|
فندقنا في ميونخ Eurostars hotel ميونخ 2014 في رحلتنا الصيفيه بعد ماسكنا فتره في قرية كوخيم اللي ماتابع تقريري يتفضل ع هالرابط http://www.arabtrvl.com/vb/t915.html ومنتجعنا ع هالرابط http://www.arabtrvl.com/vb/t1053.html اتجهنا بعدها ع سويسرا لمدة اسبوع وبعدها سرنا ميونخ 3 أيام للتسوق وسكنا في فندق يوروستار وهو كان قريب من المارينز يعني يباله شوية مشي عجبني الفندق من ناحية نظافته وغرفه وعداله الكثير من المطاعم والبقالات وغيره والفندق من الفنادق اليديده اللي فتحت يمكن من سنتين او ثلاث نسيت متى بالضبط هذا رابط فندقهم Eurostars Book Hotel | Munich كان حجزنا عباره عن سويتين اناوبوعيسى سويت والعيال سويت بعطيكم صور سويتنا ومن جوجل ومن موقعهم تقدرون تشوفون صور أكثر بس حبيت أتشارك معاكم بتجربتي لعل وعسى تستفيدون منها http://i1050.photobucket.com/albums/...psd57d4159.jpg http://i1050.photobucket.com/albums/...psab9a23cc.jpg بلكونتنا http://i1050.photobucket.com/albums/...psea407f55.jpg http://i1050.photobucket.com/albums/...psfd803387.jpg http://i1050.photobucket.com/albums/...ps07658793.jpg http://i1050.photobucket.com/albums/...psddea1545.jpg http://i1050.photobucket.com/albums/...ps0c27260b.jpg الصراحه مول ماتهنيت في هالفندق والسبب اني لما وصلت ميونخ بدأ فيي المرض احتقان وسخونه وكنت أقاوم بالادويه عشان اطلع اتسوق وأيامها ماتسوقت عدل كنت احس بالارهاق وفي خلال هالايام سرنا يوم زيلامسي وسرنا أوت ليت وزرت أخويي في منطقته وتسوقت في المارين يعني وايد تعبت وأرهقت ولما كنت أوصل الغرفه يكون حيلي مهدود من المرض والتعب فمااستمتعت بسويتنا صوره للمارينز http://i1050.photobucket.com/albums/...psb817b4a9.jpg اتمنى انه عجبكم فندقنا :(114): |
رد: فندقنا في ميونخ Eurostars hotel أهلين بالمميزه هداوه شكرا لك على طرح تجربتك فندق جميل لكن ممكن يعيبه سعه النزلاء في الشقق الي فيه حيث ان أغلب الغرف والأجنحه لديهم لاتتسع لأكثر من شخصين ولاتحرمينا من جديدك في البوابه |
رد: فندقنا في ميونخ Eurostars hotel سكنته الصيف الي فات الفندق ممتاز والموظفين متعاونين جدا وحبوبين كان فترتها كاس العالم و مجهزين الكافي بشكل عجيب خصوصا لما تلعب ألمانيا العيب الوحيد انه الشارع الخلفي مليان بارات محلات مراهنات بعد الساعة ١٠ شوي مخيف الوضع |
رد: فندقنا في ميونخ Eurostars hotel تقرير رائع ومتميز كما هو انتي هداوه صبآحك خير هولمز |
رد: فندقنا في ميونخ Eurostars hotel حي الله هل ميونخ :D قدر الله و ما شاء فعل ... يمكن من كثر التنقلات إرهاق ... ما عليه بتعوضينها في المرات الياية .. ميونخ ما ينمل منها على مر العصور ;) يعطيج العافية يارب :(114): |
رد: فندقنا في ميونخ Eurostars hotel شكرا لذكر تجربتك وشكرا لاضافه ام ريم |
رد: فندقنا في ميونخ Eurostars hotel يعطيك العافية يا ام عيسى ميونخ حلوه بما تحمل |
رد: فندقنا في ميونخ Eurostars hotel الله يعطيك العافيه حقيقة أنا سكنته في نوفمبر الماضي 2014 وجميل ولكن صغر الغرف مزعج موقعه جميل ومصمم على شكل كتاب وممراته مليئة بالكتب الشهيره للقراءة المجانيه وأسمه يوروستار بوك لأنه في يوروستار أخر في ميونخ اسمه يوروستارز غراند سنترال https://images.eurostarshotels.com/E...lide5.1800.jpg شكرا لك ولما تقدمينه |
رد: فندقنا في ميونخ Eurostars hotel كانت لي تجربة للفندق في عام 2011 وكان جدا ًممتاز جدا وانصح فيه وافضل مافيةانه على شارع تكثر فيه المطاعم التركية والعربية والمسافة بين الفندق وساحة مارين بلاتز تقريبا مشي 10 دقايق يعطيك العافة يا ام عيسى |
رد: فندقنا في ميونخ Eurostars hotel أهلين بالمميزه هداوه شكرا لك على طرح تجربتك فندق جميل لكن ممكن يعيبه سعه النزلاء في الشقق الي فيه حيث ان أغلب الغرف والأجنحه لديهم لاتتسع لأكثر من شخصين ولاتحرمينا من جديدك في البوابه ياهلا وسهلا فيك العفو والله يقدرني واعطيكم المزيد اللي تستفيدون منه فندقنا مافيه شقق عباره عن غرف وسويتات أو أجنحه والجناح فيه منهم يتسع ل 3 أشخاص ومنهم ل 4 وكان جناح عيالي فيه 4 البنات في الغرفه ، وشغالتي وعبادي في الصاله ، وفي الصاله عندنا كنبتين يتحولون سرير ( يعني صوفا بيد ) ونحن جناحنا كذالك ممكن كنبة الصاله تتحول سرير والغرف وسيعه شوف كل الفنادق عموما عندهم أحجام من الغرف ، وعشان جيه لما أحجز دايما أشوف حجم الغرفه وألغب اللي أحجزهم لازم يكونون من 30 متر مربع وطالع سكنته الصيف الي فات الفندق ممتاز والموظفين متعاونين جدا وحبوبين كان فترتها كاس العالم و مجهزين الكافي بشكل عجيب خصوصا لما تلعب ألمانيا العيب الوحيد انه الشارع الخلفي مليان بارات محلات مراهنات بعد الساعة ١٠ شوي مخيف الوضع الصراحه قريت عن هالموضوع قبل لا أسافر بس ماشفت أي شي مريب يمكن لأنه مانتأخر وايد لين وقت متأخر وعموما اللي يسافر اوروبا الأفضل ينش بدري ويقضي اليوم كله في المشاوير ويرجع بدري اقتباس: المشاركة الأصلية كتبت بواسطة شارلوك هولمز http://www.arabtrvl.com/vb/traveler/...s/viewpost.gif تقرير رائع ومتميز كما هو انتي هداوه صبآحك خير هولمز صباحك ومساك نور وخير يارب اقتباس: المشاركة الأصلية كتبت بواسطة سوسو الصغيرة http://www.arabtrvl.com/vb/traveler/...s/viewpost.gif حي الله هل ميونخ :D قدر الله و ما شاء فعل ... يمكن من كثر التنقلات إرهاق ... ما عليه بتعوضينها في المرات الياية .. ميونخ ما ينمل منها على مر العصور ;) يعطيج العافية يارب :(114): الله يحييج ويعافيج ياسوسو الصراحه مرضت في نفس اليوم اللي ييت فيه والسبب انه قبلها بيوم كنت اتمشى ع بحيره من بحيرات سويسرا وكان الجو بارد وكلت أيس كريم واصبحت ثاني يوم فيي احتقان أنا وبنت عمي لأنها كانت ويايي ههههههههههههه وع حظنا انه هذا اليوم اللي ودعنا فيه سويسرا ويينا ميونخ شكرا لذكر تجربتك وشكرا لاضافه ام ريم العفو مديرنا بس مافهمت منو أم ريم يعطيك العافية يا ام عيسى ميونخ حلوه بما تحمل الله يعافيك ميونخ حلوه وانتي مشاركتك أحلى الله يعطيك العافيه حقيقة أنا سكنته في نوفمبر الماضي 2014 وجميل ولكن صغر الغرف مزعج موقعه جميل ومصمم على شكل كتاب وممراته مليئة بالكتب الشهيره للقراءة المجانيه وأسمه يوروستار بوك لأنه في يوروستار أخر في ميونخ اسمه يوروستارز غراند سنترال شكرا لك ولما تقدمينه الله يعافيك ويسلمك والعفو أخويي الصراحه اول مره اعرف هاي المعلومه كانت لي تجربة للفندق في عام 2011 وكان جدا ًممتاز جدا وانصح فيه وافضل مافيةانه على شارع تكثر فيه المطاعم التركية والعربية والمسافة بين الفندق وساحة مارين بلاتز تقريبا مشي 10 دقايق يعطيك العافة يا ام عيسى شكرا ع الاضافه وربي يعافيك ويسلمك يارب |
| الساعة الآن 01:37 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO