![]() |
رحلتي الى الهند السلام عليكم جميعاً اخواني الكرام سافرت للهند في رحلة علاجية وحبيت اشارككم التجربة اللي مريت فيها أولا انا كنت رايح رحلة علاجية عندي مشاكل بالظهر و فقرات الرقبة و طبعاً مافي ضرر من عمل تشييك كامل على الصحة و الاسنان وزي كذا وطبعاً عشان تقدم على الفيزا وتجيك لازم يكون عندك تقارير طبية و موافقة من المستشفى الذي يتم العلاج فيها في الهند المهم ولا اطول عليكم انا كنت خايف من النصب والاستغلال وطبعاً كل اللي راح الهند قبل كذا عنده خبره سابقة في الأمور هذي المهم بحثت على النت على الشركات اللي الواحد يقدر يحجز عندهم باكج كامل وبالفعل حصلت أكثر من شركة وبعد تيسير الله تسهلت الأمور أرسلت لهم التقارير و خلال يومين أرسلوا لي الموافقة من المستشفى وقدمت على الفيزا و استلمتها بعد اسبوع وتم الحجز و انطلقت على الهند طبعاً من خلال النت وصلت انو افضل مدينة من ناحية السياحة العلاجية مدينة بنجلور و الصراحة مشهووووورة عند العرب شفت عرب وخليجيين كثير اللي رايحين للدراسة واللي رايحين للعلاج المهم استقبلني مندوب الشركة في المطار و انطلقنا على السكن طبعاً التعاقد مع الشركة كان على خدمات كاملة بمعنى يفرون السكن و السيارة بالسائق و الترجمة و قد كان اليوم الأول كان راحة في السكن بعد رحلة حول الـ 10 ساعات مع الترانزيت وغداً ان شاء الله نوافيكم بالجديد |
الف سلامه يارب ونبي توضح لنا الاسعار للعلاج ومستوى العيادات ننتظر باقي التفاصيل |
أسأل الله العظيم بمنه وعطاءه أن يشافيك شفاء لا يغادر سقماً لابآس طهور أن شاء الله وآجر وعافية |
الأخت ام حسين الله يسلمك ويجزاكِ خير يارب بالنسبة لأسعار العلاج فهي تختلف من شخص إلى آخر على حسب التقارير الطبية و وحتى في الهند المستشفيات تختلف في الأسعار وطبعاً مو شرط تلقي العلاج في نفس المستشفى اللي طلعت منها الموافقة يعني هذا مجرد إجراء روتيني لإستخراج الفيزا وعند الوصول للهند ممكن زيارة أكثر من مستشفى و عرض التقارير الطبية على أكثر من طبيب و طبعاً الأسعار بتختلف لكن بصورة عامة فهي ارخص بمراحل من العلاج في السعودية, دول الخليج أو الدول العربية عموماً. اما بالنسبة لمستوى المستشفيات و العيادات فالأفضل انو نبعد عن المستشفيات الحكومية أو بمعنى أصح المستشفيات العامة لكن المستشفيات و العيادات الخاصة نظيفة و على مستوى عالي من التجهيز حتى انو في عيادات و مستشفيات خاصة بالعرب و الخليجيين وهذا شي انا شفته خلال جولتي هناك |
اقتباس:
|
السلام عليكم ورحمة الله اسف على التأخير اخواني الكرام نبدأ اليوم الثاني على بركة الله اولا بالنسبة للشركة اللي تعاقدت معها ف كان عندهم فئات مختلفة من السكن و المواصلات لكن الصراحة كل السكن اللي عندهم كان ممتاز اللهم الا انها تختلف في الرفاهية وحجم الشقة وطبعاً يفروا شغالة على حسب الطلب لكن بالنسبة للسيارة والسائق ف موجودين طول اليوم و اغلبهم عاملين سابقين في دول الخليج ف لغتهم العربية و الانجليزية معقولة و طبعاً و الاهم انهم مسلمين. المهم انطلقنا اليوم الثاني لزيارة أكثر من مستشفى وعرض التقارير الطبية عليهم و من المستشفيات اللي زرتها مستشفى COLUMBIAASIA و ASTER و FORTIS و APOLLO والعيادات الخاصة عيادة Dr.Ahmed و عيادة Dr.Ayyappa طبعاً في عيادات و مستشفيات أكثر من هذي و حتى الشركة نفسها اقترحوا علي بعض العيادات و المستشفيات لكن انا اكتفيت بهذي اللي زرتها طبعاً المرشد اللي معي يتكلم عربي و انجليزي و هندي فكان هو همزة الوصل بيني و بين هذي الاماكن كلها لكن يشهد الله انه كان امين و محترم وما قصر المهم ولا اطول عليكم توكلت على الله وقررت ابدأ العلاج في في مستشفى APOLLO و عيادة Dr.Ahmed و بالنسبة للأسنان عيادة JAFSON DENTAL CARE و نوافيكم بباقي التفاصيل تباعاً في المرات القادمة ان شاء الله |
الحمد لله على سلامتك مستشفى ابولو وفورتيس من اشهر المستشفيات بالهند وموجودة ايضا بدلهي بانتظار اكمال التفاصيل |
لا باس طهور ان شاء الله |
الساعة الآن 09:27 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO