|
ماليزيا منْ يقول أنا لها الله يوفقه ؟؟ السلام عليكم ورحمة الله وبركاته ناوي ماليزيا لمدة 10 أيام زوجين فقط ومن كثر ما قرأت تهت ولا عاد عرفت شي والله نهت ولا عاد أجمع أبي جزيرة أو جزيرتين بالاضافة الى كوالالمبور والأماكن اللي ممكن أزورها في كوالا وش الأفضل من يوم أنزل في مطار كوالا لين أطلع من مطار كوالا حددوا لي فندق أو منتجع في كل مدينة وقولوا لي وش حوله عشان أروح له ووش الفعاليات اللي ممكن نسويها في كل مدينة باليوم والليلة مع الأواقات المناسبة لزيارة كل فعالية حرام ادفع لمكاتب السياحة دام الذيابة موجودين هنا علماً بأني أول مرة أزور ماليزيا عارف أن طلبي متعب لكم لكن منْ يقول أنا لها ؟؟؟؟؟؟ |
عليكم السلام والله صعب احد يوجهك وين تروح لأن الناس تختلف وش تحب وش الحدود عندك وكم الميزانية مثال ( عريس ينزل يلعب في الصنواي لاجون والعروسة جالسة تتفرج عليه في هذي الحالة اقترح انه ما يروحون افضل للألعاب المائية ) أو ما يفضلون المناطق الليلية أو الترفيهية ميزانية الفنادق خمس نجوم أو اقل ؟ عموما اعطيك اقتراح اكتفي انصحك بغراند حياة كوالالمبور أو تريدرز أو الفورسيزونز اختار اللي يناسب ميزانيتك لنكاوي أشوفها افضل للعرسان بس مو الكل يفضل الهدوء ( واحة واستجمام ) بينانج ميزتها حياة في الليل والنهار والألعاب والنشاطات اكثر سيلانجور تسوق والصنواي لافون متعة اعطينا انت وش تبغى بالتمام اخوي حتى نساعدك |
رحلة موفقة وسعيدة بإذن الله بما انكم معكم ١٠ ايام اقترح عليك الاتي الوصول إلى ماليزيا سيلانجور ٢ ليلة ،من هنا زيارة بوتراجيا والشلالات وألعاب صن واي بعدها اذهب الى لانكاوي ٣ ليالي بعدها ارجع إلى كوالالمبور، منها زيارة مرتفعات جنتنج والكاميرون والأماكن السياحيه في كوالالمبور ابحث عن الفنادق في بوكينج او اجودا، نصيحة وشاهد التعليقات واختار لي تحبه |
زوجين متوسطي العمر يرغبان فالتمشي والسياحة والتسوق ولا أحب المناطق الهادئة المملة اريد اماكن حية وفيها ناس الميزانية معقولة وبالإمكان زيادتها وتنقيصها وهي لا تمثل مشكلة بمشيئة الله هل تنصحني اكنسل لنكاوي من الرحلة لهدؤها ؟ بالنسبة لسيلانجور وفندق الصنوي وش فيه هالفندق وش مميزاته ؟ |
Koka لك رسالة على الخاص |
وعليكم السلام ورحمة الله وبركاته يفضل تخلي رحلتك 12 ليلة على الأقل إذا تريد تجمع جزيرتين الأغلب يمشي على هذا الجدول : 2 ليلة سيلانجور ، فندق الصنواي لاجون ريزورت أو فندق كليو أو البراميد ، كلها جنب ملاهي الصنواي لاجون ومول البراميد 3 ليالي لنكاوي ، فندق إيديا فندق خيار جيدجدا ولكن لا يحتوي على شاطئ ويفضّل تحجز في لنكاوي منتجع يحتوي على شاطئ وأفضلها الويستن أو الدانا أو الأندمان أو ميرتوس بلانجي 3 ليالي بينانج ، فندق الهوليداي خيار جيدجدا ولكن يوجد أفضل منه في شاطئ الباتو فرنجي وهو شانغريلا راسا ساينغ ثم الجولدن ساندس أو البارك رويال ، وفيه خيار اقتصادي منتجع الباي فيو يبعد عن السوق الليلي ربع ساعة مشي بالأقدام 4 ليالي كوالا الخيارات كثيرة : مثل الجراند حياة أو الماندرين أو التريدرز أو امبيانا قريبة من منطقة البرجين وشارع العرب حاولت أعطيك أفضل الفنادق المجربة من الأعضاء في المنتدى بالتوفيق |
اقتباس:
يعني أوصل لكوالالمبور ومن المطار أذهب مباشرة الى سيلانجور هل هذا قصدك ؟ طيب وش الفندق المفضل في سيلانجور ليلتين لاهنت ؟ |
اقتباس:
بيض الله وجهك ما قصرت يبدو أن الجدول سيبدأ تخطيطه من ردك هذا |
اقتباس:
سيلانجور يومين 4 بينانج 4 كوالالمبور بما انك محدد وش تبغون هذا مختصر الرحلة سيلانجور فندق صنواي كليو يوم للألعاب وهذي ميزة الفندق جميل ومطل على الألعاب والمول من نفس الفندق تدخله وفيه مساج ومطاعم جميلة بعدها على بينانج فيه فندقين اختار منها شانغريلا http://www.booking.com/Share-wTGneS او الهارد روك وانصحك بالأول شاطئ الباتو فيه براشوت وبنانا وجت سكي خيول جميل جدا ومنها يوم للهضبة وحديقة الفواكة وغورني بلازا والقهوة البيضاء ومصنع الشوكليت والشلالات الأفضل في كوالا كوالا اختيارات الفنادق السابقة ممكن زيارة البرجين والاكواريوم وسورايا مول ولو افتكرت شي جديد أو لقيت شي يعجبك ضيفه ما تحتاج جولات ابدأ بالساعة الا بعض الأماكن النادرة استخدم قراب |
اقتباس:
برتب الجدول وأبلغك فالموضوع بشكل شبه نهائي ولو أردنا عمل بعض التعديل فلدينا متسع من الوقت بإذن الله |
| الساعة الآن 10:09 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO