عيد الفطر 2022 14 يوم مع العائلة
 

السلام عليكم ورحمة الله وبركاته

عودا حميدا بعد جائحة كورونا الله يرفع عن البلاد والعباد
فجأة بغيت اغير جو بعد ضغط العمل وضغط سنتين مثل الناس اللي حرمتهم الجائحة بعض من شغفهم واذا بي اسمع ان ماليزيا فتحت ابوابها واذا بي احجز لشخصين وثلاث اطفال …
بالنسبة لاجراءات كورونا مايحتاج ولا شي ابد بس تحمل تطبيق MySejahtera وتسجل البيانات المطلوبة وهي عبارة عن شيئين رئيسيين
خانة استكمال الجرعات
خانة المسافر
بعد ماتكمل التعبئة راح يتحدث التطبيق ويعطيك لون اصفر يعني خلصت التطعيمات ووضعك تمام

https://l.top4top.io/p_23334ykvc0.jpeg

الاطفال تحت 12 سنة مايحتاج ولا شي حتى تأمين سفر ولكن انصحك بالتأمين لان الخطوط السعودية طلبو مني تأمين وسويته في المطار عن طريق الجوال ب10 دقائق .. يحتاجون فقط اضافة كتابعين في التطبيق

هذي مقدمة لاني اكتب من جوالي :32::32::32:

بس اذا لك نية تروح ماليزيا لا تتردد
بالنسبة لسعر الصرف
الريال السعودي تقريبا يتراوح بين 1.12 و 1.16 ماليزي في سعر الصرافات هناك
سواء سحبت كاش من صرافهم او من نقاط البيع ترى الوضع امان ومافيه عمولات كثيرة انا مثلا سحبت 700 رنجت كاش خصم البنك علي 625 ريال يعني 1.12 وتقريبا مقارب لسعر الصرف في البورصة فالوضع جدا تمام البعض يسحب سعودي او دولار ويحولها انا اقولك ممكن بس افضل اسحب من الatm مباشرة مايحتاج تصرف وتحول وسالفه

الرحلة من 3-17 مايو
الخطوط السعودية
خط السير الدمام - الرياض - كوالالمبور والعكس

كثير يسأل طيب شلون مع اطفال شلون التنقلات شلون هل هذي تصلح عويل والا عرسان :17:
شوف ياحبيبي اذا انتوا عرسان موضوعي مايصلح لكم هههههههه جوكم غريب
طبعا وصلنا ماليزيا حمدالله بعد رحلة هادئة ودخلنا كوالالمبور
بالنسبة للتكسي من والى المطار انصح بقوة تطبيق بوكينق تبع الفنادق ترا يوفر هالخدمة وممتاز جدا وسعره مساوي للتكاسي اللي تاخذها من المطار بس افضل جودة وسيارات افضل واوسع
فيه برضو تطبيق Grap ممتاز مثل عندنا اوبر وكريم وكذلك يجيب طلبات المطاعم مثل مرسول انا للامانة ماستخدمته لانه يحتاج رقم جوال ماليزي يعني اول ماتوصل المطار تاخذ لك شريحة افضل من تفعيل التجوال الدولي … بالنسبة لي تحسفت اني فعلت دولي يعني لو اخذت خط ماليزي افضل واريح … بس لاتحاتي اذا ماتبغى خط ماليزي حمل تطبيق باندا foodpanda تقدر تطلب ويوصلون لك مثل هنقرستيشن لو احتجت تطلب 👍 والتكسي كلم اللوبي للفندق يجيب لك تكسي واذا جاز لك اتفق معاه يصير سواقكم للفترة اللي تبيها اكثر مبلغ ياخذونه 300 رنجت ويجلس معاك يوم كامل البعض يقول غالي وكذا بس لاتنسى اللي يسافر مع عايلة يبغى واحد جاهز برى ينتظر وكذلك اغراض لو شريت حاجة تخليها في السيارة يعني اشوف انه مو خسارة وفيه بعضهم ياخذ 250 رنجت وبعضهم اقل بس انا عشان سيارة كبيرة عائلية اعتبره حلو السعر
نرجع للتكسي … قبل توصل للمطار تلقاه راسلك وتزاب وصور للبوابة ولاتخاف بيجيك وبعدها رحنا الفندق طبعا انا جايها شهر عسل 2012 وفيه اماكن كثيرة ماجيتها قبل فحبيت ارجع عشان اشوفها وكان وحدة منها سلانجور والصن وي لاقون

يالله نبدأ

ليلتين (3 ايام) في سلانجور
سكنت في فندق Sunway Pyramid Hotel
الفندق يجنن صراحة ومريح وفيه مجمع تجاري تحته وفطورهم ممتاز وفخم وكذلك الصن وي لاقون جنبه تروح له مشي من نفس ممرات الفندق …. وجلسنا فيه ليلتين … انصح فيه الفندق ويستاهل
اول يوم بعد ماتوصل طبعا مايمديك تسوي شي فانصح بالمجمع تحت الفندق جميل جدا (انا رحت iCity) بالليل بس ماعجبتني مرة بس الجية للاستكشاف طبعا وممكن تروح لها فيها العاب كثيرة للاطفال وتشوف المدينة المضيئة والمدينة الثلجية وكلها اعطيها 5/10
ثاني يوم الصبح بعد الفطور تروح الصن وي لاقون وفيها حديقة حيوان اكرمكم الله وفيها العاب مائية ويكفيها صبحية يعني من 10 - 3 العصر وفترة العصر ممكن تروح الشلال في Rawang قريب من سلانجور والدخول مجاني
واليوم الثالث تطلع من الفندق وتروح لنكاوي بالطائرة

https://k.top4top.io/p_23324qdoj0.jpeg

https://l.top4top.io/p_23323i6ws1.jpeg

https://d.top4top.io/p_23320eqiw0.jpeg

https://e.top4top.io/p_23321axy71.jpeg

https://f.top4top.io/p_23327kajq2.jpeg

https://g.top4top.io/p_2332emb3m3.jpeg

https://d.top4top.io/p_23325xzkp0.jpeg

https://e.top4top.io/p_2332cd3671.jpeg

https://f.top4top.io/p_23328wggo2.jpeg

الله يحييك واتشرف فيك ومنورة الموضوع

الله يحييك ومنورنا يالغالي
استخدمت هذا الموقع تراني مبطي عن المنتديات يمكن من 2005
https://top4top.io/
فنا ادري مسموح نحط روابط اذا ممنوع العذر والسموحة :32:

ليلتين (ثلاث ايام) في لنكاوي
سكنت منتجع Berjaya Langkawi Resort
طبعا الطيران اخذت الخطوط الماليزية للوجهات التالية ولاهي غالية
من كوالالمبور الى لنكاوي
من لنكاوي الى بيننق
تقريبا كلنا الخمسة ب 2000 ريال

وصلنا لنكاوي الساعه 1 الظهر ورحنا للفندق او المنتجع بصراحة ممتاز
ريحنا شوي وكلمت التكسي يجينا عشان نبدا الجولة الساعه 2 ونص وبالفعل رحنا للجولة البحرية اللي يسمونها المنجروف
Mangrove Kilim Karst Geopark Tour

الجولة جميلة وتطوّل يمكن اكثر من ساعتين في البحر بين المناظر الطبيعيه والكهوف ويوديكم كهف خفافيش بس مادخلته مو ناقصين كورونا :14:
نهاية الجولة ودانا مطعم تاخذ سمك حي ويضبطونه لك وانصحكم بالهامور جيد جدا
وهذا كان نهاية اليوم الاول تقريبا رجعنا الساعه 7 ونص تقريبا مع اذان المغرب

https://j.top4top.io/p_2332wtf0f0.jpeg

https://k.top4top.io/p_23327m9g01.jpeg

https://g.top4top.io/p_2332bqlqj0.jpeg

https://i.top4top.io/p_2332vz6pb2.jpeg
اذا
https://j.top4top.io/p_2332fa7l43.jpeg

https://l.top4top.io/p_2332ot4324.jpeg

https://a.top4top.io/p_2332uny6x5.jpeg

https://b.top4top.io/p_2332i7un56.jpeg

https://a.top4top.io/p_23330mrsu1.jpeg

ماشاء الله تبارك الله رحله سعيده
ابسألك البطاقه الي تسحب منها من اي بنك تنصحون اطلعها

بـــــــــــدأية جميلة ، أستمر ,وفي انتظار المزيد

لاتنسى في نهاية التقرير مرئياتك عن الزيارة بشكل عام خصوصاً الاجواء حتى يستفيد اللي عندهم رغبة للسفر قريباً .

الحمد لله على السلامة

راجين ان نراكم قريباً على أحدى رحلات السعودية

لا تبعدي عن بطاقة السفر بنك الاسثمار ، مريحة جداً وأعتمدي عليها .

+

حولي من هنا دولار عن طريق انجاز ولما توصلي اي بلد واحتجتي كاش ، اصرفي قدر الحاجة .


طبعاً هذا النظام مريح ، أمان وميزاينة معروفة ، مشيت عليه أغلب سفراتي ، طلعت عنه في رحلة دبي الاخيرة

وسحبت من الصراف وتلخبطت أمور الصرف والاتصال وحوسة ...:24:

ثاني يوم في لنكاوي في الصباح الباكر صحينا على صوت الطبيعة في الغابة وسط منتجع برجايا وهبوب الهواء النقي بين الاشجار وصوت المحيط من بعيد والله يكفيك الجلسة في البلكونة :e307:
طلعنا نفطر في الفندق وبعدين توجهنا الى اربع اماكن لازم تلاحظون وجود الاطفال يطول الوقت في الزيارات ممكن ماتتوقع ان هذا الشي يعجبهم بس تلقاهم ينبسطون انا ركزت على حدائق الحيوانات الله يكرمكم لان الاطفال عندي تفاعلوا وحبوهم فقلت خل نروح هناك بدال التماثيل والميادين خصوصا فعاليات الاطفال كانت كويسة مثل اطعام الحيوانات وركوب الخيل واطعام التماسيح كانت بالنسبة لهم تجربه جميلة وفيه عروض الديناصورات وبعدين رحنا مطعم اطلنتس العربي يعتبر غالي شوية واطلالته جميلة على مزرعه كبيرة والجو فيه حلو وفي جنبه محل جميل مثل ماذكرت لا انصح بشراء اي شي الا شاي فاكهة الليتشي جميل وكذلك العود (البخور) ممتاز بعد كذا رحنا جهةٍ الميناء نبغى نمشي ونشم هواء نقي وبعد اليوم المتعب رجعنا للمنتجع وكملنا السهرة هناك واستعداد لمغادرة لنكاوي في اليوم الثاني وكنا محظوظين بتشغيل شركة الطيران لطائرة تشبه الشراعيه صورتها لكم تحت

لنكاوي بشكل عام ممتازة وجنة الله في الارض واجواءها حلوة سواء للعائلة او العرسان وانت اللي تحدد المدة حسب احساسك بالتعب او كثرة التنقلات بالنسبة لك .. احنا تقريبا ناسبنا لان الحمدالله نحب الحركة ومانحب نريّح كثير بس بشكل معتدل يعني ممكن تزود يوم عشان تقضيه في المنتجع لان فيه فعاليات ومسابح ومناظر وجلسات عالبحر برضو ماهي شينة :e04c:

حديقة التماسيح
Crocodile Adventureland Langkawi

https://h.top4top.io/p_2333yl8vu0.jpeg

https://i.top4top.io/p_2333m84561.jpeg

https://j.top4top.io/p_2333hmc0t2.jpeg

https://k.top4top.io/p_23332bi8c3.jpeg

https://l.top4top.io/p_2333776qn4.jpeg

حديقة الحيوان
Langkawi Wildlife Park

https://a.top4top.io/p_2333czkmv5.jpeg

https://b.top4top.io/p_2333tkk6v6.jpeg

https://d.top4top.io/p_23330uzlt8.jpeg

بعدها ذهبنا الى مطعم اطلنتس المطل على المزرعة ومحل بيع الشكولاتة القريب منه

https://k.top4top.io/p_2333dgn1k0.jpeg

https://l.top4top.io/p_2333uj55l1.jpeg

https://a.top4top.io/p_23339m9ai2.jpeg

https://b.top4top.io/p_2333jzt2h3.jpeg

https://b.top4top.io/p_23339k1xe2.jpeg

https://d.top4top.io/p_2333lyvi75.jpeg

هلا وغلا اختي زهرة بالنسبة للبطاقة العادية اللي اسمها مدى تبع البنوك السعودية انا بالنسبة لي البنك السعودي الفرنسي ممتاز جدا واذا احد من الاخوان عنده خبرة افضل ممكن يفيدنا بس اهم شي مرسوم عليها صورة فيزا عشان تتحول فيزا برى وتصير سهله الاستخدام اكثر
اسعدني مرورك شكرا

اسعدني مرورك ياسميّ وابشر ان شاء الله
لاتحاتون ابد الرحلة سهله والسواقين هناك يقومون باللازم توكل على الله وروح ابد سهالات 😂

رحلة سعيدة اخ فهد
مستمتعين بما تقدمه وبانتظار تفاصيل جميلة جديدة

مشاء الله رحله جميله عليكم بالعافيه بإذن الله السنه البليه الصيف بحجزها اول مره بس شنو الأفضل شهر ٧ ولا ٨ احنا سفرتنا تايلند تقريبا ٤ مرات ف قلنا نغير شوي انا وزوجي وعيالي ٤ كم عدد الايام غير يوم السفره وارجعه للكويت وأفضل الأماكن للعيال والتسويق مابي تنقلات وايد يعني مثلا سيلانجور _ كوالمبور _ جنتنغ لانه متعب

ماشاءالله التغطية جدا جميلة

السلام عليكم جميعا واعتذر منكم عالتاخير لظروف خارجة عن الارادة واشكر كل من سال وارسل عالخاص مشكورين وان شاء الله بقية التقرير تكون نافعة بأذن الله

نبدا بسم الله

جزيرة بيننق 4 ليالي ( خمس ايام)
فندق Lexis Suites Penang

بعد ماوصلنا مطار بيننق .. السواق اللي حاجزينه من بوكينق كان في الموعد واخذناه ورحنا للفندق … بصراحة الفندق من اول ماتدخله يزعلك شوي من حيث الجودة تحس انه فندق عادي .. تسجيل الدخول طوّل كثير ومعانا ضيوف كثير ينتظرون .. وبعد ساعة ونص انتظار جانا الفرج ورحنا الغرفة وبصراحة كانت تجنن

اليوم الاول: وصلنا الفندق الساعه 3 العصر … موقع الفندق جنوب بيننق وبعيد عن الاماكن السياحية لكن بالنسبة لي كانت مقصودة عشان التمشية والمشوار ماياخذ نص ساعه بس تتفرج عالبلد وكذلك الفندق يجنن ويستاهل خصوصا العائلة … بعد ماوصلنا رتبنا اغراضنا واسترخينا بعد تعب الرحلة وكان في الغرفة مسبح خاص مطل على المحيط والجبل وفيه كمية سعادة مو طبيعية وحبوا الاطفال يسبحون 😂😂😂 صراحة انا طبيت اول واحد مو الاطفال 😂😂😂😂😂 وفعلا هذا لحاله يستاهل يوم ماتطلع بس تسترخي وتشوف الاطلالات مع شوية سناكس وكفي وبعد كذا اذن المغرب وقلنا اول يوم نروح مجمع كوينسابي نتمشى ونتعشى فيه وهذا كان اليوم الاول في بيننق

https://g.top4top.io/p_2423cw6do0.jpeg

https://h.top4top.io/p_2423jjldv1.jpeg

https://i.top4top.io/p_2423eurxn2.jpeg

https://j.top4top.io/p_2423jtbm73.jpeg

https://k.top4top.io/p_24239s1r64.jpeg

https://l.top4top.io/p_24233u1cp5.jpeg

https://a.top4top.io/p_2423t4jio6.jpeg

https://b.top4top.io/p_2423ohpcr7.jpeg

السلام عليكم جميعا
نستكمل التقرير واليوم الثاني في جزيرة العشق بيننق
للمعلومية هذا الفندق يعيبه مطعم خدمة الغرف .. فيهم كسل وتأخير ويجيب لك الطلب ناقص والسبب ان توقيت رحلتنا بعد فتح البلد للسياح وكان عدد الموظفين قليل وكان فيه حجز مسبق للفطور يعني لازم قبلها بليلة تدخل رابط له كود في الغرفة وتحجز للفطور اليوم الثاني … صحينا الصبح واستعدينا لليوم بطاقة ايجابية وكوب قهوة ونزلنا للفطور في لوبي الفندق يعبر حلو بصراحة .. وبعدها اخذنا السواق وانطلقنا للجولة السياحية .. المنطقة اسمها جورج تاون
اول مكان ذهبنا البيت المقلوب Upside Down House .. مكان ممتع صراحة خصوصا للاطفال والتقطنا صور كثيرة … اسعار التذاكر تقريبا 30 رنجت للبالغين و 20 رنجت للاطفال ومجانا الى 2 سنوات

https://f.top4top.io/p_2423ef1nh0.jpeg

https://g.top4top.io/p_2423w9hh21.jpeg

https://h.top4top.io/p_2423a5zs82.jpeg

بعد البيت المقلوب ذهبنا الى بيت العجائب وهو عبارة عن غرف تزورها فيها خدع بصرية وتلتقط فيها صور وللاسرة ممتعه جدا لاتفوتونها واسعارها مثل البيت المقلوب وفيها كوفي الثلج عبارة عن مكان بارد يقدمون فيه اشكال والوان من الايسكريم والفواكه وسعره رخيص جدا تقريبا الواحد 25 رينجت ويكفي 3 احنا طلبنا لكل شخص كوب وتوهقنا 😂😂

https://b.top4top.io/p_24232cn2x0.jpeg

https://c.top4top.io/p_2423ws0hj1.jpeg

https://d.top4top.io/p_2423spoqs2.jpeg

https://e.top4top.io/p_2423wb1qt3.jpeg

https://g.top4top.io/p_24237sx584.jpeg

https://i.top4top.io/p_24232voew5.jpeg

بعد كذا ذهبنا الى بيت الاشباح في نفس المنطقة واضع لكم بعض الصور .. انا العيال عندي ماخافوا واتوقع ماهو مخيف مرة فعادي تاخذون اطفالكم مافيها رعب

https://b.top4top.io/p_2423hykcq0.jpeg

https://c.top4top.io/p_2423859ct1.jpeg

https://d.top4top.io/p_2423ufvs12.jpeg

https://e.top4top.io/p_2423ndl4y3.jpeg

بعد كذا ذهبنا لمتجر العسل ويتميز العسل الماليزي بسيولة عاليه وطعم حامض وفيه انواع كثيرة يخلطونها مع زنجبيل وفواكه ونكهات كثيرة واسعارها من 45 رينجت للعبوات الصغيرة الى 120 رنجت للعبوات الكبيرة بس اهم شي للشحن انه يلزق راس العلبة ويحطها بكرتون عشان لاتنفتح بضغط الطيارة

https://j.top4top.io/p_2423oey2e0.jpeg

https://l.top4top.io/p_2423m4h8z1.jpeg

بعد العسل رحنا هضبة بيننق وحظينا بتجربة ركوب القطار الجبلي للوصل لأعلى التلة حيث يقوم بجولة كل نصف ساعة ستحبون هذه التجربة كثيراً. تغدينا في الهضبة فاست فود وفيه مسجد فالهضبة وانشطة كثيرة تحتاج 4-6 ساعات والجو معتدل جدا فالهضبة سعر التذكرة للشخص تقريبا 40 رنجت

https://j.top4top.io/p_242394le10.jpeg

https://k.top4top.io/p_2423o95jy1.jpeg

https://l.top4top.io/p_2423uu24i2.jpeg

https://a.top4top.io/p_2423f73ed3.jpeg

https://b.top4top.io/p_2423arqzx4.jpeg

بعد يوم متعب وجميل ومليئ بالسعادة ذهبنا للفندق للراحة والاسترخاء في المسبح الخاص قبل النومة 🌺🌺🌺تصبحون على الف خير .. محد رد علي … الجماعه ناموا قبلي 🥹 عوافي

ماشاءالله رحله مرتبه
ماليزيا العشق لاتمل

الحمد لله ع السلامة أخوي ،،

ماشاء الله تبارك تفاصيل مميزة للرحلة ،،،

ودائماً نذكر بأن الزيارة الأولى لماليزيا الأفضل هو ( المسار الذهبي )

سيلانجور ،، لنكاوي ،، بينانق ،، كوالا

القرية الشرقية ( معلم جميل ) في لنكاوي ،، تمنيت لو أعطيته وقتاً ،،

في بينانق ،، دائماً يُفضل السكن في شاطئ الباتو فرنجي ،،

حيث الفعاليات وكونها القلب النابض سياحياً ،،

مستمتع كثيييييراً برفقتك يامهندس ،،