![]() |
ابحث عن برنامج عائلي لمدة 5 ليالي في سيرلانكا — اول زيارة لي السلام عليكم اسعد الله جميع اوقاتكم بالخيرات و المسرات لم اسافر الى سيرلانكا من قبل و لا املك كثير من المعلومات عنها. سوف يكون وصولي ل سيرلانكا يوم الجمعه القادم 3 يناير و رجعتي يوم الاربعاء 8 يناير. عددنا ( 2 كبار و 2 اطفال (10 سنوات و 4 سنوات) احتاج فزعتكم بخصوص التأشيرات ( الفيزا) و الفنادق اللي تنصحون فيها و المدن و الاماكن اللي لازم نزورها و نصائحكم عن البلد و المتطلبات الآخرى. هل حجز الفنادق عن طريق بوكينق و غيرها او تنصحون في شي ثاني و كذلك حجز السائق مع السياره وش تنصحون فيه. و ربي يحفظكم و يرعاكم |
حسب ما سمعت من الاخوان الفيزا من المطار بالسبه للاماكن الاخرى حسب ابحاثي انصحك يوم للراحه في كولمبو واليوم الثاني والثالث كاندي واليوم الرابع نوراليا واليوم الاخير العوده الى كولمبو ورحله سعيده |
هلا وغلا اكلمك من واقع تجربة انا وعائلتي الفيزا من المطار تعطيهم الجوازات ويعطيك الفيزا وتتجه للموظف اللي بعده ويختم دخول وبعدها اهلا بك في سريلانكا اليوم الاول / نيقمبو تبعد عن المطار نصف ساعه افضل من كولمبو اليوم الثاني توجه الى كاندي اليوم الثالث والرابع اتجه الى نوراليا افضل مدينه بنظري جوها بارد خذ احتياطك للتدفئه خاصه الاطفال اليوم الخامس توجه الى بنتوتا السادس الى المطار للعودة عدد الايام قليل للامانه افضل لك 10 ايام وجهة نظري السواق ممكن الاخوان يدلونك على ناس ثقه السواق حقي مغير جواله انوقع من سنه ونص الفنادق انا كنت احجزها مع السواق يعني ادخل الفندق اشوف له وبعدها احجز اذا كويس والسواق يكاسر لك بالسعر البلد امن جدا عندهم مشكله الاكل حاول تاخذ معاك خفايف للاطفال والفندق احجز فيه وجبة الفطور والعشا |
يعطيكم العافيه جمعيا..... وانا احوس اكتشفت ان اغلب تقسيم الايام تكون بالطريقه الي ذاكرها اخوي بالرد الي قبلي.....وانا انشالله بروح شهر يناير ٢٠٢٣ ٢ كبار و٤ اطفال....مو جنه التنقل وايد متعب🥲اذا ممكن ابي اقتراح يكون مافي تنقلات زايده ويكون ونييييس🙂 |
الساعة الآن 10:26 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO