|
تحذير هام للمسافرين الى سريلانكا في مطار كولومبو مرحبا اخواني بخصوص الفيزا السريلانكيه التي يتم استخراجها من الانترنت وطباعتها فيه نقطه هامه دا صارت لاكثر من مسافر لما توصل المطار راح يشيك ضابط الجوازات على التأشيره وراح يسألك بالانجليزي انت سويت التأشيره بنفسك او عن طريق مكتب مهما كانت الاجابه راح يقولك فيه غلط في تاريخ ميلادك وبالتالي تأشيرتك مرفوضه طبعا راح تقول له انا عبيتها بنفسي ومتاكد اني وضعت تاريخ الميلاد صح راح طبعا يكون غير هوا في الجهاز رقم من الارقام الخاصه بتاريخ الميلاد قبل مايسوي هالفيلم وراح يوريك الشاشه ان تاريخ الميلاد غلط وراح تشوفه غلط عشان تقتنع واذا قلت له عدله راح يقولك ما اقدر لان التاشيره صدرت ومعاه واحد ثاني يساعده ومتعاون معاه على النصب عشان تقول له والحل راح يقولك ادفع 120 دولار تقريبا واطلع لك واحده جديده طبعا انت ساعتها ماعندك حل ومضطر تدفع عشان تخلص بعد رحلة طويله وتعب ولا راح يعطيك ايصال للمبلغ لانه يقولك التاشيره نفسها ايصال المشكله كمان حتى لو اعترضت وطلبت مسؤول ماعندك اثبات على كلامك لان الفيزا المطبوعه مافيها بيانات تاريخ الميلاد لذلك يستغلوا الحراميه في جوازات المطار هالنقطه عشان كذا انتبهوا اخواني من هالحركه وانصح كل مسافر يطبع كل اوراق الفيزا وبها جميع المعلومات ( كل الصفحات ) عشان لو قال فيه غلط اطلب مدير الجوازات وخليه يشوف الاوراق الاصليه للفيزا وراح تكتشف بعدين ان التاشيره اللي على جوازك هي نفس رقم التاشيره اللي انت سويتها واطلب رفع قضيه على الموضف ولو بالكلام عشان يعرف ان المسأله مو لعبه بالتوفيق للجميع |
مشكور أخ هاني على اللفتة صراحة ما سمعت هذا الموقف من قبل لكن اتمنى من الجميع اخذ الحيطة والحذر من التلاعب سواء كانت في المطارات او الفنادق او المرشدين والسواقين تحياتي sent from Galaxy Note 5 using Tabatalk |
اتمنى اني اقرا خبر عن تلاعب السعوديين في المطارات والله اننا في خير ونعمة اغلب الدول ما ادري ليش هالنظرة على الخليجي والسعودي بشكل خاص ؟ وكأنه بنك متحرك !! والاغلب منهم لو يعرفون حقيقته انه طالع يا بقرض يا بسلفه يا بكم قرش جمعهم ؟ والله اني رحمت الضعفاء هذول ؟؟ اشكرك يا الجابري على التنبيه لمن يريد السفر لسريلانكا عليه الاحتياط تحياتي أرسلت بواسطتي [emoji851] بإستخدام Tapatalk ردِّد دائماً: سبحانك اللهم أستغفرك وأتـوب إليـك |
يعطيك العافيه وشكراً على التنبيه فعلاً هناك تلاعب من بعض الموظفين واذا كنت شاك في بعض البيانات تستطيع استخراجها من الكتب بالمطار مقابل ٣٥ دولار تحياتي ... |
يعني افضل شي الواحد يطلع الفيزه من المطار ويسد باب الشك باليقين يعطيك العافيه |
مشكور على التنبيه المهم أخونا هاني وأمثال هؤلاء يسيئون لبلدهم وسمعته ويجب التصدي لألاعيبهم بكل حزم يديك العافيه |
شكرا لك علي التنبيه بكل أسف الخليجي أصبح مستغل |
شكرا لك ع التنبيه |
انصحكم بأخذ الفيزا من المطار لانه المكتب الفيزا على مدار 24 ساعه |
حسبي الله عليهم هيا وصلت لسيرلنكا .. الله المستعان الشكر الجزيل لك اخوي على هذه النصائح |
المشكلة جاني واحد عليه شارة رسمية واستقبلنا قبل الجوازات وقال تعال اعبي لكم الابلكيشن ويوم عباها قالي support يعني دعم لو سمحت .. قلت مامعي الا سعودي وماصرفت روبية .. ويوم شفته أصر عطيتوه ريالين لان اللي معي كلها خمسميات .. على طول حطها بمخباته ومشى |
| الساعة الآن 01:37 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO