|
اهل الخبره افيدوني السلام عليكم حابه استشير اهل الخبره ان شاءالله ناوين نسافر المانيا بتكون الروحه والرجعه من ميونخ السفره بالصيف 23/7 الى 13/8 وابي مشورتكم وش احط خطتي حابين ميونخ براغ وبرلين وفرانكفورت وأمستردام من خلال قرائتي لاحظت في ناس تمدح ب ا دن بادن وايضا تشوتغارت وهل هي مرور ولا مبيت ؟ افضل وايضا دوسلدورف وكولون والخطه قابله لتغير مدة الرحله 20 يوم وايضا ان شاءالله بأجر سياره وش نصايحكم تكون خطة السير |
هل سبق زرتوا أوروبا؟ |
لا |
|
جدول أبو غسان ممتاز. .. نصيحه ورأي شخصي مني ممكن تتقبلها وممكن لا. .. جمال أوروبا في اريافها وليس في مدنها. . ماانصحكم في برلين ودريسدن نظرا للعنصريه الشديدة ضد المسلمين. . ميونيخ يومين سالزبورغ أو ضواحيها يومين زيلامسي او كابرون 4 أيام انسبروك أو ضواحيها يومين انترلاكن أو ضواحيها 4 أيام فرايبورغ ثلاث أيام فرانكفورت أو فيس بادن أو منهايم يومين ميوينخ يوم. .. أو الاتجاه مباشره من ميونخ لحظت الوصول الي سالزبورغ وخلي ميوينخ في الأخير ثلاث أيام منها يوم لقارمش. .. |
السلام عليكم اشكر لكم ردكم وجزاكم الله خير جميعا واتمنى ان تكملون معاي لان عندي كم طلب ابي اقتراحات كيف تكون خطتي لاني كنسلت برلين وفرانكفورت وحابه ابدا احجز فنادق لذلك ايش في شي قريب من ميونخ ويكون حلو وفيه انشطه؟ خطتي الان ميونخ براغ دوسلدورف وديره في هولندابعدها محتاره كيف الترتيب بادن بادن ثم ريست ؟ عشان يورب بارك ثم قارمش ؟ و ودي ندخل النمسا سالزبروغ وكابرون لكن اشوف ناس كثيره تتكلم عن الرخصه والقياده ممنوعه هل هي ممنوعه لرخصه السعودين والرخصه الدوليه مسموحه ولا كيف ؟ وحابه تكون الرحله فيها تنوع يعني هل الخطه متشابهه ؟ ولا كويسه واذا في اي اقتراحات ياليت تنوروني واكون شاكره لكم |
في امكانية تعديل محظة العودة من ميونخ الى دوسلدورف او امستردام |
مع الاسف لا تمت حجوزات الطيران الذهاب والعوده ميونخ |
اذا أمكن التواريخ بالظبط وكم عددكم وهولندا إِيش ناوين تزون فيها |
اقترح تلغي دوسلدورف و امستردام بسبب طول الطريق وصول ميونخ واستلام السيارة ومباشرة الى قارمش او شوانجو او فوسن (3 ليالي) كونستانس (3 ليالي) انترلاكن (5 ليالي) رست (ليلتين) نوريمبيرغ (ليلتين) براغ (4 ليالي) ميونخ (ليلة) |
اقتباس:
العدد 11 شخص عائلتين وهولوندا النيه كان امستردام لكن لو في شي احلى بهولندا من امستردام اقترح علي جزاك الله خير |
اقتباس:
اشكر لك ردك جزاك الله خير لكن صعبه احذفها لان هذي اول زياره لنا والكل يمدح دوسلدورف احس خساره لو مارحنا , استفسار عندك فكره عن القياده بالنمسا ؟ كيف وضعها مع السعودين |
الظاهر لكم رغبة قوية على هولندا طيب فكرتوا تاخذوا طيارة من ميونخ الى دوسلدورف ونبدأ التخطيط من دوسلدورف أشوفه أسهل وأريح من المشوار بالسيارة من ميونخ الى هولندا والعودة ثاني الى ميونخ الرخصة السعودية والدولية الصادرة من السعودية لا زالت ممنوعة في النمسا |
ياهلا ومرحبا فيج اختي ماقصرو الاخوان بارك الله فيهم بالنسبه لجدول اخوي الغالي اخر فرصه بوغسان ممتاز جدا لكن راح يكون مجهود بسبب المسافات الطويله الحل اذا تبغين تزورين هالمناطق كلها يكون كالتالي : الوصول ميونخ والاقامه بمنطقه قريبه سأطرح خيارات لاحقا بعدها براغ ومن براغ طيران الى امستردام وتسكنون في قريه جيثورن Giethoorn روعه المنطقه انصحكم فيها وبقوه وبعدها مشوار السياره مره اخرى من امستردام او جيثورن الى دوسلدورف الى بادن بادن واخيرا ميونخ |
| الساعة الآن 04:28 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO