|
بحث عن مكتب موثوق السلام عليكم ورحمة الله وبركاته مساء الخير للجميع ياخوان انا عندي رحله لماليزيا عشره ايام عرسان وبصراحه تعبت من تدوير المكاتب كل واحد يعطيني سعر مختلف ويمدح البكج حقه ابي فزعتكم فيه مكتب في الرياض مجرب وموثوق |
و عليكم السلام و رحمة الله و بركاته .. أول شئ الله يبارك لكم و يجمعكم على خير .. الشئ الثاني .. و ليش تدور مكتب ؟؟ الفلوس الزيادة أنت أولى فيها و الترتيب سهل جداً أنت أعطنا موعد سفرك و الكل هنا ماراح يقصرون في ترتيب الجدول المناسب لك وكل الله و أرسل تواريخ سفرك و ابشر بسعدك |
عزيزي ماليزيا ما تحتاج مكتب سياحي بالإمكان الحجز بنفسك التذاكر من موقع الطيران بالنفس والفنادق من البوكينح او اجودا وايضا المنتجعات، وقم بالاطلاع على التقارير المطروحة واعمل جدول سياحي حسب الايام والأماكن السياحية حسب رغبتك التكاسي متوفرة بكثرة وأيضا استخدام تطبيق جراب او اوبر سهل جدا الأعضاء هنا ما يقصروا، اسئل بس واستفسر :e13d:معكم ١٠ ايام اقترح عليك الاتي الوصول إلى ماليزيا سيلانجور ٢ ليلة ،من هنا زيارة بوتراجيا والشلالات وألعاب صن واي بعدها اذهب الى لانكاوي ٣ ليالي بعدها ارجع إلى كوالالمبور، منها زيارة مرتفعات جنتنج والكاميرون والأماكن السياحيه في كوالالمبور |
أتفق مع الأحبة ... الموضوع سهل يحتاج فقط إطلاع وترتيب ... وإن كنت مضطراً لمكتب سفريات ... لدى المنتدى ( شريك إعلاني ) شركة شواطئ السياحة ... لديهم موضوع يخصهم أعلى متصفح البوابة الماليزية .. راسلهم واطّلع على خدماتهم ... |
اطلع على كم تقرير وتصير خبير ماليزيا وتركيا وفيه كم بلد ما تحتاج شركات الفنادق والطيران من النت انت تشوف الأسعار على كيفك والشباب هنا بيساعدونك بالمواقع المميزه للفنادق على حسب ميزانيتك وكذلك الطيران تبقى لك الأماكن وتحددها بعد ما تشوف كم تقرير بالنسبة للسيارة عندك التطبيقات مسهلة كل شي |
الله يبشرك بما يسرك |
الذهاب 2/6/2020 والعوده 12/6/2020 انا اطلب مكتب سياحي علشان حجز الفنادق والسواق طبعآ انا كنت بحجز عن طريق البوكنق بس السعر النهائي من غير ضرايب وانا ماودي اتوهق هنا خاصه اني عريس وكما السواق ابي سواق ثقه وإن شاء الله ماراح تقصرون وتدلوني على سوا مكتب ثقه ولا سواق ثقه وعن الفنادق وش وضع الضرايب هناك |
اقتباس:
أخوي أبو راكان ... الحجوزات الخاصة بالفنادق .. فيه بديل عن Booking و هو موقع أجودا Agoda و هو الأشهر و الأفضل في أسيا و بتلاقي فيه نفس الفنادق و سعرها شامل الضريبة "مع ان الضريبة في booking سهل حسابها ... بالنسبة للسواق ما تحتاجه نهائي تقدم تستخدم تطبيق جراب و هو أرخص و افضل من التكاسي و تقدر تستخدمه في كل ماليزيا ما عدا بعض الأمكان مثل لنكاوي ممكن تتفق مع سواق بالساعة اللى تسمى جولة ة تكلفة الساعة في الغالب 20-30 رينجت ماليزي .. أتمنى تكون وضحت لك الصورة .. و تبينت أنه ما تحتاج إلى مكتب أو غيره و بالنسبة للجدول أن شاء الله خبراء ماليزيا يفيدونك بالفنادق المجربة اللى تناسب العرسان في كل مدينة ... بالتوفيق |
اقتباس:
1- الطيران موقع ( ويجو ، سكاي سكنر ) وشوف الأسعار واللي يناسبك إحجز من خلال شركة الطيران مباشرة . 2- الفنادق موقع بوكينج إختار اللي يناسبك من الفنادق وقبل الخطوة الأخير يطلع لك المبلغ كامل مع الضرايب والرسوم . 3- السائق ما يحتاج عندك تطبيق ( Grab ) من توصل لماليزيا لحد ما تغادر وبيكون سعر التكلفة أقل https://mrkzgulfup.com/uploads/157955487165631.jpgمركز الخليج بخصوص الأماكن اللي ترغب بزيارتها تصفح المنتدى وأعمل الجدول المناسب لكم وأسأل الله لكم التوفيق وأن يبارك لكم |
اذا مصر على مكتب ومابدك تحجز لحالك في مكتب بيتعامل معه المنتدى موثوق اسمه شركة شواطئ للسياحة و السفر بتلاقيها اول قسم في قسم ماليزيا |
| الساعة الآن 12:09 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO