|
بعض الإستفسارات قبل الرحلة السلام عليكم تحية طيبة للجميع والشكر لكل من قدم لي النصيحة والرأي من أعضاء المنتدى الكرام وعلى راسهم : مشرفي المنتدى : ALRADADI و عشقي السفر رحلتي ستكون يوم 12يوليو الى 25 يوليو وهذا خط السير : كوالا - لنكاوي - بينانق - كاميرون هايلاند -كوالا النقل الداخلي : طيران AIR ASIA عندي بعض الإستفسارات لأصحاب الخبرة واللي تهم الكثير منا وخاصة من سيسافر لأول مره بالعائلة متى لازم أكون فالمطار بالنسبة للرحلات الداخلية ؟ وهل يسمح بالشاحن المتنقل على خطوط طيران AIR ASIA ثانيا :بالنسبة لصرف العملة أصرفها من هنا أو في ماليزيا لأني سمعت أنه أسعار الصرف عندنا أفضل بكثير في جدة خصوصا الفترة هذي ( قبل الحج) هل هذا صحيح ؟ وهل أصرف كامل المبلغ أو جزء منه ( بصراحة محتار ) !!! سؤال أخير :بما أنه موسم الامطار في ماليزيا الان هل الأفضل أخذ المظلة من هنا أو من عندهم أو أنه ما يحتاج قصدي للأطفال معاي . أسف على كثرة الأسئلة تحياتي |
أهلاً بك ... ربي يوفقك وييسر أمرك ... خط سير جميل .. الرحلات الداخلية عادةً تغلق الرحلة قبل الإقلاع ب45 دقيقة .. لكن نصيحة من محب .. الحضور المبكر خصوصاً للعوائل .. لن تجد منه إلاّ كل خير .. المفاجاظ“ت المزعجة في يوم السفر تُربك وتجعلك في قلق ومزاج سيء وأنت متجه للمطار .. الشاحن المتنقل في آير آسيا ( لا أعلم ) .. جربت عدد من الشركات كانت تسمح به .. صرف العملة .. قرأت موضوع المميز ( البرق المضيء ) جداً ممتاز .. ليتك تطّلع عليه .. فصّل موضوع صرف العمله بشكل جمييييل .. المظلة .. أعتقد أمرها سهل .. رأيي شراؤها من هناك أفضل إن احتجت لها .. |
اقتباس:
عليكم السلام هلا ابو فراس لا شكر على واجب يابو فراس |
شكرا لكم ع التوضيح الغرض من تحويل العمله وأخذها كاش هي زي ما قلت أنت أنها للأسواق الشعبية وأنا من محبي هذه الأسواق و بعض محلات الهدايا الرخيصة وأكيد ماراح أحول المصروف بالكامل معليش أخوي ALRADADI هل تقصد ببطاقة السفر ( الفيزا أو الماستر كارد ) اذا كان هذا قصدك فهي موجودة . |
فيزا السفر من البنك السعودي للاستثمار يابو فراس |
أنا عندي ماستر كارد البنك الأهلي وطلبت من البنك تفعيلها هل تغني والا ؟ |
ما عندي خلفيه عن ماستر كارد الاهلي هل يوجد بها سلة عملات ؟؟؟؟ كيف سعر صرف تحويل العمله هل السعر معقول ؟؟؟؟ بالنسبة للبنك السعودي للاستثمار على تجربتي هذه الفترة سعره مثل صرافين العملة عندنا بالضبط و يمكن احسن منهم بفرق بسيط جداً |
للتوضيح يمكنك فتح حساب في البنك السعودي للاسثمار من الانترنت ويتفعل في نفس اليوم وتستطيع استخراج بطاقة الصراف من مكينة الخدمة الذاتيه عند صرافة البنك كذلك استخراج فيزا السفر في نفس اليوم من الصرافه الطلبات بطاقة شخصية حساب في وزارة الداخلية (ابشر) عنواني وطني |
أخوي ماستر كارد الله يسلمك اللي أنا أقصدها تعتبر حق مشتريات فقط وهي اللي حجزت بها الفنادق وأعتقد يسمونها مسبقة الدفع اذا ماني غلطان أما بطاقة السفر الل ذكرتها ماعندي فكره عنها وياليت تعطيني نبذه عن مزاياها شاكر لك |
|
| الساعة الآن 09:54 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO