|
فيزا الهند الالكترونية .... مايو 2023 وتفاصيل الرحله من البدايه السلام عليكم ايها المسافرون الجميلين ايتها المسافرات الماجدات .. ايها الشعب الكريم تعرفون العصف الذهني قبل كل سفر .. والحيرة المهم مالكم بالطويله استقر الرأي هذا العام على تايلند التي زرتها اخر مره عام 2009 ( سنه خشبه ) :e10f: طيب يالاخو وش جاب سيرة الهند .. اعلمك الله يحفظك اصبر علي عزيزي القاري :D : اصل الحكايه هي انني ناوي اشرّق ثلاث اسابيع او اكثر شوي ووجدت ان التذكره لبانكوك في حدود 4500 .. وبحثت عبر سكاي سكنر وجدت ( بريدة المقدسة - نيودلهي ) بـ 1300 ريال .. -زياره الهند العاصمه وماحولها جوله استكشافيه 3-4 ايام -ثم الطيران 4 ساعات لبانكوك 1000 ريال # رحلتين بتكلفه ( اقل من تكلفه الطيران المباشر) اجمالي التذكرتين 2300 ريال مع تكلفه الفيزا والاقامه بالهند راح تكون رحله ممتعه واستفاده قصوى من ( المال ) يعني الهند ( بالنص ) طلعت مجانا .. حسيت اني حضرمي 4 سلندر :D ومن هنا بدأت فكره الحصول على فيزا الهند .. اونلاين بما انه تم فتحها قبل فتره بسيطه للسعوديين ... وبدأت الحكاية |
اول الغزوات .. تواصلت مع احد المكاتب السياحيه لاستخراج الفيزا كانت الاجابه : (لااايمكن الحصول على فيزا متعدده الدخول لأول مره ) ويجب ان تكون قد حصلت سابقا على فيزا الهند ( سنجل ) : هنا دخلت الانترنت مستعينا بالله ودخلت للموقع السفاره الهنديه قسم الفيزا وفتحت الابلكيشن ( النموذج ) وبدأت تسجيل البيانات وميزته انه يعطيك امكانيه الحفظ والعوده لاحقا لان المعلومات التي يجب ان تعبيها من جد طويله ومعقده وباللغه الانجليزية الموقع من هنا : https://www.arabtrvl.com/vb/t52698.html#post595397 وتصل لمرحله الصوورة يجب ان تكون صورة بابعاد 300 بكسل طول بعرض وهالنقطه بلشت بها .. رحت لمحل تصوير هندي وقلت له المعلومه .. ابتسم وقال يعني 5*5 قلت والله يارجل هذولي ربعك .. المهم طقيت الصورة وارسل لي نسخه بالواتس اب .. جيت بالايفون لقيته 600*600 استعنت بالله وقصقصتها ( سددوا وقاربوا ) فبالنهايه هي ليست عمليه جراحيه .. صورة خلفيه بيضاء صغرتها بمالايخل بصورة سمو المطل على الهند وماحولها :1: ** الغريب ان الموقع ماطلب رفع صورة الجواز او ربما اني ماعرفت له ( شك الراوي ) المهم رفعت الطلب واعطاني اي دي .. برقم من عشر خانات مع عباره الانتظار سويت على طول تتبع ظهر لي عباره ( تحت الاجراء) معناته ان العمليه بدأت .. وبانتظار تحديث الحاله .. يبدو انهم يدرسون الطلب ثم يفتحون لك المرحله اللاحقه ( صورة الجواز ----- الدفع ) ## الموقع الاونلاين يعطيك خيارات الفيزا ( مفرده -مرتين - ثلاث مرات ) للدخول .. يعني فيه مرونه اكثر من خيارات المكتب اللي اخبروني انها ماتطلع فيزا متعدد الدخول ( من اول مره ) والله مدري الاصدق هل هو مكتب السياحه ام موقع السفارة لكن سليم الله يسلم :24: |
الخطه الاوليه (لم تثبت الى الان مرتبطه بوضع الفيزا ) السفر من القصيم -بريدة على طيران العربية بريدة -نيودلهي رحله سريعه نوعا ما .. وتوفر علي السفر للرياض 350 كلم : طيران نيودلهي بانكوك (فستارا ) رحلات مباشرة 4 ساعات نيودلهي - بانكوك ** عدد افراد الرحله ( ابولجين والحقيبه الجديدة فقط ... ) (الذكريات تولد على ابواب الطائرات ) :e444: * المرونه ان الاقامه بالهند قد تطول وقد تقصر ::: لكل مسافر نظرته للسفر ... بالنسبه لي تأسرني روح الاماكن بعد ان نغادرها واستحضر فلسفه الغياب على ابواب كل رحله وداع المدن من اخر المشاهد قبل الولوج للبعد " ملحمه " روحية -في كل رحله اتخيل تلك الشقراء تنظر لي من خلف زجاج الصاله وتلوح بيدها واذا ابتعدت تنهار .. تشتغل الدراما واتخيلها تنادي مثل الفنانة اللي غنت Dont cry for me Argentina :14::14: طبعا صعب اقول اني اجدع الشنطه واركض راجع لان الامن بيمسكوني ويخرب المشهد لذلك ففتي ففتي .. هي تنهار وتنادي ورا القزاز وانا اطير وصلى الله وبارك ( طبعا مع حفظ المشهد بالارشيف ) :17: |
الى اليوم الاحد 14-5-2023 الاجراء تحت المعالجه ان وافقوا والا ماهم اكبر الهم :17: |
الله يسهل الامور |
الله يسهل وتاخذ الموافقة |
صباح الخميس 18-5-2023 مازال الموضوع تحت الاجراء .. حاولت اتواصل مع مكاتب لتحريك الموضوع وكانت الاجابه الموحده : ( بما انك قدمت الطلب ) فمالك الا الانتظار :1: |
ما شاء الله عليك طلعت الهند بالمجان اجل هههههههههههههه تخطيط مجنون ننتظر وش يصير سلم على بريده المقدسة :62: |
اقتباس:
اهلا بفتى عرعر .. يامرحبا مرحبا .. والله يالبناخي كانت الخطه جميله لكن كل يوم هالعباره : Application Status :- Under Process التخطيط ماراح يتم كان عيال غاندي ماسمحوا لي .. / بالنسبه للخطه فالقصمان قناصه (التوفير ) (حضارم ستاندر) :17: وبريدة المقدسه تسلم عليك |
بعد حوالي عشرة ايام بلا رد .. راسلت مركز الدعم عندهم وشرحت لهم قصه حياتي ... فجاء الرد مضحكا ... واضح اني كنت مضيع الطريق ( حفظني الله ) ... مقدم الابلكيشن تبع الفيزا العاديه :14: نبي نبدأ نعيد الطلب من جديد ... واضح اني كنت متحمس وتشابهت علي الروابط :24: Dear Applicant, This ID refers to a Regular visa, for e-Visa you can apply through the link http://indianvisaonline.gov.in/evisa/tvoa.html Regards e-Visa support Team. |
| الساعة الآن 01:40 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO