|
تجربتي الثانية في ماليزيا السلام عليكم من باب رد الجميل لهذا المنتدى والباحثين عن المعلومه باسرد بشكل مختصر رايي وتجربتي رحلتي كانت شهر عسل ، 4 ليالي لنكاوي ، 4 ليالي كوالا ، و 4 ليالي دبي وقت الرحله في شهر ابريل الفائت ، الجو للاسف حار ورطب خاصة بلنكاوي جدا رطب الرحله كانت على الخطوط الاماراتيه بحكم انها الارخص سعرا وقتها ، لكن لو يعود لي الخيار راح اختار السعودية لان الخدمه فيها برايي افضل بكثير. الترانزيت كان مهلك ومتعب لاننا اخذناه خط واحد ، جدة الى دبي ترانزيت ثم الى كوالالمبور وبعدها مباشره الى لنكاوي على الخطوط الماليزيه طبعا اختيار الخطوط الماليزيه لانها بنفس مبنى المسافرين في المطار وما يحتاج الى انني اغير في المبنى زي الخطوط الاخرى للرحلة الداخليه اللي تغير ان القطار في مطار كوالا ما كان شغال وفي صيانه ، وهذا اخذ وقت اطول في الوصول والمشي تقريبا ربع ساعه الى 20 دقيقه، فاللي عنده رحله مواصله ينتبه لهالشي مجرد الوصول الى لنكاوي تاخد تاكسي المطار او تطبيق جراب وتبتعد عن اللي يعرضو عليك توصيل ، عشان من ناحية السلامه فندق لنكاوي كان بيلانجي بيتش ريسورت المنتجع على الشاطئ مباشرة الميزه فيه انه قريب من شاطئ شينانج الجميل والخدمات اللي فيه لكن لكن ،، رايي ان السلبيه في لنكاوي عموما ، الحشرات وبالذات الوزغ ، طبعا مجرد وصولنا لغرفتنا واللي هي ع نظام شبيه بالاكواخ نوعا ما ، كان باستقبالنا وزغه جميله بالغرفه ، فاضطرينا نغير الغرفه لان النفسيه انسدت الافضل تاخد غرفه بفندق مطل عالبحر وقريب من شينانج بيتش زي مثلا فندق الوفت اعتقد او غيره في المنطقه حسب ميزانيتك كل ما بعدت عن الشاطئ مباشرة ، قلت احتمالية الحشرات بالنسبة لمحلات الصرف موجود بنك في شينانج مول اكبر سلبيه واجهتني وهي المطاعم ، كان الاكل متعب خاصة للي بطنهم حساسه وتتعب بسرعه مثل حالاتي للاسف المطاعم العربيه اللي جربتها كانت تجربتي سيئة ، قد يكون هناك شي جيد وما طحت عليه التنقلات عن طريق جراب ، رائع وبطل الاماكن في لنكاوي كما هي معتاده ومعروفه فما في داعي اذكرها في كوالالمبور ، رحنا لمول جديد لالابورت ، كان جيد نوعا ما ، لكن اعتقد بالليل بيكون اجمل السكن في المنطقه الرائعه كي ال سي سي قريب من البرجين اختيارنا كان فندق اسكوت ستار ، نظيف وانيق وهادئ ما حذكر الاماكن عشان التكرار في التقارير الاخرى لكن تجربتي في ذهابي الى جنتنج رحت من كوالالمبور الى جنتنج بالصباح بدري عن طريق جراب ، كلفني 90 رنجت طبعا هالسعر مقارنة باني اخد سواق خاص ارخص بكثير ، لان الكل كان يطلب 450 او 500 رنجت قعدنا هنا من 10 وشوي الى 6 العصر ورجعنا بالباص ب 20 رنجت للشخصين رايي ، ان المره الجايه جنتنج تستحق الاقامه للاسترخاء والمبيت حق يومين للاستجمام الجو فيها معتدل الى بارد نوعا ما مع مناظر الغيوم والضباب والمطر ، كان جدااا رائع وتعتبر بديل اعتقد للي ما يقدر يروح كاميرون هايلاند يوم الثلاثاء تقفل الالعاب الخارجيه في جنتنج ، واعتقد كمان الثلاثاء اجازه في صن واي لاجون فتنتبهو منها حجز تذاكر الصن واي لاكون ارخص من تطبيقات النت لا تنسو تجربو ناندوز بماليزيا ، ارخص واجمل واي استفسار نحن بالخدمه .. |
حبينا الحمد لله على سلامتكم إن شاء الله سفري بعد شهر تقريبا وحجزي منتجع بيلانجي :24: والله خوفتني والمشكلة معي الاولاد طيب كم ليله جلست فيه ، وبعد ما غيرت الغرفة شفت شي تاني ولا الامور مشت تمام ؟ وهل الغرفة كانت مطلة على الحديقة ؟ ياريت تعطينا الايجابيات مطعم ناندوز فين مكانة ؟ ألف شكر على التقرير الله يعطيك العافية |
تقرير مختصر بتفاصيل مهمة نشكرك عليها وما تقصر دايم بالرد على الاستفسارات :e032: |
أكثر ناس يشتكوا من الأكل أو ياخاف يسافر لأي بلد بسبب الأكل نحن العرب . بالرغم أني ماشفت هذا الشي من الأجانب بل يعتبروها جزء مهم من تجربة السفر . من تجربتي للسفر لماليزيا ما أذكر كان الأكل غير جيد بل أذكر أني جربت أكلت من مطاعم كانت وجباتها جدا لذيذة وماتتنسي. |
اقتباس:
هذا المنتجع بيلانجي بالذات أقمت فيه مرتين ، فقط شاهدت دودة كبيرة أخذتها ورميتها في الخارج ، خلاف هذا الأمر لم أرى إلا كل خير من هذا المنتجع ، وبطبيعة الحال ما دمت في أماكن فيها أشجار وغابات فمن الطبيعي أن تشهد الوزغ ، أما بالنسبة للطعام فالأكل العربي أصبح منتشر في ماليزيا بشكل لا بأس به ، وحتى طعام أهل ماليزيا بالنسبة لذيذ إلا أنه حاااار . شكرا لكم على تجربتكم ونقلها لنا |
جزاك الله خير على معلوماتك ممكن توضح نقطة حجز تذاكر الصن وي لاقون انا حاجز بنفس الفندق وموقعهم مرتفعه الأسعار والتيك توك لقيت ارخص بس ما اضمنهم |
شكرا |
اقتباس:
|
وجهة نظر نحترمها ولكن اذا رحت جزيرة فأكيد بشوف حشرات شي طبيعي الاكل في ماليزيا من افضل الدول الاسيوية من ناحية الاكل والانظف بعد سنغافورة الجو في اسيا عموما رطب الي يبحث عن الجو البار في دول افضل، اسيا انا اشوفها للمنتجعات والاسترخاء اكثر من شي ثاني أوربا للتمشي والتسوق امريكا كل شيء وتحياتي |
| الساعة الآن 09:29 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO