|
فزعتكم ياشباب السلام عليكم ورحمة الله وبركاته الله يعطيكم العافيه جميعاً ابي خبرتكم في ماليزيا ناوي اسافر عوائل (شخصين) فقط الرحله تقريباً من 6-7 ايام وابي اقضيها فقط لنكاوي ابي نصائحكم وابي كم تكلف تقريباً بالنسبه للطيران والفنادق والتنقلات واذا فيه جزيره ثانيه اقسم الايام فيها افيدوني واهم شي التكلفه والله يعطيكم العافيه |
بتنزل اول شي كوالامبور وتمشى فيها يومين ثلاثه تريح من السفر وبعدها طيران اقتصادي الى لنكاوي .. وصلى الله وبارك لكن الغريب انك بتقطع رحله طووووويله للشرق الاقصى بتقضي فيها 6 ايام ؟! اليوم الاول تعبان من السفر واليوم الاخير تتجهز عشان تسافر ؟! يعني صافي 4 ايام اعد النظر .. متخسر 5 او 6 الاف تذاكر عشان 4 او 5 ليالي وقتك ماهو معقول ابد عظم الله اجرك :17: |
انت جارنا راعي بريده ؟! مدري ليش احس اني اعرفك :) |
والله من وجهة نظري ماانصحك بلنكاوي ، روح سيلانجور قريبه من كوالالمبور ومنتجعاتها الاغلب فخمه ... بس ايامك شويه اقل شي على هاالمشوار والتذاكر تجلس لك 9 او 10 ليالي اذا ماتقدر شف لك وجهه قريبه افضل تحياتي |
عليكم السلام عدد الايام قليل ولا حق المشوار خليها 10 ايام على الاقل |
ملحوظه ( ودنا نسولف) الاخ العزيز ... يبدو انه ماجرب رحلات الشرق الاقصى .. تبي لك 24 ساعه بعد الرحله بكوالامبور وانت تقل فقمه .. بس تسدح بالفندق تريح :17: ولو كنت مسافر الاحد الظهر .. تراك من السبت وانت حول الفندق اللي بنفس المدينه اللي بتغادر منها .. يعني الشرق ورحلاته الطويله زود الليالي شوي .. اذا على 4 ليالي صافيه رح دبي وفرفر هناك |
اقتباس:
يعطيك العافيه وال6-7ايام خارج حسبة يومين الطيران طبعاً |
اقتباس:
مع العلم قبل يومين راجع كنت في بريده😂 |
اقتباس:
يعطيك العافيه اخوي طلال ياليت توضح لي ليش ماتنصحني في لنكاوي |
اقتباس:
هههههههههههههههههههه حلووووووه تقل فقمه ههههههههه الله يسعدك يابو لجين الايام اللي بقيضيها هناك من غير يومين السفر 6-7 ومو مشكله بزودها سولف سولف |
| الساعة الآن 03:28 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO