|
ابي جدول برحلتي في سريلانكا رحلتي في منتصف ديسمبر لمده عشره ايام ياليت يكون جدول مناسب للعوائل والأطفال وهل فيه فعاليات وهل الجو بارد او لا هل الميزانية بالفنادق 8000 ريال مافيه |
10 أيام علي النحو التالي 1- نقيمبو 2- كاندي 3- نوراليا 4-بنتوتا 5-كولمبووبمكانك متابعة رحلات الأعضاء وتستفيد منها الأهم خذ المفيد وابتعدي عن المنغصات :e306::13::e44b: |
مرحبا انا كانت فى سريلانكا فى شهر 8 وكانت بصحبة عالتى 8000 الاف ممتازة للفنادق بس انصحك لوجه الله ان تاخذون منتجعات افضل المنتجعات روعة بسريلانكا والطبيعة الخلابة ورخيصة جدا ونظيفة جدا وبركة سباحة خاصة وحديقة لوحدك تحس بالحرية اختي اذا بغيتي مساعدة اعطيك برنامجى الى كانت رايح فيه العيال انبسطوا من الرحلة مرة انا كانت اعمل بالخطوط السريلانكية لمدة 7 سنوات وطلعت منهم من زمان لكن حبيى للبلد واعرفه الكثير وبعطيك سواق روعة ممتز عمرها 23 سنة وامين جد وعندها ميني باص تاخذون رحتكم فيه اذا رغبتي بالمساعدة تواصلى معى على الرق 0504825494 واتساب راح احجز لك من مصدر المنتجعات مارح تندمين واتركي مكاتب السياحة مبالغ فيه تحياتي لك معك ابو احمد |
اذا كان عندك مساعده اكتبها هنا ضع الجدول واسم المنتجع حتى يستفيد الجميع العتب على اداره الموقع كيف سمحت لك تنزل رقمك |
وعليكم السلام ورحمة الله وبركاته انا حاليا في سيرلنكا وغدا باذن الله رحلة العوده للرياض برنامجي كان نجمبو ليله بعد تعب الرحلة كاندي ٣ ايام نوريليا ٢ بنتوته ٢ كولمبو ١ نجمبو ليه لان رحلتي بكره الصباح بدري البلد جميل جدا اسعار الاكل مقاربه لنا انصحك تاخذين شقق اذا عائلتك كبيره اذا تعاملتو مع سائق طبعا راح يعمل لكم برنامج ويوديكم وياخذ عمولته منهم احذري من الشراء منهم اي برنامج يكون نهايته عرض منتجات كاندي روعه ولا يفوتكم العرض المسرحي الي يتكلم عن الفن السيرلنكي جنة الدنيا روعة الحديقة الملكية بس يبي لها ليقة :1: فيه متحف احجار كريمه لا تروحن له مسوينه على انه متحف لكن هو مصنع وبيشبون لكم حتى تشترون نورليا بارده تدفو زين فيها شقق روعه البحيرة جدا جميله مصنع الالبان الطبيعه الي حوله جنة بنتوته مو ذاك الزود الرحلة البحرية الي يسمونها نهر انتبهو من اسعارهم فيه عدة خيارات كولمبو ما تستاهل تروحون لها هذا بختصار جدا طبعا انا اخذت سائق وتوفقت معه جدا ممتاز في البداية مشها علي في جولة في قرية على التكتوك ومسميها برنامج بس بعدها فهمتها وصرت ارفض اروح واذا رحت استطلاع فقط بالنسبة للسكن اسعار الفنادق خمس نجوم غاليه اذا حبيتو تاخذون السواق او تتواصلون معه اسمه شيوان ورقمه على الوتساب ٠٠٩٤ (٧٢) ٦٨٩ ٨٨٣٢ اتمنى لكم رحلة سعيده ودائما قااااااعدتي في السفار ريالك هو الي يعزك ولا تدخل في جدال مع احد في بلده اذا ما عجبك شي ابتسم وامشي |
2 مرفق ارفقت لك ولك حرية الاختيار طبعا انا مسافر بعدك بشهر 12 ميلادي وحجزت عن طريق سائق هناك وارخص من البوكينج وجميع المكاتب واخذ مقدم بس 15% والباقي عند الوصول |
4 مرفق وهذي بعض الجدوال ممكن تطلع عليها وارقام المكاتب وممكن تراسلها انا اتفقت مع السائق عمران وبعد التجربة سأكتب عنه |
بعض الفنادق تهتم بالاطفال يكون فيها مكان العاب ومسابح لاكن نسيت اساميها لاني مسافر بدون اطفال مثل فندق RIU في بنتوتا اي استفسار تحت امر الجميع ملاحظه وجهة نظري الحجز عن طريق مكتب او سائق افضل من ناحية السعر وتحديد طلباتك وبالتوفيق |
للاسف خير تعمل شر تلق انا حبيت اخدم بس حسافه النصح فيك رعم انى فاعل خير بس صحيح فيه ناس ماتستهال تخدهم اسحب خدمتى من الاشكال الى زي كذا |
الحذر من السواقين حرص ولا تخون بعض السواقين في سيرلنكا يدخل للمواقع باسم عربي ويسوق لنفسه على انه سائح وانه اتفق مع فلان وفلان ويمدح في نفسه اشوف الافضل في الحجوزات بوكنق تحدد خياراتك بعد كذا اذ رغبت في اخذ عرض السائق لا يمنع انك تروح وتشوفه الناس اذواق والي يجوز لي ما يجوز لك |
السلام عليكم ياخواني واخواتي نصيحه لازم تأخذونا في محمل الجد لا تحجزون او تتفقون مع سائق احذروا منهم لازم يكون اتفاقك مع شركة سياحيه معتمدة علشان ما تطيحون في نصب من البعض السواقين ويقولك المثل حطها في راس عالم واطلع سالم السائق هو مجرد سائق فقط أما التعامل مع الشركة هو الامان لك بعد الله يعني تقدر تغير السائق اذا ما عجبك و تقدر تغير الفندق وتقدر تغير الغرفه يعني في النهاية الشركة هي القوة والحماية لك والمسؤوله عليك . وتقبلوا تحياتي اخوكم خليجي100 |
السلام عليك بالبداية رحلة موفقة انشاءالله ارشح لكم هذا الجدول 3 كاندي 3 نوراليا 2 بنتوتة 1 كولومبو ( هو الاهم في نهاية الرحله ) تقريبا وبحسب خبرتي يكون سعر الحجز غرفة ةاحدة شامل الفنادق 5 نجوم بالافطار والعشاء والسيارة والسائق بملغ 1800 دولار أو يقل عن هذا شي بسيط . وتقبلوا تحياتي اخوكم خليجي100 |
اقتباس:
|
انا كتبت على العام ومارسلت لك ونيتي كانت طيبه لكن كل واجد يفكر فى اشياء ماله داعى ومافى داعى للدعاوى لان الدعوة ترد على صاحبه انا بكون احسن منك والله يسامحك وياخذ جقى منك على سو الضن انا من شخص مراهق حبيت اخدم كل مافى الموضوع هناك ملكان للمومن اذا دعاء قال ولك مثله الله يسامحك على سو الظن اتا لااعرفك ولااعرف من انتى اعمل حجوزات كثيرة عن طريق الانستغرام وانتى مش اول زبون لكن على قر نياتكم ترزقون سامجك الله لان ادعوا عليك لان اخلااقى لاتسمح لى تحياتى للجميع لكن الامر يستدعى للرد |
مرحبا الأخت سارة اذا كان بإمكانك إضافة مبلغ للميزانية نصيحتي لك تغيير الوجهة الى ماليزيا او تايلند لان من خلال ما سمعت وما قرأت سريلانكا لا توجد بها فعاليات للأطفال والطرق متعبة ومرهقة بصحبة الأطفال لان اكبر سلبية في سريلانكا البنية التحتية ( الطرق ) موفقة بإذن الله |
للاسف ما اقدر أغير لان ماليزيا تذكرها اسعارها فوق 14 الف عكس سريلانكا التذاكر أخذنها بي خمسه الاف ونص |
| الساعة الآن 04:33 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO