|
توي راجع من سريلانكا وهذي رحلتي ل 10 ايام شهر ديسمبر 9 مرفق السلام عليكم ورحمة الله وبركاتة اخواني اخواتي الاعزاء استفدت من هذا المنتدى الكثير وحان وقت رد الجميل ولتعم الفايدة للجمييع الاجازة كانت لمدة 10 ايام من 2018/12/04 حتى 2018/12/14 لشخصين عن طريق الخطوط السعوديه من جدة إلى كولمبو والعكس مخطط سير الرحلة العدد 2 انا وزوجتي 1- نيجمبو يوم (فندق كلوب دولفين) 2-كاندي 3 ايام(سينامون كيتادل) 3-نواراليا 3 ايام((جالكسي قراند)) 4- بنتوته 2 يوم(سنترا) 5-كولمبو يوم(مارينو بيتش) تكلفة الفنادق مع السائق جميع الفنادق فطور ما عدا سينامون فطور وعشاء الغرف جميعا مطلة كلفتني 1690 دولار *وضعت ميزانية كل يوم 300 ريال فقط *الصرف هناك افضل ووفرت حوالي 500 ريال سعر الصرف كان بجده 1 ريال =37 روبيه وهناك في سريلانكا 46 حولت دولار وصرفت من هناك * الله رزقني بسواق ممتاز والله يجزى من دلني عليه كل خير سواق محترم يتكلم عربي اي مشكله بس اناديه الان بتكلم بالتفصيل عن رحلتي مرفقه بالصور انطلقت يوم الثلاثاء من جده الى كولمبو الساعه السابعه صباحا واستغرقت الرحلة 5 ساعات ووصلت هناك الساعه 3 العصر تقربا وصلت للمطار كان مطار عادي بس كانت اجراءات الخروج سريعه اخذت شنطتي بسرعه حصلتها قبلي قبل توصل لكاونترات التختيم فيه مكتب على اليمين تدفع للشخص 40 دولار وتروح تختم طبعا لازم يقولك هديه عطيته وضعية اللي مو فاهم احب اعطي بمزاجي قابلت السواق قلت قبل نطلع ابيي شريحتين ديالوج اخذت الوحده 1300 روبيه كفتني 8 ايام وبعدا قلت ودني احول الفلوس حطيت ميزانيه يوميه 300ريال حوالي 13500 روبيه وكان معي احتياط 1500ريال للظروف بعد ما صرفنا رحنى اخذنا وجبتين برجر سعرها حوالي 50ريال وبعدها توجهنا للفندق للنوم فندق كلب دولفين فندق جميل وموقعه حلو للاحتياط صورة لوحة السياره وجهه للظروف وهذي الصور وغدا اكمل لكم تنزيل الصور متعب ولازم اصغر حجمها |
7 مرفق طبعا اليوم التالي الساعه 8 افطرنا والساعه 9 انطلقنا الى كاندي وكان الطريق جميل وغير متعب الطريق متعه وجميل |
الحمد لله على السلامة خالد ان شاء الله نستمتع معك بتقرير جميل |
متابع والحمد لله على السلامه |
تقرير جميل متابعين معاك |
10 مرفق الله يسلمكم ويحيكم المهم وصلنا فندق كاندي سينامون فندق جميل اطلاله روعه يسوون عروض النار في الليل طبعا اخذته فطور وعشاء واكلهم حلو وهذي بعض الصور للفندق والاطلالة |
16 مرفق اليوم التالي بعد الافطار تم الانطلاق الى جنة الدنيا وتوقفنا بالاسفل وتم الاتفاق مع التكتك يذهب بنا الى جنة الدنيا وعند الانتهاء يذهب بنا الى الشلال وهناك نقابل السائق سعر التكتك 4000 روبيه ورسوم الدخول للشخص 1000 او 500 روبيه وهذي الصور |
12 مرفق بطفشكم بالصور ههههههههههههههههههههه |
9 مرفق وهذي باقي الصور لجنة الدنيا مع الشلال الكبير |
10 مرفق في نفس اليوم ما تبقى من النهار توجهنا للسوق سوق صغير وحليوه وتمشينا على الارجل وبالسياره داخل المدينه وهذي الصور لمدينة كاندي |
7 مرفق في اليوم الثاني توجهنا الى حديقة كاندي حديقة كبيرة وجميلة ممكن تتمشى برجلك او تركب قولف ويمشيكم ويشرح لكم وهذي الصور لها |
12 مرفق في اليوم التالي بعد الافطار تم التوجه الى نواراليا وكانت السفره جميلة توقفنا عند شلال كبير وجميل وذهبنا لمصنع الشاي ووصلنا لفندقنا مقابل البحيره نزلنا العفش وتوجها للشاطي اخذنا قارب وعند الغروب عدنا للفندق وهذي الصور للمتعه |
13 مرفق في اليوم التالي توجها لمزرعه الفراوله واخذنا لفه على المراعي لمصانع الابقار وذهبا الى بحيره وشلال وعدنا للفندق للراحه ثم ذهبنا لاسطبل الخيول واستاجرنا خيلين لمدة نص ساعه ب 1600روبيه لاثنين وهذي الصور |
10 مرفق بعد هالرحلة والعوده للمنزل قررنا اليوم التالي الذهاب الى نهاية العالم مكان طوله تقريبا 9 كيلو كلها مغامرات وجميل ومتعه لابعد الحدود فيه طرق وعره وفيه طرق سهله يستاهل المغامره كلفنا شخصين 8000 روبيه ذهبنا في الصباح بدري وصلنا الساعه 8 خرجنا من الفندق 6 صباحا وهذي الصور للرحلة |
10 مرفق وهذي صور تكملة باقي الرحلة بالمختصر وبعدها توجهنا للمطعم بعد جوع قوي وتعشينا وبعدها توجهنا للفندق للراحه وتجهيز الشنط للتوجه الى بنتوته في اليوم التالي وغدا اكمل لكم باقي الرحلة صراحه لي 3 ساعات وانا اعدل حجم الصور عشان تنزل وبالتوفيق واعتذر على كثرة الصور وشكرا لكم |
مبين تقرير رائع لكن ياريت اخوي تنزل الصور عن طريق المنتدى عشان يطلعون بصوره واضحه |
المشكه انها تاخذ وقت مني لان الصور حجمها كبير واروح موقع واصغر حجمها وتاخذ وقت ولا اعرف طريقة تنزيلها من الموقع بعد تحميلها حاولت ولا زبطت |
[QUOTE=khaled0500;450167]المشكه انها تاخذ وقت مني لان الصور حجمها كبير واروح موقع واصغر حجمها وتاخذ وقت ولا اعرف طريقة تنزيلها من الموقع بعد تحميلها حاولت ولا زبطت[/QUOT الطريقة جدا سهله واحنا كنا نحسها صعبه بالاول الحين تعودنا عليها هذا الرابط لتعديل الصور https://www.arabtrvl.com/vb/t32681.html |
يعطيك العافيه ابو خلووود متابع وان شاء الله يضبط معك موقع التحميل |
10 مرفق الله يعطيكم العافيه نكمل لكم باقي الرحلة بعد الافطار طلعنا من نوارليا واتجهنا الى بنتوته صراحه الطريق يجيب الغثيان والدوخه خاصة اللي معبي بطنه بيجيب العيد ولا قدرت اصور بالطريق كان فيه تجديف بي ما جربت قلت كمل ابي اوصل نص الطريق تدخل خط عريض 4 مسارات ومستقيم رجعت لي الحياه ووصلنا فندق سنتروم بصراحه فندق حلو طبعا التنقل من الفندق حتى الاستقبال كان بالقارب حطينا الشنط وغيرنا ملابسنا وخرجنا للشاطي وكان نظيف وجميل وقمة الروعه والجمال بعدها توجهت للسائق كان نفسي اركب دباب بحري رحت 3 شركات كانت النص ساعه 7000روبيه وبعد جدال اخذتها 5000 وبعدها رجعنا الفندق واخر الليل اخذنا بيتزا سفري وتعشينا بالفندق وكان فيه زواج وحضرناه وعطونا هدية وقلنا بنام عشان عندنا جدول لليوم التالي وهذي صور الرحلة |
16 مرفق في اليوم التالي بعد الافطار تم التوجه لرحلة المانغروف اخذنا بالطريق ساعه ونص ووصلنا اخذنا الرحلة لمدة ساعتين وتمر فيك على القرفه وثم على مساج الاسماك وتذهب للمعبد لاكن رفضت النزول وتشوف بعض المناظر الجميله وتشوف كيف البحر يلتقي بالشاطي وكلفتني 7000 روبيه قارب خاص وبعدها توجهنا لمزرعة السلاحف كانت بسعر رمزي لشخصين بقيمة 600 روبيه ومكان جميل وبعدها توجهنا للقريه الهولندية صراحه ما تستحق الزياره لانها بعيده ولا فيها شي يستاهل الزياره ووصلنا للفندق هلكانين وقلنا ننام لاننا اليوم التالي مسافرين للعاصمه وهذي صور الرحلة |
10 مرفق وهذي باقي صور الرحلة لليوم |
18 مرفق طبعا صحينا وافطرنا وودعنا الفندق وتوجها لكولمبو العاصمه لقضاء اخر يوم وكان الطريق يجنن 4 مسارات وممتع ووصلنا الفندق مارينو بيتش كان فندق فخم وجميل جدا وجديد وفيه سوق حلو ماهو كبير بس حلو والمسبح بالسطح وفيه حديقه لاكن كولمبو زحمه افضل حل اذا بتتمشى تركب تكتك وهذي اخر صور الفندق والمدينة |
2 مرفق طبعا كان الفضل لله ثم للسائق واجهتني مشكلة في فندق جالكسي ما كان مطل وناديته وكلمهم وغيرو لي الغرفه وواجهتني مشكلة في فندق سنترا كان فيه زواج وازعاج وكلمته وكلمهم وغيرو لي الغرفه لانه هو اللي حجز لي ويتكلم عربي كويس وساعدني كثير وحطيت رقمه وصورته للي يبي يشوف سعره ويقارن الاسعار وبرفق لكم جدول للفنادق والمكاتب وشف الفرق واختار الانسب لك وبكتب لكم السلبيات والايجابيات في صفحه مستقلة |
5 مرفق اسف على رداءة الصور او طريقة تنزيلي لها واعتذر منكم عموما في هذة الرساله بعطيكم المختصر في نقاط * سريلنكا بلد طبيعه فوق الخيال يعني جنة الله في ارضه جمال فوق التصور * البلد طبعا مافي تطور اللي يبي الاسواق والشوارع الجذابة والسينما ووسائل الترفيه يغير الوجهه لغير هالبلد * الصرف الافضل تصرف هناك بتوفر مبلغ حلو والافضل تحول دولا وتروح هناك تحول للروبيه * المطاعم متوفره واكلهم كويس ما واجهن اي صعوبات * الشعب طيب ومبتسم وما واجهت اي مشاكل * اللي يبي شاي الافضل يشتري من محل في بنتوته او من نيقمبو لان المصنع غالي وبعد المحلات مبالغ بالسعر باضعاف انا اخذت الكيلو درجه اولى ب 3000 روبيه والمحلات يبيعون 200 جم 1500 اللي يبي شاي اكياس زي اللبتون ياخذ دلمه متوفر بنكهات ويكيفك المخ * طبعا في وجهة نظري انا وممكن البعض يخالفني الافضل تحجز من مكتب سياحي وبالسائق عشان تفتك من دفع الضريبه واي مشكله تواجهك هم يتفاهمون معه ولازم تبين لهم لو ما عجبك الفندق تقدر تلغي باقي الايام * اذا جيت تشتري او تتفاوض اذا قاللك ب1000 قوله ب200 ولا عليك منهم * نيجمبو مافيها شي محطه للراحه فقط * كاندي فيها جنة الدنيا وفيها الشلال وفيها الحديقه الملكيه جميله وفيها سوق حليوه * نواراليا فيها البحيره باشنطتها وفيها نهاية العالم تستحق الزياره وحديقة الفراوله والمراعي الخضراء ولا تسون تروحن لاسطبل الخيول وتاخذ لفه * بنتوته فيها الالعاب البحريه ورحلة المانغروف ملاحظه (لا تركب مع التكتك هناك ولا تتكلم مع الغرباء احتياط امني لسلامتك ) * البلد مناسب للعزاب والعوائل بس بعض الاماكن ما تصلح للاطفال بسبب خطورة المشي فيها ممكن الطفل يتعب او يسقط * نهاية الكلام السائق نص الرحله او كل الرحله واخيرا بضع لكم جدول بالفنادق وجدول بارقام الشركات والسائقين والاماكن بكل مدينة ولك حرية الاختيار والله يوفقكم واي سؤال انا حاضر |
ملاحظه بسيطه انا وضعت لكم رقم السايق لان والله اي شخص اعرفه بعطيه الرقم بدون تردد لان توه مسوي شركه صغيره ويبغى يكسب الناس وسعره اقل سعر وعشان ما تكون دعايه ارفقت لكم ارقام المكاتب السرلانكيه والسعوديه وقارن وشف اللي يناسبك وبالتوفيق للجميع |
الحمدلله على السلامة اخوي خالد الله يعطيك العافية على الجداول اللي وضعتها اتذكر قبل كم شهر كنت ابحث عن معلومات لرحلتي واستفدت من جداولك مره * طبعا في وجهة نظري انا وممكن البعض يخالفني الافضل تحجز من مكتب سياحي وبالسائق عشان تفتك من دفع الضريبه واي مشكله تواجهك هم يتفاهمون معه ولازم تبين لهم لو ما عجبك الفندق تقدر تلغي باقي الايام بصراحه مافهمت هالنقطة قراتها في اكثر من موضوع؟ يعني السريلانكيين ماعليهم ضرائب ؟ بس الأجانب؟ طيب الحجز مو باسم السائح؟ حتى لو اللي حجز لي سريلانكي؟ |
اقتباس:
طبعا هذي وجهة نظري ممكن البعض يخالفني احجز من مكتب من عندهم بسواقهم واي مشكله اقول لسواقهم تعال تفاهم معهم انتم اللي حجز وانا حاط رجل على رجل **** طبعا اي مكتب تحجز عن طريقه لا تعطيه اكثر من 20% عربون او 30% كحد اقصى والباقي لمن توصل احتياط للضروف اللي ممكن تصير لك لو قبل السفر بساعه والله يوفقكم جميع :63: |
خلاصة الموضوع اخوي انا وفرت مبلغ عن بوكينج تقريبا 1600 ريال من الاجمالي وثانيا اي مشكله تواجهني انادي السواق يتفاهم معهم وانا اطلب لي قهوة واجلس لين ينحل الموضوع اشتر راحة راسك ولا تسكت عن حق لك لو انت طالب بالغرفه ورده ولا حطوها اجلس غثهم لا تسكت |
شكرا خالد للتقرير الجميل والملاحظات والجداول المفيدة |
هذا واجبي تجاه المنتدى اللي استفدت منه كثير في سفراتي وشكرا لله ثم لكم |
بارك الله فيك والله يعطيك العافية على التقرير إستفسار ياغالي مهم لدي جدا ساذهب لوحدي ولاعلم كم التكلفة وهل الصرافين متوفرين بكثرة هناك وهل أخذ دولارات أم روبية والسواق كيف حصلته وكم يوميته والسكن أخوي تشور علي من وين أحجزه |
اقتباس:
|
الله يجزاك خير ويبارك لك وفيك ويرزقك من حيث لا تحتسب حاولت اتشكر لك بالخاص طلع لي لا يمكن ما ادري مشاركاتي فليلة او ما ادري وش السبب اخي هل الفلل نظام غرفة وصالة تتوفر فيها مطابخ للطبخ وهل اجد شغالات للطبخ والتنظيف باليومية لاني ما احب اكل المطاعم واقدس واشتاق للكبسة وبنظام جاكرتا وثالثا ياليت ترتب لي الاماكن من حيث قربها لكولمبو بحيث اروح لكاندي 3 ايام ثم اطلع لنوراليا وشاكر لك تعاملك الراقي والاخوي |
حمد لله على السلامة :1: |
السلام عليكم اقتباس:
|
الله يسلمك اشكرك اخوي |
السلام عليكم الله يسلمك اخوي واشكر مرورك |
مشكور على التقرير المتكامل جزاك الله خير |
| الساعة الآن 03:35 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO