|
رحلتي الاخيرة الى القاهرة نوفمبر ديسمبر 2023 بسم الله الرحمن الرحيم مدة الرحلة اكثر من شهر ودايم انزل القاهرة فترات طويلة مرة وحدة في السنة كانت اخر عودة وزيارة لي في القاهرة اواخر دبسمبر 2022 كان الاقلاع مطار الملك عبدالعزيز جدة طيران اديل تاريخ 4 نوفمبر سعر التذكرة 650 ريال وكاس الشاهي في الطيارة بسعر 11 ريال:24: الوصول الصالة 2 وكانت زحمة جدا خاصة قدام شباك الفيزا والصرف وللاسف كان واحد شغال بسبب تغيير الشفت وصول الشنط كان سريع سعر الصرف الف ريال 6450 جنيه ولازم جوازك معك لايصرف الا بجواز للاجانب او اثبات بطاقة للمصريين وبالنسبة للدولار كنت اعطيه السواق ويجيب لي 3000 مقابل مية دولار ماحبيت اكلم سواقي اللي اعرفه عشان ما يسكني عنده لاني بسكن بمعرفتي وبسعر ارخص استقبلني سواق ثاني ب 350 جنيه من المطار الى الهرم اول مرة اتعرف عليه كان كبير سن ومحترم ودايم احب اتعامل مع كبار السن خمسينات ستينات في العمر سيارته نظيفة كيا 2016 وبعدين اتفقت معه اليوم 550 جنيه السكن كان شقة في عمارة عواىل بالشهر عشرة الالف جنيه 1600 ريال تقريبا في منطقة فيصل واهم شي كان فيها نت ديسل 140 جيجا بفاتورة شهرية 20 ريال سعودي اسدد عن طريق تطبيق شركة وي:(127): ريحني من معاناة الانترنت سددت فاتورة كهربا شهر 145 جنيه وتحملت فاتورة اللي قبلي بسعر 360 جنيه معدل اسعار الشقق المفروشة في المهندسن ثلاث غرف 1600 جنيه في اليوم مع الشغالة بس تحاسب عن الكهرباء كرت واقلها مية جنيه بدون مكيفات نسبة الامان كانك في دولة خليجية وراح اتكلم عن النقطة ذي ان شاء الله كان الجو حار حتى اقبل ديسمبر زرت الحسين يوم جمعة وللاسف ماصدقت اهرب منه :56: بسبب الزحمة من التعديلات اللي فيه اغلاق الشوارع وازالة الحديقة ومن ثم اغلاقها بسياج ومالك الا مدخل واحد فقط بالنسبة للاسعار فيه زيادة بس ماتفرق معك كخليجي عن الاعوام السابقة لو حسبتها بعملتك مثلا اخذت وجبة كنتاكي اربع قطع في 2022 بسعر 85 جنيه 20 ريال سعودي والسنة ذي اخته بسعر 139 جنيه وايضا 20 ريال سعودي وقس على كذا كل المطاعم لايوجد اي زيادة في اسعار الاتصالات ولا الفواكهة تقريبا بالنسبة للمطاعم اذا حبيت انا مندي او رز بشكل عام مطاعم اليمنيين مثل دار اليمن او ليالي العرب بحكم قربها من سكني نفر المندي 130 جنيه ونص دجاجة 75 جنيه مشويات رحت كذا مطعم المنوفي و جمال شلقامي في الجيزة ابو اشرف قريب من الجيارة وكبابجي ابو ابراهيم في بولاق ابو العلا وصبحي الكبابجي في جسر السويس وكلهم مميزين الافضل شلقامي وصبحي بس صبحي اغلى منهم تقريبا بالنص الحمامة عنده 112 جنيه بينما الباقي على 75 جنيه ثلث كيلو مشكل 135 جنيه المعدل التقريبي لاسعارهم كلهم الاسماك طحت على مطعم جنب صبحي كابر اسمه عالم اسماك البحار كانت تجربة روعة اسعار معقولة وشغل تمام واذا حبيت كبدة قعدان رحت كرداسة مطعم عبلة وشغل ممتاز كبدة قعود طازة مافي شك بسعر 60 جنيه الربع بالنسبة للامان ماشاء الله جدا عالي وظاهرة الشباب اللي كانوا يوقفون في الشوارع اخر الليل اختفت تماما المضاربات اللي كانت تحصل قدامك في كل مكان شبه معدومة المضايقات اللي كنت تشوفها في جامعة الدول او الحسين او اماكن السياحة من المتطفلين انتهت تماما وان كان جامعة الدول لم يعد ك السابق بسبب توقفه عشان خط المترو استخدمت الفيزا في المطار لان ماكان معي فلوس مصرية ومن المواقف في السوق الحرة حسابي 38 دولار فجاة جتني رسال الرصيد لا يكفي استغربت وحاسبت بالدولار اللي معي كاش (ما يقبلون جنيه ) لما طالعت الرسالة زين لقيت ابو الشباب كاتب 83 دولار:(57): انا انسان ما اقدر اعيش بدون عود بخور ونسيته في الفندق وانا طالع مطار جدة اتفقت مع تاجر يرسل لي اوقية بسعر شحن 120 ريال عن طريقDHL وانصدمت طلع جمارك 340 ريال رغم انه مكتوب قيمة الشحنة 190 ريال عبارة عن هدية فانتبه من الموضوع في حال استقبال سلع في مصر استخدمت اوبر كذا مرة وكان سعر بسيط جدا مقارنة بالمشوار منها الى المطار حول اربعين كيلو ب 20 ريال العودة الى جدة كانت على اديل بسعر 580 ريال سعودي انصح باستخدام تطبيقات الطيران فيه فرق وتخدمك في حالة السفر السريع |
الله يعطيك العافيه على التقرير الزيادة في كل دول العالم بس الحلو في دول مثل مصر وغيرها ما نحس فيها مثل ما قلت |
ألف شكر أخي المحترم على التقرير المفيد. لاحظت ارتفاع سعر الجمارك بشكل كبير والأفضل عدم طلب شحنات إلا للضرورة القصوى. جميل أن المضايقات اختفت من منطقة المهندسين وبإذن الله تختفي هذه الظاهرة المزعجة من جميع الأماكن بشكل تام. بارك الله فيك |
حياك الله وحى ماجبتة تقرير بريحة البخور والعود الكبودي يفوح منة ريحة خبرة في السفر لمصر الحبيبة فعلا الحسين صار مزدحم فوق الطاقة وكثر فية الشحاتة والمضايقات |
كنت في القاهره بشهر ديسمبر فعلا حسيت بزيادة الاسعار لكن لما نحسب سعر الصرف بالدينار الكويتي مافي فرق وايد اخذنا سواق وسيارته باليوم الف جنيه سعرك ممتاز 550 جنيه سددت فاتورة كهربا شهر 145 جنيه وتحملت فاتورة اللي قبلي بسعر 360 جنيه شي ينرفز بصراحه ليش تدفع فاتورة اللي قبلك:8: |
سبحان الله مصر لادخلتها ( تبهت الفلوس عندك شوي) يعني اي شي ( يقفل معك ) تقفزه وتدفع وتمشي الامور ... فاتورة اللي قبلك بـ أقل من 60 ريال سعودي .. ادفع ومش الامور .. وسهالات .. كل المبالغ في مصر تظل في ( نظرنا ونسبه الى دخلنا) سهله ... |
الله يعطيك العافيه ماتحدثت عن شريحة الجوال ليش ما أصرفت من السعودية ليش ماكان معاك كاش وانت طالع من هنا |
اقتباس:
|
جزاك الله خير لذكر تجربتك ان شاءالله يستفيدون مسافري مصر |
اقتباس:
دفعت الفاتورة لان لي فيها ايام محسوبة علي وفي نفس الوقت هو نبهني قال ترى تتحمل الفاتورة الجاية قلت مافي مشكلة خلني اسكن تراها واصلة:4: |
اقتباس:
بصراحة رحلة متوسطة ما طلعت فيها كثير كل الاماكن اللي اعرفها منبوشة نبش كلها اصلاحات ومنها الحسين ما كملت فيه الا طريق العودة ..غير صالح للزيارة ابدا اشكر لك مرورك العطر مراقبنا الغالي:e303: |
اقتباس:
مصر من بعد 2019 صايرة تقفز بشكل كبير في مكافحة الجريمة والمخدرات ومطاردة البلطجية حتى المطار انتهى اللي كنا نشوفه حال المغادرة من طلب بقشيش واصبح تفتيش دقيق واجراءات امنية صارمة مافيها مجاملة اشكر مرورك وشرفتيني |
اقتباس:
شاكر لك مرورك والله يعافيك |
اقتباس:
المطار نسيت اصرف وعلى اساس من تنزل تصرف ذا خطة سيرك في المطار 1 تنزل المطار اول شي يقابلك شباك الصرف في المطار القديم.. لكن نزلنا في المطار 2 وحصلنا السستم مقفل بسبب تغير الشفت الساعة 8 وقالوا انتظروا ما جلست اخذت كرت فيزا ومشيت وصرت احاسب في المطار ماستر لين اطلع وكملت يوم رحت اصرف برى لقيت الصرافات قافلة لان اليوم كان جمعة وصرفت من مكينة الصراف عندهم ب الماستر مسبقة الدفع صرفت 5000 جنيه كان سعر مرضي ولم يحسب علي رسوم سحب 35 ريال بعدها قفل الصراف وصار يعطيني 4 الالف حد اقصى صرف اكرر الماستر المسبقة استخدمتها كثير لم يحسب علي اي رسوم سحب الشريحة اتصالات باقة 14 جيجا 135 جنيه لكني بسبب وجود انترنت في الشقة ما اهتميت كثير بالباقة عشان عندهم باقة ساعات بسعر شبه مجاني 5 ساعات تصفح وفيديو بريال اذا طلعت اشغلها |
مصر حلوه ورحلتك احلى وبالتوفيق |
اقتباس:
|
| الساعة الآن 03:57 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO