![]() |
استفسار السفر الى مصر السلام عليكم مسافر ان شاء الله الى مصر القاهره بعد اسبوعين لمدة 5ايام استفساراتي عن الوضع في مصر الاسعار المصاريف حلال فترت اقامتي هل استخدم شريحه انترنت من مصر ماهي افضل شركة اتصالات وهل يوجد بالمطار كيف وضع التنقلات تاكسي او افضل كريم واوبر هل بطاقات الصراف استطيع السحب من مصر اذا ممكن تفيدوني ونصائح ومعلومات وتحياتي |
اليوم 5 يوليو الف ريال سعودي تعمل 4400 جنيه مصري نازل كثير عن قبل شهرين شركات اتصالات كلها زي بعض لكن فودافون واتصالات تقدر تشحن رصيد من تطبيقها بفيزتك السعوديه وانت في شقتك وفي اي وقت وبخصوص الاسعار جوابه صعب.. كل حسب صرفه لكن بشكل عام هي نصف اسعار السعوديه في الاكل والمقاهي ومواصلات استخدم اوبر وبلاش من التاكسي واذا اضظريت لاتركب الا وانت متفق معه مهما قال ماراح نختلف وان تيسر لك سواق يوم كامل 100 ريال سعودي افضل لك وتتعلم منه بحكم اول زياره لك بطاقات الصراف تشتغل ولا انصح فيها 35 ريال عن كل عملية سحب وسعر الصرف اغلى من الواقع وصرافاتهم تعبانه ممكن تخصم من رصيدك وما ينزل فلوس انصحك بصرافات بنك مصر والمتحد او القاهره لو اضطررت طلبك معلومات لازم تقول وين سكنك عشان نساعدك اكثر في الاماكن اللي حولك ونبدا نقيس الاماكن اللي تستحق الزياره هذا الموقع مفيد ان ماكنت حددت سكنك موقع رائع في السكن وممتاز وايضا يشمل فعاليات لو حبيت رحلات او سياحه او غيره من الانشطه وكله موضح بالسعر والدفع عن طريق الموقع ما تدفع اي شي في يد مضيفك نهائي https://ar.airbnb.com/a/Egypt--Cairo...d-116858216486 واخيرا الشعب المصري شعب لطيف ومسالم جدا ومحب للاجانب و لا تتكلم معه في سياسه او غلاء معيشه ولاتقيس على من راح تقابله في اماكن السياحه هؤلاء يختلفون عنهم |
مشكور ويعطيك العافيه على الافاده بالنسبه لسكن في 6اكتوبر بالنسبه ايضا انا افضل الكاش هل احول العمله من هنا او من مطار القاهر ه ولو حولت قبل ماسافر هل هناك حد مبلغ معين الدخول فيه للمطار |
اقتباس:
الكاش تحول في مصر في المطار اول ما تدخل فيه شبابيك التغير قدامك قبل تحتاج اي شي ومافي مشكله لو شلت معك الف او عشرة الالف ريال او جنيه لكن المبالغ الكبيرة مره تفصح عنها اكتوبر ما اعرف فيها شي عدا المشهور من المولات حاول تلف على مواضيع المنتدى راح تستفيد عن كل الاماكن اللي ينصح بزيارتها |
الساعة الآن 07:50 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO