|
استفسار عن فنادق شرم ،، مساعدتكم السلام عليكم ،، يعطيكم ربي العافية ، مثل م خدمتوني منقبل ودي تفزعون لي ولكم الشكر مسبقاً ابي ترشحون لي افضل فندق ب شرم (طبعاً الافضل =الانظف ؛ الموقع ؛ الخدمات وقربها من الفندق؛ القرب من البحر ) بانتظاركم ربي يسعدكم |
وعليكم السلام ورحمة الله وبركاتة أقترح عليك فندق ماريوت البحر مواجه للبحر ونظيف والبوفيه الإفطار حقهم حلو وقريب من خليج نعمه Sharm El Sheikh Marriott Resort |
إختيار ابوناصر جميل وأنتبه في إثنين ماريوت تأكد من الأسم |
ايضا تروبيتال نعمه باي و هلنان مارينا حلوه ولها شواطي خاصه وقريبه من المقاهي والمطاعم كموقع افضل من الماريوت رحلة موفقة |
الله يعطيكم العافية بس سمعت ان شرم فيها منطقتين اعتقد سوهو ومنطقة نعمه وكاني قرات الافضل والاروق منطقة سوهو؟ صح هالكلام لاني فهمت ان فندق ماريوت البحر في منطقة نعمه ؟!! نوروني الله ينور دروبكم |
وبسالكم بعد فيه خطوط غير السعودية تودي دايركت من المدينة لشرم الشيخ ؟! |
فيه خطوط فلاي اتوقع لازم ترانزيت لجده الى مطار القاهر شرم الشيخ مدري |
اقتباس:
|
الا فيه ترى رمز شرم الشيخ SSH سويت الحين بحث بقوقل مدتها ثلاث ساعات مهوب شرط ثلاث ساعات فارق التوقيت مصر بعدنا بساعه اقدر اقول ساعتين شبه متكد |
دايركت من اي منطقة ف المملكة عزيزي منصور |
اتمنا اخواني المشرفين من (بدر والغردقاوي ومباركي) ينوروني ويفزعون لاخوهم |
اقتباس:
من المدينة المنورة سعرها 1200 تقريباً الى شرم مكاتب حجز الطيران نظامهم مدري كيف الاماراتيه 1450 الدمام القاهره بعد المكاسر 1350 حاولت 1300 رفض العربيه 1100 الحجز عبر النت أرخص بكثير |
اقتباس:
مناطق شرم السياحية كثير ولكن الافضل من ناحية الحياة والحركة و الفعاليات نعمة منطقة سوهو الفنادق تعتبر افخم واغلى والحركة والحياة اقل من نعمة بكثير بالنسبة للماريوت صحيح هو بمنطقة نعمة . اذا محتار وين تسكن وفترتك 5 ايام واكثر وزعها على المنطقتين وعيش التجربة بنفسك 3 ايام بنعمة و يومين بسوهو |
اقتباس:
انا افكر ست ايام ؟ كثير ع شرم او مناسبه الهدف من الطلعه استجمام واسترخاء واكيد بعض الانشطة كسراً للملل والطفش كم المسافة بين سوهو ونعمة ؟ وكم يكفيني من ريال سعودي لليوم الواحد ف الشرم (اكل معيشة مواصلات ) اسف ع كثرة الاسئلة وشكراً |
اقتباس:
والا المدينة المنورة القاهرة على الخطوط السعودية ومن القاهرة على شرم |
اقتباس:
ست ايام مناسبة جدا تقدر تتعرف على شرم حته حته بالسيارة او الباص حدود 10 او 15دقيقة على حسب الفعاليات ماتقدر تحدد رقم ثابت الا اذا حاب تحط لنفسك بمبلغ يومي ما تتجاوزه . اشوف 300 ريال قد تكون مناسبة للشخص المواصلات ليست غالية مرة الا من المطار للفندق بعد كذا المشارير تكون محدودة . مثلا من خليج نعمة للسوق القديم تاكسي من 15 الى 20 جنية والمكروباص اقل من 5 جنية ومن خليج نعمة الى الف ليلة وليلة تاكسي بحدود 25 الى 35 جنية والمكروباص بحدود 5 جنية . نحن بالخدمة عريسها رحلة موفقة وسعيدة |
الله يعطيك العافية مشرفنا مباركي طيب يعني لا زلت تنصحني بتقسيم الايام؟ ٣ سوهو ٣ خليج نعمه او لا ورشح لي فندق لكل منطقه اذا كان تنصحني بالمنطقتين معدل ٣٠٠ تكفي شخصين اكل وتنقلات ف اليوم بمعنا تزيد بعض الايام وبعض الايام تنقص عن ثلاث ميه تحيااااتي |
أرشح لك تروبيتال نعمة باي في قلب خليج نعمة فيه 4 مسابح وألعاب مائية 3 زلاجات وشاطئ خاص. كما يوفر سبا ومركز اللياقة البدنية و الغرف ديكوراتها عصرية ومساحتها واسعة . وممكن تحجز بالإفطار فقط أو شامل وجبتين أو 3 وجبات . وعندهم عرض جيد على البوكنغ كوم Booking.com: ظپظ†ط¯ظ‚ طھط±ظˆط¨ظٹطھظ„ ظ†ط¹ظ…ط© ط¨ط§ظٹ - ط´ط±ظ… ط§ظ„ط´ظٹط®, ظ…طµط± في منطقة سوهو أنصحك وبقوة بفندق سيرا . منتجع جميل جداً وفيه 7 حمامات للسباحة ومركز للرياضات المائية يوفر مرافق للتزلج الهوائي وركوب الأمواج الشراعي والتزلج المائي و نشاطات عديدة أخرى للنزلاء . يفتح على ساحة السوهو . يمكنوا النزلاء من تخفيض قيمته 20% على استهلاكهم في مقاهي ومطاعم السوهو .كما أن الإستهلاك في كوفي CHINO بساحة سوهو بدون رسوم للمقيمن بفندق سييرا تتوفر لديهم خدمة نقل المطار المكوكية المجانية (لا بد من الحجز المسبق) . الإقامة فيه بنظام الشامل كلياً ALL INCLUDED (سكن + 3 وجبات رئيسية + سناك العصر + مشروبات مجانية طول اليوم ) والطعام متنوع لوجود عدة مطاعم توفر أكثر من خيار للنزلاء . وعندهم عرض جيد على البوكنغ كوم Booking.com: ظ…ظ†طھط¬ط¹ط§طھ ط³ظٹظٹط±ط§ ط´ط±ظ… ط§ظ„ط´ظٹط® - ط´ط±ظ… ط§ظ„ط´ظٹط®, ظ…طµط± |
اقتباس:
بالنسبة لتقسيم الايام شوف اللي يناسبك وترتاح له وافضل 4 ايام بخليج نعمة فندق تروبيتال ومنها تقدر تزور الف ليلة وليلة و السوق القديم واذا حاب تتسوق ميركاتو مول كلها قريبة من منطقة نعمة . واليومين بفندق سييرا بمنطقة سوهو تخليها راحه واستجمام وتمشية بسوهو ومشاهدة النافورة الراقصة و كمان المطار قريب وايضا دولفينا بارك . اما بالنسبة 300 ريال اكل وتنقلات تكفي وتزيد ولكن اذا حبيت تزور بعض الفعاليات والانشطة تحتاج زيادة لانها غالية شوي زي الف ليلة وليلة الشخص 190 جنية للعرضين . بالريال 90 تقريبا وبعض الايام ممكن ما تصرف ولا ريال مثل ايام الاستجمام بسوهو الفندق شامل كليا . قد تكون كافيه بس خلي معك مبلغ بسيط احتياطاً |
| الساعة الآن 12:40 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO