|
تغيرت الخطه هل انا على صواب السلام عليكم اسعد الله اوقاتكم بكل خير اخواني واخواتي مثل ما اننتو عارفين الكثير هذه السنه متوهق بسالفة الرخصة في النمسا وانا اولهم لان هذي السنه قلت ابي ازورها خلال سفرتي الى المانيا واجلس فيها اسبوع وتم حجز السكن لكن انا ماني مرتاح مع العلم ناس تقول ما يدققون رح وما عليك من احد ومثل ما انتو عارفين الواحد رايح يرتاح ماهو رايح يتمشكل مع مرور وغيره. على العموم الحين انا غيرت رائي وابي اكنسل النمسا من مخططي واخلي جلستي في المانيا علماً ان الوصول راح يكون فرانكفورت والعودة ميونخ وغيرت من النمسا الى منطقة اسمها شيخن Schechen تبعد ساعة عن ميونخ سؤالي يااحبابي هل اختياري اختيار موفق ... اذا كان نعم ما نصيحتكم لي ببرنامج لمدة اسبوع بها وما هي الاماكن التي يمكن الانطلاق لها بشكل يومي واما اذا كان خياري غير موفق واخطاءت فيه ارجو منكم التكرم بإرشاذي للصواب مشكورين وبين ايديكم مخططي كامل
|
وعليكم السلام ورحمة الله وبركاته والله يا ابو عبدالله ما اعرف المنطقة اللي ناوي عليها لكن شخصيا افضل قارمش Garmisch-Partenkirchen واشوفها خيار مناسب خصوصا لو حبيت تزور النمسا باستخدام المواصلات العامة وفي مدينة قريبة اسمها ميتنفالد Mittenwald شفتها في تقريي محترف اوروبا ومبين انها خيار ممتاز واذا تبغى اقرب لميونخ عندك باد تولز Bad Tِlz او توتزينج Tutzing |
انا مع كلام الخبير ابو مهاب بخصوص قارمش خيار مناسب جدا للسكن سنترها كويس وكمان فرايبورغ بس أسبوع كثيره ع فرايبورغ و schechen Schechen جميله مثل اغلب الارياف والبلدات سواء في سويسرا او النمسا وهناك الكثير على قولهم طب واختار واسكن الريف متشابه وجميل بس سكن أسبوع لا انصحك البلده صغيره انصحك وبقوه في قارمش دامك وصولك نصيحه لاتحرم نفسك من سويسرا وبالذات في الارياف حول انترلاكن كمان أسبوع ف فرايبورغ كثيره جدا لاانصحك قلل المده وكمان قلل الأسبوع الاخر وحط انترلاكن في جدولك |
اقتباس:
ابو مهاب مشاركت وردك على استفساري كرم منك ,,,, اسعدتني شخصياً بتقاريرك الجميلة اخي العزيز كلامك صحيح 100% واتفق معك وفعلاُ هي الخيار الاول لكن قارمش خيار الشقق بها قليل وانا دائماً في سفراتي يكون السكن للمبيت وباقي اليوم اكون خارجة اتجول بين احضان الطبيعة من الصباح الى الغروب اتنقل بحيث كل يوم اكون بمدينة محيطة بمقر سكني |
اقتباس:
استاذي الغالي شكراً لك على تكرمك برد على استفساري وانا معك وكنت متوقع ردك كونك صاحب خبرة كبيرة بالمناطق وكم يكفي لكل منطقة وافقك الرئي انني اعطيت فرايربورغ وشيخن كل وحدة اسبوع واجد لــــــــــكـــــــــــــن سويسرا في سفراتي السابقة يكون لها نصيب الاسد وتاخذ 75 الى 80 % من السفرة واولادي يقولون خلاص ملينا كل سنه نفس المكان ولا اخفي عليك اريد استكشاف المانيا وخاصة المناطق المحيطة القريبة من سويسرا والنمسا لذالك كان اختياري بهذا الشكل وبيني وبينك لست مقتنع بـ شيخي لكن قلت قريبة على النمسا وفرصة الواحد يمر عليها على قولت ابو مهاب بنقل العام لو الامور زنقت مشرفنا الغالي ما استغني عن مشورتكم عن منطقة بديلة بس تكون غير قارمش لان مثل ما وضحت الى اخي ابو مهاب ان خيارات السكن فيها بسيطة جدا ومحدود وما يمنع ان تكون منطقة حولها وحواليها تقبل تحياتي وشكرا لك مره اخرى دمت بخير ,,, |
ارشح لك شوانجاو او فوسن او Oberammergau عندي جدول اخر دامك ناوي تستكشف المانيا |
ماشاء الله ماقصرو الخبراء ابومهاب والجوكر جزاهم اله خير مرحبا اخوي بوعبدالله وايضا اشوف بحيره كونيجسي Kِnigssee في المانيا خيار ممتاز وموقعها مميز جدااا لو ناوي تروح بالمواصلات الى سالزورغ وزيلامسي والاماكن القريبه منه وموقعها متوسط مابين سالزبورغ وزيلامسي طبعا داخل الحدود الالمانيه http://www.arabtrvl.com/up/uploads/a...2482780451.png |
اقتباس:
ياسلام عليك خبيرنا :58:بس اهم شي يكون الجدول مناسب لمكان للوصول والمغادرة |
اقتباس:
يامرحبا ومسهلا فيك يالغالي فعلاً مكان البحيرة استراتيجي راح ابحث عنها واشوف معلوماتها والتوافر اللي فيها دمت بخير اخوي |
مرحبا اخوي ابوعبدالله السموحه اسم البحيره فيها حرف ناقص هذا الاسم الصح Konigsse |
اقتباس:
على راسي يالغالي ويكفي تفاعلك الطيب لا اخفي عليك بحثت على البحير بالام الاول وما طلع لكن عن طريق قوقل ماب تتبعت المنطقة وطلعتها شكراً على اهتمامك والله يسعدك وين ما تكون ومع من تحب |
خيار ابو سعد ممتاز تزور من خلالها سالزبورغ وبحيرتها وممكن ايضا تسكن حول بحيرات مثل Waginger see او Taching am see او Cheimsee او السكن في باد رايشنهال هناك خيارات كثيره وجميله بس الفكرة اللي بوصلها ان الارياف متشابهه وجهت نظري وبناء ع رغباتك في حبك للسكن ف الارياف والتنقل من خلالها البلدات هذي المذكوره اذا نويت تسكن فيها وزع بينها وبين السكن حول قارمش لان هناك أماكن سياحيه ممكن تزورها خلال السكن فيهم وهذا الامر لاتشيل همه الأهم تخطيط مسار لرحلتك ..... بالنسبة اختيارك لفرايبورغ مناسب جدا ايضا عندك ستراسبورغ وكولمار وأرشح لك فرايبورغ (هناك أرياف في الجانب الفرنسي جميله مثل ناتزويلير اذا حاب تسكن ف أرياف قريبه من فرايبورغ وجميله ارشح لك Triberg او شرامبرغ schramberg او Titisee بحيره ميوينخ جميله جدا تستحق ثلاث و اربع ليالي |
اقتباس:
الله يسعدك على المعلومات الجميلة وترشيحك للمناظق اضافة لي الكثير من المعلومات شكرا لك استاذي |
| الساعة الآن 10:46 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO