|
المانيا خط رحلة واستفسار حجاب [CENTER]السلام عليكم انا وزوجي نخطط لسفر لألمانيا في اوغست ان شاء الله ومدة السفر من 9-10 أيام وكم اليوميه من غير السكن مبدايا نبغاها بين ميونخ ومنطقة الغابات السوداء شفت تقسيم عجبني لاحد الاخوان اربع أيام لهذي المنطقه ايش تنصحونى خصوصا ان التنقل بيكون بسيارة نبغى أماكن قريبه من بعض وبنسبة للحجاب انا اول مرة ازور بلد اوربي مو مسلم فانا اسافر بعابيتي ونقابي مو ملونه اسود زي وضعي ببلدي وما عندي استعداد افاوض بالموضوع هل حاخذ راحتي ولى حتضايق اقصد من ناحية الشعب والأماكن العامه زي مدن الملاهي والأسواق [/CENTER] |
ياهلا فيج اختي اذا بغتي تروحين الغابه السواده الافضل تنزلون مطار فرانكفورت اقرب لكم السكن يكون في بادن بادن يومين وبخصوص النقاب والعبايه الامور طيبه انا زوجتي منقبه وعبايه وكثير من اهل الخليج نقاب وعبايه والامور طيبه ولا في اي مشاكل |
الله يعطيك العافيه تقصد انو مامدانا ع موينخ يعني ننزل في فرانكفورت ومنها نروح ع بادن بادن انا فكرت نستقر في فريبورغ ونطلع منها لكذا وجهه |
وعليكم السلام بالنسبة لوضع النقاب حمدلله ليس هناك اي مشاكل ربمما بعض النظرات من كبار السن خلي وصولكم ميونيخ وعوده فرانكفورت هل هناك إمكانيه زيادت الأيام يومين او ثلاث حاب أضيف لكم سويسرا ؟ |
ممكن الأصل احنا بنزور المانيا ون وي ومنها بنروح لاسطنبول يعني العودة للسعوديه حتكون من هناك بس ممكن نغير ونخليها المانيا ودولة معاها بس كطبيعه وريف احس بادن بادن كفايه نبغى مكان يكون فيه حياة اذا حذفنا إسطنبول يصير عدد الأيام 16 يوم او ممكن نخلي المانيا 10 ابام |
اقتباس:
|
up :60: |
مرحبا اختي وزعي ايامج مابين المانيا وسويسرا بما انج تبغين الطبيعه ميونخ ليلتين فرايبورغ 4 ليالي لوزيرن ليلتين انتر لاكن 6 ليالي ليلتين : اماجنيف او بحيره انسي والعوده من جنيف او ميلانو والعوده منها او زيوريخ والعوده منها بالنسبه للنقاب والعبايه ربي يثبتج وان شاء الله ماعندج مشاكل |
أفضل وصول ميوينخ ٤ ايام فوسن يومين انترلاكن ٥ ايام فرايبورغ ٣ ايام فرانكفورت يومين .. اخاف تأخذون ١٠ ايام ف المانيا وتندمون ع ٦ ايام في اسطنبول ( عوضوها بثلاث ايام او اربع في دبي ) |
وعليكم السلام ورحمة الله وبركاته أهلاً وسهلاً بك بيننا في بيتك الثاني أختي الغالية Hala من ناحية النقاب أطمنك عادي أنا رحت المانيا مرتين بالنقاب وما تعرضت حتى لنظرة استغراب ورحلة موفقة وتروحون وترجعون بالسلامة وحفظكم الله ورعاكم ويسر أموركم |
| الساعة الآن 12:04 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO