|
استفسارات عن مطار ميونيخ السلام عليكم عندي كذا استفسار عن مطار ميونيخ هذي اول سفره لي الى المانيا و النمسا سؤالي الاول كيف الإجراءات في مطار ميونيخ ؟ وهل يسألونا عن سبب الزياره و كم عدد الأيام ؟ في حال سألوني وانا مامعي لغة ، ايش الوضع ؟ السؤال المهم انا أغراضي كثيره حوالي 3 شناط هل فيه مشكله ؟ وايش الممنوعات اللي لازم ما اخذها معي ؟ سمعت ان ألعربيه اللي اشيل عليها الشناط بفلوس ؟ كيف الدفع و كم المبلغ ؟؟؟؟ أكون شاكر لكم على الإجابة |
وعليكم السلام ورحمة الله وبركاته إجراءات مطار ميونيخ سهلة عند مدقق الجوازات يسأل سؤال بسيط ليه مسافر المانيا تقول سياحة وعدد الليالي وبس حتى الي ماعندهم لغة سهاله عليهم وتخلص منه وتطلع لين تلاقون الشنط امامكم عكس مطاراتنا الوزن لا مافي مشكلة من مطار بلدك عند كونتر الشحن والتذاكر تدفع إن كان الوزن زايد وعند العودة للوطن نفس الطريقة مو ممنوع والممنوعات ماأدري مثل شنو تقصد عني خذيت كذا مرة حقيبة كاملة لعدة المطبخ من الأكل و الأواني وتكون بالشحن ونعم العربانة بمطارات أوروبا وحتى السوبرماركت عندهم بفلوس تدخل يورو في فتحة وتنفتح العربانة لك وعند الإنتهاء ترجعها مكانها ويطلع لك اليورو ورحلة موفقة بإذن الله |
اقتباس:
الممنوعات مثل الكريمات الشامبو وغرغرة الفم وجل الحلاقه والعطور ...الخ ما اقدر استخدم الماستر كارد عند سحب ألعربيه ؟ لان العملات اللي معي 5 و 10 و 20 و 100 يورو مامعي لا قروش ولا يورو واحد !!!! سؤالي الأخير اقدر اصرف فلوس كاش من صرافات المانيا ؟؟؟ |
تقدر تسحب بس يأخذ البنك عموله على كل سحبه بس اذا سحبت اسحب مبلغ كويس |
نعم الاغراض الي ذكرتها مو ممنوعة بالشحن بس ممنوعة بالحقيبة الي تدخلها معاك بالطائرة وفي المطار هناك مكينة تدخل ٥ يورو تطلع لك اليورو لا ماتستخدم ماستركات مثل ماتفضل اخونا درجه سياحية بس علشان ماتتدفع عمولة كل مرة تسحب مبلغ يكفي لأيام مو يوميا تسحب |
في مطار ميونخ عربات العفش بلاش اخذنا عربيتين وصلنا شنطنا للسيارة بالمواقف .وبالنسبة للأسئلة ما تتعدى سببالزيارة ومدة الجلوس . تذاكر العودة . وحجز الفندق |
| الساعة الآن 11:07 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO