|
محتاره في خط السير السلام عليكم حابه تساعدوني في خط سير لرحلتي في بدايه شهر مايو ان شاءالله في الاول كنت ابغى جنيف وانترلاكن ولوقانو والعوده من ميلانو بس ماحسيت براحه ترددت من ايطاليا وحابه ألمانيا بس ما اعرف ايش خط السير الصح من سويسرا اهم شي انترلاكن ومن ألمانيا ميونخ وبادن بادن كيف ارتب الجدول والتنقلات الميزانية أربعين الف لمده 12يوم اثنين كبار وطفل عمره 3 سنين ومشكورين مقدما |
رد: محتاره في خط السير عليكم السلام ورحمه الله وبركاته ياهلا ومرحبا اختي المخطط المقترح الوصول جنيف ( يومين ) الى انتر لاكن ( 4 ايام ) الى بادن بادن ( 3 ايام ) الى ميونخ العوده ( 3 ايام ) او العكس التنقلات تقدرين قطار او تستأجرون سياره اذا كانت لكم رغبه نشوف الخبراء اذا عندهم تعديل او اي شي وبعدها اذا اتفقنا على الجدول نرتب باقي الامور التنقلات والسكن وبالتوفيق ان شاء الله |
رد: محتاره في خط السير مشكووور اخوي جنيف الود ودي مااروح لها بس لان الخطوط السعوديه دايركت على جنيف كان ودي بزيورخ طيب كيف الاسواق في ألمانيا والاوت لت. افضل من ميلانو ؟؟؟؟؟؟ طيب ينفع يكون الذهاب والعوده من ألمانيا وأزور انترلاكن منها ثلاثه او اربعه ايام ؟؟! بصراحه حابه أزور مناطق حلوه بس ما احب المسافات الطويلة مره ولا اقدر لتنقلات كثير حدي اربعه مناطق عشان لايروح الوقت بالتنقلات والسوق اهم شي |
رد: محتاره في خط السير ياهلا ومرحبا اختي اذا على اساس الخطوط السعوديه انها تروح جنيف دايركت ترا ماتقدرين ترجعين دايركت من ميونخ لان الخطوط السعوديه ماعندها دايركت مع ميونخ يتغير التخطيط الى : جنيف انتر لاكن بادن بادن فرانكفورت يعني اجباري تروحين ميونخ بالنسبه لج !!!! اذا اجباري لازم نعيد توزيع الايام ونعدل في المخطط بخصوص الاسواق و الاوت لت تقريبا مافي فرق كبير بينهم بس الفرق في الماركات بعض الماركات تكون عندها اشياء حلوه ومتنوعه وبعض الاماكن تكون تعبانه يعني انا رحت اوت لت ميتسغن قريب من بادن بادن وشتوتغارت الاوت لت مب على شكل سوق محلات كبيره جنب الشارع وكلها اوت لت واايد حلووو والمدينه حلوه وصغيره وهاديه وايد يعني حلو قبل الاوت لت تتمشون فيها بالنسبه لأوت لت سيرفالي في ميلانو ماقدر رحته ولا اوت لت فاكتوري بالرغم من تردد لذي المناطق بس انتي بسفره وحده تقدرين ترتبينها تروحين اكثر من واحد بالنسبه للذهاب والعوده من المانيا يكون ذهابج وعودتج من فرانكفورت على اساس انها دايركت بس ميونخ صعبه لان راح تكون مسافه طويله اشوي صعبه ترتب او اذا تبغين ارتب لج خط سير يكون دايركت فرانكفورت - بادن بادن - انتر لاكن - ميلانو ونزيد لج المده في انتر لاكن وتزورين لوسيرن وزيرمات وغيرها هنا تقدرين تروحين اوت لت 1- ميتسغن في المانيا 2- اوت لت فاكتوري سويسرا 3- اولت لت سيرفالي ايطاليا اشرايج !! |
رد: محتاره في خط السير مشكووور على تفاعلك الله يعطيك العافيه بالنسبة لميونخ لا مو اجباري كل الموضوع عندي انو محتاره ابغى اجمع بين مدينه حلوه للتسوق ومتعه وبين طبيعه يعني مثلا حبيت لندن وحبيت باريس فأبغى مدينه بالاضافة للطبيعه في سويسرا كان جدولي الاول جنيف ولوزان وانترلاكن ولوقانو ونسلم السياره واروح ميلانو بس ترددت من ميلانو قلت يمكن ميونخ افضل من ناحيه أمان وترتيب ..الخ ايش رأيك؟؟ |
رد: محتاره في خط السير برضو خط السير حلو فرانكفورت وبادن بادن وانترلاكن وميلانو بس لازم اقرأ عن فرانكفورت مااعرف شي عنها شكرررا |
رد: محتاره في خط السير العفو اختي المقصد من تحاورنا والتغيير الدايم لين نوصل لمخطط ترتاحين له ومن جميع النواحي ونستقر عليه يعني تحاورنا صححي يفيد الوصول الى نطاق مخططنا ومنها نقدر نخطط ونوصل للمخطط المريح ان شاء الله بالنسبه للمناطق الي ذركتيها كلها تقدرين تزورينها بسهوله استقري في اربع مناطق فقط فرانكفورت بادن بادن انتر لاكن ميلانو وراح ازيد لج الايام في ميلانو وانتر لاكن من انترلاكن تزورين لوزيرن ولوزان وزيرمات وترجعين بنفس اليوم ومن ميلانو تزورين لوغانو وبحيره كومو با الاضافه الى الاوت لتات الي ذكرناهم وطبعا هالمناطق على الايام المتوفره بكون جدول مضغوط اشوي لكن المسافات جيده بالنسبه لفرانكفورت لاطولين فيها فقط يوم واحد ويكون السكن بالسنتر جنب محطه القطارات كلشي قريب منها وصوب فندق جميرا فرانكفورت يعني بمنطقه القطارات وقريب لج من السفر http://up.arabseyes.com/uploads2013/...1753404031.png العاب |
رد: محتاره في خط السير مشكور لي عوده ان شاءالله بعد الترتيب |
رد: محتاره في خط السير مشكور لي عوده ان شاءالله بعد الترتيب |
رد: محتاره في خط السير العفوووو ان شاء الله بأنتظارج اختي بالتوفيق ربي يسهل لج الامور يارب |
رد: محتاره في خط السير السلام عليكم الاخ الكريم مشرفنا qa6ar 911 ما قصر بالرد جزاه الله كل خير بخصوص رحلتك اخت Aboorah اقترح عليك هذا الترتيب أما الوصول لفرانكفورت و التوجه مباشرة للسكن فى مدينة فرايبورغ و المغادرة ميلان ترتيب الايام فرايبورغ 3 ليال زيورخ 1 ليلة انترلكن 3 ليال لوجانو 1 ليلة ميلان 3 ليال ( * اقترحت السكن فى فرايبورغ لان فرانكفورت لا يوجد بها ما يستحق المشاهدة و هذا رايى شخصى - لانها مدينة تجارية صناعية و تفتقر للاماكن السياحية لكن قريبة من فرايبورغ و بادن بادن) لذا يمكنكم فور وصولكم مطار فرانكفورت استخدام المترو من المطار لانه اسرع وسيلة تنقل هناك مباشرة لمحطة القطارات Hauptbahnhof و لاحظى القطار الالمانى متوفر و سعره اقتصادى لذا يمكن ركوب قطار لفرايبورغ او استئجار سيارة من مطار فرانكفورت . من فرايبورغ راح تكونوا قريبين من ملاهى اوروبا بارك فى راست rust لذا اقترح زيارتها يوم من الصباح حتى المساء . و اليوم التالى زيارة معالم فرايبورغ لذا يمكن التوجه لركوب التليفريك لمشاهدة الغابات السوداء اليوم الثالث يمكن التوجه فى الصباح إلى حديقة حيوانات Mundenhof او إلى بحيرة تيتيسى Tititsse ثم اذا حبيتم التسوق من فرايبورغ . و إما هذا الترتيب مع الوصول ميونخ و المغادرة ميلان او جنيف : ميونخ 3 ليال زيلامسى 2 ليلة انترلكن 2 ليلة لوجانو 1 ليلة ميلان 3 ليال فى ميونخ يمكن يوم زيارة حديقة حيوانات ميونخ و الحديقة الانجليزية و كذلك زيارة مدينة Legoland منطقة المارين بلاتز و قرية قارميش إذا حبيتم . * بالنسبة للاسواق الالمانية حقيقى رائعة و خاصة اسواق ميونخ و شتوتجارت |
رد: محتاره في خط السير العفو مشرفتنا ماشاء الله تخطيطج الاول حلو وممتاز الثاني ممتاز بعد بس الاخت تبغي دايركت والخطوط السعوديه ماتنزل ميونخ دايركت للأسف شكرا لج يا مشرفتنا وبارك الله فيج |
رد: محتاره في خط السير مشكوووووورين :yolks00260: بصراحه كل مخطط احلى من الثاني احترت زياده طيب ايش رأيكم الذهاب/ من جده الى ميلانو ٣ ايام لوقانو يوم واحد ونستأجر السياره انترلاكن ٣ايام بادن بادن يومين شتوتجارت يوم لان الآوت لت اظن اسمه ميتزقن رائع مشكور اخوي قطر قلتلي عليه ماكنت اعرفه العوده يا أتنازل عن موضوع الدايركت واروح ميونخ يومين وارجع منها جده يا اضطر ارجع من فرانكفورت |
رد: محتاره في خط السير اقتباس:
ياهلا ومرحبا اختي العفو الله يسلمج اي الجدول حلو وممتاز اي صح الاوت لت اسمه ميتزقن انا دايما اسميه ميتسغن هههه يعني الاوت لت مب على شكل سوق هي محلات كبيره تكون على الشارع والقريه حلوه وهاديه للتمشي ونبغي نشوف راي مشرفتنا شيريوك بالمخطط ميزه العوده من فرانكفورت انها بتكون اقرب اذا كنتي في بادن بادن من ميونخ ولانها تروح دايركت الى جده اذا ماعندج مشكله في الترانزيت توكلي على الله ورجعي من ميونخ للمعلوميه بالسياره من ميونخ الى فرانكفورت تقريبا 3 ساعاه و 45 دقيقه شوفي الي يناسبج اختي بالتوفيق |
رد: محتاره في خط السير ان شاءالله حستقر عالمخطط التالي 1/فرانكفورت (يوم الوصول والمبيت فيها ) 2/محتاره بين (بادن بادن -فرايبورغ-كولمار او اي مدينه ترشحوها اجلس فيها يومين) 3/انترلاكن 4ايام 4/ ميونخ 5 ايام (منها زياره الآوت لت) والعوده الى جده طبعا ترانزيت في باريس لغيت ميلانو المره الجايه ان شاءالله المسافه بين انترلاكن وميونخ تقريبا خمسه ساعات ( الطريق ممل ولا اوك :yolks00330: ) ولو في مدينه تستحق الزياره بينهم |
رد: محتاره في خط السير اقتباس:
ياهلا ومرحيا اختي مدينه بين انتر لاكن وميونخ تقريبا بنص المسافه هي بحيره كونستانس Konstanz بس لو تطلعين من انتر لاكن الى ميونخ الهاي وي ياخذج الناحيه من بحيره كونستانس لانها بحيره كبيره واسم المدينه الى راح تمرون عليها اسمها بريجنتس تقدرون ترتاحون فيها http://up.arabseyes.com/uploads2013/...8764361071.png العاب وهذا طريقكم الرئيسي بالبنفسجي http://up.arabseyes.com/uploads2013/...8779939981.png العاب وان شاء الله راجع وقت ثاني اشوف مخططج عدل بالتوفيق |
رد: محتاره في خط السير مشكور اخوي ان شاءالله استقر على خط سير مريح عشان ابدا الحجز |
رد: محتاره في خط السير العفو اختي ان شاء الله يااارب الحين شلون خط سيرج بعد التفكير على اساس نشوفه معاج |
رد: محتاره في خط السير مرحبا خط السير كل يوم ليا خط سير غير جالسه احاول قد ما اقدر انو مايكون المسافات بعيده لغيت انترلاكن الذهاب والعوده من فرانكفورت ٢فرايبورغ ١ ميونخ ٣زيلامسي ٤ميونخ ومنها للآوت لت والعوده محتاره يا ارجع من الآوت لت على ميونخ ومنها فرانكفورت او نبات ليله في شتوتقارت ومنها عالمطار ايهم افضل زيلامسي ولا انترلاكن اول مره نتنقل كذا دايما مدينه وحده وخلاص ان شاءالله تتم على خير |
رد: محتاره في خط السير خطكم حلو بس من ميونخ الرجعه افضل زيلامسي تؤدى بالغرض عن انترلاكن بسبب بعدها عن خط سيركم |
رد: محتاره في خط السير اقتباس:
مرحبتين اختي انا بعطيج خيارات ماقصر اخوي وخبيرنا بو طلال بيض الله وجهه انتي تبغين ترحين الاوت لت والاوت لت جنوب شتوتغارت وقريب منها اسمه ميتزغن قعدت اخطط واعصر مخي وطلعت بنتيجه اذا ماعجبج مخططي نشوف لج غيره وصدقيني حلوووو بأذن الله اختي من فرانكفورت تطلعين على فرايبورغ المسافه ساعتين ونص (270 كيلو ) وبعدها تطلعين من فرايبورغ الى ميونخ المسافه اربع ساعات ( 350 كيلو ) من ميونخ الى زيلامسي المسافه ساعتين ( 180 كيلو ) والعوده الى ميونخ من ميونخ الى اوت لت ميتزغن المسافه ساعتين وربع ( 220 كيلو ) بس تتسوقون في الاوت لت وبتحملون اغراضكم الى فرانكفورت والمسافه ساعتين ( 230 كيلو) المدد فرانكفورت يوم واحد ( يوم واحد ) فرايبورغ (3 ايام ) ميونخ ( يومين ) زيلامسي (3 ايام ) ميونخ (يومين ) فرانكفورت (يوم واحد ) المجموع 12 يوم اذا تحسين ان التنقلات كثيره نغيره انا خططت بهالطريقه لانج ماتبغين مسافات طويله لكن لو تقدرين وعادي عندج ترانزيت توكلي على الله ورجعي من ميونخ افضل |
رد: محتاره في خط السير مشكووور اخوي والله وانا عصرت مخي هههههههه تعبت لدرجه ابغى اكنسل توصلت لخط سير حلو انا بس محتاجه تشجيع للمناطق انها تستاهل وحلوه ذهاب فرانكفورت /فرايبورغ/انترلاكن/شتوتقارت عشان الآوت لت/ميونخ والعوده منها ايش رأيكم حسّيت انو اوك ؟؟ لان زيلامسي صراحه مو متحمسه لها كثير استبدلتها عشان القرب من ميونخ واسفه بجد تعبتكم معاي |
رد: محتاره في خط السير العفووووو اختي بالعكس تعبج راحه خلينا نغير لو الف مره لين نوصل حق مخطط يريحكم ان شاء الله انا اشوف مخططج حلو مع ان في رجعه شمال اشوي من انتر لاكن الى شتوتغارت لكن حلو لسبب ان المسافه مش بعيده لما بتروحون الى ميونخ والسبب الثاني ان الاوت لت وميونخ اخر منطقتين حق التسوق وتكون عندكم مرونه اكثر في الصرف والتسوق اطول مسافه من انتر لاكن الى شتوتغارت وهي 4 ساعات اما باقي المسافات كلها مناسبه جدا من ساعتين الى اقل من ساعتين هذا مخطط سير رحلتج اذا عندج اي ملاحظات خبرينا واكيد الخبراء ماراح يقصرون ويعطونا ملاحظاتهم http://up.arabseyes.com/uploads2013/...4879811081.png العاب |
رد: محتاره في خط السير خلاص ان شاءالله اكمل حجوزات واوافيكم بالجديد شكرًا لكم جميعا مع احتمال تغيير اوت لت متزنقن. لاوت لت ريموند بهولندا قريب من كولون واضيف كولون للرحله جزاكم الله خير |
| الساعة الآن 09:11 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO