكاوي

منتجع داش

طالع منتجع داش لانكاوي على أجودا: http://agoda.onelink.me/1640755593?p...=3&cid=1770664




منتجع كومار

طالع منتجع كامار لانكاوي على أجودا: http://agoda.onelink.me/1640755593?p...=3&cid=1770664



هذا فندق جديد فتح حديثا ولكن ليس على البحر مباشره يفصل بينه وبين الشاطئ شارع وله اطلاله

طالع ألوفت لانكاوي بانتاي تينجا على أجودا: http://agoda.onelink.me/1640755593?p...=3&cid=1770664



الفنادق اللي عرضتها تعتبر جديده وسعرها ضمن ميزانيتك تقريبا وانصحك ابحث في مواقع بوكينج و اجودا اوقات تلقى عروض كويسه خصوصا لفنادق لانكاوي




اربع ايام كوالالمبور 26-30
لسى ماحجزت نبحث عن الافضل..

الافضل ان تكون في منطقه البرجين او منطقه بين شارع العرب والبرجين

والشي الاساسي اللي يحكم الفندق ميزانيتك لليله الواحده



سؤالي
- هل الجدول تمام وخط الرحلة تمام ؟ والايام تكفي ولا زيادة ولا اضيف جنتنق ولا بوتراجايا


انا عن نفسي ما احب التنقل كثير واحب اعطي كل مدينه حقها يعني مسافره ارتاح مو ازور اكثر عدد من الاماكن اتوقع ان الترتيب جيد والايام ياادوب مكفيه وانا عن نفسي كان اكتفيت بثلاث مناطق فقط لكن كل واحد وقدرته


جينتيج تقدر تزورها من كوالالمبور يوم مخصص لها ولحديقه الفراوله والاوت ليت اللي فيها

بوترجايا ممكن تزورها من كوالالمبور او سيلانجور لكن ايام سيلانجور ماتكفي



- هل اكمل حجوزات كذا .. ولا انا مبالغ باسعار الفنادق لان احس ان المكاتب ف الحجوزات ارخص بس المجموع مرتفع


انا ارى انك مو مبالغ بمبلغ الفنادق بالعكس تحتاج زياده شوي خصوصا انك شهر عسل
بالنسبه للمكتب مااقدر احكم الا اذا عرفت الفنادق اللي مرشحها لان ممكن تكون رخيصه ولكن من فنادق لاتليق بشهر عسل او في مناطق منعزل تكون تكلفه التكسي ضعف الفرق اللي بتوفره



- وش الخطوات القادمة ؟ وش اللي لازم اسويه
- حجوزاتي كلها عن طريق تطبيق المسافر .. الامور تمام ؟

مثل ماذكرت سابقا ابحث في بوكينج او اجودا بتتفاجأ بانك بتلقى اسعار ممتازه في بعض الاوقات وغير كذا المسافر مسمى الغرف يكون غير واضح ولاتوجد معلومات عن الغرف كمساعه والاطلاله وعدهذا اراه عيب كبير فمثلا في فندق بوترجيا ذاكر غرفه قياسيه والفندق اصلا لايوفر الا شاليهات الغابات الغابات الماطره او على البحر او استيديو



- لاتخلوني من اقتراحاتكم والاماكن الحلوه
- ساعدوني بالترتيبات ماباقي الا الشيء القليل من الجدول