|
متخوف من مصر السلام عليكم ورحمة الله وبركاته مساكم الله بالخير يا اخوان لي فترة ودي أروح مصر وأشوفها لكن ما أدري عنها والصورة اللي عندي لها للأسف سيئة جدًّا وما أتكلم عن الشعب الكريم اللطيف اللي كلهم على راسي ولكن كلامي عن البنية التحتية للبلد ونظافة شوارعها وسرعة النت فيها والأمن وما إلى ذلك، وللأسف قبل كم سنة واحد من الربع سافر لها وتجربته كانت سيئة. وودي اقرأ أراءكم وأعرف أكثر عن هذا البلد الطيب |
وعليكم السلام عشان تستمتع بمصر لابد تشيل السلبيات من راسك لا شك أنك راح تواجه الكثير منها خلال رحلتك كمثال لم يعجبني أصوات البواري المزعجة ومحاولات الاستغفال وعدم النظافة في كثير من المطاعم الشعبية كذلك التسول منتشر للأسف الحلول اللي استعملتها: 1- البس سماعات واشغل اللي يعجبني 2-استعمل الفيزا للدفع لأوبر ومدى للمطاعم 3- تجنبت الأكل في المطاعم الشعبية 4- لا أتكلم مع أي متسول البلد جميل بأهله وما تراه من سلبيات شواذ بصراحة لكن الأغلب يصدر حكمه بناء عليها |
وعليكم السلام ورحمة الله وبركاته اتفق مع ابو غسان في كل كلمه |
بما انك طلبت النصيحه البلد بشكل عام ( آآآآآمنه جدا ) اهم شي بما انك ماتعرف البلد ... لاتسكن الا بفندق ولا تركب الا مع اوبر ... ولاتاكل الا في مطعم ممتاز واستخدم قوقل ماب وتشوف التقييمات ولاتأكل لحم ابدا ( ههههههه) دجاج او سمك / طول بالك .. الامور سهالات .. ولاتعاملت مع احد تكه بالشروط قبل .. ولاتعطيه فرصه ابد .. / ابتعد عن ( حزبطك ) ذا .. انت ضبط نفسك تركب مع تكسي يقولك عندي شقه وجميله و و و والاخر يقولك : ( اااه عاوز تروح شرم .. دنا حزبطك مع واحد صاحبي ساكن هناك و و و ) لاتعطي احد فرصه ياخذ قروشك انت ضبط نفسك .. لك راس وعيون .. احجز بنفسك طيران واحجز من بوكنج فندق وخلك (ذيب امعط ) :::: للانصاف ولله ثم للتاريخ .. بعيدا عن عالم السياحه الاهالي هناك ( المصريين ) طيبون جدا وشعب لطيف واكارم .. الشهاده لله . / من الان اقولك تبي تروح وتبي تتوب عن الروحه مره ثانيه :17: |
بعيدا عن السلبيات ( عشان نتوازن ) لاتفوت التمشيه عند الاهرامات فهي من معالم العالم رحله في النيل بالمركب وبيشغلك اغنيه مزعجه تحمل هههههه / وخصص لك يومين او ثلاثه تطلع للاسكندريه على القطار تجربه جميله ..وتكون شفت الاسكندرية وصرت اسكندراني / المقاهي في المساء جميله / ساحه الحسين مكان لتأمل البشر وحركتهم وملامح الغرباء :e03e: |
راجع تقريري عن رحلتي الشهر الماضي وكانت مره ممتازه وموفقه ولله الحمد |
جزلكم الله الخير جميعاً يا إخوان ومشاركاتكم نافعة جدًّا |
الآراء والاذواق تختلف ولكن البنية التحتية والشوارع انظر للجانب الإيجابي زرتها 2020م وزرتها قبل أيام العمل على الشوارع الكباري والطرق شغال حتى القطار الكهربائي المعلق مثل مانوريال كوالالمبور شغالين على تنفيذه |
| الساعة الآن 07:13 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO